مسودہ:نماز ظہر عاشورا (رسم)

نماز ظہر عاشورا

زمان‌	عاشورا کے دن
مکان	مساجد، عمومی مقامات اور سڑکیں
اہم مذہبی تہواریں
سینہ‌زنی، زنجیرزنی، اعتکاف، شب بیداری، تشییع جنازہ،
متفرق رسومات

نماز ظہر عاشورا (رسم) سے مراد عاشورا کے دن ظہرین کی وہ نماز ہے جو جماعت کے ساتھ ادا کی جاتی ہے۔ یہ نماز ایران اور کچھ دوسرے ممالک جیسے عراق، روس، برطانیہ نیدرلینڈز، اور پاکستان کے بڑے شہروں میں بھی جماعت کے ساتھ ادا کی جاتی ہے۔

ایران میں، ہر سال امام حسین علیہ السلام کے عاشورا کے دن ظہر کی نماز کی یاد میں عاشورا کے دن ظہرین کی نماز مساجد اور عوامی مقامات پر ادا کی جاتی ہے۔ اخباری اطلاعات کے مطابق یہ بھی بتایا جاتا ہے کہ ایران-عراق جنگ کے دوران، بعض ایرانی مجاہدین جنگی حالات میں بھی عاشورا کے دن نماز ظہرین جماعت کے ساتھ ادا کرتے تھے۔

ایران کی انجمن برای اقامہ نماز کے مرکزی دفتر کی رپورٹ کے مطابق، ماضی میں کچھ عزا داری کے جلوسوں میں عاشورا کے دن مرکزی توجہ صرف عزا داری پر ہوتی تھی اور نماز ظہرین پر کم توجہ دی جاتی تھی۔ اس سلسلے میں ایران کے شیعہ عالم دین محسن قرآتی کی تجویز پر عاشورا کے دن ظہرین کے موقع پر منظم طور پر نماز جماعت ادا کرنے کا اہتمام کیا گیا جس کا ماتمی انجمنوں نے خیرمقدم کیا۔

بعض شیعہ مراجع کی رائے کے مطابق، عاشورا کے دن ظہرین کی جماعت کی نماز سڑکوں پر ادا کرنے میں کوئی شرعی حرج نہیں ہے بشرطیکہ لوگوں کی ضرورت کے پیش نظر آمد و رفت کا راستہ کھلا رہے۔ اس کے علاوہ یہ بھی تاکید کی جاتی ہے کہ عاشورا کے دن کی عزا داری کی مجلسیں اس طرح ترتیب دی جائیں کہ عزادار نماز ظہرین کی جماعت میں شریک ہوسکیں۔ شیعہ مرجع تقلید ناصر مکارم شیرازی کے مطابق، عاشورا کے دن بہتر یہ ہے کہ وسیع پیمانے پر عزادار حضرات ظہرین کی نماز میں شرکت کریں۔