کتائب سید الشہداء عراق

کتائب سید الشہداء عراق

کتائب سید الشہداء کا لوگو
عمومی معلومات
تاسیس	سنہ 2003ء • باضابطہ کام کا آغاز 21 فروری سنہ 2013ء
نوعیت	عسکری• سیاسی • ثقافتی
ہدف	عراق سے قابض افواج کا انخلاء
ہیڈ کوارٹر	عراق
وسعت مکانی	عراق • شام
سیکرٹری جنرل	ابوالاء الولائی
سربراہ	ابومصطفی الخزعلی
متعلقہ ادارے	ثقافتی ادارہ «وثق»
منشور	عراق اور شام میں داعش سے مقابلہ
ملک	عراق

کتائب سید الشہداء، عراق کی ایک شیعہ مسلح گروہ کا نام ہے۔ اس گروہ کو سنہ 2003ء کو عراق میں امریکی فوجی مداخلت کے بعد عراق اور شام میں قابض افواج کے خلاف مقابلہ کرنے کے لئے تشکیل دیا گیا۔ یہ گروہ شیعہ عقائد کی بنیاد پر ایران کے اسلامی انقلاب خاص طور پر امام خمینی، آیت اللہ خامنہ ای اور قاسم سلیمانی کی شخصیتوں سے متأثر ہو کر تشکیل پایا ہے۔

کہا جاتا ہے کہ ابتداء میں سکیورٹی خدشات کے پیش نظر اس گروہ کا کوئی خاص نام نہیں تھا یہاں تک کہ عراق سے امریکی افواج کے انخلا کے بعد اس گروہ نے اپنے لئے کتائب سید الشہداء کا نام انتخاب کیا۔

اسی طرح یہ بھی کہا جاتا ہے کہ کتائب سید الشہداء شروع میں کتائب حزب اللہ عراق کا حصہ تھا۔ یہاں تک کہ داعش کے خلاف آیت اللہ سیستانی کے فتوے کے بعد یہ گروہ اس تنظیم سے الگ ہو گیا۔ 21 فروری سنہ 2013ء کو عراق سے امریکی افواج کے انخلاء کی دوسری سالگرہ کے موقع پر عراقی میڈیا نے باضابطہ طور پر اعلان کیا کہ کتائب حزب اللہ عراق کی کچھ اہم شخصیات جیسے ابو مصطفی الشیبانی، ابو مصطفی الخزعلی اور ہاشم ابو آلاء الولائی نے اس تنظیم سے علیحدگی اختیار کر کے کتائب سید الشہداء کے نام سے ایک نئی تنظیم کی بنیاد رکھی ہے۔

ابوآلاء الولایی؛ کتائب سید الشہداء کے جنرل سیکریٹری

کتائب سید الشہداء کے اہم رہنماؤں میں ابو مصطفی الخزعلی اس گروہ کے سربراہ اور ابو آلاء الولائی سیکریٹری جنرل ہیں۔ اسی طرح حاج ابو سیف اس گروہ کے ایک اہم کمانڈر تھے جو سامرا میں شہید ہوئے۔ شام میں داعش کے خلاف جنگ کے دوران کتائب سید الشہداء حضرت زینب (سلام اللہ علیہا) کے حرم کی حفاظت کے لیے شام چلے گئے۔ اس دوران اس گروہ کے تقریبا 400 سے 500 افراد شام میں موجود تھے اور عراق اور شام میں مسلح جد و جہد کے وقت اس گروہ کی عسکری قیادت ابو مصطفی شیبانی کے ذمے تھی۔

کتائب حضرت رقیہ(س) شام میں اس تنظیم کی ایک شاخ ہے جو وہاں پر تکفیری گروہوں کے خلاف جد و جہد اور اسلامی مقدسات کی حفاظت کے لیے سرگرم ہے۔

کتائب سید الشہداء نہ صرف عسکری میدان میں بلکہ عراق کے سیاسی منظرنامے میں پارلیمانی انتخابات سے لے کر وزیر اعظم کے انتخاب میں اہم کردار ادا کرتا ہے۔ اس کے علاوہ ثقافتی اور سماجی شعبوں میں خدامات انجام دینے کے لئے اس گروہ نے عراق میں “وثق” کے نام سے ایک ثقافتی ادارہ قائم کیا ہے۔ کتائب سید الشہداء عراق کی بعض شہروں جیسے ناصریہ، العمارہ اور کاظمین وغیرہ میں ان کی سماجی خدمات کی وجہ سے مشہور ہے۔ اس گروہ کے اراکین کے بارے میں کہا جاتا ہے کہ یہ لوگ عسکری تعلیم اور مہارت کے حامل ہیں اور جنگوں میں یہ گروہ چھوٹے اور درمیانے درجے کے ہتھیاروں کا استعمال کرتا ہے۔

“بدون مرز، عشق”(بے حد و حدود محبت) ایک دستاویزی پروگرام ہے جو ایران کے ٹی وی چینل پر نشر ہوا جس میں کتائب سید الشہداء کی تشکیل، امریکی افواج کے خلاف ان کی جد و جہد، حرم حضرت زینب کی دفاع کے لئے ان کا شام جانا اور دوبارہ عراق واپس آکر داعش کے خلاف ان کی کارروائیوں کے بارے میں تفصیل سے بیان کیا گیا ہے۔

اسلامی مقاومتی بلاک کے اراکین

ردیف	عنوان	تأسیس	بانی	اہم شخصیات	سربراہ	مذہب	مبداء	لوگو	میڈیا
1	تحریک امل	1353شمسی	امام موسی صدر	مصطفی چمران	نبیہ بری	شیعہ	لبنان	بی‌قاب	ٹی وی چینل NBN
2	تحریک جہاد اسلامی فلسطین	1360شمسی	فتحی شقاقی	رمضان عبداللہ حسام ابوہَربید	زیاد نَخالہ	اہل‌ سنت	غزہ	بی‌قاب	فلسطین الیوم نیٹ ورک
3	حزب‌ اللہ لبنان	1361شمسی		سید عباس موسوی سید حسن نصراللہ	نعیم قاسم	شیعہ	لبنان	بی‌قاب	المنار نیٹ ورک
4	بدر تنظیم	1364شمسی		عدنان ابراہیم ابومہدی المہندس	ہادی العامری	شیعہ	عراق	بی‌قاب	الغدیر نیٹ ورک
5	حَماس (حركۃ المقاومۃ الاسلاميۃ)	1366شمسی	شیخ احمد یاسین	عبدالعزیز رنتیسی اسماعیل ہنیہ یحیی سنوار	حماس کی عبوری کمیٹی	اہل‌ سنت	فلسطین	بی‌قاب
6	سپاہ قدس	1369شمسی	سید علی خامنہ‌ای	احمد وحیدی قاسم سلیمانی	اسماعیل قاآنی	شیعہ	ایران	بی‌قاب
7	انصار اللہ یمن	1369شمسی	حسین الحوثی	بدرالدین الحوثی	عبدالملک الحوثی	زیدیہ	یمن	بی‌قاب	المسیرہ نیٹ ورک
8	کتائب حزب‌ اللہ عراق	1382شمسی	ابومہدی المہندس	ابوحسین حمیداوی ابوباقر الساعدی ارکان العلاوی	احمد محسن فرح الحمیداوی	شیعہ	عراق	بی‌قاب	الاتجاہ نیٹ ورک
9	کتائب سید الشہداء عراق	1382شمسی		ابومصطفی خزعلی حاج ابوسیف	ابوآلاء الولائی	شیعہ	عراق	بی‌قاب
10	عصائب اہل الحق	1383شمسی	قیس خزعلی	عبدالہادی الدراجی محمد البہادلی	قیس خزعلی	شیعہ	عراق	بی‌قاب	العہد نیٹ ورک
11	تحریک نجباء	1383شمسی	اکرم الکعبی	ابوعیسی اقلیم مشتاق کاظم الحواری	اکرم الکعبی	شیعہ	عراق	بی‌قاب
12	لشکر زینبیون	1392شمسی	پاکستانی شیعوں کا ایک گروہ	زینت‌ علی جعفری عقید مالک مطہر حسین		شیعہ	پاکستان	بی‌قاب
13	لشکر فاطمیون	1392شمسی	افغانستان مجاہدین کا ایک گروہ	علیرضا توسلی سید محمدحسن حسینی سید احمد سادات		شیعہ	افغانستان	بی‌قاب
14	حشد شعبی	1393شمسی		ہادی عامری ابومہدی المہندس	فالح فیاض	شیعہ	عراق	بی‌قاب