حدث اصغر

حَدَثِ اَصغر اس چیز کو کہا جاتا ہے جو وضو کے باطل ہونے کا سبب بنتی ہے یا اس حالت کو کہا جاتا ہے جو وضو کے باطل ہونے کے بعد انسان میں پیدا ہوتی ہے۔

فقہا حدث کو حدث اکبر اور حدث اصغر میں تقسیم کرتے ہیں اور حدث اصغر سے ان کی مراد وہ چیزیں ہیں جو وضو کو باطل کر دیتی ہیں اور وہ یہ ہیں: پیشاب و پاخانے کا نکلنا، معدے اور آنتوں کی ہوا کا مقعد سے خارج ہونا، نیند کی وجہ سے آنکھوں کا نہ دیکھ سکنا اور کانوں کا سن نہ سکنا، دیوانگی، مستی و بے ہوشی وغیرہ کی وجہ سے عقل کا زائل ہو جانا اور استحاضہ قلیلہ۔

حدث اس چیز کو کہا جاتا ہے جو طہارت کے زائل ہونے کا سبب بنتی ہے۔ اس کے علاوہ فقہا کے کلام میں حدث اس حالت کو بھی کہا جاتا ہے جو پیشاب، منی اور حیض کے خارج ہونے کے بعد انسان پر طاری ہوتی ہے اور ایسی عبادتوں کی انجام دہی میں مانع بنتی ہے جن میں طہارت یعنی وضو یا غسل شرط ہے۔ حدث کے احکام توضیح المسائل اور دوسری فقہی کتابوں میں طہارت کے باب میں بیان کی جاتی ہے۔ جس شخص سے حدث سرزد ہوتی ہے اسے مُحْدِثْ کہا جاتا ہے۔

متعلقہ صفحات

• حدث اکبر
• وضو

منابع

• شیخ انصاری، مرتضی، کتاب الطہارہ، قم، کنگرہ جہانی بزرگداشت شیخ اعظم انصاری، قم، ۱۴۱۵ق.
• فیض کاشانی، محمد محسن، رسائل فیض کاشانی، تحقیق: بہزاد جعفری، تہران، مدرسہ عالی شہید مطہری، ۱۴۲۹ق.
• ہاشمی شاہرودی، سید محمود، فرہنگ فقہ مطابق مذہب اہل بیت علیہم‌السلام، قم، مؤسسہ دایرۃالمعارف فقہ اسلامی بر مذہب اہل بیت علیہم السلام، ۱۴۲۶ق.
• نجفی، محمد حسن، جواہر الکلام فی شرح شرائع الاسلام، تصحیح: عباس قوچانی و علی آخوندی، بیروت، داراحیاء التراث العربی، ۱۴۰۴ق.