کتائب سید الشہداء عراق

کتائب سید الشہداء عراق

کتائب سید الشہداء کا لوگو
عمومی معلومات
تاسیس	سنہ 2003ء • باضابطہ کام کا آغاز 21 فروری سنہ 2013ء
نوعیت	عسکری• سیاسی • ثقافتی
ہدف	عراق سے قابض افواج کا انخلاء
ہیڈ کوارٹر	عراق
وسعت مکانی	عراق • شام
سیکرٹری جنرل	ابوالاء الولائی
سربراہ	ابومصطفی الخزعلی
متعلقہ ادارے	ثقافتی ادارہ «وثق»
منشور	عراق اور شام میں داعش سے مقابلہ کرنا
ملک	عراق

کتائب سید الشہداء، عراق کے ایک شیعہ مسلح گروہ کا نام ہے، جسے سنہ 2003ء کو عراق میں امریکی فوجی مداخلت کے بعد عراق اور شام میں قابض افواج کے خلاف مقابلہ کرنے کے لئے تشکیل دیا گیا تھا۔ یہ گروہ شیعہ عقائد کی بنیاد پر ایران کے اسلامی انقلاب خاص طور پر امام خمینی، آیت اللہ خامنہ ای اور قاسم سلیمانی کی شخصیتوں سے متأثر ہو کر تشکیل پایا ہے۔

کہا جاتا ہے کہ ابتداء میں سکیورٹی خدشات کے پیش نظر اس گروہ کا کوئی خاص نام نہیں تھا یہاں تک کہ عراق سے امریکی افواج کے انخلا کے بعد اس گروہ نے اپنے لئے کتائب سید الشہداء کا نام انتخاب کیا۔

اسی طرح یہ بھی کہا جاتا ہے کہ کتائب سید الشہداء شروع میں کتائب حزب اللہ عراق کا حصہ تھا۔ یہاں تک کہ داعش کے خلاف آیت اللہ سیستانی کے فتوے کے بعد یہ گروہ اس تنظیم سے الگ ہو گیا۔ 21 فروری سنہ 2013ء کو عراق سے امریکی افواج کے انخلاء کی دوسری سالگرہ کے موقع پر عراقی میڈیا نے باضابطہ طور پر اعلان کیا کہ کتائب حزب اللہ عراق کی کچھ اہم شخصیات جیسے ابو مصطفی الشیبانی، ابو مصطفی الخزعلی اور ہاشم ابو آلاء الولائی نے اس تنظیم سے علیحدگی اختیار کر کے کتائب سید الشہداء کے نام سے ایک نئی تنظیم کی بنیاد رکھی ہے۔

ابوآلاء الولایی؛ کتائب سید الشہداء کے جنرل سیکریٹری

کتائب سید الشہداء کے اہم رہنماؤں میں ابو مصطفی الخزعلی اس گروہ کے سربراہ اور ابو آلاء الولائی سیکریٹری جنرل ہیں۔ اسی طرح حاج ابو سیف اس گروہ کے ایک اہم کمانڈر تھے جو سامرا میں شہید ہوئے۔ شام میں داعش کے خلاف جنگ کے دوران کتائب سید الشہداء کےمجاہدین حضرت زینب (سلام اللہ علیہا) کے حرم کی حفاظت کے لیے شام چلے گئے۔ اس دوران اس گروہ کے تقریبا 400 سے 500 افراد شام میں موجود تھے اور عراق اور شام میں مسلح جد و جہد کے وقت اس گروہ کی عسکری قیادت ابو مصطفی شیبانی کے ذمے تھی۔

کتائب حضرت رقیہ(س) شام میں اس تنظیم کی ایک شاخ ہے جو وہاں پر تکفیری گروہوں کے خلاف جد و جہد اور اسلامی مقدسات کی حفاظت کے لیے سرگرم ہے۔

کتائب سید الشہداء نہ صرف عسکری میدان میں بلکہ عراق کے سیاسی منظرنامے میں پارلیمانی انتخابات سے لے کر وزیر اعظم کے انتخاب میں اہم کردار ادا کرتا ہے۔ اس کے علاوہ ثقافتی اور سماجی شعبوں میں خدمات انجام دینے کے لئے اس گروہ نے عراق میں “وثق” کے نام سے ایک ثقافتی ادارہ قائم کیا ہے۔

کتائب سید الشہداء عراق کے بعض شہروں جیسے ناصریہ، العمارہ اور کاظمین وغیرہ میں ان کی سماجی خدمات کی وجہ سے مشہور ہے۔ اس گروہ کے اراکین کے بارے میں کہا جاتا ہے کہ یہ لوگ عسکری تعلیم اور مہارت کے حامل ہیں اور جنگوں میں یہ گروہ چھوٹے اور درمیانے درجے کے ہتھیاروں کا استعمال کرتے ہیں۔

“بدون مرز، عشق”(بے حد و حدود محبت) ایک دستاویزی پروگرام ہے جو ایران کے ٹی وی چینل پر نشر ہوا جس میں کتائب سید الشہداء کی تشکیل، امریکی افواج کے خلاف ان کی جد و جہد، حرم حضرت زینب کے دفاع کے لئے ان کا شام جانا اور دوبارہ عراق واپس آکر داعش کے خلاف ان کی کارروائیوں کے بارے میں تفصیل سے بیان کیا گیا ہے۔

مقاومتی بلاک کے گروہ

نمبر	عنوان	تأسیس	بانی	اہم شخصیات	سربراہ	مذہب	ملک	مونوگرام	ویب سائٹ
1	تحریک أمل	1974ء	امام موسی صدر	مصطفی چمران	نبیہ بری	شیعہ	لبنان	بی‌قاب	تلویزیون NBN
2	تحریک جہاد اسلامی فلسطین	1981ء	فتحی شقاقی	رمضان عبداللہ حسام ابو ہَربید	زیاد نَخالہ	اہل سنت	غزہ	بی‌قاب	فلسطین الیوم ٹی وی چینل
3	حزب‌اللہ لبنان	1981ء		سید عباس موسوی سید حسن نصراللہ	نعیم قاسم	شیعہ	لبنان	بی‌قاب	المنار ٹی وی چینل
4	بدر تنظیم	1985ء		عدنان ابراہیم ابو مہدی المہندس	ہادی العامری	شیعہ	عراق	بی‌قاب	الغدیر ٹی وی چینل
5	حَماس (حركة المقاومة الاسلاميۃ)	1987ء	شیخ احمد یاسین	عبدالعزیز رنتیسی اسماعیل ہنیہ یحیی السنوار	کمیتہ موقت حماس	اہل‌سنت	فلسطین	بی‌قاب
6	سپاہ قدس	1990ء	سید علی خامنہ ای	احمد وحیدی قاسم سلیمانی	اسماعیل قاآنی	شیعہ	ایران	بی‌قاب
7	انصار اللہ یمن	1990ء	حسین الحوثی	بدر الدین حوثی	عبد الملک حوثی	زیدیہ	یمن	بی‌قاب	المسیرہ ٹی وی چینل
8	کتائب حزب اللہ عراق	2007ء	ابومہدی المہندس	ابوحسین حمیداوی ابوباقر الساعدی ارکان العلاوی	احمد محسن فرح الحمیداوی	شیعہ	عراق	بی‌قاب	الاتجاہ ٹی وی چینل
9	کتائب سید الشہداء عراق	2013ء		ابومصطفی خزعلی حاج ابوسیف	ابوآلاء الولائی	شیعہ	عراق	بی‌قاب
10	عصائب اہل الحق	2004ء	قیس الخزعلی	عبدالہادی الدراجی محمد البہادلی	قیس الخزعلی	شیعہ	عراق	بی‌قاب	العہد ٹی وی چینل
11	تحریک نجباء	2013ء	اکرم الکعبی	ابوعیسی اقلیم مشتاق کاظم الحواری	اکرم الکعبی	شیعہ	عراق	بی‌قاب
12	لشکر زینبیون	2014ء	پاکستانی شیعوں کا ایک گروہ	زینت‌علی جعفری عقید مالک مطہر حسین		شیعہ	پاکستان	بی‌قاب
13	لشکر فاطمیون	2014ء	افغانستانی شیعوں کا ایک گروہ	علیرضا توسلی سید محمدحسن حسینی سید احمد سادات		شیعہ	افغانستان	بی‌قاب
14	حشد شعبی	2014ء		ہادی عامری ابومہدی المہندس	فالح فیاض	شیعہ	عراق	بی‌قاب