مسودہ:وضوئے جبیرہ

وضوئے جَبیرہ‌، وضو کرنے کے ایک طریقے کو کہا جاتا ہے جو اعضائے وضو (سر کا اگلا حصہ، چہرہ، دونوں اور دونوں پاؤں) پر زخم یا چوٹ ہونے کی صورت میں انجام دیا جاتا ہے۔ زخم اور چوٹ پر لگانے والی دوائی یا اسے باندھنے والی پٹی کو جبیرہ کہا جاتا ہے۔

فقہاء کے مطابق جس شخص کے اعضائے وضو پر زخم یا چوٹ ہو؛ اگر معمول کے مطابق وضو کر سکتا ہے تو معمول کے مطابق وضو کرنا ضروری ہے؛ لیکن اگر جبیرہ یعنی دوائی یا پٹی کو ہٹانا ممکن نہ ہو یا دوائی اور پٹی کے نیچے پانی پہنچانا نقصان کا باعث ہو تو مذکورہ اعضاء کو دھونے اور مسح کرنے کے بجائے جَبیرہ پر تر ہاتھ پھیرنا کافی ہے۔ اگر جبیرہ مطلوبہ اعضاء کے ایک حصے پر ہو تو اسی حصے پر تر ہاتھ پھیرے اور بقیہ حصوں کو دھویا جائے۔

وضوئے جبیرہ‌ کا طریقہ

بعض فقہاء کے فتوے کے مطابق اگر جبیرہ وضو میں دھونے والے اعضاء پر ہو تو اس پر صرف تر ہاتھ پھیرنا کافی نہیں ہے بلکہ ہاتھ کی رطوبت جبیرہ تک پہنچنا ضروری ہے۔ اگر جبیرہ اعضائے وضو میں سے کسی عضو کو مکمل گیرا ہوا ہو تو اس پر بھی جبیرہ کا حکم لاگو ہوگا۔ بعض فقہاء کہتے ہیں کہ احتیاط مستحب یہ ہے کہ اس صورت میں وضوئے جبیرہ کے ساتھ تیمم بھی کیا جائے۔

جبیرہ کا پاک ہونا ضروری ہے۔ اگر نجس ہونے کی وجہ سے اس پر ہاتھ پھیرنا ممکن نہ ہو تو اس پر ایک پاک کپڑا رکھ کر اس کپڑے پر ہاتھ پھیرنا ضروری ہے۔