مجمع جہانی تقریب مذاہب اسلامی

مجمع جہانی تقریب مذاہب اسلامی
عالمی اسمبلی تقریب بین مذاہب اسلامی
کوائف
تأسیس	سنہ 1990ء
دائرہ کار	عالم اسلام
اغراض و مقاصد	اسلامی مذاہب کی باہمی تقریب
محل وقوع	تہران
سیکرٹری جنرل	حمید شہریاری
دیگر معلومات
ویب سائٹ	http://www.taghrib.org

مجمع جہانی تقریب بین مذاہب اسلامی (عالمی تقریب مذاہب اسمبلی) ایک غیر سرکاری ادارہ ہے جو عالم اسلام کے علمائے دین کے ذریعے تشکیل پایا ہے تاکہ اسلامی مذاہب کے درمیان تقریب کا کام انجام پا سکے۔ یہ ادارہ سنہ 1990ء میں آیت اللہ خامنہ ای کے حکم سے تشکیل پایا۔

مجمع تقریب کے تین ستون ہیں؛ ایک عام اسمبلی ہے اور دوسرا ستون، شورائے عالی ہے نیز تیسرا ستون، سکریٹری جنرل ہے۔ عام اسمبلی کے ارکان، اعلی مشورتی کونسل کا انتخاب کرتے ہیں؛ اسی طرح اعلی مشورتی کونسل سکریٹری جنرل کو تجویز کرتی ہے اور پھر ایران کے رہبر انقلاب کی طرف سے سکریٹری جنرل منصوب ہوتا ہے۔ اس ادارے کا مرکزی دفتر، ایران میں ہے اور حمید شہریاری اس کے سکریٹری جنرل ہیں۔

تاسیس

سنہ 1990ء میں سازمان تبلیغات اسلامی کی طرف سے عالم اسلام کے دانشوران کے ساتھ چوتھی وحدت اسلامی کانفرنس منعقد ہونے کے بعد، انقلاب اسلامی کے رہبر معظم آیت اللہ خامنہ ای کے حکم سے مجمع جہانی تقریب مذاہب اسلامی کی بنیاد پڑی۔^[1]

اغراض و مقاصد

اسلامی تہذیب، اسلامی علوم کا احیاء، ان کی توسیع اور قرآن کریم و سنت نبوی صلی اللہ علیہ و آلہ و سلم کا دفاع۔
عالم اسلام کے مذہبی پیشوا، متفکرین اور علماء کے درمیان اعتقادی، فقہی، اجتماعی اور سیاسی آشنائی و مفاہمت۔
عالم اسلام کے دانشوروں کے درمیان افکار تقریب کی توسیع، عام مسلمانوں کے درمیان اس فکر کو پھیلانا اور ان کو دشمنوں کی تفرقہ انگیز سازشوں سے آگاہ کرنا۔
مذاہب اسلامی میں اجتہاد و استنباط کو فروغ دینا اور اس کو مضبوط کرنا۔
مسلّم اسلامی اصولوں کی بنیاد پر دشمنان اسلام کی پروپیگنڈا سازشوں اور ثقافتی یلغار کے مقابلے میں ایک منظم محاذ تیار کرنا۔
اسلامی مذاہب کے ماننے والوں کے درمیان غلط فہمیوں اور شکوک و شبہات کو دور کرنا۔^[2]

ڈھانچہ

مجمع تقریب کا بنیادی ڈھانچہ اس طرح سے ہے:

عام اسمبلی

عام اسمبلی کے ارکان، دنیا کے اسلامی مذاہب کے ایسے علماء اور دانشوروں کے درمیان سے ہوتے ہیں جو تقریب مذاہب اسلامی کے حامی ہوں۔ یہ ارکان 6 برسوں کے لئے شورائے عالی کے ذریعے منتخب ہوتے ہیں۔^[3]

عام کونسل کی چند کمیٹیاں ہیں: مثلا مسلمان اقلیتیں، پروپیگنڈہ اور تبلیغات، امت اسلامی کو درپیش مشکلات اور مسائل، خواتین اور تقریب مذاہب میں ان کا کردار۔^[4]

اعلی مشاورتی کونسل

مجمع جہانی تقریب مذاہب اسلامی کی اعلی مشورتی کونسل کے ارکان، مذاہب اسلامی کے علماء، مفکرین اور شخصیتوں میں سے ہوتے ہیں۔ یہ لوگ اسلامی جمہوریہ ایران کے رہبر انقلاب کے ذریعے 6 سال کے لئے نصب ہوتے ہیں۔^[5]

مشورتی کونسل کے ارکان

سکریٹری جنرل

سکریٹری جنرل، مجمع تقریب کا اعلیٰ ترین ذمہ دار ہے جو مشورتی کونسل کی تجویز اور رہبر معظم کے ذریعہ چار سال کے لئے منصوب ہوتا ہے۔ اب تک سکربٹری جنرل کے عہدے پر خدمت کرنے والوں کی کچھ تفصیل اس طرح ہے:

محمد واعظ زادہ خراسانی^[7]، سنہ 1990ء سے سنہ 2001ء تک؛

محمد علی تسخیری^[8] ، سنہ 2001ء سے سنہ 2012ء تک،

محسن اراکی^[9] ، سنہ 2012ء سے سنہ 2019ء تک؛

حمید شہریاری 15 دسمبر سنہ 2019ء سے اس عہدے پر فائز ہیں۔^[10]

سرگرمیاں اور وابستہ ادارے

مجمع تقریب، تعلیمی، تحقیقی موضوعات اور اسی طرح تقریبی موضوعات کی خبر رسانی میں فعال ہے۔ اس کی کچھ سرگرمیاں مندرجہ ذیل ہیں:

تقریب کے موضوع پر مختلف ممالک میں بین الاقوامی کانفرنسیں اور سیمینار منعقد کرنا۔^[11] جیسے ہر سال ہفتہ وحدت کی مناسبت سے 12 تا 17 ربیع الاول کو بین الاقوامی وحدت اسلامی کانفرنس منعقد ہوتی ہے وحدت کانفرنس میں ایران کے علاقوں اور دنیا کے مختلف ممالک سے شیعہ اور اہل سنت علماء شرکت کرتے ہیں^[12]
مذاہب اسلامی یونیورسٹی: یہ یونیورسٹی اس لئے تاسیس ہوئی ہے تاکہ فقہ و قانون کے تمام مذاہب کے تقابلی مطالعے کی تعلیم دی جا سکے^[13] اس کی مرکزی عمارت تہران میں ہے اور اس کے شعبے اب زاہدان، سنندج اور بندر عباس میں بھی ہیں۔
تقریب کا تحقیقاتی ادارہ: اس ادارے کے تین تحقیقاتی شعبے ہیں ایک فقہ و قانون کا، دوسرا تاریخ و رجال کا اور تیسرا قرآن و حدیث کا۔^[14] اس تحقیقاتی ادارے کی دفتری عمارت شہر قم میں ہے۔
نشر و اشاعت: رسالۃ التقریب، رسالۃ الاسلام، ثقافۃ التقریب، پیک تقریب اور اندیشہ تقریب جیسے رسالے مجمع تقریب کی اشاعتوں میں سے ہیں۔^[15] اسی طرح مجمع جہانی تقریب کے سافٹ ویئر میں 126 عناوین پر عربی اور فارسی زبان میں مجمع تقریب کی شائع کردہ کتابیں پیش کی گئی ہیں۔^[16]
تقریب کی خبر رساں ایجنسی: یہ خبر رساں ایجنسی، تقریبی معیاروں کو مدنظر رکھتے ہوئے تقریب سے متعلق موضوعات پر عالم اسلام کی خبروں کو نشر کرتی ہے۔^[17] یہ ایجنسی فارسی، عربی، انگلش، اردو اور فرینچ میں خبریں تیار اور نشر کرتی ہے۔^[18]

حوالہ جات

مآخذ

«انتصاب شیخ محمد واعظ‌زادہ بہ سمت دبیرکلی مجمع تقریب بین مذاہب اسلامی»، دفتر حفظ و نشر آثار حضرت آیت‌اللہ العظمی خامنہ‌ای، مشاہدہ کی تاریخ ۲ آذر ۱۳۹۹ش.
«انتصاب حجت‌الاسلام‌ والمسلمین‌ تسخیری بہ‌ سمت‌ دبیرکلی مجمع‌ تقریب‌ مذاہب‌ اسلامی»، دفتر حفظ و نشر آثار حضرت آیت‌اللہ العظمی خامنہ‌ای، درج کی تاریخ ۳۱ شہریور ۱۳۸۰ش، مشاہدہ کی تاریخ ۲ آذر ۱۳۹۹ش.
«انتصاب حجت‌الاسلام والمسلمین اراکی بہ سمت دبیرکلی مجمع تقریب مذاہب اسلامی»، دفتر حفظ و نشر آثار حضرت آیت‌اللہ العظمی خامنہ‌ای، درج کی تاریخ ۲۴ تیر ۱۳۹۱ش، مشاہدہ کی تاریخ ۲ آذر ۱۳۹۹ش.
«انتصاب حجت‌الاسلام حمید شہریاری بہ دبیرکلی مجمع تقریب مذاہب اسلامی»، دفتر حفظ و نشر حضرت آثار آیت‌اللہ العظمی خامنہ‌ای، درج کی تاریخ ۲۴ آذر ۱۳۹۸ش، مشاہدہ کی تاریخ ۲ آذر ۱۳۹۹ش.
«۱۵۰ سال تلاش برای تقریب مذاہب اسلامی بین‌الملل»، مباحثات، درج کی تاریخ ۲۴ آذر ۱۳۹۳ش، مشاہدہ کی تاریخ ۲ آذر ۱۳۹۹ش.
«دربارہ ما»، تقریب خبر رساں ایجنسی، مشاہدہ کی تاریخ ۲ آذر ۱۳۹۹ش.
«مجمع تقریب مذاہب بنا بہ درخواست شیعیان جہان از رہبری، تشکیل شد»، جمہوری اسلامی خبر رساں ایجنسی، درج کی تاریخ ۴ دی ۱۳۹۸ش، مشاہدہ کی تاریخ ۲۶ آبان ۱۳۹۹ش.
«مجموعہ آثار مجمع جہانی تقریب مذاہب اسلامی»، مرکز تحقیقات کامپیوتری علوم اسلامی، درج کی تاریخ ۱ دی ۱۳۹۴ش، مشاہدہ کی تاریخ ۲ آذر ۱۳۹۹ش.
«انتشارات مجمع جہانی تقریب»، مجمع جہانی تقریب مذاہب اسلامی، مشاہدہ کی تاریخ ۲ آذر ۱۳۹۹ش.
«دانشگاہ مذاہب اسلامی»، مجمع جہانی تقریب مذاہب اسلامی، تقریب ۲ آذر ۱۳۹۹ش.
«دربارہ مجمع»، مجمع جہانی تقریب مذاہب اسلامی، مشاہدہ کی تاریخ ۲ آذر ۱۳۹۹ش.
فعالیت‌ہای معاونت‌ہای مجمع جہانی تقریب مذاہب اسلامی-معاونت بین‌الملل، مجمع جہانی تقریب مذاہب اسلامی، مشاہدہ کی تاریخ ۲ آذر ۱۳۹۹ش.
«پژوہشگاہ مطالعات تقریبی»، مجمع جہانی تقریب مذاہب اسلامی، مشاہدہ کی تاریخ ۲ آذر ۱۳۹۹ش.

[1] «دربارہ مجمع»

[2] «دربارہ مجمع»

[3] «دربارہ مجمع»

[4] «۱۵۰ سال تلاش برای تقریب مذاہب اسلامی بین‌الملل»

[5] «دربارہ مجمع»

[6] «مجمع تقریب مذاہب بنا بہ درخواست شیعیان جہان از رہبری، تشکیل شد»

[7] انتصاب شیخ محمد واعظ زادہ بہ سمت دبیرکلی مجمع تقریب بین مذاہب اسلامی

[8] انتصاب حجت‌الاسلام‌ والمسلمین‌ تسخیری بہ‌ سمت‌ دبیرکلی مجمع‌ تقریب‌ مذاہب‌ اسلامی

[9] انتصاب حجت‌الاسلام والمسلمین اراکی بہ سمت دبیرکلی مجمع تقریب مذاہب اسلامی

[10] انتصاب حجت‌الاسلام حمید شہریاری بہ دبیرکلی مجمع تقریب مذاہب اسلامی

[11] فعالیت‌ہای معاونت‌ہای مجمع جہانی تقریب مذاہب اسلامی-معاونت بین‌الملل

[12] «۱۵۰ سال تلاش برای تقریب مذاہب اسلامی بین‌الملل»

[13] «دانشگاہ مذاہب اسلامی»

[14] «پژوہشگاہ مطالعات تقریبی»

[15] «انتشارات مجمع جہانی تقریب»

[16] «مجموعہ آثار مجمع جہانی تقریب مذاہب اسلامی»

[17] «دربارہ ما»

[18] «دربارہ ما»

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]