سورہ روم

ویکی شیعہ سے
یہاں جائیں: رہنمائی، تلاش کریں
عنکبوت سورۂ روم لقمان
سوره روم.jpg
ترتیب کتابت: 30
پارہ : 21
نزول
ترتیب نزول: 84
مکی/ مدنی: مکی
اعداد و شمار
آیات: 60
الفاظ: 820
حروف: 3472

سوره روم [سُوْرَةُ الرُّومِ] کو روم کے مقابلے میں ایران کی شکست کی غیبی خبر کی وجہ سے اس نام سے موسوم کیا گیا ہے۔ حروف مقطعہ سے شروع ہونے والی سورتوں میں سولہویں سورت ہے اور حجم و کمیت کے لحاظ سے تقریبا چھوٹی سورت ہے اور سور مثانی کے زمرے میں آتی ہے۔

سوره روم

اس سورت کی وجۂ تسمیہ یہ ہے کہ اس میں روم کے ساتھ جنگ میں ایران کی شکست کی پیشین گوئی کی گئی ہے۔ حروف مقطعہ کے بعد [لفظ غُلِبَتْ کے بعد] لفظ "روم" بروئے کار لایا گیا ہے یہ سولہویں سورت ہے جس کا آغاز حروف مقطعہ [=الم: الف لام میم] سے ہوا ہے؛ ترتیب مصحف کے لحاظ سے قرآن کی تیسویں اور ترتیب نزول کے لحاظ سے چوراسی ویں سورت ہے؛ مکی ہے اور قراءِ مکہ و مدینہ کے قول کے مطابق اس کی آیات کی تعداد 59 اور دیگر قراء کے بقول، 60 ہے اور مؤخر الذکر قول زیادہ مشہور اور معمول ہے۔ اس سورت کے الفاظ کی تعداد 820 اور حروف کی تعداد 3472 ہے۔ حجم و کمیت کے اعتبار سے سور مثانی کے زمرے میں آتی ہے اور تقریبا ایک حزب [یا ایک چوتھائی پارے] پر محیط ہے۔

مفاہیم

اس سورت کے احکام میں سودخوری سے نہی اور غریبوں اور مسکینوں کی دستگیری جیسے احکام شامل ہیں اور اس کے دیگر موضوعات کچھ یوں ہیں:

  • بعض قوانین خلقت اور اللہ کی بعض سنتوں کی تشریح و توصیف؛
  • انسانوں کے درمیان زوجیت، اور فطری رحمت و مودت کا مسئلہ؛
  • شب و روز، زبانوں اور رنگوں کا فرق،
  • بارش کا نزول اور بارش کے پانی سے مردہ زمین کا زندہ ہوجانا؛
  • خلاؤں میں زمین و آسمان کا قوام و استقرار؛
  • فتنہ و فساد کے ظاہر ہونے میں انسانی اعمال کا اثر۔ بالفاظ دیگر فتنہ و فساد کا ظہور انسان کے اعمال کا کیفر ہے؛
  • اختلاف و انتشار اور جماعت پرستی کا مسئلہ اور دین اور معاشرے میں اس کے نقصانات اور اس بات کی طرف اشارہ کہ ہر جماعت خوش ہے ان چيزوں سے جو اس کے پاس ہے۔[1]

متن سورہ

سورہ روم مکیہ ـ نمبر 30 - آیات 60 - ترتیب نزول 84
بِسْمِ اللّهِ الرَّحْمَنِ الرَّحِيمِ

الم ﴿1﴾ غُلِبَتِ الرُّومُ ﴿2﴾ فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ ﴿3﴾ فِي بِضْعِ سِنِينَ لِلَّهِ الْأَمْرُ مِن قَبْلُ وَمِن بَعْدُ وَيَوْمَئِذٍ يَفْرَحُ الْمُؤْمِنُونَ ﴿4﴾ بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ ﴿5﴾ وَعْدَ اللَّهِ لَا يُخْلِفُ اللَّهُ وَعْدَهُ وَلَكِنَّ أَكْثَرَ النَّاسِ لَا يَعْلَمُونَ ﴿6﴾ يَعْلَمُونَ ظَاهِرًا مِّنَ الْحَيَاةِ الدُّنْيَا وَهُمْ عَنِ الْآخِرَةِ هُمْ غَافِلُونَ ﴿7﴾ أَوَلَمْ يَتَفَكَّرُوا فِي أَنفُسِهِمْ مَا خَلَقَ اللَّهُ السَّمَاوَاتِ وَالْأَرْضَ وَمَا بَيْنَهُمَا إِلَّا بِالْحَقِّ وَأَجَلٍ مُّسَمًّى وَإِنَّ كَثِيرًا مِّنَ النَّاسِ بِلِقَاء رَبِّهِمْ لَكَافِرُونَ ﴿8﴾ أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ كَانُوا أَشَدَّ مِنْهُمْ قُوَّةً وَأَثَارُوا الْأَرْضَ وَعَمَرُوهَا أَكْثَرَ مِمَّا عَمَرُوهَا وَجَاءتْهُمْ رُسُلُهُم بِالْبَيِّنَاتِ فَمَا كَانَ اللَّهُ لِيَظْلِمَهُمْ وَلَكِن كَانُوا أَنفُسَهُمْ يَظْلِمُونَ ﴿9﴾ ثُمَّ كَانَ عَاقِبَةَ الَّذِينَ أَسَاؤُوا السُّوأَى أَن كَذَّبُوا بِآيَاتِ اللَّهِ وَكَانُوا بِهَا يَسْتَهْزِؤُون ﴿10﴾ اللَّهُ يَبْدَأُ الْخَلْقَ ثُمَّ يُعِيدُهُ ثُمَّ إِلَيْهِ تُرْجَعُونَ ﴿11﴾ وَيَوْمَ تَقُومُ السَّاعَةُ يُبْلِسُ الْمُجْرِمُونَ ﴿12﴾ وَلَمْ يَكُن لَّهُم مِّن شُرَكَائِهِمْ شُفَعَاء وَكَانُوا بِشُرَكَائِهِمْ كَافِرِينَ ﴿13﴾ وَيَوْمَ تَقُومُ السَّاعَةُ يَوْمَئِذٍ يَتَفَرَّقُونَ ﴿14﴾ فَأَمَّا الَّذِينَ آمَنُوا وَعَمِلُوا الصَّالِحَاتِ فَهُمْ فِي رَوْضَةٍ يُحْبَرُونَ ﴿15﴾ وَأَمَّا الَّذِينَ كَفَرُوا وَكَذَّبُوا بِآيَاتِنَا وَلِقَاء الْآخِرَةِ فَأُوْلَئِكَ فِي الْعَذَابِ مُحْضَرُونَ ﴿16﴾ فَسُبْحَانَ اللَّهِ حِينَ تُمْسُونَ وَحِينَ تُصْبِحُونَ ﴿17﴾ وَلَهُ الْحَمْدُ فِي السَّمَاوَاتِ وَالْأَرْضِ وَعَشِيًّا وَحِينَ تُظْهِرُونَ ﴿18﴾ يُخْرِجُ الْحَيَّ مِنَ الْمَيِّتِ وَيُخْرِجُ الْمَيِّتَ مِنَ الْحَيِّ وَيُحْيِي الْأَرْضَ بَعْدَ مَوْتِهَا وَكَذَلِكَ تُخْرَجُونَ ﴿19﴾ وَمِنْ آيَاتِهِ أَنْ خَلَقَكُم مِّن تُرَابٍ ثُمَّ إِذَا أَنتُم بَشَرٌ تَنتَشِرُونَ ﴿20﴾ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ ﴿21﴾ وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآيَاتٍ لِّلْعَالِمِينَ ﴿22﴾ وَمِنْ آيَاتِهِ مَنَامُكُم بِاللَّيْلِ وَالنَّهَارِ وَابْتِغَاؤُكُم مِّن فَضْلِهِ إِنَّ فِي ذَلِكَ لَآيَاتٍ لِّقَوْمٍ يَسْمَعُونَ ﴿23﴾ وَمِنْ آيَاتِهِ يُرِيكُمُ الْبَرْقَ خَوْفًا وَطَمَعًا وَيُنَزِّلُ مِنَ السَّمَاء مَاء فَيُحْيِي بِهِ الْأَرْضَ بَعْدَ مَوْتِهَا إِنَّ فِي ذَلِكَ لَآيَاتٍ لِّقَوْمٍ يَعْقِلُونَ ﴿24﴾ وَمِنْ آيَاتِهِ أَن تَقُومَ السَّمَاء وَالْأَرْضُ بِأَمْرِهِ ثُمَّ إِذَا دَعَاكُمْ دَعْوَةً مِّنَ الْأَرْضِ إِذَا أَنتُمْ تَخْرُجُونَ ﴿25﴾ وَلَهُ مَن فِي السَّمَاوَاتِ وَالْأَرْضِ كُلٌّ لَّهُ قَانِتُونَ ﴿26﴾ وَهُوَ الَّذِي يَبْدَأُ الْخَلْقَ ثُمَّ يُعِيدُهُ وَهُوَ أَهْوَنُ عَلَيْهِ وَلَهُ الْمَثَلُ الْأَعْلَى فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيمُ ﴿27﴾ ضَرَبَ لَكُم مَّثَلًا مِنْ أَنفُسِكُمْ هَل لَّكُم مِّن مَّا مَلَكَتْ أَيْمَانُكُم مِّن شُرَكَاء فِي مَا رَزَقْنَاكُمْ فَأَنتُمْ فِيهِ سَوَاء تَخَافُونَهُمْ كَخِيفَتِكُمْ أَنفُسَكُمْ كَذَلِكَ نُفَصِّلُ الْآيَاتِ لِقَوْمٍ يَعْقِلُونَ ﴿28﴾ بَلِ اتَّبَعَ الَّذِينَ ظَلَمُوا أَهْوَاءهُم بِغَيْرِ عِلْمٍ فَمَن يَهْدِي مَنْ أَضَلَّ اللَّهُ وَمَا لَهُم مِّن نَّاصِرِينَ ﴿29﴾ فَأَقِمْ وَجْهَكَ لِلدِّينِ حَنِيفًا فِطْرَةَ اللَّهِ الَّتِي فَطَرَ النَّاسَ عَلَيْهَا لَا تَبْدِيلَ لِخَلْقِ اللَّهِ ذَلِكَ الدِّينُ الْقَيِّمُ وَلَكِنَّ أَكْثَرَ النَّاسِ لَا يَعْلَمُونَ ﴿30﴾ مُنِيبِينَ إِلَيْهِ وَاتَّقُوهُ وَأَقِيمُوا الصَّلَاةَ وَلَا تَكُونُوا مِنَ الْمُشْرِكِينَ ﴿31﴾ مِنَ الَّذِينَ فَرَّقُوا دِينَهُمْ وَكَانُوا شِيَعًا كُلُّ حِزْبٍ بِمَا لَدَيْهِمْ فَرِحُونَ ﴿32﴾ وَإِذَا مَسَّ النَّاسَ ضُرٌّ دَعَوْا رَبَّهُم مُّنِيبِينَ إِلَيْهِ ثُمَّ إِذَا أَذَاقَهُم مِّنْهُ رَحْمَةً إِذَا فَرِيقٌ مِّنْهُم بِرَبِّهِمْ يُشْرِكُونَ ﴿33﴾ لِيَكْفُرُوا بِمَا آتَيْنَاهُمْ فَتَمَتَّعُوا فَسَوْفَ تَعْلَمُونَ ﴿34﴾ أَمْ أَنزَلْنَا عَلَيْهِمْ سُلْطَانًا فَهُوَ يَتَكَلَّمُ بِمَا كَانُوا بِهِ يُشْرِكُونَ ﴿35﴾ وَإِذَا أَذَقْنَا النَّاسَ رَحْمَةً فَرِحُوا بِهَا وَإِن تُصِبْهُمْ سَيِّئَةٌ بِمَا قَدَّمَتْ أَيْدِيهِمْ إِذَا هُمْ يَقْنَطُونَ ﴿36﴾ أَوَلَمْ يَرَوْا أَنَّ اللَّهَ يَبْسُطُ الرِّزْقَ لِمَن يَشَاء وَيَقْدِرُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ ﴿37﴾ فَآتِ ذَا الْقُرْبَى حَقَّهُ وَالْمِسْكِينَ وَابْنَ السَّبِيلِ ذَلِكَ خَيْرٌ لِّلَّذِينَ يُرِيدُونَ وَجْهَ اللَّهِ وَأُوْلَئِكَ هُمُ الْمُفْلِحُونَ ﴿38﴾ وَمَا آتَيْتُم مِّن رِّبًا لِّيَرْبُوَ فِي أَمْوَالِ النَّاسِ فَلَا يَرْبُو عِندَ اللَّهِ وَمَا آتَيْتُم مِّن زَكَاةٍ تُرِيدُونَ وَجْهَ اللَّهِ فَأُوْلَئِكَ هُمُ الْمُضْعِفُونَ ﴿39﴾ اللَّهُ الَّذِي خَلَقَكُمْ ثُمَّ رَزَقَكُمْ ثُمَّ يُمِيتُكُمْ ثُمَّ يُحْيِيكُمْ هَلْ مِن شُرَكَائِكُم مَّن يَفْعَلُ مِن ذَلِكُم مِّن شَيْءٍ سُبْحَانَهُ وَتَعَالَى عَمَّا يُشْرِكُونَ ﴿40﴾ ظَهَرَ الْفَسَادُ فِي الْبَرِّ وَالْبَحْرِ بِمَا كَسَبَتْ أَيْدِي النَّاسِ لِيُذِيقَهُم بَعْضَ الَّذِي عَمِلُوا لَعَلَّهُمْ يَرْجِعُونَ ﴿41﴾ قُلْ سِيرُوا فِي الْأَرْضِ فَانظُرُوا كَيْفَ كَانَ عَاقِبَةُ الَّذِينَ مِن قَبْلُ كَانَ أَكْثَرُهُم مُّشْرِكِينَ ﴿42﴾ فَأَقِمْ وَجْهَكَ لِلدِّينِ الْقَيِّمِ مِن قَبْلِ أَن يَأْتِيَ يَوْمٌ لَّا مَرَدَّ لَهُ مِنَ اللَّهِ يَوْمَئِذٍ يَصَّدَّعُونَ ﴿43﴾ مَن كَفَرَ فَعَلَيْهِ كُفْرُهُ وَمَنْ عَمِلَ صَالِحًا فَلِأَنفُسِهِمْ يَمْهَدُونَ ﴿44﴾ لِيَجْزِيَ الَّذِينَ آمَنُوا وَعَمِلُوا الصَّالِحَاتِ مِن فَضْلِهِ إِنَّهُ لَا يُحِبُّ الْكَافِرِينَ ﴿45﴾ وَمِنْ آيَاتِهِ أَن يُرْسِلَ الرِّيَاحَ مُبَشِّرَاتٍ وَلِيُذِيقَكُم مِّن رَّحْمَتِهِ وَلِتَجْرِيَ الْفُلْكُ بِأَمْرِهِ وَلِتَبْتَغُوا مِن فَضْلِهِ وَلَعَلَّكُمْ تَشْكُرُونَ ﴿46﴾ وَلَقَدْ أَرْسَلْنَا مِن قَبْلِكَ رُسُلًا إِلَى قَوْمِهِمْ فَجَاؤُوهُم بِالْبَيِّنَاتِ فَانتَقَمْنَا مِنَ الَّذِينَ أَجْرَمُوا وَكَانَ حَقًّا عَلَيْنَا نَصْرُ الْمُؤْمِنِينَ ﴿47﴾ اللَّهُ الَّذِي يُرْسِلُ الرِّيَاحَ فَتُثِيرُ سَحَابًا فَيَبْسُطُهُ فِي السَّمَاء كَيْفَ يَشَاء وَيَجْعَلُهُ كِسَفًا فَتَرَى الْوَدْقَ يَخْرُجُ مِنْ خِلَالِهِ فَإِذَا أَصَابَ بِهِ مَن يَشَاء مِنْ عِبَادِهِ إِذَا هُمْ يَسْتَبْشِرُونَ ﴿48﴾ وَإِن كَانُوا مِن قَبْلِ أَن يُنَزَّلَ عَلَيْهِم مِّن قَبْلِهِ لَمُبْلِسِينَ ﴿49﴾ فَانظُرْ إِلَى آثَارِ رَحْمَتِ اللَّهِ كَيْفَ يُحْيِي الْأَرْضَ بَعْدَ مَوْتِهَا إِنَّ ذَلِكَ لَمُحْيِي الْمَوْتَى وَهُوَ عَلَى كُلِّ شَيْءٍ قَدِيرٌ ﴿50﴾ وَلَئِنْ أَرْسَلْنَا رِيحًا فَرَأَوْهُ مُصْفَرًّا لَّظَلُّوا مِن بَعْدِهِ يَكْفُرُونَ ﴿51﴾ فَإِنَّكَ لَا تُسْمِعُ الْمَوْتَى وَلَا تُسْمِعُ الصُّمَّ الدُّعَاء إِذَا وَلَّوْا مُدْبِرِينَ ﴿52﴾ وَمَا أَنتَ بِهَادِي الْعُمْيِ عَن ضَلَالَتِهِمْ إِن تُسْمِعُ إِلَّا مَن يُؤْمِنُ بِآيَاتِنَا فَهُم مُّسْلِمُونَ ﴿53﴾ اللَّهُ الَّذِي خَلَقَكُم مِّن ضَعْفٍ ثُمَّ جَعَلَ مِن بَعْدِ ضَعْفٍ قُوَّةً ثُمَّ جَعَلَ مِن بَعْدِ قُوَّةٍ ضَعْفًا وَشَيْبَةً يَخْلُقُ مَا يَشَاء وَهُوَ الْعَلِيمُ الْقَدِيرُ ﴿54﴾ وَيَوْمَ تَقُومُ السَّاعَةُ يُقْسِمُ الْمُجْرِمُونَ مَا لَبِثُوا غَيْرَ سَاعَةٍ كَذَلِكَ كَانُوا يُؤْفَكُونَ ﴿55﴾ وَقَالَ الَّذِينَ أُوتُوا الْعِلْمَ وَالْإِيمَانَ لَقَدْ لَبِثْتُمْ فِي كِتَابِ اللَّهِ إِلَى يَوْمِ الْبَعْثِ فَهَذَا يَوْمُ الْبَعْثِ وَلَكِنَّكُمْ كُنتُمْ لَا تَعْلَمُونَ ﴿56﴾ فَيَوْمَئِذٍ لَّا يَنفَعُ الَّذِينَ ظَلَمُوا مَعْذِرَتُهُمْ وَلَا هُمْ يُسْتَعْتَبُونَ ﴿57﴾ وَلَقَدْ ضَرَبْنَا لِلنَّاسِ فِي هَذَا الْقُرْآنِ مِن كُلِّ مَثَلٍ وَلَئِن جِئْتَهُم بِآيَةٍ لَيَقُولَنَّ الَّذِينَ كَفَرُوا إِنْ أَنتُمْ إِلَّا مُبْطِلُونَ ﴿58﴾ كَذَلِكَ يَطْبَعُ اللَّهُ عَلَى قُلُوبِ الَّذِينَ لَا يَعْلَمُونَ ﴿59﴾ فَاصْبِرْ إِنَّ وَعْدَ اللَّهِ حَقٌّ وَلَا يَسْتَخِفَّنَّكَ الَّذِينَ لَا يُوقِنُونَ ﴿60﴾۔

قرآن کریم


ترجمہ
اللہ کے نام سے جو بہت رحم والا نہایت مہربان ہے

الف۔ لام۔ میم (1) روم والے قریبی سر زمین میں مغلوب ہو گئے (2) اور وہ اپنے اس مغلوب ہونے کے بعد بہت جلد پھر غالب آ جائیں گے (3) چند ہی برس کے اندر، اللہ ہی کے ہاتھ میں معاملہ ہے پہلے بھی اور بعد بھی اور اس دن مؤمنین خوش ہوں گے (4) اللہ کی مدد سے وہ جس کی چاہتا ہے مدد کرتا ہے اور وہ عزت والا ہے، بڑا مہربان (5) اللہ کا وعدہ ہے، اللہ اپنے وعدہ کے خلاف نہیں کرتا مگر زیادہ تر لوگ جانتے نہیں (6) وہ جانتے ہیں بس دینوی زندگی کے سطحی پہلو کو اور وہ آخرت سے بے خبر ہیں (7) کیا انہوں نے اپنے دلوں میں غور نہیں کیا کہ اللہ نے آسمانوں اور زمین اور ان کے درمیان کی چیزوں کو پیدا نہیں کیا مگر صحیح طور پر اور ایک مقررہ مدت کے لیے اور یقینا زیادہ تر لوگ اپنے پروردگار کی بارگاہ میں حاضری سے منکر ہیں (8) کیا وہ اطراف زمین میں پھرے نہیں ہیں کہ دیکھیں کیا انجام ہوا ان کا جو ان کے پہلے تھے، وہ ان سے زیادہ طاقت ور تھے اور انہوں نے زمین کو تہ و بالا کر دیا تھا اور اس میں عمارتیں بنائی تھیں اس سے زیادہ جتنی انہوں نے بنائی ہیں اور ان کے پیغمبر ان کے پاس کھلی ہوئی دلیلیں لے کر آئے تو اللہ ایسا نہ تھا کہ ان پر ظلم کرے مگر وہ خود اپنے اوپر ظلم کرتے تھے (9) پھر جنہوں نے برائی کی تھی۔ ان کا انجام بہت برا ہوا اس لئے کہ انہوں نے آیات الٰہی کو جھٹلایا اور وہ ان کا مذاق اڑاتے تھے (10) اللہ پہلے پہل پیدا کرتا ہے خلائق کو، پھر دوبارہ انہیں پلٹا کر لاتا ہے پھر اسی کی طرف تمہاری حاضری ہو گی (11) اور جس دن قیامت برپا ہو گی تو گناہ گار لوگ دم بخود ہو جائیں گے (12) اور نہ ہوں گے ان کے خیال کئے ہوئے شریکوں میں سے ان کے کوئی سفارشی اور وہ اپنے شریکوں سے منکر ہوں گے (13) اور جس دن قیامت برپا ہو گی اس دن وہ الگ الگ ہو جائیں گے (14) تو جو ایمان لائے اور اچھے کام کرتے رہے، وہ ایک خاص بہشت میں خوش خوش ہوں گے (15) اور جنہوں نے کفر اختیار کیا اور ہماری آیتوں کو جھٹلایا اور آخرت کی حاضری کو تو وہ عذاب میں حاضر کئے جانے والے ہوں گے (16) تو تسبیح ہے اللہ کی جب تم شام کرتے ہو اور جب صبح کرتے ہو (17) اور اسی کی حمد ہے آسمانوں اور زمین میں اور رات گئے اور جب تمہیں دوپہر کا وقت ہوتا ہے (18) وہ نکالتا ہے جاندار کو بے جان سے اور نکالتا ہے بے جان کو جاندار سے اور وہ زندہ کرتا ہے زمین کو اس کے مردہ ہونے کے بعد اور اسی طرح تم بھی نکالے جاؤ گے (19) اور اس کی نشانیوں میں سے یہ ہے کہ اس نے تمہیں مٹی سے پیدا کیا، پھر ایک دم تم چلتے پھرتے ہوئے انسان ہو گئے (20) اور اس کی نشانیوں میں سے یہ ہے کہ اس نے تمہارے لئے تمہارے نفوس سے جوڑے قرار دیئے تاکہ سکون حاصل کرو تم ان سے اور اس نے تمہارے درمیان محبت اور مہربانی قرار دی یقینا اس میں نشانیاں ہیں ان کے لئے جو غور فکر کریں (21) اور اس کی نشانیوں میں سے ہے پیدا کرنا آسمانوں اور زمین کا اور مختلف ہونا ہے تمہاری زبانوں اور رنگوں کا یقینا اس میں نشانیاں ہیں جاننے والوں کے لئے (22) اور اس کی نشانیوں میں سے تمہارا سونا ہے رات اور دن میں اور تمہارا روزی طلب کرنا ہے اس میں یقینا اس میں نشانیاں ہیں ان کے لئے جو سنیں (23) اور اس کی نشانیوں میں سے یہ ہے کہ وہ دکھاتا ہے تمہیں بجلی ڈر اور آسرے کے لئے اور آسمان سے پانی برساتا ہے۔ تو اس سے زندہ کرتا ہے۔ زمین کو اس کے مردہ ہونے کے بعد یقینا اس میں نشانیاں ہیں ان کے لئے جو عقل سے کام لیں (24) اور اس کی نشانیوں میں سے یہ ہے کہ آسمانوں اور زمین اس کے حکم سے برقرار ہیں اور پھر جب تمہیں ایک دفعہ زمین کے اندر سے وہ بلائے گا تو ایک دم تم نکل کھڑے ہو گے (25) اور اس کے ہیں سب لوگ جو آسمانوں اور زمین میں ہیں سب ان کی اطاعت کرنے والے ہیں (26) اور وہ ہی وہ ہے جو پہلی دفعہ خلائق کو پیدا کرتا ہے پھر دوبارہ زندہ کرے گا اور اس کے لئے بہت آسان ہے اور اس کے لئے بلند ترین وصف ہے آسمانوں اور زمین میں اور وہ عزت والا ہے حکمت والا (27) اس نے تمہارے لئے مثال پیش کی ہے خود تمہاری کیا تمہارے جو ملکیت میں غلام ہیں اس میں سے کچھ اس دولت میں جو ہم نے تم کو دی ہے تمہارے ساتھ حصہ دار ہیں۔ کہ تم سب اس میں برابر کا حق رکھتے ہو اور تم ان سے اس طرح ڈرو جس طرح اپنے آپس کے آدمیوں سے ڈرتے ہو؟ اس طرح ہم باتیں تفصیل کے ساتھ پیش کرتے ہیں ان لوگوں کے لئے جو عقل سے کام لیں (28) بلکہ جو غلام ہیں، انہوں نے اپنی خواہشوں کی پیروی کی ہے بغیر واقفیت کے تو کون ہدایت کر سکتا ہے اس کی جسے اللہ گمراہی میں چھوڑ دے اور ان لوگوں کے لئے کوئی مدد گار نہ ہوں گے (29) تو اپنا رخ سیدھا رکھو دین حق کے لیے سب راستوں سے ہٹ کر، اللہ کی فطرت ہے جس پر اس نے انسانوں کو پیدا کیا ہے۔ اللہ کی خلقت میں کوئی تبدیلی نہیں ہوتی، یہی سیدھا دین ہے مگر اکثر لوگ نہیں جانتے (30) اس سے لو لگائے رہو اور اس سے ڈرو اور نماز پڑھتے رہو اور مشرکوں میں سے نہ ہو (31) ان میں سے جنہوں نے اپنے دین میں تفرقہ ڈال دیا اور وہ مختلف گروہوں میں بٹ گئے۔ ہر جماعت اس سے جو ان کے پاس ہے خوش ہے (32) اور جب لوگوں پر کوئی مصیبت آتی ہے تو وہ اپنے پروردگار سے لو لگاتے ہوئے اس سے دعا کرتے ہیں، پھر جب وہ اپنی طرف سے انہیں کچھ مہربانی کا مزہ چکھاتا ہے تو ان میں سے ایک فریق ایک دم شرک کرنے لگتا ہے (33) تاکہ جو ہم نے انہیں عطا کیا ہے، اس کا کفر ان نعمت کریں تو اچھا فائدہ اٹھالو، اس کے بعد تمہیں معلوم ہو گا (34) کیا ہم نے ان پر کوئی ثبوت اتارا ہے کہ وہ ان کے سامنے بولتا ہو، اس کے ساتھ جو وہ شرک کرتے ہیں (35) اور جب ہم چکھاتے ہیں لوگوں کو مہربانی کا ذائقہ تو وہ اس سے خوش ہو جاتے ہیں اور اگر جو کچھ وہ اپنے ہاتھوں کر چکے ہیں، اس کی پاداش میں ان پر کوئی مصیبت آتی ہے تو ایک دم وہ نا امید ہو جاتے ہیں (36) اور کیا انہوں نے نہیں دیکھا کہ اللہ وسعت دیتا ہے روزی میں جس کے لیے چاہتا ہے اور تنگی کرتا ہے (جس کے لیے چاہتا ہے) یقینا اس میں نشانیاں ہیں ان کے لیے جو ایمان لائیں (37) تو قرابت دار کو اس کا حق دیجئے اور مسکین اور مسافر کو، یہ بہتر ہے ان لوگوں کے لیے جو رضائے الٰہی کے طلب گارہوں اور یہی لوگ ہر طرح کی بہتری پانے والے ہیں (38) اور جو تم لوگ سودی روپیہ دو تاکہ وہ لوگوں کے مال میں مل کر اضافہ پائے تو وہ اللہ کے یہاں اضافہ کا باعث نہیں ہو گا اور جو تم رکوٰة دو جس سے اللہ کی خوشنودی چاہتے ہو تو یہ وہ لوگ ہوں گے جو دو نا دون پائیں گے (39) اللہ وہ ہے جس نے تمہیں پیدا کیا، پھر تمہیں روزی دی، پھر تمہیں موت دیگا پھر تمہیں زندہ کرے گا۔ کیا تمہارے (مانے ہوئے) شریکوں میں کوئی ہے جو اس میں سے کچھ بھی کام انجام دے؟ پاک ہے اس کی ذات اور بلند ہے اس سے جو وہ شرک کرتے ہیں (40) خرابی نمایاں ہو گئی ہے خشکی اور تری میں ان کاموں سے جو لوگوں کے ہاتھوں نے کیے تاکہ وہ چکھائے انہیں کچھ ان کے اعمال کا مزہ شاید کہ وہ پلٹیں (41) کہئے کہ چلو پھرو زمین میں، پھر دیکھو کہ کیا انجام ہوا ان کا جو اس کے پہلے تھے ؟ وہ زیادہ تر مشرک تھے (42) تو تم اپنا رخ سیدھا رکھو صحیح دین کے لیے قبل اس کے کہ وہ دن آئے اللہ کی طرف سے جسے پلٹنا نہیں ہے، اس دن وہ الگ الگ ہو جائیں گے (43) جو کفر اختیار کرے، اس کفر سے نقصان اسی کو ہو گا جو اچھے اعمال کرے تو وہ لوگ خود اپنے لیے سامان کر رہے ہیں (44) تاکہ وہ انہیں جو ایمان لائے اور اچھے اعمال کرتے رہے اپنے فضل و کرم سے صلہ دے اور یقینا وہ کافروں کو دوست نہیں رکھتا (45) اور اس کی نشانیوں میں سے یہ ہے کہ وہ بھیجتا ہے ہواؤں کو خوش خبری دینے والی بنا کر اور اس لیے کہ چکھائے تمہیں مزہ اپنی رحمت کا اور اس لیے کہ چلیں کشتیاں اس کے حکم سے اور اس لیے کہ تم اس کے فضل و کرم سے روزی حاصل کر سکو اور شاید تم شکر گزار ثابت ہو (46) اور ہم نے بھیجے آپ کے قبل بہت سے پیغمبر ان کی قوم کی طرف تو وہ ان کے پاس معجزے لائے تو جو گناہگار ثابت ہوئے، ان سے ہم نے بدلہ لیا اور ایمان والوں کی مدد کرنا ہمارے ذمے ایک لازم الادا حق تھا (47) اور وہ وہ ہے جو ہواؤں کو بھیجتا ہے تو وہ بادل کو لاتی ہیں، اس کے بعد اسے آسمان میں جس طرح چاہتا ہے پھیلا دیتا ہے اور اسے مختلف ٹکڑوں کی شکل میں لاتا ہے تو بڑی بڑی بوندوں کے مینہ کو دیکھو گے کہ وہ اس کے اندر سے نکلتا ہے تو جب وہ اسے پہنچاتا ہے جس حد تک اپنے بندوں میں سے وہ چاہتا ہے تو وہ ایک دم خوش ہو جاتے ہیں (48) اگرچہ وہ اس سے پہلے کہ یہ اس کی طرف سے ان پر اترے، نا امید تھے (49) تو دیکھو اللہ کی رحمت کے اثرات کو کس طرح وہ زندہ کرتا ہے زمین کو اس کے مردہ ہونے کے بعد، یقینا وہی مردوں کو زندہ کرنے والا ہے اور وہ تو ہر چیز پر قادر ہے (50) اور اگر ہم ایسی ہوا بھیج دیں کہ وہ اس (کھیتی) کو زرد دیکھیں تو اس کے بعد وہ کفر اختیار کریں گے (51) تو یقینا آپ مردوں کو نہیں سنا سکتے اور نہ بہروں کو اپنی پکار سنا سکتے ہیں جب وہ پیٹھ پھرا کر منحرف ہوں (52) اور نہ آپ اندھوں کو ان کی گمراہی سے ہٹا کر راستے پر لگا سکتے ہیں، آپ تو نہیں سنا سکتے مگر انہیں جو ہماری آیتوں کا اعتبار کریں تو وہی اسلام قبول کرتے ہیں (53) اللہ وہ ہے جس نے تمہیں پیدا کیا کمزور، پھر کمزوری کے بعد طاقت دی، پھر طاقت کے بعد کمزوری اور بڑھاپے کا دور قرار دیا۔ وہ جو چاہتا ہے پیدا کرتا ہے اور بڑا جاننے والا ہے ، قدرت والا (54) اور جس دن قیامت برپا ہو گی۔ گنہگار لوگ قسمیں کھائیں گے کہ وہ تھوڑی دیر سے زیادہ نہیں رہے، ایسے ہی وہ تو (پہلے بھی ) بے راہ روی میں مبتلا تھے (55) اور کہیں گے وہ جنہیں علم اور ایمان عطا ہوا تھا کہ تم اللہ کے نوشتے کے مطابق دوبارہ کی زندگی تک اس عالم میں رہے چنانچہ یہ وہ دوبارہ کی زندگی کا دن ہے مگر تم جانتے نہیں تھے (56) تو اس دن ظالموں کو ان کی عذر خواہی کچھ فائدہ نہ دے گی اور نہ انہیں تلافی کا موقع دیا جائے گا (57) اور ہم نے لوگوں کے لئے اس قرآن میں ہر قسم کی مثال پیش کی ہے اور اگر آپ ان کے پاس کوئی بھی معجزہ لایئے تو کافر لوگ ضرور یہی کہیں گے کہ تم لوگ نہیں ہو مگر غلط راستے پر (58) اسی طرح اللہ مہر کرتا ہے ان لوگوں کے دلوں پر جو جانتے بوجھتے نہیں (59) تو آپ صبر و تحمل سے کام لیجئے یقینا اللہ کا وعدہ سچا ہے اور آپ کو جوش میں نہ لائیں وہ جو یقین نہیں کرتے (60)


پچھلی سورت:
سورہ عنکبوت
سورہ 30 اگلی سورت:
سورہ لقمان
قرآن کریم

(1) سورہ فاتحہ (2) سورہ بقرہ (3) سورہ آل عمران (4) سورہ نساء (5) سورہ مائدہ (6) سورہ انعام (7) سورہ اعراف (8) سورہ انفال (9) سورہ توبہ (10) سورہ یونس (11) سورہ ہود (12) سورہ یوسف (13) سورہ رعد (14) سورہ ابراہیم (15) سورہ حجر (16) سورہ نحل (17) سورہ اسراء (18) سورہ کہف (19) سورہ مریم (20) سورہ طہ (21) سورہ انبیاء (22) سورہ حج (23) سورہ مؤمنون (24) سورہ نور (25) سورہ فرقان (26) سورہ شعراء (27) سورہ نمل (28) سورہ قصص (29) سورہ عنکبوت (30) سورہ روم (31) سورہ لقمان (32) سورہ سجدہ (33) سورہ احزاب (34) سورہ سباء (35) سورہ فاطر (36) سورہ یس (37) سورہ صافات (38) سورہ ص (39) سورہ زمر (40) سورہ غافر (41) سورہ فصلت (42) سورہ شوری (43) سورہ زخرف (44) سورہ دخان (45) سورہ جاثیہ (46) سورہ احقاف (47) سورہ محمد (48) سورہ فتح (49) سورہ حجرات (50) سورہ ق (51) سورہ ذاریات (52) سورہ طور (53) سورہ نجم (54) سورہ قمر (55) سورہ رحمن (56) سورہ واقعہ (57) سورہ حدید (58) سورہ مجادلہ (59) سورہ حشر (60) سورہ ممتحنہ (61) سورہ صف (62) سورہ جمعہ (63) سورہ منافقون (64) سورہ تغابن (65) سورہ طلاق (66) سورہ تحریم (67) سورہ ملک (68) سورہ قلم (69) سورہ حاقہ (70) سورہ معارج (71) سورہ نوح (72) سورہ جن (73) سورہ مزمل (74) سورہ مدثر (75) سورہ قیامہ (76) سورہ انسان (77) سورہ مرسلات (78) سورہ نباء (79) سورہ نازعات (80) سورہ عبس (81) سورہ تکویر (82) سورہ انفطار (83) سورہ مطففین (84) سورہ انشقاق (85) سورہ بروج (86) سورہ طارق (87) سورہ اعلی (88) سورہ غاشیہ (89) سورہ فجر (90) سورہ بلد (91) سورہ شمس (92) سورہ لیل (93) سورہ ضحی (94) سورہ شرح (95) سورہ تین (96) سورہ علق (97) سورہ قدر (98) سورہ بینہ (99) سورہ زلزال (100) سورہ عادیات (101) سورہ قارعہ (102) سورہ تکاثر (103) سورہ عصر (104) سورہ ہمزہ (105) سورہ فیل (106) سورہ قریش (107) سورہ ماعون (108) سورہ کوثر (109) سورہ کافرون (110) سورہ نصر (111) سورہ مسد (112) سورہ اخلاص (113) سورہ فلق (114) سورہ ناس


{{حدیث|

متعلقہ مآخذ

پاورقی حاشیے

  1. دانشنامه قرآن و قرآن پژوهی، ج2، ص1244ـ1245


منابع