صادق (لقب)

صادق، حضرت امام صادقؐ کا مشہور ترین لقب ہے۔ امام جعفر صادقؐ اپنی رفتار و کردار و گفتار میں پائی جانے والی صداقت کی وجہ سے اس لقب سے یاد کئے جاتے ہیں۔ اسی طرح سے یہ بھی کہا گیا ہے کہ کیونکہ آپ کی زندگی میں کوئی لغزش اور خطا نہیں تھی اس لئے آپ کو صادق لقب دیا گیا۔

امام سجاد ؑ سے ایک روایت کی بنیاد پر چھٹے امام کو اس لئے صادق کہا جاتا ہے تاکہ جعفر کذاب سے متمایز کیا جا سکے۔ اس روایت کی رو سے امام زین العابدینؑ سے پوچھا گیا کہ کیوں آسمان والے چھٹے امام کو صادق کہتے ہیں؟ جب کہ آپ سبھی (ائمہ معصومین) صادق اور سچ بولنے والے ہیں؟

امام نے جواب دیا: میرے والد نے اپنے جد رسول خدا ؐ سے خبر نقل کی ہے کہ جب میرا فرزند «جعفر بن محمد بن علی بن حسین» پیدا ہوگا تب اس کا نام صادق رکھنا؛ کیونکہ اس کے پانچویں بیٹے کا نام جعفر ہوگا اور وہ امامت کا جھوٹا دعویٰ کرے گا اور وہ خدا کے نزدیک جعفر کذاب اور خدا پر جھوٹ باندھنے والا ہوگا۔

بعض کے مطابق امام صادقؑ کو یہ لقب ان کے زمانہ میں قیام کرنے سے پرہیز کی وجہ سے دیا گیا؛ کیونکہ اس زمانہ میں جو بھی لوگوں کو اپنے گرد جمع اور حکومت کے خلاف قیام کرنے کے لئے تشویق کرتا تھا لوگ اسے کذاب (چھوٹا) کہتے تھے۔

متعلقہ مضامین

• باقر العلوم
• کاظم
• رضا