چودہ معصومین

چودہ معصومین شیعوں کے یہاں رائج ایک عنوان ہے جسے وہ پیغمبر اکرمؐ، حضرت فاطمہ(س) اور اپنے بارہ اماموں پر اطلاق کرتے ہیں جو ان کے مطابق معصوم اور ہر قسم کے گناہ اور غلطی سے مبرا ہیں۔ ان کا یہ اعتقاد آیت تطہیر، آیت اولو الامر، حدیث ثقلین اور دیگر کئی آیات اور روایات سے مستدل ہیں۔

شیعہ عقائد

‌خداشناسی
توحید	توحید ذاتی • توحید صفاتی • توحید افعالی • توحید عبادی • صفات ذات و صفات فعل
فروع	توسل • شفاعت • تبرک
عدل (افعال الہی)
حُسن و قُبح • بداء • امر بین الامرین
نبوت
خاتمیت • پیامبر اسلام • اعجاز • عدم تحریف قرآن
امامت
اعتقادات	عصمت • ولایت تكوینی • علم غیب • خلیفۃ اللہ • غیبت • مہدویت • انتظار فرج • ظہور • رجعت
ائمہ معصومینؑ	1.امام علیؑ 2.امام حسنؑ 3.امام حسینؑ 4.امام سجادؑ 5.امام باقرؑ 6.امام صادقؑ 7.امام کاظمؑ 8.امام رضاؑ 9.امام محمد تقیؑ 10.امام ہادیؑ 11.امام عسکریؑ 12.امام مہدیؑ
معاد
برزخ • معاد جسمانی • حشر • صراط • تطایر کتب • میزان
اہم موضوعات
اہل بیت • چودہ معصومین • تقیہ • مرجعیت

منابع میں چودہ معصومین کا عنوان ذکر نہیں ہوا لیکن بعض احادیث میں چودہ معصومین کی طرف اشارہ ہوا ہے۔ من جملہ یہ حدیث جس میں حضرت آدم اور دوسرے مخلوقات کی خقلقت سے پہلے چودہ انوار کی خلقت کا ذکر آیا ہے۔

چودہ معصومین کا مقام

مقالهٔ اصلی: عصمت

چودہ معصومین شیعوں کے یہاں رائج ایک عنوان ہے جسے وہ پیغمبر اکرمؐ، حضرت فاطمہ(س) اور اپنے بارہ اماموں پر اطلاق کرتے ہیں اور یہ عنوان ان ہستیوں کی عصمت کے صفت سے لیا گیا ہے

شیعہ امامیہ کے مطابق چودہ معصومینؑ تمام گناہوں چاہے کبیرہ ہوں یا صغیرہ ا ور ہر قسم کے سہو اور خطا سے معصوم ہوتے ہیں۔

منابع میں چودہ معصومین کا عنوان ذکر نہیں ہوا لیکن بعض احادیث میں چودہ معصومینؑ کو ایک ساتھ ذکر کیا گیا ہے۔ من جملہ یہ کہ ایک حدیث میں «کَشَجَرَ‌ۃٍ طَيِّبَۃٍ أَصْلُہَا ثَابِتٌ وَفَرْ‌عُہَا فِی السَّمَاءِ؛ (ترجمہ: شجرۂ طیبہ (پاکیزہ) درخت کی مانند ہے۔ جس کی جڑ مضبوط ہے اور اس کی شاخ آسمان تک پہنچی ہوئی ہے۔») نقل ہوا ہے کہ شجرہ سے مراد رسول خداؐ ہے جن کا نسب بنی‌ ہاشم میں ثابت ہے۔ اس کی اصلی شاخ امام علیؑ،‌ اس کا عنصر اور بنیاد حضرت فاطمہ(س) اور اس کی فرعی شاخیں اور پھل دیگر ائمہ ہیں۔

ایک حدیث میں امام باقرؑ اور امام صادقؑ سے بھی نقل ہوا ہے کہ خدا نے حضرت آدم کی خلقت سے چودہ ہزار سال پہلے چودہ انوار کو اپنی عظمت کی نور سے خلق کیا۔ پوچھا گیا کہ یہ چودہ انوار کون ہیں؟ امامؑ نے فرمایا: محمدؐ، علیؑ، فاطمہ(س)، حسنؑ اور حسینؑ اور ان کی نسل سے 9 امام ہیں۔

شیعوں کے مطابق چودہ معصومین خدا کی تمام مخلوقات سے افضل اور برتر ہیں اور خدا کے یہاں سب سے محبوب‌ اور عظیم ہستیاں ہیں۔ ان کی مودت و محبت تمام مسلمانوں پر واجب ہے۔ شیعہ تعلیمات کے مطابق مسلمانوں کی امامت و رہبری کا مقام و منصب اہل‌ بیتؑ سے مخصوص ہے اور مسلمانوں پر واجب ہے کہ وہ اپنے دینی مسائل میں اہل‌ بیتؑ کی طرف رجوع کریں۔

اسم	القاب	کنیت	مقام	ولادت	تاریخ پیدائش	محل تولد	تاریخ شہادت	سنہ	محل شہادت	علت شہادت	محل دفن
محمد بن عبداللہ	رسول اللہ	ابوالقاسم	پیغمبر اسلام	12 یا 17 ربیع الاول	۱ عام الفیل- ۵۶۹م	مکہ	28 صفر	۱۱ہجری قمری-۶۳۲م	مدینہ	--	مدینہ
فاطمہ	زہرا- صدیقہ- بتول	ام ابیہا- ام الائمہ	مادر ائمہ	8 جمادی الثانی	۵ بعثت	مکہ	3 جمادی الثانی	۱۱ ہجری قمری	مدینہ	شیعوں کے مطابق ابوبکر کی خلافت کیلئے بیعت لینے کے واقعے میں عمر کی طرف سے مورد ظلم واقع ہوا اور شہادت پر فائز ہوئیں	نامعلوم
علی بن ابیطالب	امیرالمؤمنین	اباالحسن- ابوتراب	شیعوں کا پہلا امام	13 رجب	۳۰ عام الفیل	مکہ (کعبہ)	21 رمضان	۴۰ ہجری قمری	کوفہ	ابن ملجم مرادی کے ہاتھوں مسجد کوفہ کے محراب میں شہید ہوئے	نجف
حسن بن علی	مجتبی	ابامحمد	دوسرا امام	15 رمضان	۲ یا ۳ ہجری قمری	مدینہ	28 صفر	۵۰ ہجری قمری	مدینہ	معاویہ کی ترغیب پر اپنی بیوی جعدہ بنت اشعث بن قیس کے ہاتھوں مسموم ہوئے	مدینہ(بقیع)
حسین بن علی	سید الشہداء	اباعبداللہ	تیسرا امام	3 شعبان	۳ یا ۴ ہجری قمری	مدینہ	10 محرم عاشورا	61 ہجری قمری	کربلا	یزید کی فوج سے لڑتے ہوئے اپنے با وفا اصحاب کے ساتھ شہید ہوئے	کربلا
علی بن الحسین	سجاد، زین العابدین	اباالحسن	چوتھا امام	5 شعبان	۳۸ ہجری قمری	مدینہ	25 محرم	۹۵ ہجری قمری	مدینہ	ولید بن عبدالملک کے حکم سے مسموم اور شہید ہوئے	مدینہ(بقیع)
محمد بن علی	باقر العلوم	ابا جعفر	پانچواں امام	۱ رجب	۵۷ ہجری قمری	مدینہ	7 ذی الحجہ	۱۱۴ ہجری قمری	مدینہ	ہشام بن عبدالملک کے حکم سے مسموم اور شہید ہوئے	مدینہ(بقیع)
جعفر بن محمد	صادق	اباعبداللہ	چھٹا امام	17 ربیع‌الاول	۸۳ ہجری قمری	مدینہ	25 شوال	۱۴۸ ہجری قمری	مدینہ	منصور کے حکم سے مسموم اور شہید ہوئے	مدینہ(بقیع)
موسی بن جعفر	کاظم	اباالحسن	ساتواں امام	7 صفر	۱۲۸ ہجری قمری	مدینہ	25 رجب	۱۸۳ ہجری قمری	کاظمین	ہارون الرشید کے حکم سے مسموم اور شہید ہوئے	کاظمین
علی بن موسی	رضا	اباالحسن	آٹھواں امام	11 ذی القعدہ	۱۴۸ ہجری قمری	مدینہ	30 صفر	۲۰۳ ہجری قمری	طوس مشہد	مأمون کے ہاتھوں مسموم اور شہید ہوئے	مشہد
محمد بن علی	تقی، جواد	اباجعفر	نواں امام	10 رجب	۱۹۵ ہجری قمری	مدینہ	30 ذی القعدہ	۲۲۰ ہجری قمری	کاظمین	معتصم عباسی کے حکم سے اپنی بیوی ام فضل بنت مأمون کے ہاتھوں مسموم اور شہید ہوئے	کاظمین
علی بن محمد	ہادی، نقی	اباالحسن	دسواں امام	15 ذی الحجۃ	۲۱۲ ہجری قمری	مدینہ(صریا)	3 رجب	۲۵۴ ہجری قمری	سامرا	المعتز باللہ کے حکم سے مسموم اور شہید ہوئے	سامرا
حسن بن علی	زکی، عسکری	ابامحمد	گیارہواں امام	10 ربیع الثانی	۲۳۲ ہجری قمری	مدینہ	8 ربیع الاول	۲۶۰ ہجری قمری	سامرا	المعتمد باللہ کے حکم سے مسموم اور شہید ہوئے	سامرا
حجۃ بن الحسن	قائم	اباالقاسم	بارہواں امام	15 شعبان	۲۵۵ ہجری قمری	سامرا	آغاز امامت 9 ربیع الاول ۲۶۰ ہجری قمری	آپ اب بھی خدا کے اذن سے زندہ اور لوگوں کی نظروں سے غائب ہیں

متعلقہ صفحات

• اہل بیت(ع)
• عصمت
• ائمہ معصومین