نماز امام زمان

نماز امام زمان دو رکعت پر مشتمل ہے جس میں سورہ حمد کی آیت إیاكَ نَعْبُدُ وَ إیاكَ نَسْتَعین کو سو(100) مرتبہ پڑھا جاتا ہے ۔مسجد جمکران کے اعمال میں بھی اسے ذکر کیا گیا ہے۔

کیفیت نماز

نماز امام زمان(عج) دیگر مستحب نمازوں کی مانند دو رکعتی ہے۔ اسکی ہر رکعت میں سورہ فاتحہ کے دوران إیاكَ نَعْبُدُ وَ إیاكَ نَسْتَعین کو سو مرتبہ تکرار کرتے ہیں پھر سورہ مکمل پڑھنے کے بعد سورہ توحید پڑھی جاتی ہے۔ بعض مصادر میں رکوع و سجده کے ذکر کو سات بار تکرار کرنا مذکور ہے۔ جبکہ بعض منابع میں کوئی مخصوص تعداد ذکر نہیں ہوئی ۔

نماز کے اختتام پر ایک مرتبہلا إلهَ اِلّا الله کہے اور تسبیحات حضرت زہرا (س) پڑھی جائے پھر سجدے میں سو مرتبہ صلوات پڑھے ۔

مسجد جمکران کے متعلق حسن بن مثلہ کی حکایت میں اسی نماز کا ثواب بیت اللہ میں نماز پڑھنے کے برابر ذکر ہوا ہے۔

سند نماز

سید بن طاووس نے اس نماز کو اپنی دو کتابوں میں نقل کیا ہے:

• کتاب جمال الاسبوع میں کسی سند کے بغیر
• کتاب مہج الدعوات میں امام زمانہ کی توقیع سے استناد کیا ہے کہ جسے امین الاسلام طبرسی کی کتاب کنوز النجاح میں ذکر کیا ہے . کنوز النجاح میں اسکی سند اسطرح مذکور ہے: احمد بن الدَّربِی نے خَزامَہ سے اور وہ ابی عبدالله حسین بن محمد بزوفری سے اور وہ ناحیہ مقدسہ سے .

کفعمی(م.۹۰۵ھ) نے اپنی کتاب البلد الامین میں بھی کنوز النجاح سے نقل کی ہے ۔

• علامہ مجلسی نے بحارالانوار میں حکایت حسن بن مثلہ کی حکایت اور مسجد جمکران کی تعمیر کے ضمن میں ذکر کتاب تاریخ قم سے نقل کرتے ہیں ۔

بعض منابع میں یہ نماز روایت کے عنوان سے منقول نہیں ہے:

• الدعوات قطب راوندی(م.۵۷۳ق)،
• ہدایۃ الامۃ شیخ حر عاملی(م.۱۱۰۴ھ)

نماز حاجت

مہج الدعوات اور البلد الامین میں ناحیہ مقدسہ کی جانب سے توقیعی کا یہ مضمون آیا ہے :

جو بھی خدا سے کوئی حاجت رکھتا ہے وہ شب جمعہ آدھی رات گزرنے کے بعد غسل کرے اور اور مذکورہ بالا نماز ادا کرے پھر اسکے بعد اس نماز کی مخصوص دعا پڑھے اور خدا سے اپنی حاجت طلب کرے ۔یہ نماز مفاتیح الجنان میں ذکر ہوئی ہے ۔

سید بن طاووس نے جمال الاسبوع میں کہا ہے: اس نماز کے بعد الهی عَظُمَ البَلاء... کی دعا کو پڑھا جائے ۔دانشنامہ امام مہدی کے مؤلفین معتقد ہیں کہ یہ نماز اور دعا جو بھی سند رکھتی ہو اور اس نماز کی کیفیت سید ابن طاؤس کی طرف سے ہے ۔