پیغمبر اکرمؐ کے القاب اور کنیتوں کی فہرست

یہ مقالہ پیغمبر اکرم کے القاب و کنیتوں کی فہرست کے بارے میں ہے۔ پیغمبر اکرمؐ کی ذات سے آشنائی کے لئے مقالہ ، حضرت محمد صلی اللہ علیہ و آلہ دیکھئے۔

پیغمبرؐ اکرم کے بعض القاب پر مشتمل حلیہ نویسی : محمود، احمد، حمید، ماحٍ و حامد. سیروان برزنجی کا شاہکار حلیہ نوسی میں پیغمبر اکرمؐ یا بعض دفعہ امام علیؑ کے اوصاف کو خطاطی کی جاتی ہے۔

پیغمبر اکرمؐ کے القاب اور کنیتوں کی فہرست ان القاب اور کنیتوں کا مجموعہ ہے جو قرآن مجید، روایات اور شیعہ و سنی مآخذ میں ان کے ذریعے حضرت محمدؐ کی طرف اشارہ کرنے کے لئے استعمال ہوئے ہیں۔ احمد، محمد، محمود اور مصطفی پیغمبر اکرمؐ کے مشہور نام اور ابوالقاسم مشہور کنیت ہیں۔ علامہ مجلسی اپنی کتاب بحارالانوار میں مناقب ابن شہرآشوب سے نقل کرتے ہوئے قرآن میں رسول اللہؐ کے لئے ذکر شدہ 400 نام اور لقب ذکر کئے ہیں۔ اس موضوع پر بعض مستقل کتابیں لکھی گئی ہیں جن میں آنحضرتؐ کے ہزار سے زائد لقب اور صفات ذکر ہوئی ہیں۔

کنیتیں

شیعہ اور سنی کتابوں میں آنحضرتؐ کے لئے ذکر شدہ کنیتیں درج ذیل ہیں:

کنیت	معنا
ابوالقاسم	قاسم کا باپ۔ پہلا بیٹا قاسم کی پیدائش کے بعد آپ اس کنیت سے مشہور ہوئے۔ نیز یہ بھی کہا جاتا ہے کہ آپ چونکہ بہشت کو تقسیم کرنے والے ہیں اس لئے ابوالقاسم نام دیا گیا ہے۔ اور چونکہ پیغمبرؐ سب کے باپ ہیں اور سب میں امام علیؑ بھی شامل ہیں اور علیؐ قسیم النار و الجنۃ ہیں اور تو علی کے باپ ہونے کے لحاظ سے ابوالقاسم بھی ہیں۔
اَبُو اِبراہیم	، ابراہیم کے باپ
اَبُو الْاَرامِل	بیوہ عورتوں کے باپ، تورات میں اس کنیت سے پکارے گئے ہیں۔ یہ لقب پیغمبر اکرمؐ کا بیوہ عورتوں کیلئے باپ کی طرح مہربان ہونے کے معنی میں ہے۔
اَبُو الْاُمَّۃ	امت کے باپ
اَبُو الدُّرَّتَیْن	دو مروارید کے باپ؛ مروارید سے مراد حسنینؑ ہیں۔
اَبُو الرَّیْحانَتَیْن	دو ریحانہ کے باپ۔ ریحانہ سے مراد حسنینؑ ہیں۔ ریحانہ ہر خوشبودار جڑی بوٹی کو کہا جاتا ہے۔
اَبُو السِّبْطَیْن	دو سِبْط کے باپ۔ احادیث کی روشنی میں سبطین سے مراد حسنینؑ ہیں۔ سبط کو طائفہ اور امت کے معنی میں قرار دیا ہے۔ اس سے مراد یہ ہوسکتا ہے کہ پیغمبر اکرمؐ کی نسل حسنینؑ سے پھیلی ہے۔
اَبُو الطّاہر	طاہر کے باپ۔ طاہر سے مراد رسول اللہ کے بیٹے عبداللہ ہیں اور کہا جاتا ہے کہ وہ طیب و طاہر کے لقب سے جانے جاتے تھے۔
اَبُو الْمَساکین	مسکین‌ کے باپ
اَبُو النّورِ وَ الْاِشْراق	نور اور روشنی کے باپ۔ نور و اشراق سے مراد آپ کی بیٹی فاطمہ زہراءؑ، علم یا ایمان لیا گیا ہے۔

القاب

شیعہ اور سنی کتابوں کے مطابق قرآن اور حدیث میں پیغمبر اکرمؐ کے لئے ذکر شدہ صفات اور القاب میں سے بعض درج ذیل ہیں:

لقب	معنی
آخِرٌ فِی الْبِعْثَۃ	مبعوث ہونے والے پیغمبروں میں آخری پیغمبر۔
الآمِر	جو اللہ کے فرمان کے مطابق حکم دیتا ہے۔
أَفْصَحُ الْعَرَب	عربوں میں سب سے فصیح
اِبْنُ بَطْحَا وَ مَکَّۃ	بطحا اور مکہ کے فرزند
ابْنُ الذَّبِیحَیْن	اللہ کے لئے قربان ہونے والے (اسماعیل و عبداللہ) کے بیٹے
ابْنُ الْعَوَاتِک	عاتکوں کا بیٹا (پیغمبر اکرمؐ کی دادیوں میں قبیلہ ابو سلیم سے تین عورتیں عاتکہ کے نام سے تھیں۔ ایک روایت کے مطابق کسی ایک جنگ میں رسول اللہؐ نے تلوار چلاتے ہوئے خود کو اس نام سے معرفی کی اتھا۔ اس کی وجہ قبیلہ سلیم کی شجاعت بیان ہوئی ہے۔)
ابْنُ الْفَوَاطِم	فاطموں کا بیٹا۔ تاریخ یعقوبی کے مطابق چار فاطمہ آپ کی دادیوں میں موجود ہیں۔
اُذُنُ خَیْر	بہترین سننے والا۔ یہ اُذُن کی طرف اشارہ ہے۔
اَلرَّؤوف	مہربان
اَلرَّسُول	اللہ کا بھیجا ہوا
اَلرَّسُولُ الْمُسَدَّد	اللہ کی تائید سے بھیجا ہوا
اَلْمُدَّثِّر	چادر اوڑھنے والا۔ سورہ مدثر کی پہلی آیت کی طرف اشارہ ہے
اَلْمُزَّمِّل	کملی اوڑھنے والا۔ سورہ مزمل کی پہلی آیت کی طرف اشارہ ہے
اَلإِمَام	امام اور لوگوں کا پیشوار
اِمَامُ الْمُتَّقِین	متقی لوگوں کا پیشوا
اُمِّیّ	سبق نہ پڑھا ہوا
اَمین	امین و امانتدار
اَلْأَمِینُ الْمُنْتَخَب	منتخب امانتدار
اَلْاَوُلیٰ	مومنین کے لئے خود ان سے زیادہ سزاوار۔
اَلْبَشَر	بشر انسان کو کہا جاتا ہے۔ آپ کو بشر کہنے کی وجہ یہ ہوسکتی ہے کہ بشر میں آپؐ سب سے بہتر ہیں۔
بُشْرَی عِیسَی	وہ جس کے آنے کی عیسیؑ نے بشارت دی
اَلْبَشِیر	بشارت دینے والا
اَلتَّقِیّ	باتقوا
ثَانِی اثْنَیْن	یہ لقب لا تَحْزَنْ سے لیا گیا ہے جس کا معنی دو میں سے دوسرا کے ہیں جو ہجرت کے موقعے پر غار ثور میں چھپ گئے تھے۔
اَلْحاشِر	وہ جس کے پیچھے لوگ محشور ہوتے ہیں۔
اَلْحامِد	جو خدا کی حمد کرتا ہے۔
حَامِلُ الْہِراوَۃ	عصا والے۔ ایک روایت نبوی کے مطابق عصا انبیاءؑ کی سنتوں میں سے ایک ہے۔
حَبِیبُ اللَّہ	اللہ کا دوست
اَلْحَبِیبُ الْمُنْتَجَب	منتخب دوست
اَلْحَکِیم	حکیم
حَقٌّ مُبین	حقّ آشکار کرنے والا
حِرْزُ الاُمِّیَّین	سبق نہ پڑھوں کی پناہ، کہا جاتا ہے کہ تورات میں اس نام سے آپ کو یاد کیا گیا ہے۔
اَلْحَنیف	باطل سے روگردانی کرنے والا اور اسلام پر ثابت قدم رہنے والا
اَلْخاتَم	ختم کرنے والا؛ آخری پیغمبر
خَاتَمُ الْأَنْبِیَاء	آخری پیغمبر
خَاتَمُ النُّبُوَّۃ	نبوت کو اختتام تک پہنچانے والا
خَاتَمُ النَّبِیِّین	خاتم النبیین
خَلْقُ اللَّہ	مخلوق خدا
خَلِیفَۃُ اللَّہِ فِی الْأَرْض	روئے زمین پر اللہ کا خلیفہ اور جانشین
خَلیلُ اللہ	اللہ کا خلیل
خَیْرُ الْبَرِیَّۃ	اللہ کی مخلوق میں بہترین
خَیْرُ الْبَشَر	سب سے اعلی انسان
خِیَرَۃُ اللَّہ	اللہ کا منتخب
الدَّاعِی	لوگوں کو اللہ کی طرف دعوت دینے والا
دافِعُ جَیْشاتِ الاَباطیل	باطل شور شرابے کو دور کرنے والا
دَعْوَۃٌ إِبْرَاہِیمَ	ابراہیم کی دعا۔ ابتلائے ابراہیم میں حضرت ابراہیم کی دعا کی طرف اشارہ ہے
اَلذِّکْر	اللہ کی یاد؛ یعنی وہ شخص جس کی وجہ سے انسان کو خدا یاد آتا ہے۔
اَلرَّافِع	رفعت و بلندی عطا کرنے والا
رَاکِبُ الْجَمَل	اونٹ سوار۔ (توریت میں حضرت موسی کے دو پیغمبروں کا ذکر ہوا ہے ایک کو گدھے پر سوار ہونے والا اور دوسرے کو اونٹ پر سوار ہونے والے سے تعبیر کی ہے۔ پہلے سے مراد حضرت عیسی اور دوسرے سے مراد حضرت محمدؐ ہیں۔ کہا گیا ہے یہودیوں میں آنحضرتؐ کو اس صفت سے توصیف کی ہے کہ آپ حجاز میں آئیں گے اور اس وقت لوگ اکثر اونٹ کی سواری سے استفادہ کرتے تھے۔
الرَّحْمَۃ	مہربانی اور رحمت
رَحْمَۃُ الْعالَمِین	رحمت العالمین
رَحْمَۃٌ لِلْعالَمین	رحمت للعالمین
اَلرَّحِیم	مہربان
رَسولُ رَبِّ الْعالَمین	کائنات کے خالق کی طرف سے بھیجا ہوا۔
رَسولُ الرَّحْمَۃ	رسول رحمت۔ اس لقب کی وجہ یہ ہے کہ آنحضرتؐ کی رسالت در حقیقت رحمت اور مہربانی ہے۔
رَسُولُ الْحَمَّادِین	اس امت کے رسول جو زیادہ حمد کرتی ہے اور ہمیشہ اللہ کی حمد کرتی ہے۔
رَسولُ اللہ	اللہ کے بھیجے ہوئے
روحُ الْحَق	«الغار قلیطا» کا عربی ترجمہ ہے جس نام سے آنحضرتؑ کو انجیل میں پکارا ہے؛ یعنی حق و باطل کو جدا کرنے والا۔
زَیْنُ الْقِیَامَۃِ وَ نُورُہَا وَ تَاجُہَا	قیامت کی زینت اور نور و تاج
اَلسّائِح	روزہ دار
اَلسّابِق	جو سب سب سے آگے چلنے والا، باقی سب اس کے پیچھے چلتے ہیں۔ نیز سورہ قیامت کی دسویں آیت میں مذکور «اَلسّابِقون» کی طرف اشارہ بھی سمجھا جاتا ہے۔
اَلسِّرَاج	چراغ، چراغ ہدایت
سِراجٌ مُنیر	نورانی چراغ
سَیِّدُ الْمُرْسَلِین	تمام رسولوں کے سردار
اَلسَّیِّد	آقا و سرور
سَیِّدُ وُلْدِ آدَم	بنی آدم کے سردار
اَلشّافِع	شفاعت کرنے والا
اَلشّاہِد	گواہ، قیامت کے دن گواہی دینے والا
اَلشَّفیع	شفاعت کرنے والا
شَفیعُ المُذْنِبین	گناہگاروں کے شفیع
شَفِیعُ مَنْ فِی الدَّارَیْن	اہل دنیا و آخرت کی شفاعت کرنے والے
اَلشَّمْس	سورج
شَمْسٌ بَیْنَ الْقَمَرَیْن	دو چاند کے درمیان سورج
اَلشَّہِید	شہید و شاہد اور گواہ
اَلصَّاحِب	ہمراہ، ہمنشین
صاحِبُ الْجَبِینِ الْأَزْہَر	چمکتی پیشانی کے مالک
صاحِبُ التَّاجِ وَ الْمِغْفَر	تاج اور خود کے مالک، شجاع اور دلاور، دشمنوں سے جنگ میں مرد میدان
صاحِبُ الْحَسَبِ الْأَطْہَر	پاک ترین اصل اور حَسَب و نَسَب والا
صاحِبُ الْخَدِّ الْأَقْمَر	درخشان چہرہ والا
صاحِبُ الْخُطْبَۃِ وَ الْمِنْبَر	خطیب اور اہل منبر
صاحِبُ الدِّینِ الْأَظْہَر	برترین دین والے، جو اللہ کی طرف سے لوگوں کے لئے لے آیا ہے۔
صاحِبُ اللِّوَاءِ یَوْمَ الْقِیَامَۃ	قیامت کے دن کے علمدار
صاحِبُ الْمَلْحَمَۃ	حماسہ خلق کرنے والے
صاحِبُ النَّسَبِ الْأَشْہَر	مشہور ترین نسب والے۔ کسی کا حسب ان سے زیادہ اچھا نہیں۔
صاحِبُ الْوَجْہِ الْأَنْوَر	نورانی چہرے والا
صاحِبُ الوَقارِ وَ السَّکینہ	آرام و باوقار
صاحِبُ المَقامِ الْمَحمود	اچھے مقام و مرتبے والے، اللہ کے ہاں جس کے لئے مقام محمود ہے۔
اَلصّادق	سچا
اَلصِّدْق	سچا، سچائی کا مجسمہ
اَلصِّراطُ الْمُسْتَقیم	صراط مستقیم؛ سیدھا راستہ
صَفِیُّ اللَّہ	اللہ کا منتخب
الصَّفِیُّ الْمُقََرَّب	اللہ کا منتخب شدہ مقرب
اَلضَّحوک	زیادہ ہنس مکھ
اَلطّاہر	پاک
طٰہٰ	قرآن کے حروف مقطعہ میں سے ایک، روایت کے مطابق پیغمبر اکرمؐ کا ایک نام ہے جس کا معنی «یا طالِبُ الْحَقِّ الْہادی اِلَیْہ؛ ترجمہ: «اے اس کی طرف حق و ہدایت طلب کرنے والے»۔
اَلطَّیِّب	پاک و پاکیزہ
اَلظّاہر	آشکار
اَلْعابد	عبادت کرنے والا
اَلْعاقب	جس کے بعد کوئی پیغمبر نہیں
اَلْعَامِل	اہل عمل
اَلْعَبْد	بندہ
عَبْدُ اللَّہ	اللہ کا بندہ
اَلْعَبْدُ الْمُؤَیَّد	تائید شدہ بندہ؛ جس بندے کی اللہ نے تائید کی ہے۔
اَلْعُرْوَۃْ الْوُثْقیٰ	مضبوط رسی
اَلْعَطوف	مہربان
اَلْعَلِیّ	برتر؛ بلند مرتبہ
اَلْغَوْث	فریاد سننے والا
اَلْغَیْث	بارش؛ آپ کی سخاوت کی وجہ سے بارش کا نام دیا گیا ہے۔
فاروق	حق و باطل کے درمیان فرق ڈالنے والا
اَلْفَتّاح	زیادہ فتح کرنے والا
اَلْفاتح	کامیاب ہونے والا، فاتح
قائِدُ الْغُرِّ الْمُحَجَّلِین	بےنظیر انسانوں کے پیشوا
قابِلُ الْہَدِیَّۃ	ہدیہ قبول کرنے والا
قاسِم	تقسیم کرنے والا
اَلْقتّال	تجاوز کرنے والے دشمن کو قتل کرنے والا
اَلْقُثَم	دو معانی ذکر ہوئے ہیں۔ «جامع و کامل» اور «زیادہ عطا بخشنے والا»۔
قَدَمُ صِدْق	خوش‌نام؛ جس کا ماضی روشن رہا ہے
اَلْقَمَر	چاند
اَلْقَسْم	جو لوگوں میں ہدیہ وغیرہ تقسیم کرتا ہے۔
اَلْکافی	جو لوگوں کے لئے کافی ہے اور دوسروں سے بےنیاز کرتا ہے۔
اَلْکَرِیم	شریف و بزرگوار
اَلْماحی	خدا جس کے ذریعے کفر کو نابود کرتا ہے۔
مَأْمُون	صالح اور نیک، قابل اطمینان، لوگ ان کی شر سے خود کو امان میں سمجھتے ہیں۔
اَلْمُؤْمِن	مؤمن
اَلْمُبَارَک	مبارک؛ بابرکت۔
مُبارَکُ الْاَمر	جو بابرکت اوامر کا حکم دیتا ہے۔
اَلْمُبَشِّر	بشارت دینے والا
اَلْمُبَیِّن	آشکار کرنے والا
اَلْمُتَبَسّم	مسکرانے والا
اَلْمُتَوَکِّل	اللہ پر توکل کرنے والا
اَلْمُجْتَبیٰ	منتخب شدہ
اَلْمُجِیر	پناہ دینے والا
اَلْمُحَرِّم	خدا کی حرام کردہ چیزوں کو حرام کرنے والا
مُحَرِّمُ الْمَیْتَۃ	مردار اور نجاست کو حرام کرنے والا
مُحَرِّمُ الْخَبَائِث	برائی اور ناپاکی کو حرام کرنے والا
اَلْمُحَلِّل	حلال کرنے والا
مُحَلِّلُ الطَّیِّبَات	پاک چیزوں کو حلال کرنے والا
مُحْیِ السُّنَّۃ	سنت کو زندہ کرنے والا
اَلْمُخْتار	مختار، جس کو اللہ نے انتخاب کیا ہے۔
اَلْمُذَکِّر	یاد دلانے والا؛ جو انسان کو اللہ اور آخرت کی یاد دلاتا ہے۔
اَلْمُرْسَلُ	اللہ کا بھیجا ہوا۔
اَلْمُزَکّی	جس نے امت کو شرک اور بت پرستی سے پاک کیا ہے۔
اَلْمُشَفَّع	جس کی شفاعت قبول ہوتی ہے۔
اَلْمُصَدِّق	تصدیق کرنے والا؛ جس نے سابقہ انبیاء کی تصدیق کی۔
اَلْمُصْلِح	اصلاح کرنے والا مصلح
اَلْمُطاع	جس کی اطاعت کی جاتی ہے؛ لوگ جس کی بات سنتے ہیں۔
اَلْمُعَلِّم	انسانوں کا معلم
اَلْمُعَلَّی	جو دوسروں سے اعلی ہے۔
مِفْتَاحُ الْجَنَّۃ	بہشت کی چابی
اَلمُقْتَرِب	اللہ کا مقرب («ثُمَّ دنا فَتَدَلّی، فکانَ قابَ قَوْسَیْنِ اَو اَدْنی، دنواً وَ اقْتِراباً مِنَ الْعَلیِّ الْاَعْلی؛ رسول اللہ شب معراج نزدیک سے نزدیک تر ہوئے پھر اللہ کے مقام اعلی سے دو کمان کے برابر قریب ہوئے)
اَلْمُقَفِّی	آخری پیغمبر؛ جو تمام انبیاء کے بعد آیا ہے اور اس کے بعد کوئی پیغمبر نہیں آئے گا۔
اَلْمَکین	اللہ کے ہاں جس کا مقام بڑا ہے۔
اَلْمُنْذِر	ڈرانے والا؛ جو لوگوں کو آخرت کے عذاب سے ڈراتا ہے۔
اَلْمَنْصُور	کامیاب؛ جس کی مدد کی گئی ہے
اَلْمُنِیر	روشن کرنے والا
اَلْمُوَجَّہ	منزلت والے
اَلْموقِف	حدیث کے مطابق، قیامت کے دن اللہ کے ہاں لوگوں کو روکبر اساس روایت، بہ معنای کسی کہ در روز قیامت مردم را نزد خدا متوقف کردہ و نگہ می‌دارد.
اَلْمُہَاجِر	مہاجر، اللہ کی طرف ہجرت کرنے والا
اَلْمُہْداۃ	ہدیہ میں دیا ہوا
اَلْمُہَیْمِن	غالب و مقتدر
اَلنّاشِر	اسلام پھیلانے والا
اَلنّاصِح	نصیحت کرنے والا
اَلنَّاہِی	نہی کرنے والا
اَلنَّبی	پیغمبر
اَلنَّبِیُّ الْأُمِّیّ	امّی رسول
نَبِیُّ التَّوْبَۃ	توبہ کا پیامبر
نَبِیُّ الرَّحْمَۃ	رحمت کا پیغام دینے والا
نَبِیُّ الْمَلْحَمَۃ	حماسی پیغام دینے والا یا صلاح و دوستی کا پیغام دینے والا
النَّبِیُّ الْمُہَذَّب	مہذب اور مؤدب پیغمبر
اَلنَّجْم	ستارہ
اَلنَّجْمُ الثّاقِب	وہ چمکتا ستارہ جو اندھیرے کو چیرتا ہے۔
نَجِیُّ اللہ	اللہ سے نجوا کرنے والا
اَلنَّذِیر	ڈرانے والا اور آگاہ کرنے والا
اَلنِّعْمَۃ	نعمت
نِعْمَۃُ اللَّہ	نعمت خدا
اَلنَّقیب	سرپرست
اَلنُّور	نور
نون	قرآن کے حروف مقطعہ میں سے ایک ہے۔ بعض روایات کے مطابق یہ پیغمبر اکرمؐ کے ناموں میں سے ایک ہے۔ بعض نے اس سے مراد علم منتقل کرنے والا لیا ہے۔
اَلْواضِعُ	جو جاہلیت اور بےجا تکلفات کو ختم کرتا ہے۔
واضِعُ الْاِصْرِ وَ الْاَغْلَال	آزادی دینے والا؛ جو غلامی کی زنجیروں کو توڑ دیتا ہے اور مشکلات آسان کردیتا ہے۔
اَلْوَفیّ	وہ انسان کامل جس نے پانے عہد کو وفا کیا ہے۔
اَلْہَادی	ہدایت کرنے والے
ہَدِیَّۃُ اللہ	ہدیہ الہی
یٰس	یاسین. حروف مقطعہ، روایات کی روشنی میں یہ حروف پیغمبر اکرمؐ کے اسامی میں سے ایک اسم ہے جوسانچہ:عربی متن؛ یعنی اے وحی سننے والے کے معنی میں ہیں۔

مونوگراف

پیغمبر اکرمؐ کے القاب کے بارے میں لکھی جانے والی کتابوں میں سے بعض درج ذیل ہیں:

• القابُ الرَّسول و عِتْرَتِہ، جو شیعہ محدث، قطب راوندی سے منسوب ہے، جو مجموعۃ نفیسۃ فی تاریخ الائمۃ کے ضمن میں 1422ھ کو چھپ کر منظر عام پر آئی ہے۔
• اسماءُ الرَّسولِ المُصطفی و القابُہُ و کُناہُ و صفاتُہ، مؤلف عباس تبریزیان، تین جلدوں پر مشتمل ہے جس میں ہزار اسم، لقب اور صفات ذکر ہوئی ہیں۔ اور الف با کی ترتیب سے مرتب ہوئی ہے۔ یہ کتاب 1423ھ کو بیروت میں زیور طبع سے آراستہ ہوئی۔

اَسماءُ النَّبی لُغَۃً و اِصْطِلاحاً مؤلف محمدعارف نعیمی، اس کتاب میں ہزار اسم ذکر ہوئے ہیں۔ و اَسماءُ النَّبی فِی الْقرآنِ وَ السُّنَّہ، مؤلف: عاطف قاسم امین ملیجی، اس کتاب میں 29 مشہور نام ذکر ہوئے ہیں۔