حمالۃ الحطب

حَمّالَةُ الْحَطَب "لکڑیوں کا گھٹا اٹھانے والی عورت" کے معنی میں قرآن کی ایک تعبیر جو ابو لہب کی بیوی کے لئے استعمال ہوئی ہے۔ ابولہب کی بیوی ابو سفیان کی بہن اور معاویہ کی پھوپھی تھی۔ اس کی کنیت ام‌ جمیل اور نام اَروی، جمیلہ اور صخرة ذکر کیا گیا ہے.

قرآن کی یہ تعبیر سوره مَسَد میں استعمال ہوئی ہے۔ قرآن میں ابو لہب کی بیوی کی توصیف میں یہ تعبیر استعمال ہونے کی چند وجوہات بیان ہوئی ہیں:

• ام‌ جمیل صحرا میں جاکر کانٹے جمع کرتی اور کانٹوں کا گھٹا اپنے سر پر اٹھا لاتی تھی اور جب پیغمبر خداؐ نماز پڑھنے کے لیے مسجد کی جانب جاتے، ام جمیل ان کانٹوں کو پیغمبرؐ کے راستے میں ڈال دیا کرتی تھی۔
• ام‌ جمیل اس اقدام سے اپنے لیے آتش جہنم کی لکڑیاں مہیا کرتی تھی۔
• چونکہ وہ پیغمبر خداؐ کو فقیر و نادار ہونے کا طعنہ دیا کرتی تھی اس لیے اللہ تعالیٰ نے اس کے لیے یہ تحقیر آمیز تعبیر بیان کی ہے۔
• یہ تعبیر اس کی چغل خوری کی طرف اشارہ ہے۔ صاحب تفسیر نمونہ کے مطابق یہ سارے موارد آپس میں ایک دوسرے کے منافی نہیں ہیں کیونکہ آیت قرآنی کا مد نظر شاید یہ سارے موارد ہوں۔