کفار سے مشابہت

کُفّار سے مشابہت، مسلمانوں کی طرف سے فردی اور اجتماعی زندگی میں کافروں کی پیروی کرنے اور اپنے آپ کو ان کی طرح قرار دینے کو کہا جاتا ہے۔ فقہا ان کی بعض اقسام کو حرام قرار دیتے ہیں۔ مختلف علوم و فنون میں کافروں کی تقلید اور پیروی کرنا کفار سے تشابہ کے زمرے میں نہیں آتی۔ بعض فقہاء کفار سے مشابہت کی ممانعت کو ایک فقہی قاعدہ قرار دیتے ہیں جس کے ساتھ تطبیق کے ذریعے مختلف موضوعات کے احکام کو مشخص کیا جاتا ہے۔

فقہا کے درمیان کفار کے ساتھ مشابہت پیدا کرنے کے حکم میں اختلاف پایا جاتا ہے۔ لھذا اس سلسلے میں مختلف نظریات پیش کئے گئے ہیں جن میں مطلقا حرام ہونا، مطلق مکروہ ہونا اور مشروط حرام ہونا وغیرہ شامل ہیں۔ شیعہ فقہاء معمولا مشروط طور پر اس کام کے حرام ہونے کے قائل ہیں؛ شیعہ فقہاء اس حکم کے قرآنی، حدیثی اور عقلی دلائل کو تو قبول کرتے ہیں لیکن ان دلائل کی اطلاق اور عمومیت کو نہیں مانتے ہیں۔

کفار کے ساتھ مشابہت پیدا کرنے کے حکم کو ثابت کرنے کے لئے ادلہ اربعہ سے استناد کیا گیا ہے؛ اس سلسلے میں موجود قرآن کی آیات کو تین گروہوں میں تقسیم کرتے ہیں: پہلی قسم میں وہ آیات شامل ہیں جن میں کفار کے ساتھ مشابہت پیدا کرنے سے مطلقا نہی کی گئی ہے، دوسری قسم میں وہ آیات شامل ہیں جن میں مسلمانوں کو کفار کے ساتھ دوستی کرنے یا ان کی ولایت اور اطاعت سے ممانعت کی گئی ہے اور آخری قسم میں وہ آیات شامل ہیں جن میں کسی خاص موضوع میں کفار کے ساتھ مشابہت پیدا کرنے سے منع کی گئی ہے۔ ان آیات کے علاوہ بعض احادیث میں بھی بطور عام کفار سے مشابہت پیدا کرنے سے منع کی گئی ہے جبکہ بعض احادیث میں کسی خاص موضوع میں اس کام سے منع کی گئی ہے۔ عقلی طور پر کفار کے ساتھ مشابہت پیدا کرنے کو سیاسی، عسکری، اقتصادی اور ثقافتی حوالے سے کفار کا مسلمانوں کے اوپر مسلط ہونے کا باعث سمجھا جاتا ہے اس بنا پر اس سے نہی کی گئی ہے۔

کفار سے مشابہت کا مفہوم اور اس بحت کی اہمیت

کفار سے مشابہت کے معنی مسلمانوں کا فردی اور اجتماعی امور میں کافروں کی اطاعت اور پیروی کرنا ہے۔ کفار سے مشابہت پیدا کرنا بذات خود شرعی اعتبار سے ایک ناپسند اور مزموم کام شمار کیا جاتا ہے اور اس بارے میں شیعہ اور اہل‌ سنت فقہاء کے درمیان کوئی اختلاف نہیں ہے؛ لیکن اس کے احکام نیز بعض جزئی مسائل جیسے اس مسلئے کے بارے میں آگاہی رکھنے نہ رکھنے نیز تشابہ کی قصد یا بغیر قصد کے اس کام کے انجام دینا وغیرہ کے بارے میں فقہاء کے درمیان قدرے اختلاف پایا جاتا ہے۔

کہا جاتا ہے کہ کفار سے مشابہت پیدا کرنا ایک فقہی مسئلہ‌ نہیں ہے، بلکہ ایک فقہی قاعدہ‌ ہے جس کی بنا پر مقلد اس قاعدے کو مدنظر رکھتے ہوئے مختلف ابواب میں مختلف موضوعات کے فقہی احکام کا سراغ لگایا جا سکتا ہے۔

امامیہ فقہاء کفار سے مشابہت پیدا کرنے کے مسئلے کو عموما عبادی امور جیسے لباس نمازگزار، مبطلات نماز اور طواف خانہ کعبہ وغیرہ میں زیر بحث لاتے ہیں اور زندگی کے دوسرے فردی اور اجتماعی امور میں اسے زیادہ اہمیت نہیں دیتے ہیں۔

کفار سے مشابہت پیدا کرنے کا حکم

کفار سے مشابہت پیدا کرنے کے شرعی حکم کے بارے میں شیعہ اور اہل‌ سنت فقہاء مطلقا حرام ہونے سے لے کر مطلقا مکروہ ہونے کے قائل ہیں؛

مطلقا حرام ہونا: یہ حکم اہل‌ سنت کے مشہور اور بعض امامیہ فقہاء کا نظریہ مانا جاتا ہے۔ اس بنا پر مسلمانوں کا غیر مسلمانوں (کافر، مشرک، اہل کتاب وغیرہ) کے ساتھ فردی اور اجتماعی زندگی کے کسی بھی شعبے میں کسی طرح کی شباہت اور مشابہت پیدا کرنا حرام ہے؛ کہا جاتا ہے که اس نظریے کے قائلین کے مطابق اس سلسلے میں اصل عمل کے مباح ہونے یا نہ ہونے نیز مکلف کو اس مسئلے کے بارے معلوم ہونے یا نہ ہونے اور اسی طرح اس عمل کو مشابہت پیدا کرنے کے قصد اور ارادے سے انجام دینے اور نہ دینے نیز یہ عمل کسی مسلمان فرد سے سرزد ہو یا کسی مسلمان حکومت سے اس سلسلے میں کوئی فرق نہیں ہے، ہر صورت میں یہ عمل حرام اور جائز نہیں ہے۔

مطلقان مکروہ ہونا: اہل‌ سنت فقہاء میں سے شافعی اور شیعہ فقہاء میں سے شیخ مفید، محقق حلی، علامہ حلی اور شیخ بہائی اس نظریے کے قائلین میں سے ہیں۔ کہا جاتا ہے کہ اس نظریے کے قائلین بھی مشابہت کی قصد رکھنے اور نہ رکھنے میں کسی فرق کے قائل نہیں ہیں۔

مشروط طور پر حرام ہونا: اس نظریے کے عمدہ قائلین شیعہ امامیہ فقہاء ہیں۔ فقہاء کا یہ گروہ کفار سے مشابہت پیدا کرنے سے ممانعت کرنے والی قرآنی، حدیثی اور عقلی دلائل کو قبول کرتے ہیں لیکن ان دلائل کے اطلاق اور عمومیت کو قبول نہیں کرتے ہیں۔ ان فقہاء کے مطابق کفار سے مشابہت پیدا کرنا حرام ہونے کے لئے کچھ شرائط کا ہونا بھی ضروری ہے جن میں سے بعض یہ ہیں:

• کفار سے مشابہت پیدا کرنے کی قصد اور معاشرے میں کافروں کے طرز زندگی کو رواج دینے نیز اسلامی طرز کو کمزوز کرنے کے ارادے سے یہ کام انجام دیا ہو۔
• کفار کے ساتھ ان کی خاص طرز زندگی جیسے صلیب وغیرہ میں مشابہت پیدا کرے نہ یہ کہ مسلمانوں اور کفار کے مشترکہ طرز زندگی میں مشابہت پیدا کرنا کوئی معنی نہیں رکھنا۔

کفار سے مشابہت پیدا کرنے کے مواقع

کفار سے مشابہت پیدا کرنے کا موضوع فقہ میں دو جگہوں پر مورد بحث قرار پاتا ہے:

عبادات: یہ کہ کوئی شخص خدا کی عبادت کو کفار کے آداب اور لباس میں انجام دے؛ امام علیؑ اور امام باقرؑ سے مروی ایک حدیث میں نماز کی حالت میں مجوسیوں کے طرز عمل سے نہی کی گئی ہے۔

طرز زندگی: بعض فقہاء طرز زندگی میں کفار سے مشابہت پیدا کرنے کو تین قسموں میں تقسیم کرتے ہیں؛ لباس، ظاہری وضع و طع اور آداب و رسوم میں کفار کے ساتھ مشابہت پیدا کرنا۔ لباس میں کفار سے مشابہت پیدا کرنے کی حرمت کے بارے میں امام صادقؑ سے مروی ایک حدیث سے استناد کرتے ہیں جس کے مطابق خدا نے مؤمنین مسلمانوں کے دشمنوں کی طرح لباس پہننے سے اجتناب کرنے کی سفارش کی ہے۔ اس بنا پر پر بعض اہل مغرب اور غیر مسلمانوں کے بعض ظاہری زینتی لباس جیسے ٹائی وغیرہ سے ممانعت کی گئی ہے۔

ظاہری وظع قطع اور زینت میں کفار سے مشابہت پیدا کرنا، مثلا پیغمبر اکرمؐ سے مروی ایک حدیث میں مسلمان مردوں کو دھاڑی اور منچھوں کی زینت میں مجوسیوں کے ساتھ مشابہت سے منع کی گئی ہے۔ آداب و رسوم میں کفار سے مشابہت پیدا کرنا، مثلا امام صادقؑ نے زمان جاہلیت کے مشرکوں کے ساتھ مشابہت پیدا کرنے کی وجہ سے مسلمانوں کو غم زدہ اور مصیبت زدہ افراد کے یہاں کھانا کھانے سے منع فرمایا ہے۔ اس بنا پر غیر مسلموں کے بعض آداب و رسول جیسے کرسمس ڈے اور وَلِنْٹائن ڈے(روز عشاق)، وغیره منانے سے نہی کی گئی ہے۔

کہا جاتا ہے کہ دینی منابع میں مذکور کفار سے مشابہت پیدا کرنے کے مواقع کی محدودیت کو مد نظر رکھتے ہوئے اس حکم کو علمی اور صنعتی میدانوں میں کفار کے ساتھ مشابہت پیدا کرنے کے اوپر لاگو نہیں کر سکتے ہیں۔

تشابہ کے مصادیق کی تشخص کا ملاک اور معیار

کفار سے مشابہت اور تشابہ کے مصادیق کی شناخت میں عُرف کو ملاک اور معیار قرار دیا جاتا ہے، اس بنا پر ممکن ہے ایک چیز غیر مسلمانوں کے ساتھ مختص ہو لیکن ان کا مرتکب ہونا عرفاً کفار سے مشابہت پیدا کرنے کے زمرے میں نہ آتی ہو۔ مثلا کہا جاتا ہے کہ نوروز زرتشتیوں کے آداب و رسوم میں سے تھا، لیکن پوری تاریخ میں کسی بھی شیعہ فقیہ نے نوروز کے دن جشن منانے کو کفار کے ساتھ مشابہت قرار نہیں دیا ہے؛ لیکن داڑھی منڈوانا، ٹائی لگانا اور ایک زمانے میں ہینڈزفری وغیرہ کے استعمال کو کفار سے مشابہت کا مصداق شمار کیا جاتا تھا۔ ان کے علاوہ فقہا اس بات کے معتقد ہیں کہ کفار سے مشابہت پیدا کرنے کے بعض موارد زمانہ گزرنے کے ساتھ عرفاً اس دائرے سے خارج ہو کر مسلمانوں اور غیر مسلموں کے مشترک امور میں تبدیل ہو جاتے ہیں۔

کفار سے مشابہت کے حکم کے مستندات

کفار سے مشابہت پیدا کرنے کے حکم کے لئے ادلہ اربعہ سے استناد کیا جاتا ہے:

قرآن و سنت

کفار سے مشابہت پیدا کرنے سے متعلق آیات کو تین گروہوں میں تقسیم کیا جاتا ہے:

• بعض آیا میں کفار سے مشابہت پیدا کرنے سے مطلقا نہی کی گئی ہے؛ منجملہ، سورہ آل‌ عمران آیت نمبر 105، سورہ انفال آیت نمبر 47 اور سورہ حدید آیت نمبر 16۔
• بعض آیات میں کفار سے دوستی کرنا اور ان کی اطاعت و ولایت سے نہی کی گئی ہے؛ منجملہ، سورہ بقرہ آیت نمبر 120، سورہ آل‌ عمران آیت نمبر 118، سورہ نساء آیت نمبر 115، سورہ مائدہ آیت نمبر 49، سورہ مائدہ کی آیات 51 و 52 اور سورہ انعام آیت نمبر 153۔
• بعض آیات میں ایک خاص موضوع میں کفار سے مشابہت کی نہی کی گئی ہے؛ منجملہ، سورہ بقرہ آیات 104 و 105 اور سورہ اعراف آیت نمبر 31 ۔

کفار سے مشابہت پیدا کرنے سے مربوط احادیث کو دو حصوں عام و خاص میں تقسیم کیا جاتا ہے: روایات عام، جیسے پیغمبر اکرمؐ اور امام علیؑ، سے مروی ایک حدیث جس میں کلی طور پر یہ کہا گیا ہے کہ جو بھی اپنے آپ کو کسی قوم کے مشابہ بنائے اسے اسی قوم کے ساتھ محشور کیا جائے گا؛ روایات خاص میں زندگی کے مختلف شعبوں منجملہ عبادت سے لے کر فردی اور اجتماعی اخلاقی پہلوں میں اس کام سے منع کی گئی ہے جیسے امام صادقؑ سے مروی ایک حدیث جس میں یہودیوں سے مشابہت سے بچنے کے لئے گھروں کے صحن میں جاڑو کرنے کا حکم دیا گیا ہے۔

دوسرے مستندات

اہل‌ سنت فقہاء میں سے ابن‌تیمیہ (وفات: 728ھ) نے کفار سے مشابہت کی حرمت پر اجماع کا دعوا کیا ہے۔ عقلی طور پر کفار سے مشابہت کے حرام ہونے پر درج ذیل دلائل پیش کئے گئے ہیں:

• کفار سے مشابہت پیدا کرنا سیاسی، نظامی، اقتصادی اور ثقافتی طور پر مسلمانوں کے اوپر غیر مسلموں کی تسلط کا باعث بنے گا۔
• مسلمانوں کو ہمیشہ دشمن کی جانب سے نقصان پہنچا ہے لھذا ان کے ساتھ مشابہت پیدا نہ کرنا ایک طرح سے ان کی مخالفت ہے۔

بعضی فقہی قواعد جیسے قاعدۂ نفی سبیل اور سدّ ذرایع سے بھی اس سلسلے میں استناد کیا جاتا ہے۔ قاعدۂ نفی سبیل میں سبیل سے مراد عام لیتے ہیں اور کفار کا ثقافتی یلغار بھی کفار کے تسلط ہونے کے راستوں اور ذرایع میں سے ہیں۔ اسی طرح کفار سے مشابہت کا حرام ہونا ایک طرح سے ان ذرایع اور راستوں کو بند کرنے کے مصادیق میں سے ہیں جن کے ذریعے مسلمانوں پر کفار کو تسط حاصل ہو سکتا ہے۔