مسودہ:متجزی مجتہد

مُتَجَزّی مجتہد، اس فقیہ کو کہا جاتا ہے جو فقہی مسائل کے صرف کچھ حصوں میں شرعی احکام کو ان کے ادلے سے استنباط کرنے کی صلاحیت رکھتا ہو، مطلق مجتہد کے برخلاف جس میں تمام شرعی احکام استنباط کرنے کی صلاحیت موجود ہوتی ہے۔ اکثر فقہاء اس بات کے معتقد ہیں کہ فقہ کے ایک خاص حصے میں اجتہاد کرنا امکان پذیر ہے اور متجزّی مجتہد فقہ کے تمام ابواب پر مکمل احاطہ کئے بغیر کسی خاص حصے میں اجتہاد کر سکتا ہے۔ ان کے مقابلے میں بعض فقہاء اس امر کو ناممکن قرار دیتے ہیں۔

فقہاء کے مطابق جب ایک متجزّی مجتہد کسی مسئلے میں یقینی طور پر اجتہاد کے درجے تک پہنچ جاتا ہے تو اس شخص پر اس مسئلے میں اپنے فتوے کے مطابق عمل کرنا واجب ہے اور اس مسئلے میں وہ کسی اور مجتہد کی تقلید نہیں کر سکتا ہے۔ دوسروے لوگ متجزّی مجتہد کی تقلید کر سکتے ہیں یا نہیں اس بارے میں دو نظریے موجود ہیں: ایک گروہ اس بات کے معتقد ہیں کہ جس مسئلے میں یہ شخص اجتہاد کے درجے تک پہنچا ہے اس میں دوسرے لوگ بھی اس کی تقلید کر سکتے ہیں اور اسے اس مسئلے میں اپنا مرجع تقلید قرار دے سکتے ہیں؛ لیکن بعض فقہاء ایسے مجتہد کی تقلید کو جائز نہیں سمجھتے ہیں، کیونکہ عقلاء یا متشرعہ کی سیرت متجزّی مجتہد کی طرف رجوع کرنے کے بارے میں موجود نہیں ہے اس بنا پر تقلید جائز ہونے کے دلائل اس شخص کو شامل نہیں کرتی ہے۔

امام خمینی کے مطابق متجزی مجتہد ایسے فقہی اور جزائی مسائل کی ذمہ داری یا ولایت قبول نہیں کر سکتے جس کے لئے فقیہ جامع‌ الشرائط کی شرط ہو؛ البتہ آپ کہتے ہیں کہ جامع‌ الشرایط مجتہد نہ ہونے کی صورت میں متجزی مجتہد اس کام کے لئے دوسرے عام لوگوں منجملہ عادل مؤمنین پر مقدم ہے اور احتیاط واجب کی بنا پر متجزی مجتہد کا قضاوت اور امور حسبیہ کی ذمہ داری قبول کرنے میں کوئی اشکال نہیں ہے۔