حدیث قرطاس

تاریخ صدر اسلام

شخصیت‌ها
پیغمبر اسلامؑ • حضرت علیؑ • حضرت فاطمہؑ • صحابہ
غزوات
غزوہ بدر • غزوہ احد • غزوہ خندق • غزوہ خیبر • غزوہ فتح مکہ • دیگر غزوات
شہر اور مقامات
مکہ • مدینہ • طائف • سقیفہ • خیبر • جنۃ البقیع
واقعات
بعثت • ہجرت حبشہ • ہجرت مدینہ • صلح حدیبیہ • حجۃ الوداع • واقعۂ غدیر
متعلقہ مفاہیم
اسلام • تشیع • حج • قریش • بنو ہاشم • بنو امیہ

حدیث قرطاس یا حدیث قلم و کاغذ، رسول خدا کےآخری ایام کے اس واقعہ کی طرف اشارہ ہے جس میں آپ نے اپنے بعد مسلمانوں کو گمراہی سے محفوظ رکھنے کا نسخہ لکھنے کیلئے صحابہ سے قلم اور دوات مانگی جسے حضرت عمر نے یہ کہہ کر رد کیا کہ "یہ شخص بیماری کی وجہ سے ہذیان کہہ رہا ہے"۔ یوں رسول اللہ امت کو گمراہی سے محفوظ رکھنے کے حوالے سے اپنی وصیت نہ لکھ سکے۔

اس واقعے میں خلیفہ دوم کی جانب سے رسول اللہؐ کے حکم کی تعمیل نہ کرنا، خاص کر آپ کی طرف ہذیان کی نسبت دینے کو قرآن کریم اور اسلامی تعلیمات کی منافی سمجھتے ہوئے بعض مسلمان مصنفین نے خلیفہ دوم کو سخت تنقید کا نشانہ بنایا ہے۔ اس واقعے کو شیعہ سنی تاریخی اور حدیثی منابع میں مصیبت عظمی سے یاد کیا گیا ہے۔

اہل تشیع کے مطابق اس موقع پر پیغمبر اکرمؐ اپنے بعد حضرت علیؑ کی جانشینی سے متعلق کچھ لکھنا چاہتے تھے۔

واقعے کی تفصیل

تاریخی اور حدیثی کتابوں کے مطابق پیغمبر اکرمؐ نے اپنی زندگی کے آخری ایام میں بستر بیماری پر 25 صفر سنہ 11 ہجری کو جب بستر بیماری پر تھے تو حاضرین سے فرمایا: مجھے قلم اور دوات دو تا کہ میں تمہیں ایسی چیز لکھ دوں، جس کی بدولت تم کبھی گمراہ نہیں ہو گے۔ حاضرین میں سے ایک شخص نے مخالفت کی جس کی وجہ سے حضور اکرمؐ کی وصیت نہ لکھی جا سکی. وہاں پر حاضر ایک شخص نے کہا پیغمبرؐ بے ہوشی کے عالم میں بول رہے ہیں، ہمارے لئے خدا کی کتاب کافی ہے. یہ سننے کے بعد صحابہ کے درمیان نزاع شروع ہو گئی۔ پیغمبر نے جب یہ صورت حال دیکھی تو فرمایا میرے پاس سے اٹھ کر چلے جاؤ۔ اکثر مآخذ میں پیغمبرؐ کی مخالفت کرنے والا شخص دوسرا خلیفہ تھا. لیکن بعض مآخذ میں اس کی طرف اشارہ نہیں کیا گیا.

علماء شیعہ کے مطابق، پیغمبر اکرمؐ چاہتے تھے کہ اپنے بعد امام علیؑ کو اپنا جانشین ہونے کی تاکید کریں. لیکن بعض حاضرین کو اس کی خبر ہو گئی اس لئے انہوں نے آپؐ کو یہ لکھنے سے روک لیا. دوسرے خلیفہ اور ابن عباس کے درمیان جو گفتگو ہو رہی تھی اس میں دوسرے خلیفہ نے کہا: پیغمبر اکرمؐ بیماری کی حالت میں اپنے بعد امام علیؑ کو اپنا خلیفہ لکھنا چاہتے تھے کہ میں نے اسلام کی حفاظت اور اس کی دلسوزی کی خاطر آپؐ کو اس کام سے روک لیا.

مآخذ حدیث

مآخذ اہل سنت

یہ حدیث اہل سنت کے بہت سے معتبر مآخذوں میں مذکور ہوئی ہے مثلا:

• صحیح بخاری کےاب میں پانچ مقامات پر آئی جن میں سے دو مقام پر عمر کا نام آیا ہے ۔
• صحیح مسلم میں تین جگہ پر : ایک مقام پر حضرت عمر کا نام آیا ہے
• مسند احمد میں ایک مقام پر :کہنے والے کے نام کی طرف اشارہ نہیں ہوا ۔
• سنن بیہقی میں ایک جگہ نقل ہوا ہے :کہنے والے کے نام نہیں آیا ۔
• طبقات ابن سعد میں آٹھ جگہ آیا ہے : تین جگہ حضرت عمر کا نام آیا ہے

شیعہ مآخذ

• شیخ مفید کی الارشاد و اوائل المقالات
• نعمانی کی کتاب الغیبت
• ابن شہر آشوب کی المناقب

مختلف مؤقف

شیعہ کا مؤقف

علمائے شیعہ اس واقعہ کو بہت بڑی مصیبت سمجھتے ہیں کیونکہ یہ واقعہ مسلمانوں کو گمراہی سے بچانے سے کیلئے رسول اللہ کے وصیت لکھنے میں رکاوٹ بنا۔ اہل سنت کے بعض مآخذوں میں بھی آیا ہے کہ عبد اللہ بن عباس رسول اللہ کی وصیت میں رکاوٹ کو ایک عظیم مصیبت سمجھتے اور گریہ کرتے تھے۔

شرف الدین عاملی المراجعات میں قرآنی آیات کے تناظر میں حضرت عمر پر چند اعتراض کرتے ہیں ان میں سے:

1. رسول خداؐ کے حکم کی نافرمانی اور رسول کی مخالفت ۔
2. اس سے ظاہر ہوتا ہے کہ گویا حضرت عمر رسول اللہ سے زیادہ دانا تر ہے۔
3. رسول کی نسبت ہذیان گوئی کا الزام لگانا۔

شیعوں کے نزدیک حضرت عمر کا یہ رویہ قرآن کی بہت سی آیات کے مخالف تھا مثلا:

• وَمَا آتَاکمُ الرَّ‌سُولُ فَخُذُوهُ وَمَا نَهَاکمْ عَنْهُ فَانتَهُواآیت ۷سورہ حشر

جو کچھ رسول تمہیں دے اسے لے لو اور جس سے منع کرے اس سے رک جاؤ۔

• مَا ضَلَّ صَاحِبُکمْ وَمَا غَوَیٰ ﴿۲﴾ وَمَا ینطِقُ عَنِ الْهَوَیٰ ﴿۳﴾ إِنْ هُوَ إِلَّا وَحْی یوحَیٰ ﴿۴﴾ عَلَّمَهُ شَدِیدُ الْقُوَیٰ ﴿۵﴾سورہ نجم

کہ تمہارا یہ ساتھی پیغمبرِ اسلامؐ نہ گمراہ ہوا ہے اور نہ بہکا ہے۔ (2) اور وہ (اپنی) خواہشِ نفس سے بات نہیں کرتا۔ (3) وہ تو بس وحی (بات کرتا) ہے جو ان کی طرف کی جاتی ہے۔ (4)

اہل سنت کا مؤقف

اہل سنت علما اس واقعے کی توجیہ کے در پے ہوئے ہیں مثلا:

• بعض اس واقعے کو متون اصلی میں مذکور ہونے کے باوجود اسے ضعیف اورغیر معتبر سمجھتے ہیں ۔
• بعض اس حدیث کا ایک اور معنا ذکر کرتے ہیں ۔ مثلا: «ہجر» کا مادہ چھوڑنے اور ترک کرنے کے معنا میں ہے اور اس سے حضرت عمر کی مراد یہ تھی کہ پیغمبر ہمیں چھوڑ رہے ہیں یا حضرت عمر کی گفتگو استفہام انکاری ہے یعنی پیغمبر ہذیان نہیں کہتا ہے ؟
• عمر کا قرآن کو کافی سمجھنا اسکی قوت فقہ اور دقت نظر کا بیان گر ہے ۔
• بعض مآخذوں کے مطابق ایک شخص نہیں کئی افراد مراد ہیں۔

حضورؐ نے کیوں لکھنے کا ارادہ ترک کیا

بعض شیعہ علماء کے مطابق، پیغمبرؐ کے لکھنے کا ارادہ ترک کرنے کی دلیل، وہی گفتگو تھی جو اس کے مقابلے میں کہی گئی، کیونکہ حضور اکرمؐ کی وفات کے بعد، اب اس لکھے ہوئے کا کوئی اثر باقی نہیں رہنا تھا، سوائے اختلاف کے. اس لئے اگر پیغمبر اکرمؐ لکھنے کا حکم بھی دیتے تو ممکن ہے کہا جاتا کہ یہ لکھا ہوا بے ہوشی کے عالم میں تھا.