سورہ فصلت

ویکی شیعہ سے
یہاں جائیں: رہنمائی، تلاش کریں
غافر سورۂ فُصِّلَتْ شوری
سوره فصلت.jpg
ترتیب کتابت: 41
پارہ : 24 و 25
نزول
ترتیب نزول: 61
مکی/ مدنی: مکی
اعداد و شمار
آیات: 54
الفاظ: 796
حروف: 3364

سورہ فُصِّلَت‌ْ یا حم سجدہ قرآن کی 41 ویں اور مکی سورتوں میں سے ہے۔ یہ سورت سجدہ‌والی سورتوں میں سے بھی ہے اور قرآن کے 24 ویں اور 25 ویں پارے میں واقع ہے۔ "فصلت" فصیح بیان یا عبارت کو کہا جاتا ہے۔ یہ لفظ اس سورت کی تیسری آیت میں آیا ہے اسی مناسبت سے اس سورت کا نام "فصلت" رکھا گیا ہے۔ سورہ فصلت میں کافروں کے قرآن سے روگردانی کرنے سے متعلق گفتگو ہوئی ہے۔ خدا کی وحدانیت، پیغمبر اسلامؐ کی نبوت، قیامت اور قوم عاد و ثمود کی داستان اس سورت میں ذکر ہونے والے موضوعات میں سے ہیں۔

آیت نمبر 34 اس سورت کی مشہور آیات میں سے ہے جس میں پیغمبر اکرمؐ کو کافروں کی بد سلوکی کے مقابلے میں نیکوکاری اور خوش اخلاقی سے پیش آنے کی دعوت دی گئی ہے۔ اسی طرح آیت نمبر 41 اور 42 کے متعلق مفسرین کہتے ہیں کہ یہ آیتیں قرآن کے تحریف ناپذیری کی دلائل میں سے ایک ہے۔ اس کی تلاوت کے بارے میں پیغمبر اکرمؐ سے نقل ہوئی ہے کہ جو کوئی سورہ فصلت کی تلاوت کرے اسے اس سورت کے تمام حروف کے دس گنا حسنہ دیا جائے گا۔