پیغمبر امی

پیغمبر اُمّی، حضرت محمدؐ کے اوصاف میں سے ایک ہے جو قرآن میں آپ کے لیے استعمال ہوا ہے اور اس سے مراد ایسا نبی اور پیغمبر ہے جو لکھنا پڑھنا نہ جانتا ہو۔ قرآن کے مطابق پیغمبر اسلامؐ کو تورات اور انجیل میں بھی امّی کے نام سے یاد کئے گئے ہیں۔ اُمّی ہونے کو آپؑ کے لیے ایک فضیلت قرار دیا گیا ہے، کیونکہ آپؐ نے کسی کے یہاں تعلیم حاصل کئے بغیر علم لدنی کے ذریعے انسانوں کو ہدایت اور کامیابی کا راستہ دکھایا۔ محققین اس بات کے معتقد ہیں کہ ایسا نبی جو ناخواندہ اور پڑھنا لکھنا نہ جانتا ہو کا مختلف علوم و حکمتوں پر مشتمل قرآن جیسی کتاب کا لانا ایک عظیم معجزہ ہے۔

قرآن میں اُمّی کی صفت

قرآن میں "اُمّی" کا لفظ چھ بار آیا ہے، جن میں دو بار واحد اور چار بار جمع کی صورت میں ذکر ہوا ہے۔ واحد کی دونوں مثالوں میں لفظ امی کے ذریعے نبی اکرمؐ کی توصیف کی گئی ہے۔ قرآن کے مطابق تورات و انجیل میں بھی امّی کے ذریعے پیغمبر اکرمؐ کی توصیف کی گئی ہے۔ شیعہ مفسر محمد جواد مغنیہ کے مطابق اُمّی ہونا نبی اکرمؐ کی خاص صفت ہے جو دوسرے انبیاء میں نہیں پائی جاتی۔

جمع کی صورت میں "اُمّیین" اور "اُمّیون" کے الفاظ استعمال ہوئے ہیں۔ ان آیات میں اس لفظ کے ذریعے مختلف گروہوں جیسے یہودیوں، عربوں اور مشرکین عرب کی توصیف کی گئی ہے۔

اُمّی کے معانی

اُمّی کے مختلف معانی بیان کیے گئے ہیں:

ناخواندہ اور لکھنے پڑھنے سے ناواقف

اُمّی ناخواندہ اور پڑھنا لکھنا نہ جاننے والے کو کہا جاتا ہے۔ یعنی ایسا شخص جس نے اپنی زندگی میں لکھنا پڑھنا نہ سیکھا ہو اور پڑھنے لکھنے کی قدرت نہ رکھتا ہو۔ پانچویں صدی ہجری کے شیعہ عالم دین شیخ طوسی کے مطابق امّی اس شخص کو کہا جاتا ہے جو لکھنا نہ جانتا ہو، اسی طرح علامہ طباطبائی لکھنے اور پڑھنے کی صلاحیت سے محروم شخص کو اُمّی قرار دیتے ہیں۔ اہل سنت مفسر رشید رضا امی سے مراد وہ شخص لیتے ہیں جس نے کچھ نہ پڑھا ہو اور کوئی علم حاصل نہ کیا ہو۔ شہید مطہری اس بات کے معتقد ہیں کہ علماء کی اکثریت نے اس نظریے کو قبول کیا ہے یا اس نظریے کو ترجیح دیتے ہیں۔

بعض مفسرین نے اس بات پر بھی توجہ مرکوز کی ہیں کہ قرآن میں لفظ "اُمی" کے علاوہ بعض آیات میں اس بات کی تصریح کی گئی ہے کہ پیغمبر اکرمؐ لکھنے اور پڑھنے کی صلاحیت نہیں رکھتے تھے۔

بہت سارے مغربی مورخین اور مستشرقین جیسے ہمچون جان دیون‌پورت، توماس کارلایل، ویل دورانت و کونستان ورژیل گیورگیو- نے بھی پیغمبر اکرمؐ کے امّی ہونے کو قبول کیا ہے۔

ام القری یعنی مکہ سے منسوب

چونکہ مکہ کو "اُمّ القریٰ" کہا جاتا ہے، بعض مفسرین کا خیال ہے کہ پیغمبر اکرمؐ کو مکہ سے تعلق ہونے کی بنا پر"پیغمبر اُمّی" کہا گیا ہے۔

امام باقرؑ سے منقول ہے ایک حدیث میں پیغمبر امّی سے مراد مکہ سے تعلق رکھنے والا پیامبر لیا گیا ہے۔ امام باقرؑ سے منقول ایک اور حدیث میں پیغمبر امّی کو لکھنا اور پڑھنا نہ جاننے والے کے ذریعے تفسیر کرنے کی مخالفت کی گئی ہے اور اس نظریے کے ماننے والوں پر لعنت کی گئی ہے (كَذَبُوا لَعَنَہُمُ اللَّہُ) اور امی کی اس تفسیر کو سورہ جمعہ کی دوسری آیت سے معارض قرار دیتے ہوئے اس بات کے معتقد ہیں کہ امی سے مراد ام القری یعنی مکہ سے منسوب شخص ہے۔

آسمانی کتاب سے محروم قوم

بعض کے نزدیک اُمّی اُن لوگوں کو کہا جاتا ہے جو اہلِ کتاب نہ ہوں۔ اسی بنا پر پیغمبر اُمّی اس پیغمبر یا نبی کو کہا جاتا ہے جو ایسی قوم کی طرف مبعوث کیا گیا ہو جن پر کوئی آسمانی کتاب نازل نہیں ہوئی ہو۔ اسی بنا پر «اُمیون» جو کہ لفظ امّی کا جمع ہے قرآن میں اس عرب قوم کے لئے استعمال کیا گیا ہے جن کی کوئی کتاب آسمانی نہ ہو۔ اور اس تعبیر میں پڑھنے اور لکھنے کی صلاحیت رکھنے والے عربی لوگ بھی شامل ہوتے ہیں۔

فضیلت یا مذمت

پیغمبر اکرمؐ کے اُمّی ہونے کی صفت کو اس جہت سے فضیلت قرار دی جاتی ہے کہ آپؐ کسی سے تعلیم حاصل کئے بغیر علم لدنی کے حامل تھے۔ مفسرین اس بات کے معتقد ہیں کہ پیغمبر اکرمؐ نے امی ہونے کے باوجود امت کو جہالت سے نکال کر ہدایت اور فلاح کا راستہ دکھایا اور ایسے شخص کا قرآن جیسی عظیم کتاب کا لانا جو کہ علم و حکمت کا خزانہ ہے، خدا کے معجزات میں شمار کیا گیا ہے۔

اسی وجہ سے بعض محققین اُمّی ہونے کو پیغمبر اکرمؐ کی نبوت کی دلائل میں شمار کرتے ہیں۔ اُمی اور پڑھنے لکھنے کی صلاحیت نہ رکھنا گوکہ پیغمبر اکرمؐ کے لئے ایک فضیلت شمار کیا جاتا ہے، لیکن دوسروں کے لئے مذمت شمار کی جاتی ہے۔ قرآن میں اس صفت کو یہودیوں اور عربوں کی مذمت کے لئے استفادہ کیا گیا ہے۔ بعض علماء اس صفت تکبر کے ساتھ موازنہ کرتے ہوئے کہتے ہیں کہ فضیلت یا مذمت پر دلالت کرنے یہ صفت تکبر کی طرح ہے یعنی جس طرح تکبر خدا کے لئے کمال جبکہ غیر خدا کے لئے مذمت اور پستی ہے اسی طرح امّی ہونا بھی پیغمبر اکرمؐ کے لئے فضیلت اور کمال جبکہ دوسروں کے لئے مذمت اور پستی ہے۔ علامہ طباطبائی المیزان میں قرآن کے اعجاز اور معجزہ کی بحث میں (التحدي بمن أنزل عليہ القرآن) «جس پر قرآن نازل ہوا اس کے ذریعے چیلینج» کے عنوان سے بحث کرتے ہوئے کہتے ہیں کہ قرآن نے لوگوں کو چیلنج دیا کہ ایک ایسی کتاب جو اپنے الفاظ اور معانی دونوں میں معجزہ ہے، وہ ایسے شخص پر نازل ہوئی جو اُمّی تھا، نہ تعلیم یافتہ تھا اور نہ کسی استاد سے تربیت حاصل کی تھی۔ وہ نبی جو اپنی زندگی کے 40 سال (یعنی اپنی عمر کے دو تہائی حصے) میں نہ کبھی علم کی بات کرتا نظر آیا اور نہ ہی کسی نے آپ سے کوئی شعر یا نثر سنا۔

تفسیر تسنیم کے مصنف آیت اللہ جوادی آملی کا ماننا ہے کہ اگر کسی علمی اور تعلیمی معاشرے میں کوئی نبی ظاہر ہوتا تو یہ کوئی حیران کن بات نہ ہوتی، لیکن ایک ایسے ماحول میں جہاں جہالت عام تھی، ایک اُمّی نبی کا ظہور اور قرآن جیسا معجزہ پیش کرنا ایک روشن مثال ہے۔ وہ کہتے ہیں کہ "اگر رات کی تاریکی میں سورج طلوع ہو تو یہی حقیقی معجزہ ہے۔"

احمد مرسل کہ خرد خاک اوست‏ ہر دو جہان بستہ فتراک اوست‏ احمد مرسل (ؐ) جن کے آگے عقل عاجز ہے دونوں جہاں جن کی رکاب سے جڑے ہوئے ہیں امی گویا بہ زبان فصیح‏ از الف آدم و میم مسیح‏ ایسے اُمّی جو فصیح زبان سے بولتے ہیں آدم کے الف سے لے کر مسیح کے میم تک ہمچو الف راست بہ عہد و وفا اول و آخر شدہ بر انبیا عہد و وفا میں الف کی طرح سیدھے اور تمام انبیاء کے لیے اول و آخر ہیں

مونوگراف

• مطہری، مرتضی، پیامبر امی، تہران انتشارات صدرا، چاپ بیست و ہشتم 1390ہجری شمسی۔