کوہ رضوی

کوہ رَضْویٰ، مدینہ کے قریب اس پہاڑ کو کہا جاتا ہے جسے بعض شیعہ احادیث میں زمانہ غیبت میں امام زمانہ(عج) کا محل زندگی قرار دیا گیا ہے۔ دعائے ندبہ کے ایک جملے میں اس پہاڑ کی طرف اشارہ کیا گیا ہے:

لَیتَ شِعْرِی أَینَ اسْتَقَرَّتْ بِک النَّوَی بَلْ أیُّ أَرْضٍ تُقِلُّک أَوْ ثَرَی، أَ بِرَضْوَی أَوْ غَیرِھا أَمْ ذِی طُوًی (ترجمہ: اے کاش مجھے معلوم ہوتا کہ آپ کہاں تشریف رکھتے ہیں؟ اور کس سر زمین میں ہم آپ کو تلاش کریں؟ آیا کوہ رضوی پر زندگی بسر کرتے ہیں؟ یا کسی اور جگہ یا ذی طوی میں؟)

کوہ رضوی کوہ تہامہ میں سے ہے جو مکہ اور مدینہ کے درمیان شہر ینبع البحر کے شمال مشرق میں واقع ہے۔ سرخ رنگ کا یہ پہاڑ دریا کے ساحل سے ملا ہوا ہے۔ اس پہاڑ اور دریا کے درمیان کوئی آبادی نہیں ہے۔ کہا جاتا ہے کہ کوہ رضوی ایک بلند و بالا پہاڑ ہے جہاں پانی اور درخت وافر مقدار میں موجود ہیں۔

محمد بن حنفیہ کی مہدویت کے قائلین اس بات کے معتقد تھے کہ وہ بھی اسی پہاڑ میں رہتے ہیں۔