اکیسویں رمضان کی رات

اکیسویں رمضان کی رات امام علیؑ کی شہادت اور شب قدر کی تینوں راتوں میں سے ایک ہے۔

تاریخ کے مطابق امام علیؑ ماہ رمضان کی انیسویں رات کو ابن ملجم مرادی کے ہاتھوں زخمی ہوئے اور اسی وجہ سے اکیسویں رات کو شہید ہوئے۔ اسی وجہ سے شیعہ اس رات میں عزاداری برپا کرتے ہیں۔ ایران کے بعض علاقوں میں اکیسویں رات کو قنبر اور حضرت علیؑ کی شبیہ خوانی کو اجرا کرتے ہیں۔

شیعہ مصادر میں منقول روایت کے مطابق یہ رات، انیسویں رات اور تئیسویں رات کے ساتھ ان راتوں میں سے ایک ہے جن کے بارے میں شب قدر ہونے کا احتمال دیا گیا ہے۔ اسی لئے شیعہ اس رات کو گھروں، مساجد اور مذہبی مقامات پر شب بیداری کرتے ہیں اور شب قدر کے اعمال انجام دیتے ہیں۔ شیخ عباس قمی اپنی کتاب مفاتیح‌ الجنان میں لکھتے ہیں کہ ماہ رمضان کی اکیسویں رات کی فضیلت انیسویں رات سے زیادہ ہے۔ اس رات کے لئے منقول اعمال میں سے بعض درج ذیل ہیں:

1. شب بیداری
2. شب قدر کا غسل
3. نماز شب قدر
4. سو رکعت نماز
5. قرآن سر پر رکھنا
6. چودہ معصومینؑ سے متوسل ہونا

اس رات میں بعض شیعہ نذر، افطاری اور سحری کا اہتمام کرتے ہیں۔

متعلقہ مضامین

• انیسویں رات