روح اللہ (لقب)

روح‌ اللہ حضرت عیسی کے القاب میں سے ہے۔ متعدد شیعہ احادیث اور زیارت‌ ناموں میں «السَّلَامُ عَلَى عِيسَى رُوحِ اللَّہِ» کی تعبیر کے ساتھ اس لقب کی طرف اشارہ ہوا ہے۔ روح‌ اللہ کا مطلب روح خدا کے حامل شخصیت کے ہیں۔ سورہ نساء کی آیت نمبر 171 میں بھی بغیر صراحت کے اس لقب کی طرف اشارہ کیا گیا ہے: «إِنَّمَا الْمَسِیحُ عِیسَی ابْنُ مَرْیَمَ رَسُولُ اللَّہِ وَ کَلِمَتُہُ أَلْقَاہَا إِلَی مَرْیَمَ وَ رُوحٌ مِنْہُ؛ جناب عیسیٰ بن مریم اللہ کے رسول ہیں اور اس کا کلمہ جسے اس نے مریم کی طرف بھیجا اور اللہ کی طرف سے ایک خاص روح ہیں۔»

حضرت عیسی کا «روح‌ اللہ» کے لقب سے ملقب ہونے کی کئی وجوہات بیان کی گئ ہیں جن میں سے بعض یہ ہیں: حضرت عیسی کا وجود شکم مادر میں خدا کے حکم سے ٹہرا ہے نہ نطفہ کے ذریعے، آپ دینی حوالے سے لوگوں کی احیا، آپ مردوں کو زندہ کرتے تھے، اور ان پر خدا کی رحمت (روح یعنی رحمت) کا موجب تھے۔

لفظ «روح» کا «خدا» کی طرف اضافہ کو اصطلاح میں «اضافہ تشریفی» کہا جاتا ہے؛ یعنی ایک گران‌ قدر اور شرافت والی روح جو «روح خدا» کہنے کے لایق ہے۔ «روح‌ اللہ» اس حقیقت کی طرف اشارہ ہے کہ انسان اگرچہ ایک مادی وجود ہے لیکن معنوی اور روحانی اعتبار سے الہی روح کا حامل ہے۔

روح‌ اللہ کو نام کے طور پر بھی استعمال کیا جاتا ہے۔ اس نام سے مشہور افراد میں اسلامی جمہوریہ ایران کے بانی امام خمینی سب سے نمایاں ہیں۔