سجدہ قرآن

ویکی شیعہ سے
(عزائم سے رجوع مکرر)
یہاں جائیں: رہنمائی، تلاش کریں

سجدۂ قرآن سے وہ سجدہ مراد ہے کہ جسے قرآن کی مخصوص آیات پڑھنے یا سننے کی وجہ سے واجب یا مستحب کی نیت سے کیا جاتا ہے۔ مجموعی طور پر قرآن پاک میں 15 سجدے کی آیات ہیں۔

ان میں سے 4 آیتیں ایسی ہیں کہ جن کے پڑھنے یا سننے پر سجدہ کرنا ضروری اور واجب ہے ۔ جن سورتوں میں یہ آیات پائی جاتی ہیں انہیں عزائم کہتے ہیں۔ سورہ سَجدہ، فُصِّلَت، نَجم اور عَلَق ایسی سورتیں جن میں ہر ایک سورت میں آیت سجدہ پائی جاتی ہے ۔ان کے علاوہ دیگر 11 آیات ایسی ہیں کہ جنہیں پڑھنے یا سننے کے موقع پر سجدہ کرنا مستحب ہے ۔عزائم والی سورتوں کا نماز میں پڑھنا نماز کے باطل ہونے کا سبب ہے۔

سجدۂ واجب

امامیہ کے معروف قول کی بنا پر درج ذیل سورتوں کی آیات کے سننے یا پڑھنے پر سجدہ کرنا واجب ہے[1]:

  1. سورہ سجده آیت نمبر 15
  2. سورہ فصلت آیت نمبر37
  3. سورہ نجم کی آخری آیت
  4. سورہ علق کی آخری آیت

سجدۂ مستحب

امامیہ کے معروف قول کی بنا پر درج ذیل سورتوں کی آیات کے سننے یا پڑھنے پر سجدہ کرنا مستحب ہے[2]:

  1. سورہ اَعراف کی آخری آیت
  2. سورہ رعد کی آیت نمبر 15
  3. سورہ نحل کی آیت نمبر 48
  4. سورہ اسراء کی آیت نمبر 109
  5. سورہ مریم کی آیت نمبر 58
  6. سورہ حج کی آیت نمبر 18
  7. سورہ حج کی آیت نمبر 77
  8. سورہ فرقان کی آیت نمبر 60
  9. سورہ نمل کی آیت نمبر 25
  10. سورہ ص کی آیت نمبر 24
  11. سورہ اِنشقاق کی آیت نمبر 21

احکام

  • سجدے والی آیات کے پڑھنے یا سنتے ہی سجدہ کرنا چاہئے ۔[3]
  • واجب سجدے والی آیات والی سورتوں کا نماز میں جان بوجھ کر پڑھنا نماز کے باطل ہونے کا سبب ہے ۔[4]
  • بعض فقہا کے نزدیک مجنب اور حائض کیلئے واجب سجدے والی سورتوں کا پڑھنا حرام اور بعض کے نزدیک صرف آیات کا پڑھنا حرام ہے ۔[5][6]
  • قرآن کے واجب سجدے کیلئے ضروری ہے کہ اس چیز پر پیشانی رکھے جس پر سجدہ کرنا صحیح ہو۔[7]
  • قرآن کے واجب سجدے میں کوئی ذکر پڑھے بغیر صرف پیشانی کا رکھنا کافی ہے ۔مستحب ہے کہ یہ ذکر پڑھے:لٰا إِلٰهَ إِلَّا اللّٰهُ حَقّا حَقّا لَا إِلٰهَ الّا اللّٰهُ ايماناً وَ تَصْدِيقاً لَا إِلٰهَ إِلَّا اللّٰهُ عُبُودِيَّه وَ رِقًّا سَجَدْتُ لَكَ يٰا رَبِّ تَعَبُّداً وَ رِقًّا لَا مُسْتَنْكِفاً وَ لَا مُسْتَكْبِراً بَلْ أَنَا عَبْدٌ ذَلِيلٌ ضَعِيفٌ خَائِفٌ مُسْتَجِيرٌ[8]

حوالہ جات


منابع

بنی‌ ہاشمی خمینی، سید محمد حسن، توضیح المسائل مراجع، دفتر نشر اسلامی،چاپ سوم، ۱۳۷۸ش.

  • خرمشاہی، بہاءالدین، دانشنامہ قرآن و قرآن‌ پژوہی، انتشارات دوستان و انتشارات ناہید، ۱۳۸۱ش.