مندرجات کا رخ کریں

مسودہ:آیت اللہ خامنہ ای کا قتل

روابط شامل کریں
ویکی شیعہ سے
یہ مقالہ یا اس کا کچھ حصہ حالیہ کسی واقعے کے بارے میں ہے۔
وقت کے گزرنے کے ساتھ ساتھ ممکن ہے اس میں کچھ تبدیلیاں آجائیں۔ ابتدائی معلومات ممکن ہے ناقص یا دقیق نہ ہوں اور اس مقالے کی آخری اپڈیٹ بھی اس واقعے کو پوری طرح منعکس نہ کرسکے۔
آیت اللہ خامنہ ای کا قتل
زمان28 فروری 2026ء
مکانتہران
عناصرصہیونی حکومت اور امریکہ
نتایجشہادت آیت اللہ سید علی خامنہ ای اور ان کے خاندان اور دفتر کے بعض افراد
اثراتمقاومتی بلاک کی جانب سے جہاد کا اعلان اور اسرائیل پر حملہ، بعض مراجع تقلید کی جانب سے جہاد کا فتوا
عکس العملآپریش وعدہ صادق 4 کا آغاز، مختلف ممالک اور مقاومتی بلاک کی جانب سے صہیونی حکومت کی مذمت اور ایران کی حمایت اور مختلف ممالک کے لوگوں کی جانب سے سوگ اور احتجاجی ریلیاں نکالی گئی
مربوطسید حسن نصر اللہ کا قتل

آیت اللہ خامنہ ای کا قتل، اس واقعے کی طرف اشارہ ہے جس میں اسلامی جمہوریہ ایران کے دوسرے رہبر کی شہادت واقع ہوئی۔ یہ واقعہ 28 فروری 2026ء کو رمضان جنگ کے ابتدائی گھنٹوں میں تہران میں ان کی رہائش گاہ (بیت رہبری) پر ہونے والے امریکہ اور اسرائیل کے مشترکہ حملے میں پیش آیا۔ اس حملے میں آیت اللہ خامنہ ای کے بعض اہل خانہ، ان کے دفتر کے بعض اہلکار اور کئی فوجی کمانڈر بھی شہید ہوئے۔

شیعہ مراجع تقلید اور بعض اہل سنت فقہاء نے اس واقعے پر تعزیت کا اظہار کرتے ہوئے اس کی مذمت کی۔ آیت اللہ جوادی آملی اور آیت اللہ نوری ہمدانی نے امریکہ اور اسرائیل کے خلاف جہاد کا فتویٰ بھی صادر کیا۔ عالم اسلام کی متعدد سیاسی شخصیات اور مختلف ممالک منجملہ روس، پاکستان، عراق، تاجکستان، ازبکستان، ملائیشیا، انڈین نیشنل کانگریس کے صدور اور وزرائے اعظم، چین اور لبنان کی وزارت خارجہ اور محور مقاومت کے گروہ نے آیت اللہ خامنہ ای کی شہادت پر تعزیت اور ردِّ عمل کا اظہار کیا۔ اس واقعے کے بعد ایران سمیت مختلف ممالک، جیسے عراق، پاکستان، ہندوستان، لبنان، یمن، آسٹریلیا، نائیجیریا، ترکی اور کشمیر میں مجالسِ عزا اور احتجاجی اجتماعات منعقد ہوئے۔

آیت اللہ خامنہ ای کی شہادت کے بعد مجلس خبرگان رہبری نے 8 مارچ 2026ء کو ان کے بیٹے سید مجتبیٰ خامنہ ای کو اسلامی جمہوریہ ایران کے تیسرے رہبر کے طور پر منتخب کیا۔

واقعہ کی تفصیل

سید علی حسینی خامنہ ای، اسلامی جمہوریہ ایران کے دوسرے رہبر، بروز ہفتہ 28 فروری 2026ء کی صبح جنگ رمضان کے دوران امریکہ اور اسرائیل کے فضائی حملے میں تہران میں واقع بیت رہبری کمپاؤنڈ پر حملے کے نتیجے میں شہید ہوئے۔[1] امریکی صدر اور اسرائیلی وزیر اعظم نے اسی روز بیت رہبری پر بمباری اور رہبر ایران کے قتل کی خبر دی، تاہم ایران کے سرکاری نشریاتی ادارے نے اگلے دن علی الصبح ان کی شہادت کا اعلان کیا۔[2] بعض رپورٹوں کے مطابق ان حملوں میں بیت رہبری کا پورا کمپلیکس مکمل طور پر تباہ ہوگیا۔[3]

رپورٹس کے مطابق بیت رہبری پر حملہ اعلیٰ حکومتی عہدیداروں کے ساتھ رہبر ایران کے اجلاس کی اطلاع ملنے کے بعد، ہفتہ کی صبح تقریباً 9:40 بجے کیا گیا۔ اس کارروائی میں 50 اسرائیلی جنگی طیاروں نے درجنوں میزائل، جن میں ’’بلو اسپارو‘‘ میزائل بھی شامل تھے، فائر کیے۔[4] حملے میں استعمال ہونے والے میزائلوں کی تعداد مختلف ذرائع میں 30[5] سے لے کر 100 سے زائد بیان کی گئی ہے۔[6]

یہ بھی کہا گیا ہے کہ اسرائیل کے انٹیلی جنس ادارے خصوصاً یونٹ 8200 اور یونٹ 9900 دو دہائیوں سے زائد عرصے تک ایران کے رہبر اور اعلیٰ حکام کی نگرانی کرتے رہے اور ان کی نقل و حرکت اور سرگرمیوں کا نقشہ تیار کرتے رہے تھے۔[7] مزید برآں امریکی خفیہ ایجنسی سی آئی اے بھی اسرائیلی انٹیلی جنس اداروں کے ساتھ تعاون کر رہی تھی۔[8]

ان حملوں میں رہبرِ ایران کے خاندان کے متعدد افراد، جن میں ایک بیٹی، داماد، بہو اور نواسہ/پوتا شامل تھے۔ اسی طرح ان کے دفتر کے بعض ارکان اور متعدد فوجی کمانڈر بھی شہید ہوئے، جن میں سید عبدالرحیم موسوی (چیف آف جنرل اسٹاف)، محمد پاکپور (کمانڈر سپاہ پاسداران) اور عزیز نصیرزادہ (وزیرِ دفاع) شامل تھے۔[9]

سیاسی اور مذہبی جرم

بین الاقوامی قانون کے تناظر میں ریاستوں کے سیاسی رہنماؤں کا قتل عموماً قومی خودمختاری اور بین الاقوامی تعلقات کے بنیادی اصولوں کی خلاف ورزی سمجھا جاتا ہے۔ اسی بنا پر آیت اللہ خامنہ ای کی مذہبی حیثیت اور عالمِ تشیع کے رہنما ہونے کے پیشِ نظر اس اقدام کو صرف ایک سیاسی جرم ہی نہیں بلکہ ایک مذہبی جرم بھی قرار دیا گیا ہے۔[10]

وجوہات اور اہداف

آیت اللہ خامنہ ای کے آخری خطاب کا حصہ (17 فروری 2026ء)

ایرانی قوم اپنے اسلامی اور شیعہ تعلیمات کو خوب جانتی ہے؛ جانتی ہے کہ کیا کرنا ہے۔ امام حسینؑ نے فرمایا: «مِثلی لایُبایِعُ مِثلَ یَزید؛ مجھ جیسا شخص، یزید جیسے شخص کی بیعت نہیں کرسکتا۔» ایرانی قوم دراصل یہی کہہ رہی ہے کہ ہم جیسی قوم، ایسی تہذیب اور تاریخ کے ساتھ، ان اعلیٰ تعلیمات کے ساتھ، امریکہ کے موجودہ فاسق و فاجر حکمراں جیسوں کی بیعت نہیں کرے گی۔[11]

بعض ذرائع کے مطابق آیت اللہ خامنہ ای کے قتل کا مقصد ایران کو کمزور یا تباہ کرنا اور ایران کے رہبر اعلی، فوجی قیادت اور اعلیٰ فیصلہ ساز شخصیات کو نشانہ بنا کر ملک پر مکمل کنٹرول حاصل کرنا تھا۔[12] اسی طرح ایران کے سیاسی نظام میں تبدیلی،[13] داخلی یکجہتی کو نقصان پہنچانا، جمہوری اسلامی ایران کے علاقائی اثر و نفوذ کو محدود کرنا اور خطے میں صہیونی حکومت کی بالادستی قائم کرنا بھی اس کارروائی کے ممکنہ اہداف میں شمار کیا گیا ہے۔[14] امریکی صدر نے اپنے ایک بیان میں رہبرِ ایران کے قتل کو "ایران اور دنیا میں عدل و انصاف" کا سبب قرار دیتے ہوئے کہا کہ یہ ایرانی عوام کے لیے اپنے ملک کو دوبارہ حاصل کرنے کا بہترین موقع ہے۔[15] بعض دیگر تجزیوں میں اس واقعے کو ایران کے جوہری پروگرام سے متعلق تنازعات کے تناظر میں دیکھا گیا ہے اور دعویٰ کیا گیا ہے کہ ایران کی جوہری پیش رفت کو روکنا بھی اس اقدام کے محرکات میں شامل تھا۔[16] حالانکہ آیت اللہ خامنہ ای پہلے ہی انبوہ تباہی ہتھیاروں (Weapons of Mass Destruction) کی تیاری اور استعمال کو حرام قرار دے چکے تھے[17] اور ایران و امریکہ کے درمیان جوہری پروگرام کے بارے میں مذاکرات بھی جاری تھے۔ اسی دوران امریکہ نے مئی 2025ء کو ایران کی جوہری تنصیبات پر بمباری کی اور انہیں تباہ کرنے کا دعویٰ کیا۔[18] مزید برآں امریکہ اور اسرائیل نے دسمبر 2025ء میں ایران کے اسلامی جمہوری نظام میں تبدیلی لانے کے لیے ملک کے اندر معاشی حالات پر ہونے والے اعتراضات کو بدامنی اور اغتشاشات میں تبدیل کیا تاہم یہ کوشش ناکام رہی۔[19] اس واقعے سے قبل آیت اللہ خامنہ ای اپنے مختلف تقریروں میں امریکی صدر کی دھمکیوں کے مقابلے میں امریکہ کے ساتھ مذاکرات یا مفاہمت کی مخالفت پر زور دیتے رہے تھے۔ انہوں نے یہ بھی کہا تھا کہ اگر ایران پر دباؤ کا سلسلہ جاری رہا یا اس ملک پر حملہ کیا گیا تو یہ تنازعہ پورے خطے تک پھیل سکتا ہے۔[20] امریکہ کے ساتھ مفاہمت کی مخالفت کے سلسلے میں وہ بعض اوقات شیعہ تاریخی اور دینی نمونوں سے استناد کرتے تھے، جیسے واقعۂ کربلا میں امام حسینؑ کا مشہور فرمان: «مِثْلی لا یُبایِعُ مِثْلَهُ» "مجھ جیسا شخص، یزید جیسے شخص کی بیعت نہیں کر سکتا۔"[21]

آیت اللہ خامنہ ای کو محور مقاومت کا ایک مرکزی رہنما سمجھا جاتا تھا اور وہ مغربی ایشیا پر استعماری قوتوں کے ناجائز قبضوں اور اس علاقے پر مغربی اثر و رسوخ کے مخالف تحریکوں اور گروہوں کی حمایت کرتے تھے۔[22]

رہبرِ ایران کے قتل کی دھمکیاں

رہبرِ ایران کی شہادت سے قبل امریکہ اور اسرائیل کی جانب سے متعدد بار انہیں قتل کی دھمکیاں دی گئی تھیں۔ خاص طور پر اسرائیل اور ایران کی بارہ روزہ جنگ کے دوران امریکی صدر، صہیونی حکومت کے وزیرِ اعظم اور اسرائیلی وزیرِ جنگ نے کھلے طور پر انہیں نشانہ بنانے کی دھمکیاں دیں۔[23] ان دھمکیوں پر شیعہ مراجع تقلید، حوزہ علمیہ نجف، حوزۂ علمیہ قم اور بہت سے علماء و مسلم اداروں نے شدید ردِ عمل ظاہر کیا۔[24] حوزۂ علمیہ نجف کے ایک بیان میں کہا گیا: "ان پر کسی بھی قسم کی جارحیت پوری امتِ مسلمہ کے خلاف اعلانِ جنگ اور توحیدی تہذیب کی اقدار سے کھلی خیانت تصور کی جائے گی۔"[25] اسی طرح بعض مراجعِ تقلید، جن میں آیت اللہ ناصر مکارم شیرازی[26] اور آیت اللہ حسین نوری ہمدانی[27] شامل ہیں، نے رہبری اور شیعہ مرجعیت کے خلاف ہر قسم کی دھمکی یا تعرض کو محاربہ کے حکم میں قرار دیا تھا۔

یمنی عوام کا آیت اللہ خامنہ ای کی شہادت پر ردعمل میں اجتماع

ردعمل

ایران کے سپریم لیڈر کے قتل پر ایران سمیت دنیا کے مختلف سیاسی، سماجی اور مذہبی شخصیات اور اداروں کی جانب سے ردعمل سامنے آیا جس کی تفصیل کچھ یوں ہے:

خدا قوت، تخلیق حسن روح الامین

مراجع تقلید کا ردعمل

آیت اللہ سید علی خامنہ ای کی شہادت پر قم، نجف اور دیگر اسلامی مراکز میں موجود مراجع تقلید اور مذہبی شخصیات نے مذمتی بیانات جاری کئے، جن میں آیت اللہ سیستانی، آیت اللہ وحید خراسانی، آیت اللہ مکارم شیرازی، آیت اللہ نوری ہمدانی، آیت اللہ جعفر سبحانی، آیت اللہ شبیری زنجانی، آیت اللہ اسحاق فیاض، آیت اللہ دوزدوزانی،[28] آیت اللہ جوادی آملی،[29] آیت اللہ حسین مظاہری[30]، آیت اللہ محمد یعقوبی[31] اور سید محمد تقی مدرسی[32] نے تعزیتی پیام جاری کئے۔ عمان کے مفتیِ اعظم احمد بن حمد الخلیلی نے آیت اللہ خامنہ ای کی شہادت پر تعزیت کا اظہار کیا۔ انہوں نے آیت اللہ خامنہ ای کو ایک ثابت قدم اور مقاوم مجاہد قرار دیتے ہوئے فلسطین کے مضبوط حامی کے طور پر یاد کیا۔ الخلیلی نے ان کے فقدان کو امتِ اسلامیہ کے لیے ایک عظیم سانحہ اور ناقابلِ تلافی نقصان قرار دیا۔[33]

جہاد کا فتوا

بعض شیعہ اور اہل سنت فقہا[34] جیسے آیت اللہ جوادی آملی[35] اور آیت اللہ نوری ہمدانی[36] نے امریکہ اور اسرائیل کے خلاف جہاد کا فتویٰ دیا۔ نوری ہمدانی نے ایک سوال کے جواب میں کہا کہ تمام مسلمانوں پر واجب ہے کہ وہ اپنے شہید رہبر کے خون کا اس جرم کے عاملین سے بدلہ لیں۔[37] آیت اللہ مکارم شیرازی نے بھی آیت اللہ خامنہ ای کی شہادت کو امام مہدیؑ کے ظہور کا مقدمہ قرار دیا۔[38] عراق کے اہل سنت علماء کونسل کے سربراہ نے مراجع تقلید سے اسرائیل اور امریکہ کے خلاف جہاد کا اعلان کرنے کی درخواست کی۔[39]

سیاسی اور مذہبی شخصیات کا ردعمل

تہران کے جمہوری اسلامی اور ولیعصر اسکوائر پر شہید رہبر کی بند مٹھ کی دیوار نگاری، ڈیزائن: دانیال فرخ۔

اسلامی دنیا کی متعدد سیاسی شخصیات نے بھی آیت اللہ خامنہ ای کی شہادت پر ردِّعمل ظاہر کرتے ہوئے تعزیت پیش کی۔ ان میں ایران کی سیاسی شخصیات، جیسے تینوں ریاستی قوّتوں کے سربراہان،[40] پاکستان کی بہت سی سیاسی اور مذہبی شخصیات،[41] حوزہ علمیہ قم کے سربراہ،[42] اہل بیت عالمی اسمبلی کے سیکریٹری جنرل آیت اللہ رمضانی،[43] عراق کی قومی حکمت تحریک کے سربراہ سید عمار حکیم،[44] عراق کی صدر پارٹی کے رہنما سید مقتدیٰ صدر،[45] حزب اللہ لبنان کے سیکریٹری جنرل نعیم قاسم،[46] عراقی کردستان کے صدر،[47] اور عراق کی عوامی بسیج تنظیم (حشد الشعبی) کے سربراہ فالح الفیاض،[48] شامل تھے۔

اسی طرح مجمع جهانی تقریب مذاہب اسلامی،[49] یمن کی اعلیٰ سیاسی کونسل،[50] مجلس اعلی اسلامی عراق،[51] انڈونیشیا کی مجلسِ علماء،[52] اور جاموں و کشمیر میں شیعہ شریعت ایسوسی ایشن نے بھی تعزیتی پیغامات جاری کئے۔[53] علاقے کی مزاحمتی تنظیموں، جن میں حزب اللہ لبنان، انصار اللہ یمن، حماس، فلسطینی اسلامی جہاد اور عراق کی مختلف شیعہ جماعتیں شامل ہیں، نے بھی رہبرِ ایران کے قتل کی مذمت اور ایران کے ساتھ یکجہتی کے اظہار پر مبنی بیانات جاری کئے۔[54] بعض مذہبی رہنماؤں نے بھی تعزیت کا اظہار کیا، جن میں روسی آرتھوڈوکس کلیسا کے سربراہ بھی شامل تھے، جنہوں نے اس واقعے پر اپنے تعزیتی پیغام میں افسوس کا اظہار کیا۔[55]

سیاسی اور مذہبی عہدیداران

روس، پاکستان، عراق، تاجکستان، ازبکستان اور ملائیشیا[56] کے صدور اور وزرائے اعظم، ہندوستان کی نیشنل کانگریس اور چین[57] اور لبنان کی وزارت خارجہ نے بھی اپنے پیغامات میں ایران پر حملے کی مذمت اور آیت اللہ خامنہ ای کی شہادت پر تعزیت پیش کی۔ روس کے صدر ولادیمیر پوتین نے اس اقدام کو اخلاقی معیارات اور بین الاقوامی قوانین کی واضح خلاف ورزی قرار دیا۔[58] اسی طرح چین نے بھی اس اقدام کو ایران کی سالمیت اور خودمختاری کی خلاف ورزی اور اقوام متحدہ کے چارٹر کے اصولوں اور بین الاقوامی تعلقات کے اصولوں کی پایمالی قرار دیا۔[59] شمالی کوریا نے اس اقدام کو ایک جارحانہ اور غیر قانونی اقدام نیز کسی ملک کی سالمیت اور خودمختاری کی بدترین خلاف ورزی قرار دیا۔[60]

خطے کے مزاحمتی گروہوں بشمول حزب اللہ لبنان، انصار اللہ یمن، حماس، فلسطین اسلامی جہاد اور عراق کے شیعہ دھاروں نے ایران کے رہبر کے قتل کی مذمت اور اسلامی جمہوریہ ایران کے ساتھ اظہار یکجہتی میں بیانات جاری کئے۔[61] ان کے علاوہ دنیا کے دیگر مذہبی رہنماؤں بشمول روس کے آرتھوڈوکس چرچ کے سربراہ نے بھی تعزیت پیش کی۔[62]

مختلف ممالک میں عوامی اجتماعات اور ماتمی جلوس

لکھنؤ بھارت میں آیت اللہ خامنہ ای کی یاد میں تقریب

ایران کی حکومت نے سات روزہ سرکاری چھٹی اور چالیس روزہ سوگ کا اعلان کیا۔[63] عراق کی حکومت نے بھی تین روزہ سوگ کا اعلان کیا اور کربلا اور نجف کے صوبوں میں ایک دن کی سرکاری چھٹی کا اعلان کیا۔[64] پاکستان میں ولی فقیہ کے نمائندے اور اسلامی تحریک کے سربراہ سید ساجد علی نقوی نے پاکستان میں[65] جبکہ کشمیر اور جاموں میں شیعہ شریعت ایسوسی ایشن نے بھی چالیس روزہ سوگ کا اعلان کیا۔[66]

ایرانی عوام نے اپنے شہید رہبر کے خون کا بدلہ لینے کے عزم کے ساتھ ملک بھر میں ریلیاں، جلوس اور عوامی اجتماعات منعقد کئے[67] جو چہلم تک اور اس کے بعد بھی جاری رہے۔[68] پاکستان کے مختلف شہروں، جیسے کراچی، لاہور، اسلام آباد، گلگت اور اسکردو میں احتجاجی مظاہرے کیے گئے۔ بعض شہروں میں مظاہرین نے امریکہ کے سفارت خانوں پر حملہ کیا، جس کے نتیجے میں امریکی میرینز اور سکیورٹی اہلکاروں کی فائرنگ سے 34 پاکستانی شہید ہوگئے۔[69] کشمیر میں بھی عوامی اجتماعات پولیس کی مداخلت کے باعث پُرتشدد صورت اختیار کر گئے۔ بغداد میں عوام نے احتجاجی مظاہروں کے دوران امریکی سفارت خانے پر حملہ کیا۔[70] اسی طرح عراق، پاکستان، ہند، لبنان، یمن، آسٹریلیا، نائیجیریا اور ترکیہ سمیت مختلف ممالک میں مجالسِ عزا اور احتجاجی اجتماعات منعقد کیے گئے۔

مشہد حرم امام رضاؑ کے گنبد پر نصب سبز پرچم کو سوگ کی علامت کے طور پر سیاہ پرچم سے تبدیل کر دیا گیا۔[71] مسجد جمکران قم میں بھی انتقام کی علامت کے طور پر سرخ پرچمِ یا لثارات الحسین لہرایا گیا۔[72] حرم امام علیؑ نجف،[73] حرم کاظمین[74] اور عراق کے بعض دیگر شہروں، مثلاً بغداد میں،[75] علامتی جنازوں کی تقریبات منعقد ہوئیں، جبکہ پاکستان[76] اور ترکی[77] میں غائبانہ نماز جنازہ ادا کی گئی۔

آیت اللہ اعرافی کا پوپ کے نام خط

ایران میں حوزاتِ علمیہ کے سربراہ علی رضا اعرافی نے پوپ لیو چہاردہم کے نام ایک خط میں رہبرِ ایران کے قتل کو تاریخِ ادیان کا ایک بے مثال جرم اور الٰہی ادیان کے تمام پیروکاروں کی توہین قرار دیا۔ انہوں نے پوپ سے مطالبہ کیا کہ وہ اس جرم کی مذمت کریں اور اس کا مسیحیت کی تعلیمات سے کوئی تعلق ہونے کی نفی کریں۔ اعرافی نے اپنے خط میں اس بات کی طرف بھی اشارہ کیا کہ آیت اللہ خامنہ ای اقلیتوں کے حقوق خصوصاً ایران کے مسیحیوں کے حقوق کے حامی تھے اور ان کی جان کو لاحق خطرات دراصل فلسطین کے عوام کی حمایت، نسل کشی کی مخالفت اور صہیونی قبضے کے خلاف ان کے مؤقف کا نتیجہ تھے۔[78]

چہلم کی تقریبات

کراچی میں چہلم شہید رہبر امام خامنہ ایؒ کا عظیم الشان اجتماع، ہزاروں مرد و خواتین کی شرکت[79]

آیت اللہ خامنہ ای کی شہادت کے چالیسویں دن کے موقع پر ایران،[80] پاکستان[81] اور عراق[82] اور دیگر ممالک میں تقریبات منعقد ہوئیں۔

آپریشن وعدہ صادق 4

اسلامی جمہوریہ ایران کی مسلح افواج نے آیت اللہ خامنہ ای کے قتل اور امریکہ و اسرائیل کی جانب سے جنگ کے آغاز کے ردِّعمل میں آپریشن وعدہ صادق 4 کا آغاز کیا۔ اس کارروائی کے دوران مقبوضہ فلسطینی علاقوں میں واقع اہداف کے علاوہ متحدہ عرب امارات، بحرین، قطر، کویت، اردن اور سعودی عرب میں واقع امریکہ کے فوجی اڈوں کو بھی میزائل اور ڈرون حملوں کا نشانہ بنایا گیا۔[83] عملیاتِ وعدۂ صادق 4 کی بیالیسویں لہر «لبیک یا خامنہ ای» کے نعرے کے ساتھ انجام دی گئی اور اسے ایران کے شہید رہبر اور ان کے خاندان کے نام معنون کیا گیا۔[84] سپاہ پاسداران انقلاب اسلامی نے یکم مارچ 2026ء کو جاری ہونے والے ایک بیان میں اعلان کیا تھا کہ رہبرِ ایران کے قاتلوں یعنی امریکہ اور اسرائیل کو سخت، فیصلہ کن اور پشیمان کر دینے والی سزا دی جائے گی۔[85] حزب اللہ لبنان نے بھی 2 مارچ 2026ء کو اپنے ایک بیان میں اعلان کیا کہ آیت اللہ خامنہ ای کی شہادت کا انتقام لینے کے لیے وہ اسرائیل کے خلاف جنگ میں شامل ہو گئی ہے۔[86] اسی طرح محورِ مقاومت سے وابستہ مختلف مزاحمتی گروہوں نے بھی ایران کی حمایت میں امریکہ اور اسرائیل کے خلاف کارروائیاں شروع کیں۔[87]

نتائج

اسلامی جمہوریہ ایران کے وقت کے رہبر اعلی آیت اللہ خامنہ ای کی شہادت کے مختلف نتائج سامنے آئے جن میں سے بعض درج ذیل ہیں:

عبوری قیادت کونسل کا قیام

ایران کی پہلی عبوری قیادت کونسل

آیت اللہ سید علی خامنہ ای کی شہادت کی تصدیق ہونے کے بعد اسلامی جمہوریہ ایران کے آئین کے آرٹیکل 111 کے مطابق عبوری قیادت کونسل تشکیل دی گئی اور 8 مارچ 2026ء کو ایران کے نئے رہبر منتخب ہونے تک اس عبوری کونسل نے اپنی سرگرمیاں جاری رکھی۔ اس کونسل کے ارکان میں مسعود پزشکیان (صدر)، غلام حسین محسنی اژہ ای (چیف جسٹس) اور علی رضا اعرافی (نگہبان کونسل کے رکن) شامل تھے۔[88]

سید مجتبی خامنہ ای کا اسلامی جمہوریہ ایران کے رہبر کے طور پر انتخاب

آیت اللہ سید علی خامنہ ای کی شہادت کے بعد مجلس خبرگان رہبری نے 8 مارچ 2026ء کو منعقدہ اپنے جلسے میں سید مجتبی حسینی خامنہ ای کو ایران کے تیسرے رہبر کے طور پر منتخب کیا۔ اس اجلاس کے انعقاد سے قبل، امریکہ اور اسرائیل نے خبرگان کے اجلاس کو روکنے اور اسلامی جمہوریہ کے نئے رہبر کے انتخاب کو ناکام بنانے کے لیے تہران اور قم میں مجلس خبرگان کی عمارتوں پر حملہ کیا[89] جس سے ان عمارتوں کو نقصان پہنچا اور مجلس خبرگان کے کچھ عملے کی شہادت ہوئی۔ نیز ان دونوں حکومتوں نے خبرگان کے ارکان کو دھمکیاں دی اور سید مجتبی خامنہ ای کو ایران کے تیسرے رہبر کے طور پر منتخب کرنے کے خلاف وارننگ دی۔[90]

ایرانی معاشرے کے عمومی ماحول پر اس واقعے کا اثر

بعض تجزیہ کاروں کے مطابق اس واقعے سے ایران کے داخلی ماحول پر قابل توجہ اثرات مرتب ہوئے ہیں۔ ان میں سماجی ہم آہنگی، امریکہ اور اسرائیل سے عمومی نفرت میں شدت اور اسلامی جمہوری نظام کے سیاسی بیانئے کی تقویت شامل ہے۔[91] ایرانی عوام کے غم و غصے میں شدت کے ساتھ ساتھ ایران کے علاقائی اور بین الاقوامی اتحادیوں میں بھی اس واقعے کے خلاف غم و غصے میں بھی شدت آئی ہے۔[92]

سید علی خامنہ ای کو ایران کے نئے شمسی سال یعنی 1405 ہجری شمسی کا شہیدِ شاخص قرار دیا گیا، اور «لبیک یا خامنہ ای» کو اس سال کے راہیان نور علمی ثقافتی سفر کے سرکاری شعار کے طور پر اعلان کیا گیا۔[93]

ناکام قاتلانہ حملہ

27 جون 1981ء کو تہران کی مسجد ابوذر میں تقریر کے دوران آیت اللہ خامنہ ای جان لیوا حملے کا نشانہ بنے۔[94] اور کندھے، سینے اور دائیں ہاتھ سے شدید زخمی ہوئے۔[95] اس حملہ کی ذمہ داری فرقان نامی گروہ پر عائد کی گئی؛[96] لیکن بعض ذرائع تنظیم مجاہدین خلق ایران کو اس حملے کا ذمہ دار ٹھہراتے ہیں۔[97]

حوالہ جات

  1. ↑ «اطلاعیه شهادت حضرت آیت‌الله العظمی سیدعلی حسینی خامنه‌ای رهبر انقلاب اسلامی» دفتر حفظ و نشر آثار آیت اللہ خامنہ ای، ۔
  2. ↑ «علی خامنه‌ای، رهبر ایران کشته شد»، یورنیوز؛ «کشته‌شدن علی خامنه‌ای، رهبر ایران در حملات آمریکا و اسرائیل»، TRT فارسی۔
  3. ↑ «علی خامنه‌ای، رهبر ایران کشته شد»، یورنیوز؛ «کشته‌شدن علی خامنه‌ای، رهبر ایران در حملات آمریکا و اسرائیل»، TRT فارسی۔
  4. ↑ «غافلگیری خامنه‌ای در «عملیات پیدایش»؛ جزئیات تازه‌ از حمله برای کشتن رهبر جمهوی اسلامی»، یورونیوز؛ «جزئیات حمله گسترده به پناهگاه زیرزمینی خامنه‌ای توسط ۵۰ جنگنده اسرائیلی»، صدائے امریکہ
  5. ↑ «Report: 30 bombs were dropped on Khamenei’s palace after rare opportunity emerged»، The Times Of Israel.
  6. ↑ «جزئیات حمله گسترده به پناهگاه زیرزمینی خامنه‌ای توسط ۵۰ جنگنده اسرائیلی»، صدائے امریکہ
  7. ↑ «غافلگیری خامنه‌ای در «عملیات پیدایش»؛ جزئیات تازه‌ از حمله برای کشتن رهبر جمهوی اسلامی»، یورونیوز؛ «جزئیات حمله گسترده به پناهگاه زیرزمینی خامنه‌ای توسط ۵۰ جنگنده اسرائیلی»، صدائے امریکہ۔
  8. ↑ «غافلگیری خامنه‌ای در «عملیات پیدایش»؛ جزئیات تازه‌ از حمله برای کشتن رهبر جمهوی اسلامی»، یورونیوز.
  9. ↑ «شهادت چند نفر از اعضای خانواده رهبر معظم انقلاب»، نورنیوز.
  10. ↑ «عراقچی: اقدام دشمن جنایت سیاسی-مذهبی بود / در مذاکره فریب نخوردیم»، شبکہ العالم.
  11. ↑ «بیانات در دیدار مردم آذربایجان شرقی»، دفتر حفظ و نشر آثار آیت اللہ العظمی خامنہ ای۔
  12. ↑ «چرایی ترور رهبری و فرماندهان توسط آمریکا و اسرائیل»، نورنیوز۔
  13. ↑ وزیر امور خارجه عراق: آمریکا و اسرائیل تصور می‌کردند ترور رهبر ایران، نظام را تغییر می‌دهد، نورنیوز۔
  14. ↑ «رهبر انصارالله: هدف ترور آیت الله خامنه‌ای درهم شکستن روحیه ملت ایران است»، شبکہ العالم۔
  15. ↑ «علی خامنه‌ای، رهبر ایران کشته شد»، یورونیوز۔
  16. ↑ «ایران خواستار محکومیت فوری تجاوزات آمریکا و اسرائیل در شورای حکام شد»، شبکہ العالم۔
  17. ↑ «ثبت پیام رهبر انقلاب به‌عنوان سند در سازمان ملل»، دفتر حفظ و نشر آثار آیت اللہ خامنہ ای۔
  18. ↑ «حمله آمریکا به تاسیسات هسته‌ای ایران؛ ترامپ: یا صلح می‌شود یا شدید‌تر عمل می‌کنیم»، یورونیوز۔
  19. ↑ «بیانیه شورای امنیت کشور درباره اقدامات تروریستی دی ماه»، خبرگزاری صداوسیما۔
  20. ↑ «بیانات در دیدار اقشار مردم به مناسبت چهل‌وهفتمین سالگرد پیروزی انقلاب اسلامی»،‌ دفتر حفظ‌و نشر آثار آیت‌الله العظمی خامنه‌ای۔
  21. ↑ «بیانات در دیدار مردم آذربایجان شرقی»، دفتر حفظ و نشر آثار آیت اللہ العظمی خامنہ ای۔
  22. ↑ «آیت‌الله خامنه‌ای نماد بزرگی از محور مقاومت است»، نخست‌نیوز۔
  23. ↑ «وزیر جنگ اسرائیل، رهبر انقلاب را تهدید به ترور کرد»، خبرگزاری تحولات جهان اسلام۔
  24. ↑ «واکنش قاطع مراجع تقلید و علما نسبت به گستاخی ترامپ به رهبر انقلاب»، خبرگزاری رسا۔
  25. ↑ «حوزه علمیه نجف بر علیه تهدید گستاخانه «ترامپ جنایت‌کار» مبنی بر ترور امام خامنه‌ای واکنش شدید نشان داد»، خبرگزاری دانشجو۔
  26. ↑ «هر شخص یا رژیمی که رهبری و مرجعیت را تهدید کند حکم محارب دارد»، خبرگزاری ایسنا۔
  27. ↑ «هرگونه تعرض و تهدید به رهبری و مرجعیت شیعه حکم محارب دارد»، خبرگزاری جمهوری اسلامی۔
  28. ↑ «پیام مراجع تقلید، علما و شخصیت ها در پی شهادت رهبر انقلاب اسلامی»، خبرگزاری شفقنا۔
  29. ↑ «پیام آیت‌الله جوادی آملی به مناسبت شهادت امام خامنه‌ای»، خبرگزاری تسنیم۔
  30. ↑ «دفتر آیت الله مظاهری شهادت رهبر معظم انقلاب را تسلیت گفت»، خبرگزاری مہر۔
  31. ↑ «آیت‌الله یعقوبی از مراجع نجف اشرف، شهادت حضرت آیت‌الله خامنه‌ای را تسلیت گفت»، خبرگزاری جمہوری اسلامی۔
  32. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  33. ↑ مفتی عمان شهادت امام خامنه‌ای را تسلیت گفت، خبرگزاری تقریب۔
  34. ↑ «رئیس سازمان‌های اسلامی شورای مشورتی مالزی: جهاد اکنون بر همه مسلمانان واجب است»، خبرگزاری ابنا۔
  35. ↑ «ویدیو | فتوای جهاد آیت‌الله العظمی جوادی آملی؛ امروز ریختن خون ترامپ و صهیونیست‌ها واجب است»، خبرگزاری ابنا۔
  36. ↑ «بر همه مسلمانان فرض است که منتقم خون رهبر شهید خود باشند»، خبرگزاری رسا۔
  37. ↑ «بر همه مسلمانان فرض است که منتقم خون رهبر شهید خود باشند»، خبرگزاری رسا۔
  38. ↑ «آیت الله مکارم شیرازی: شهادت رهبر انقلاب، مقدمه ظهور حضرت ولی‌عصر خواهد بود»، خبرگزاری صداوسیما۔
  39. ↑ «رئیس جمعیت علمای اهل سنت عراق: علما و مراجع باید فتوی جهاد بدهند»، خبرگزاری ابنا۔
  40. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  41. ↑ «واکنش شخصیت‌های پاکستانی نسبت به شهادت رهبر انقلاب»، پایگاه تخصصی تحلیلی جامعه و فرهنگ ملل۔
  42. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  43. ↑ «پیام تسلیت آیت‌الله رمضانی به مناسبت شهادت رهبر معظم انقلاب اسلامی»، وبگاه مجمع جهانی اهل بیت(ع)۔
  44. ↑ «پیام تسلیت عمار حکیم در پی شهادت رهبر انقلاب اسلامی»، خبرگزاری شفقنا۔
  45. ↑ «پیام تسلیت مقتدی صدر برای شهادت امام خامنه‌ای»، باشگاه خبرنگاران جوان۔
  46. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  47. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  48. ↑ «پیام تسلیت مقامات کشورهای مختلف در پی شهادت رهبر معظم انقلاب اسلامی ایران»، خبرگزاری بین‌المللی تصویری ایران پرس۔
  49. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  50. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  51. ↑ «پیام‌های تسلیت شخصیت‌های سیاسی و مذهبی در پی شهادت رهبر معظم انقلاب»، نورنیوز۔
  52. ↑ «پیام تسلیت مقامات کشورهای مختلف در پی شهادت رهبر معظم انقلاب اسلامی ایران»، خبرگزاری بین‌المللی تصویری ایران پرس۔
  53. ↑ «۴۰ روز عزای عمومی در جامو و کشمیر»، خبرگزاری بین‌المللی قدس۔
  54. ↑ «بازتاب شهادت رهبر معظم انقلاب در رسانه‌های جهان»، خبرگزاری مہر۔
  55. ↑ «پیام تسلیت رهبر ارتدکس روسیه به رئیس‌جمهور به مناسبت شهادت رهبر معظم انقلاب»، خبرگزاری ابنا۔
  56. ↑ «مالزی شهادت آیت‌الله خامنه‌ای را تسلیت گفت»، خبرگزاری ابنا؛ «World reacts to killing of Iran’s Khamenei by US, Israel forces»، Al Jazeera Media Network۔
  57. ↑ «World reacts to killing of Iran’s Khamenei by US, Israel forces»، Al Jazeera Media Network۔
  58. ↑ «World reacts to killing of Iran’s Khamenei by US, Israel forces»، Al Jazeera Media Network۔
  59. ↑ «World reacts to killing of Iran’s Khamenei by US, Israel forces»، Al Jazeera Media Network۔
  60. ↑ «World reacts to killing of Iran’s Khamenei by US, Israel forces»، Al Jazeera Media Network۔
  61. ↑ «بازتاب شهادت رهبر معظم انقلاب در رسانه‌های جهان»، خبرگزاری مہر۔
  62. ↑ «پیام تسلیت رهبر ارتدکس روسیه به رئیس‌جمهور به مناسبت شهادت رهبر معظم انقلاب»، خبرگزاری ابنا۔
  63. ↑ «اعلام ۴۰ روز عزای عمومی و ۷ روز تعطیلی در پی شهادت رهبر معظم انقلاب»، شبکہ العالم۔
  64. ↑ در پی شهادت آیت‌الله خامنه‌ای؛دولت عراق سه روز عزای عمومی اعلام کرد، خبرگزاری ایرنا۔
  65. ↑ «پاکستانی‌ها: با ایران در سوگواری شهادت رهبر معظم انقلاب اسلامی هم نواییم»، خبرگزاری جمہوری اسلامی۔
  66. ↑ «۴۰ روز عزای عمومی در جامو و کشمیر»، خبرگزاری بین‌المللی قدس۔
  67. ↑ ملاحظہ ہو: «ایران یکپارچه خونخواه رهبر شهید؛ حضور حماسی مردم در نماز جمعه»، خبرگزاری مہر؛ «اجتماع پرشور مردمی در خونخواهی امام شهید امت»، خبرگزاری صداوسیما؛ «ایران عزادار شهادت امام خامنه‌ای/ مردم قیام کردند+فیلم»، خبرگزاری تسنیم۔
  68. ↑ ملاحظہ ہو: «حضور پرشور مردم سراسر کشور در عزاداری چهلمین روز شهادت رهبر شهید انقلاب اسلامی»، خبرگزاری دانشجو؛ «ایران در سوگ رهبر شهید/ عزاداری باشکوه مردم در اربعین قائد امت+فیلم»، خبرگزاری تسنیم؛ «سوگواری در چهلمین روز شهادت رهبر شهید انقلاب اسلامی در سراسر کشور»، خبرگزاری مہر۔
  69. ↑ «تظاهرات ضدآمریکایی امروز در پاکستان ۳۴ کشته برجای گذاشت + فیلم»، خبرگزاری جمہوری اسلامی۔
  70. ↑ «درگیری در اطراف سفارت آمریکا در بغداد پس از شهادت رهبر انقلاب ایران»، خبرگزاری ایسنا۔
  71. ↑ «سیاه‌پوش شدن حرم مطهر امام رضا(ع) در پی شهادت رهبر معظم انقلاب»، خبرگزاری ایکنا۔
  72. ↑ «اهتزاز پرچم معروف انتقام مسجد جمکران»، خبرگزاری مہر۔
  73. ↑ «ویدیو | تشییع نمادین پیکر رهبر معظم انقلاب اسلامی در حرم مطهر امیرالمومنین(ع)»، خبرگزاری ابنا۔
  74. ↑ «فیلم/ تشییع نمادین رهبر شهید انقلاب در کاظمین»، خبرگزاری مشرق۔
  75. ↑ ملاحظہ ہو: «فیلم/ ادامه مراسم‌های عزاداری عراقی‌ها برای رهبر شهید انقلاب»، خبرگزاری مشرق؛ «فیلم| عزاداری با شکوه و تشییع نمادین پیکر شهید امام خامنه‌ای در ذی‌قار-عراق»، خبرگزاری رسمی حوزه۔
  76. ↑ «پاکستانی‌ها: با ایران در سوگواری شهادت رهبر معظم انقلاب اسلامی هم نواییم»، خبرگزاری جمہوری اسلامی۔
  77. ↑ «نماز میت غیابی برای شهید امام خامنه‌ای در دیاربکر ترکیه + فیلم»، خبرگزاری دانشجو۔
  78. ↑ «نامه مهم آیت الله اعرافی به پاپ رهبر کاتولیک‌های جهان / در مقابل جنایت علیه ملت ایران موضعی اصولی و هشداردهنده اتخاذ کنید»، خبرگزاری حوزه۔
  79. ↑ کراچی میں چہلم شہید رہبر امام خامنہ ایؒ کا عظیم الشان اجتماع، ہزاروں مرد و خواتین کی شرکت، اسلام ٹائمز
  80. ↑ «برگزاری مراسم بزرگداشت چهلم رهبر شهید در سراسر ایران»، دنیای اقتصاد۔
  81. ↑ «گردهمایی معنوی اربعین رهبر شهید انقلاب در پاکستان برگزار شد»، خبرگزاری ایرنا۔
  82. ↑ «مراسم بزرگداشت چهلمین روز رهبر شهید انقلاب اسلامی ایران در عراق»، خبرگزاری دانشجو۔
  83. ↑ «جنگ آمریکا و اسرائیل علیه ایران (۲۸ فوریه ۲۰۲۶ – تا به امروز)»، خبرگزاری اسپوتنیک۔
  84. ↑ «اجرای موج ۴۲ عملیات وعده صادق ۴ با رمز "لبیک یا خامنه‌ای"+فیلم»، خبرگزاری مہر۔
  85. ↑ «این شهادت ملت ما را در استمرار راه نورانی امام خامنه ای عزیز مصمم تر خواهد کرد»، پایگاه خبری سپاه پاسداران انقلاب اسلامی۔
  86. ↑ «حزب‌الله: در انتقام شهادت امام خامنه‌ای وارد نبرد با اسرائیل شدیم»، تلویزیون سفیر۔
  87. ↑ «گروه‌های مقاومت عراقی مسئولیت حملات به پایگاه‌های آمریکا را بر عهده گرفتند»، عصر ایران۔
  88. ↑ «چه کسانی عضو شورای موقت رهبری هستند؟»، نورنیوز۔
  89. ↑ «حمله موشکی جنایتکاران آمریکایی-صهیونی به دفتر مجلس خبرگان در قم»، خبرگزاری تسنیم؛ «حمله موشکی جنایتکاران آمریکایی-صهیونی به دفتر مجلس خبرگان رهبری در قم+ فیلم»، باشگاه خبرنگاران جوان۔
  90. ↑ «رهبر جدید انقلاب اسلامی توسط مجلس خبرگان رهبری تعیین و معرفی شد»، دبیرخانه مجلس خبرگان رهبری۔
  91. ↑ «نویسنده آمریکایی: ترور مقامات ایران موجب انسجام بیشتر مردم این کشور شده است»، خبرگزاری ایرنا؛ «ترور رهبر ایران نتیجه عکس داد و سبب وحدت ملی ایرانیان شد»، خبرگزاری تسنیم۔
  92. ↑ «ترور رهبر ایران نتیجه عکس داد و سبب وحدت ملی ایرانیان شد»، خبرگزاری تسنیم۔
  93. ↑ «شهید شاخص سال معرفی و شعار سال راهیان نور ۱۴۰۵ اعلام شد»، پایگاه خبری سپاه پاسداران انقلاب اسلامی۔
  94. ↑ ہاشمی، انقلاب میں...، ص176۔
  95. ↑ قبادی، «گزارشی از ماجرای ترور ۶ تیر ۱۳۶۰»۔
  96. ↑ «بازخوانی 24 ترور پس از پیروزی انقلاب اسلامی»، مرکز اسناد انقلاب اسلامی۔
  97. ↑ «ترور نافرجام آیت الله خامنه‌ای»، تبیان۔

مآخذ

اخذ کردہ از «https://ur.wikishia.net/w/index.php?title=مسودہ:آیت_اللہ_خامنہ_ای_کا_قتل&oldid=201465»