"علم کلام" کے نسخوں کے درمیان فرق
imported>E.musavi |
imported>E.musavi |
||
| سطر 11: | سطر 11: | ||
* '''نام و وجہ تسمیہ''' | * '''نام و وجہ تسمیہ''' | ||
اس علم کا مشہور ترین نام کلام ہے اور اس علم کے علماء کو [[متکلم]] کہتے ہیں۔<ref> ربانی گلپایگانی، درآمدی بر علم کلام، ۱۳۸۷ش، ص۶۷.</ref> کیوں اس علم کو کلام کہتے ہیں اس بارے میں مختلف نظریات پائے جاتے ہیں۔{{نوٹ|وہ دلائل جو علم کلام کی وجہ تسمیہ کے لئے بیان ہوئے ہیں۔ ۱۔ مہم ترین و اولین مسئلہ جس کے بارے میں متکلمین نے کلام کیا ہے وہ کلام الہی کے حدوث و قدم کی بحث ہے۔ ۲۔ اس علم کی ابواب کا آغاز الکلام فی کذا سے ہوتا ہے۔ ۳۔ علم کلام انسان میں مناظرے، جدل و گفتگو کی قدرت کو تقویت پہچاتا ہے اور مناظرہ تکلم اور گفتگو ہی کا دوسرا نام ہے۔ ۴۔ دلائل کی مضبوطی، سخن کی مضبوطی کا سبب ہے اور علم کلام استوار استدلال سے استفادہ کرتا ہے۔ ۵۔ متکلمین نے اپنے علم کا نام کلام رکھا ہے تا کہ وہ فلاسفہ کے مقابلہ میں علم منطق سے بے نیازی کا اظہار کر سکیں۔ (جبرئیلی، سیر تطور کلام شیعہ، ۱۳۹۶ش، ص۳۷ـ۳۸) ان تمام دلائل پر اعتراض کئے گئے ہیں؛ منجملہ پہلی وجہ کے بارے میں کہا گیا ہے کہ کلام الہی کے حدوث و قدم کی بحث سے پہلے بھی علم کلام اسی نام سے مشہور تھا۔<ref>نگاه کنید به ربانی گلپایگانی، درآمدی بر علم کلام، ۱۳۸۷ش، ص۷۰)</ref> | اس علم کا مشہور ترین نام کلام ہے اور اس علم کے علماء کو [[متکلم]] کہتے ہیں۔<ref> ربانی گلپایگانی، درآمدی بر علم کلام، ۱۳۸۷ش، ص۶۷.</ref> کیوں اس علم کو کلام کہتے ہیں اس بارے میں مختلف نظریات پائے جاتے ہیں۔{{نوٹ|وہ دلائل جو علم کلام کی وجہ تسمیہ کے لئے بیان ہوئے ہیں۔ ۱۔ مہم ترین و اولین مسئلہ جس کے بارے میں متکلمین نے کلام کیا ہے وہ کلام الہی کے حدوث و قدم کی بحث ہے۔ ۲۔ اس علم کی ابواب کا آغاز الکلام فی کذا سے ہوتا ہے۔ ۳۔ علم کلام انسان میں مناظرے، جدل و گفتگو کی قدرت کو تقویت پہچاتا ہے اور مناظرہ تکلم اور گفتگو ہی کا دوسرا نام ہے۔ ۴۔ دلائل کی مضبوطی، سخن کی مضبوطی کا سبب ہے اور علم کلام استوار استدلال سے استفادہ کرتا ہے۔ ۵۔ متکلمین نے اپنے علم کا نام کلام رکھا ہے تا کہ وہ فلاسفہ کے مقابلہ میں علم منطق سے بے نیازی کا اظہار کر سکیں۔ (جبرئیلی، سیر تطور کلام شیعہ، ۱۳۹۶ش، ص۳۷ـ۳۸) ان تمام دلائل پر اعتراض کئے گئے ہیں؛ منجملہ پہلی وجہ کے بارے میں کہا گیا ہے کہ کلام الہی کے حدوث و قدم کی بحث سے پہلے بھی علم کلام اسی نام سے مشہور تھا۔}}<ref>نگاه کنید به ربانی گلپایگانی، درآمدی بر علم کلام، ۱۳۸۷ش، ص۷۰)</ref> ان میں سے بہترین<ref> جبرئیلی، سیر تطور کلام شیعہ، ۱۳۹۶ش، ص۳۸.</ref> یہ ہے کہ علم کلام انسان کے اندر مناظرہ و جدال کی قدرت کو تقویت پہچاتا ہے اور مناظرہ تو تکلم و گفتگو ہی کا نام ہے۔<ref> ربانی گلپایگانی، درآمدی بر علم کلام، ۱۳۸۷ش، ص۷۳.</ref> ماضی میں علم کلام کو دوسرے ناموں سے بھی جانا جاتا تھا جیسے: علم اصول دین، علم اصول عقاید، فقہ اکبر، علم توحید، علم الذات و الصفات۔<ref> جبرئیلی، سیر تطور کلام شیعہ، ۱۳۹۶ش، ص۳۷، پانویس ۲؛ ربانی گلپایگانی، درآمدی بر علم کلام، ۱۳۸۷ش، ص۶۷.</ref> | ||
==موضوع، اہداف و روش == | ==موضوع، اہداف و روش == | ||
نسخہ بمطابق 01:16، 30 جنوری 2021ء
کلام اسلامی یا علم کلام، علوم اسلامی کی ایک شاخ ہے جس میں اسلامی عقاید سے بحث اور اس کا دفاع کیا جاتا ہے۔ کلام اپنے مسائل کے اثبات اور مخاطب کو قانع کرنے کے لئے منطق کی مختلف روشوں جیسے قیاس، تمثیل و جدل سے استفادہ کرتا ہے۔ علم کلام کے مسائل اصول دین یا اصول عقاید میں منحصر نہیں ہیں۔ بلکہ متکلم کا فریضہ ہے کہ وہ تعالیم و احکام دینی کے خلاف ہونے والے تمام اعتراضات کا جواب دے۔
اس علم کی تاریخ پیدائش کے سلسلہ میں کہا گیا ہے کہ اس کا آغاز صدر اسلام میں ہی ہو گیا تھا۔ اس کا پہلا مسئلہ جبر و اختیار تھا۔ صفات خداوند کے بارے میں بحث، خاص طور پر توحید و عدل الہی، مسئلہ حسن و قبح افعال، قضا و قدر، بحث نبوت، معاد، تکلیف شرعی و معجزہ علم کلام کے مہم مباحث میں سے ہیں۔ علم کلام کے مباحث میں اختلاف اسلام میں بہت سے کلامی فرقوں کے وجود میں آنے کا سبب بنا۔ شیعوں کے مہم ترین کلامی فرقے امامیہ، زیدیہ، اسماعیلیہ، غلات و کیسانیہ اور اہل سنت کے مہم ترین کلامی فرقے خوارج، مُرجئہ، معتزلہ، اہل حدیث، اشاعره، ماتُریدیہ و وہابیت ذکر ہوئے ہیں۔
کلام جدید ایسا علم ہے جس میں علم کلام (قدیم) سے ہم آہنگ یا مختلف ہونے کے سلسلہ میں اختلاف نظر پایا جاتا ہے۔ کلام جدید کے مباحث یہ ہیں: اس کی تعریف، ہدف و مقصد، دین کے حدود و زبان، بشریت کے لئے دین کی ضرورت، عقل و دین، عقل و ایمان، علم و دین اور تجربہ دینی و تکثر گرائی دینی۔
تعریف و نام
علم کلام علوم اسلامی میں ایک ہے اور اس میں اسلامی عقاید کے بارے میں بحث ہوتی ہے۔[1] اس طرح سے کہ اس میں ان عقاید کی توضیح دی جاتی اور ان سے دفاع کیا جاتا ہے۔[2] البتہ اس کی دوسری تعریفیں بھی بیان ہوئی ہیں، جن میں سے ہر ایک میں اس کی خصوصیت کو بیان کیا گیا ہے۔[3] مثلا علم کلام ایک نظری علم ہے جس کی مدد سے دینی عقاید کو استدلال کے ساتھ اثبات کیا جا سکتا ہے۔[4] یا ایسا علم ہے جس میں ذات و صفات و افعال خداوند سے بحث ہوتی ہے۔[5]
- نام و وجہ تسمیہ
اس علم کا مشہور ترین نام کلام ہے اور اس علم کے علماء کو متکلم کہتے ہیں۔[6] کیوں اس علم کو کلام کہتے ہیں اس بارے میں مختلف نظریات پائے جاتے ہیں۔[یادداشت 1][7] ان میں سے بہترین[8] یہ ہے کہ علم کلام انسان کے اندر مناظرہ و جدال کی قدرت کو تقویت پہچاتا ہے اور مناظرہ تو تکلم و گفتگو ہی کا نام ہے۔[9] ماضی میں علم کلام کو دوسرے ناموں سے بھی جانا جاتا تھا جیسے: علم اصول دین، علم اصول عقاید، فقہ اکبر، علم توحید، علم الذات و الصفات۔[10]
موضوع، اہداف و روش
- موضوع
متکلمین علم کلام کے موضوع کے بارے میں اتفاق نظر نہیں رکھتے ہیں۔ بعض کہتے ہیں کہ اس علم کا کوئی معین موضوع نہیں ہے۔[11] البتہ جو اس کے لئے موضوع کے قائل ہیں ان میں سے ہر ایک نے اس کے لئے ایک موضوع ذکر کیا ہے۔ ان میں سے اہم ترین یہ ہیں: [12] موجود بما ھو موجود،[13] معلومات خاص (وہ معارف جن سے عقاید دینی کے اثبات کے لئے استفادہ کیا جاتا ہے۔)،[14] وجود خداوند، وجود ممکنات، ذات و صفات خداوند،[15] عقاید دینی،[16] اسی طرح سے کہا گیا ہے کہ طول تاریخ میں علم کلام کا تکامل و ارتقاء سبب بنا ہے کہ مختلف ادوار میں اس کے موضوعات مختلف ہوں۔[17]
- اہداف و فوائد
علماء و متفکرین نے علم کلام کے اہداف ذکر کئے ہیں۔ ان میں بعض یہ ہیں:
- اسلامی عقاید کا استخراج و استنباط (تحقیقی دینی معرفت)[18]
- اسلامی اعتقادات کے مفاہیم و مسائل کی توضیح و تشریح[19]
- عقاید کے نظریات کو منظم طور پر پیش کرنا[20]
- اعتقادات و تعالیم دینی کا اثبات[21]
- شبہات و اعتراضات کے مقابلہ میں دینی عقاید کا دفاع[22]
- روش
علم کلام اپنے اہداف، نقطہ نظرات، مسائل و مخاطبین کے مطابق استدلال میں مختلف روشوں سے استفادہ کرتا ہے۔[23] کہا گیا ہے کہ یہ علم شناخت عقاید دینی اور اس کے اثبات کے لئے ایسی روش کا محتاج ہے جو یقین آور ہو۔ جیسے روش قیاس (قیاس منطقی) البتہ یہ اپنے دوسرے اہداف کے لئے جن میں دینی عقاید کا دفاع شامل ہے، ان یقین آور روشوں کے علاوہ دوسری روشوں سے استفادہ کر سکتا ہے جیسے تمثیل، خطابہ، جدل وغیرہ کی روشیں اور روش عقلی و نقلی، تجربیاتی و تاریخی۔[24]
تاریخچہ اور سبب پیدائش
مشہور نظریہ یہ ہے[25] کہ اسلامی فتوحات اور حکومت اسلامی کے دائرہ میں وسعت کے بعد مسلمانوں کا اختلاط دوسرے ادیان و مذاہب کے افراد کے ساتھ ہونے لگا اور یہ چیز دوسرے ادیان و مذاہب کے آرا و نظریات کے شائع ہونے کا سبب بنی۔ لہذا مسلمانوں نے اپنے عقاید و نظریات کے دفاع اور اعتقادی اعتراضات و شہبات کے جواب کے لئے علم کلام کے مباحث اور روشوں کو رونق حاصل ہوئی اور یہی چیز علم کلام کے وجود میں آنے کا سبب بنی۔[26]
دوسرے نظریوں کے مطابق، علم کلام کی تاریخ کو واضح کرنے کے لئے ہمیں ابتدائی طور پر علم کلام سے کیا مراد ہے اسے روشن کرنا پڑے گا۔[27] اگر علم کلام سے مراد دینی عقاید کے سلسلہ میں گفتگو کرنا ہو تو اس کی تاریخ ظہور اسلام کے ساتھ متصل ہے۔ اس لئے کہ یہ مباحث قرآن و احادیث اور بت پرستوں اور اہل کتاب سے توحید، نبوت و معاد کے سلسلہ میں پیغمبر اکرم (ص) سے ہونے والی بحث و گفتگو میں پیش آئے ہیں۔[28]
لیکن اگر اس سے مراد مسلمانوں کے درمیان پیش آنے والے مباحث اور دینی و کلامی فرقوں کی پیدائش ہو ہو اس کی تاریخ کی ابتداء رحلت پیغمبر اکرم (ص) کے بعد ہوتی ہے۔ اس زمانہ کے مہم ترین اختلافات میں امامت و خلافت، قضا و قدر، صفات خداوند اور حکمیت کے واقعات ہیں۔[29] جن کے نتیجہ میں قدریہ، مشبھہ، خوارج وغیرہ جیسے فرقے وجود میں آئے۔ اور اگر علم کلام سے مراد ان مذاہب و فرق اسلامی کا وجود میں آنا ہے جنہوں نے علم کلام میں کسی معین روش اور تعریف شدہ اصول و قوانین بنائے ہیں تو ان کی تاریخ کی بازگشت دوسری ہجری کی طرف ہوتی ہے۔ [30]
پیدائش و ارتقاء کے اسباب
علم کلام کی پیدائش اور مسلمانوں کے درمیان اس کے ارتقاء کے مختلف اسباب و علل بیان ہوئے ہیں:
- تعلیمات قرآن و حدیث و عوامی ضرورت: علم کلام کی پیدائش کا اولین سبب تعلیمات قرآن و حدیث اور عوام کو ان کے درک و فہم کی ضرورت بیان کیا گیا ہے۔[31] قرآن کریم نے عقاید کی تعلیمات پر خاص توجہ مبذول کی ہے اور ان پر ایمان رکھنے کو لازمی قرار دیا ہے۔[32] اسی بناء پر علماء نے ان تعلیمات کو سمجھنے کے لئے علم کلام کی بنیاد رکھی ہے۔[33]
- سیاسی منازعات و اختلافات: بعض سیاسی و سماجی اختلافات علم کلام کے رونق حاصل کرنے کا سبب بنے اور بتدریج علم کلام وجود میں آیا۔ مثلا رحلت پیغمبر (ص) کے بعد امامت و خلافت کے مسئلہ میں بحث، ایمان و ارتکاب گناہ کبیرہ کا مسئلہ، مسئلہ حکمیت جسے خوارج نے پیش کیا یا مسئلہ جبر و اختیار، جسے بنی امیہ نے اپنی حکومت کی توجیہ کے لئے پیش کیا۔[34]
- مسلموں اور غیر مسلموں کا اختلاط: جب وقت مسلمانوں نے غیر مسلموں جیسے ایرانیوں، رومیوں، مصریوں سے ارتباط پیدا کئے۔ عقاید اسلامی کے دوسرے مذاہب کے ساتھ اختلافات آشکار ہوئے اور میں تعارض کا آغاز ہوگیا۔ مسلمانوں نے اسلام کے بنیادی عقاید کے دفاع میں علم کلام کی بحثوں کو شروع کیا اور انہیں رونق بخشی۔ اس طرح سے علم کلام نے ارتقائی سفر طے کیا۔[35]
- دوسرے مذاہب کے ساتھ اختلاط: اسلامی ریاستوں میں وسعت کے بعد دیگر ادیان و مذاہب کے لوگوں نے اسلام قبول کرنا شروع کر دیا۔انہوں نے اسلامی قوانین کی پیروی کرتے ہوئے اسلام مخالف چیزوں کو ترک کر دیا لیکن بعض چیزیں جن کے بارے میں ابتداء میں اسلامی نقطہ نظر واضح نہیں تھا، انہوں نے اپنے عقیدہ کے مطابق قرآنی و اسلامی تفسیریں پیش کیں۔ لہذا علمائے اسلام نے کوشش کی کہ علم کلام کے مباحث کی مدد سے اسلامی نظریات کو واضح کریں اور خود ساختہ عقاید کو اس میں خلط ہونے سے بھی بچائیں۔[36]
- تحریک ترجمہ: کلام اسلامی کے بعض مسائل کا ذکر اور انہیں تخصصی و منظم طور پر پیش کرنا، تحریک ترجمہ کے دور میں پیش آیا۔ اس تحریک کا آغاز دوسری صدی ہجری کے نصف دوم (سنہ 150 ھ) میں ہوا اور اس کا سلسلہ کئی صدیوں تک جاری رہا۔[37]
تغیر و تبدیلی کے مراحل
اسلامی علم کلام کے تحول و تغیر کے مختلف مراحل ذکر ہوئے ہیں۔ تاریخ علم کلام کے محقق محمد تقی سبحانی نے اس کی تبدیلی کے چار مراحل ذکر کئے ہیں اور وہ لکھتے ہیں اس عمومی مرحلہ بندی میں اسلامی مذاہب کے درمیان اختلاف بھی پائے جاتے ہیں: 1۔ مرحلہ اصالت و استقلال 2۔ مرحلہ رقابت و اختلاط 3۔ مرحلہ ادغام و استحالہ 4۔ مرحلہ احیاء و تجدید۔[38] یہ تقسیم بندی علم کلام کے دیگر بیرونی علوم کے ساتھ رابطے خاص طور پر فلسفہ کے ساتھ انجام پائی ہے۔[39]
محمد تقی سبحانی کے بقول: پہلے مرحلے میں صدر اسلام کی پانچ صدیاں شامل ہیں اور خود اس مرحلہ میں تین مراحل شامل ہیں۔ الف: پیدائش و شکل گیری ب: تکوین کلام نظری ج: تدوین کتب جامع کلامی۔[40] دوسرے مرحلے میں (مرحلہ رقابت و اختلاط) متکلمین نے خندہ روئی کے ساتھ فلسفہ کے مفاہیم و روشوں کو جذب کرنے کی طرف رخ کیا اور علم کلام کی باز سازی ان مفاہیم نو کی رو سے کی ہے۔ دوسری طرف انہوں نے سختی کے ساتھ فلسفی نظریات کے مقابلہ میں علم کلام کے عقاید کے دفاع میں اقدام انجام دیئے۔ یہ مرحلہ پانچویں صدی سے نویں صدی تک جاری رہا۔[41]
تیسرے مرحلے میں (مرحلہ ادغام و استحالہ) علم کلام اہل سنت شدید زوال کا شکار ہوگیا جبکہ علم کلام شیعہ مکمل طور پر فلسفی ہوگیا۔[42] چوتھے مرحلے (احیاء و نو سازی) کا آغاز بارہویں صدی ہجری سے ہوا۔ اس مرحلہ میں بعض علماء نے کلام جدید کی تاسیس کی ضرورت کے بارے میں گفتگو کی اور علم کلام کی توسیع کے سلسلہ میں سعی کی۔ جدید سوالوں کے جوابات دینے کی کوشش کی۔ اس جدید سلسلہ کے تعارف میں نو معتزلی، نو اشعری، نو سلفی جیسی اصطلاحات کا استعمال کیا گیا۔ عالم تشیع میں علم کلام میں ملا صدرا کے افکار و نظریات کو زندہ کرنے کے ساتھ، جسے فلسفہ نو صدرائی سے بھی یاد کیا جاتا ہے، مکتب کلامی متاخرین کا احیاء ہوا جس میں علامہ حلی جیسے فقہاء اور کوفہ و قم کے فکری مکاتب کا احیاء شامل ہے، جسے غالبی طور پر مکتب تفکیک سے تعبیر کیا جاتا ہے۔[43]
حدود و مہم ترین مباحث
علم کلام کے مسائل اصول دین یا اصول عقاید میں منحصر نہیں ہیں۔ بلکہ متکلم کا فریضہ ہے کہ وہ مجموعہ احکام و تعالیم دینی کے بارے میں پیش آنے والے تمام سوالوں کے جواب دے۔ لہذا علم کلام کا فریضہ ہے کہ وہ اصول دین سے بھی دفاع کرے اور فروع دین سے بھی۔[44] مثلا فلسفہ حجاب کے بارے میں ہونے والے سوالات کے جوابات یا یہ کہ کیوں قرآن تدریجی طور پر نازل ہوا ہے؟ یا اعجاز قرآن یا فصاحت قرآن پر ہونے والے اعتراضات کا جواب دینا علم کلام کی ذمہ داری ہے۔ البتہ تعیین حکم حجاب فقیہ کی ذمے داری اور تعیین مراد و معانی آیات علم تفسیر کا فریضہ ہے۔[45]
کہا جاتا ہے کہ مسلمانوں کے درمیان پہلا کلامی مسئلہ جبر و اختیار کا مشئلہ تھا۔[46] علم کلام کے دیگر مہم مباحث یہ ہیں: بحث صفات خداوند مخصوصا توحید و عدل الہی، مسئلہ حسن و قبح افعال، قضا و قدر، مسئلہ نبوت، معاد، تکالیف الہی و معجزہ۔[47]
امامیہ شیعہ اثنا عشری علم کلام میں مذکورہ بالا مباحث کے علاوہ اثبات وجود خدا، عصمت انبیاء و ائمہ، اثبات معاد جسمانی، شفاعت، تقیہ، رجعت اور بداء کے سلسلہ میں بھی بحث ہوتی ہے۔[48]
مکاتب و مذاہب کلامی
کلامی فرقوں سے مراد وہ فرقے ہیں جن کی پیدائش کا سبب خاص اعتقادی و کلامی آرا و نظریات تھے۔[49] اولین اعتقادی اختلاف[50] اور مسلمانوں کے درمیان مہم ترین و بزرگ ترین دینی تنازعہ جانشینی پیغمبر اکرم (ص) کا مسئلہ تھا۔[51] یہ اختلاف دو اہم اسلامی مذاہب شیعہ و سنی کے وجود میں آنے کا سبب بنا۔[52]
شیعہ کلامی فرقے
مہم ترین شیعہ فرقے جن کا ذکر ہوا ہے امامیہ، زیدیہ، اسماعیلیہ، غالی و کیسانیہ ہیں۔[53] البتہ کہتے ہیں کہ غالی چونکہ امام علی علیہ السلام کی الوہیت کے قائل تھے لہذا انہیں اسلام سے خارج سمجھنا چایئے۔[54]
امامیہ
امامیہ یا شیعہ اثنا عشری اصطلاح میں ان لوگوں کو کہا جاتا ہے جن کا عقیدہ ہے کہ امام علی (ع) پیغمبر اکرم (ص) کے بلا فصل جانشین ہیں اور ان کے بعد ان کے فرزند امام حسن (ع) و امام حسین (ع) اور ان کے بعد امام حسین کی نسل سے ان کے نو فرزند امام ہیں۔[55] روایات کے مطابق شیعوں کا وجود رسول خدا (ص) کے زمانہ میں ہی ہے لیکن بنی امیہ دور کے خفقان کی وجہ سے امامیہ ایک منسجم گروہ و ایک خاص کلامی مکتب کی شکل میں امام محمد باقر (ع) و امام جعفر صادق (ع) کے بعد ظہور میں آیا۔ ان دونوں اماموں کو موقع ملا اور انہوں نے شیعہ معارف و امامیہ علم کلام کی بنیاد رکھی اور اس زمانہ (دوسری صدی ہجری) میں برجستہ شیعہ متکلمین ہشام بن حکم، ہشام بن سالم و مؤمن طاق کی تربیت کی۔[56]
امامیہ علم کلام کے وصف میں ذکر ہوا ہے کہ کلام امامیہ نہ اصحاب حدیث و حنبلیوں کی عقل گریزی کے موافق ہے نہ ہی وہ معتزلہ کی افراطی عقل گرائی کی حمایت کرتا ہے اور اسی طرح سے نہ وہ اشاعرہ کی جمود گرائی اور اس کی طرف سے کشف عقاید میں عقل کے کردار کی نقی کا حامی ہے۔ امامیہ تعلیمات کے منابع قرآن کریم، سنت پیغمبر (ص) و ائمہ و عقل ہیں۔ پانچ اصل توحید، عدل، نبوت، امامت و قیامت، امامیہ کے اصول عقاید کے طور پر ذکر ہوئے ہیں۔[57]
زیدیہ
زیدیہ ان لوگوں کو کہا جاتا ہے جو امام حسین (ع) کے بعد امام علی بن الحسین (ع) کے فرزند زید بن علی کی امامت کا عقیدہ رکھتے ہیں۔[58] ان کے عقاید کے مطابق آنحضرت (ص) نے فقط ابتدائی تین اماموں کی امامت کی تصریح فرمائی تھی اور ان کے بعد امام وہ ہے جس میں ظالم کے خلاف علنی جہاد و مسلحانہ قیام جیسے شرایط پائے جاتے ہوں۔[59] زیدیہ کے بعض کلامی نظریات یہ ہیں: نظریہ توحید، اس معنی میں کہ خداوند عالم سے تشبیہ کی نفی کی جائے، اصل وعد و وعید، اصل امر بالمعروف و نہی عن المنکر اور یہ کہ گناہ کبیرہ کا ارتکاب کرنے والا نہ مومن ہے نہ کافر بلکہ وہ فاسق ہے۔[60]
اسماعیلیہ
اسماعیلیہ وہ فرقہ ہے جو شیعوں کے بارہ میں سے ابتدائی چھ اماموں کی امامت کا قائل ہے۔ ان کے مطابق امام جعفر صادق (ع) کے بعد ان کے بڑے فرزند اسماعیل یا ان کے بیٹے محمد امام ہیں۔[61] اس فرقہ کی مہم ترین خصوصیت باطن گرائی اور آیات و روایات و احکام و معارف اسلامی کی تاویل ہے۔ ان کا ماننا ہے کہ دینی متون و اسلامی معارف ظاہر و باطن رکھتے ہیں۔ امام ان کے باطن کو جانتا ہے اور فلسفہ امامت تعلیم باطن دین و بیان معارف باطنی ہے۔[62]
اہل سنت کے کلامی فرقے
خوارج، مُرجئہ، معتزلہ، اہل حدیث، اشاعره، ماتُریدیہ و وہابیت، اہل سنت کے کلامی فرقے ہیں۔[63] خوارج واقعہ حکمیت کے بعد وجود میں آئے۔[64] یہ گروہ اگرچہ ابتداء میں سیاسی گروہ تھا، لیکن آگے جا کر یہ ایک دوسرے مکاتب سے جداگانہ عقاید کے ساتھ کلامی فرقوں میں شامل ہوگیا۔ خوارج کا مہم ترین عقیدہ یہ ہے کہ گناہ کبیرہ کا مرتکب شخص کافر ہے۔[65]
خوارج کے عقاید کے رد عمل میں دو فرقے مرجئہ و معتزلہ وجود میں آئے۔ مرجئہ کا عقیدہ تھا کہ عمل صالح یا گناہ کا کوئی بھی اثر ایمان نہیں ہوتا ہے۔ لیکن معتزلہ نے ایک متوسط راستہ اختیار کیا[66] اور کہا کہ گناہ کبیرہ کا مرتکب نہ مومن ہے نہ کافر بلکہ وہ ان دونوں کے درمیان ہے۔[67] معتزلہ کا عقیدہ ہے کہ چشم ظاہری سے خداوند عالم کو دیکھنا غیر ممکن ہے۔ جبر و اختیار کی بحث میں معتزلہ انسان کے اختیار مطلق کے قائل ہیں۔[68]
اہل حدیث کا ماننا ہے کہ عقاید کو فقط قرآن و حدیث سے اخذ کیا جا سکتا ہے۔ اس فرقہ کے ماننے والے علم کلام کے مخالف تھے چاہے وہ علم کلام عقلی ہو جس میں عقاید کے لئے عقل کو ایک مستقل دلیل مانتے ہیں یا چاہے علم کلام نقلی جس میں عقل سے استفادہ کیا جاتا ہے۔ اس گروہ کی معروف ترین شخصیت احمد بن حنبل ہیں۔[69] اہل حدیث کے نزدیک خداوند قدوس کو ان ظاہری آنکھوں سے دیکھا جا سکتا ہے۔[70] جبر و اختیار کی بحث میں اہل حدیث انسان کے مجبور محض ہونے کے قائل ہیں۔[71]
اشاعرہ ابو الحسن علی اشعری (260-324 ه) کے ماننے والوں کو کہا جاتا ہے۔[72] اشاعرہ متون دینی میں استعمال ہونے والے صفات خداوند کی تاویل کو قبول نہیں کرتے ہیں جیسے ید اللہ (اللہ کے ہاتھ) وجہ اللہ (اللہ کا چہرا) اور کہتے ہیں کہ خدا کا ہاتھ بھی ہے اور چہرہ بھی۔ لیکن کس طرح سے یہ ہمارے لئے واضح نہیں ہے۔[73] اشاعرہ اسی طرح سے جبر و اختیار کے مسئلہ میں نطریہ کسب کا ذکر کرتے ہیں جو جبر و اختیار کو ساتھ میں جمع کرتا ہے۔[74]
ماتردیہ کے موسس ابو منصور ماتریدی (متوفی 333 ھ) ہیں۔ یہ بھی مذہب اشعری کی طرح ایک ایسی راہ کی فکر میں تھے جو اہل حدیث و معتزلہ کے وسط کی ہو۔ ماتردیہ عقل کو معتبر مانتے ہیں اور اصول عقاید کے کشف و دریافت کے لئے اس سے استفادہ کرتے ہیں۔ یہ مذہب حسن و قبح افعال کو قبول کرتا ہے۔ انسان کے ارادہ کو کام کے انجام دینے میں دخیل مانتا ہے اور رویت خداوند کو ممکن مانتا ہے۔[75]
وہابیت کی تاسیس محمد بن عبد الوہاب (متوفی 1206 ھ) کے ہاتھوں ہوئی۔ وہابی دیگر مسلمانوں کو عبادت میں شرک اور دین میں بدعت گزاری سے متہم کرتے ہیں۔[76] وہابی تعلیمات کے مطابق، اولیائے الہی سے توسل کرنا، ان کے شفاعت طلب کرنا، قبر پیغمبر (ص) و ائمہ اہل بیت (ع) کی زیارت کے قصد سے سفر کرنا، اولیائے الہی کے آثار سے تبرک و شفا طلب کرنا، اولیائے الہی کی قبروں کی زیارت یا انہیں تعمیر کرنا، ان کی قبروں کے پاس مسجد تعمیر کرنا اور اہل قبور کے لئے نذر کرنا ۔۔۔ شرک ہے۔[77]
علم کلام کی مہم و متکلمین کی مشہور کتب
کتاب اوائل المقالات، تصحیح الاعتقاد، تجرید الاعتقاد و کشف المراد، مہم ترین شیعہ امامیہ کلامی کتابیں ہیں۔[78] شیخ مفید (336 یا 338-413 ھ)، خواجہ نصیر الدین طوسی (597-672 ھ) و علامہ حلی (648-726 ھ) برجستہ امامیہ متکلمین ہیں۔[79]
بعض اہل سنت متکلمین، ان کی مہم کتابیں اور ان کے کلامی مذہب کا ذکر ذیل میں کیا جا رہا ہے:
- معتزلہ: قاضی عبد الجبار، کتاب: شرح الاصول الخمسہ۔[80]
- اشاعرہ: ابو الحسن اشعری، کتاب: مقالات الاسلامیّین۔[81] قاضی ابوبکر باقِلانی، کتاب: تمہید الاَوائِل، ابو حامد غزالی، کتاب: الاقتصاد فی الاعتقاد، فخر الدین رازی، کتاب: المُحَصَّل الاَربعین فی اصول الدین، سعد الدین تفتازانی، کتاب: شرح المقاصد۔
- ماتُریدیہ: ابو منصور ماتُریدی، کتاب: التوحید۔
- سلفیہ: ابن تیمیہ، کتاب: مِنہاج السّنة النبویہ۔[82]
کلام جدید
کلام جدید کی چیستی (کیا ہے) کے بارے میں اور اس بارے میں کہ کیا وہ کلام قدیم (کلام اسلامی) سے کاملا جدا و متفاوت ہے یا نہیں، نظریات مختلف ہیں۔ بعض کا یہ ماننا ہے کہ کلام جدید وہی کلام قدیم ہے، اس فرق کے ساتھ کہ جدید شبہات و مسائل اس علم میں ذکر ہوئے ہیں یا اس کے قالب اور موضوع میں ایک تبدیلی و تحول ایجاد کیا گیا ہے؛ البتہ بعض دیگر ان دونوں علوم کو ایک دوسرے کاملا جدا مانتے ہیں[83] اور ایک خاص دینی التزام اور جانبدارانہ نظریات کو کلام قدیم کی خصوصیات میں شمار کرتے ہیں۔[84]
دوسری طرف کہا گیا ہے کہ جس چیز کو فارسی زبان میں کلام جدید کہا جاتا ہے غالبی طور پر وہی چیز ہے جسے مغربی ممالک فسلفہ دین کا نام دیتے ہیں۔[85] جو مباحث کلام جدید میں بیان ہوتے ہیں وہ اکثر اس طرح سے ہیں: تعریف دین، سرچشمہ دین، ضرورت دین، دائرہ دین، زبان دین، عقل و دین، عقل و ایمان، علم و دین، تجربہ دینی، تکثر گرایی دینی۔[86]
متعلقہ مضامین
حوالہ جات
- ↑ مطهری، مجموعہ آثار، ۱۳۸۹ش، ج۳، ص۵۷.
- ↑ مطهری، مجموعہ آثار، ۱۳۸۹ش، ج۳، ص۵۷. بنابر نظر برخی این تعریف، تعریفی برتر است؛ چرا کہ شامل موضوع، هدف و روش علم کلام است و نہ تنها بہ جنبہ دفاعی کلام، کہ بہ جنبہ اثباتی آن (توضیح و تبیین عقاید اسلامی) توجہ کرده است (نگاه کنید بہ ربانی گلپایگانی، درآمدی بر علم کلام، ۱۳۸۷ش، ص۶۱تا۶۴؛ جبرئیلی، سیر تطور کلام شیعہ، ۱۳۹۶ش، ص۳۹ـ۴۰).
- ↑ برای آگاهی از همہ تعریف ها ر.ک: ربانی گلپایگانی، درآمدی بر علم کلام، ۱۳۸۷ش، ص۶۱. کاشفی، کلام شیعہ، ص۲۴.
- ↑ ایجی، المواقف، عالم الکتب، ص۷. با اندکی تفاوت: لاهیجی، شوارق الالهام، ۱۴۲۵ق، ج۱، ص۵۱.
- ↑ جرجانی، التعریفات، ۱۳۷۰ش، ص۸۰.
- ↑ ربانی گلپایگانی، درآمدی بر علم کلام، ۱۳۸۷ش، ص۶۷.
- ↑ نگاه کنید به ربانی گلپایگانی، درآمدی بر علم کلام، ۱۳۸۷ش، ص۷۰)
- ↑ جبرئیلی، سیر تطور کلام شیعہ، ۱۳۹۶ش، ص۳۸.
- ↑ ربانی گلپایگانی، درآمدی بر علم کلام، ۱۳۸۷ش، ص۷۳.
- ↑ جبرئیلی، سیر تطور کلام شیعہ، ۱۳۹۶ش، ص۳۷، پانویس ۲؛ ربانی گلپایگانی، درآمدی بر علم کلام، ۱۳۸۷ش، ص۶۷.
- ↑ مطهری، مجموعہ آثار، ۱۳۸۹ش، ج۳، ص۶۳.
- ↑ جبرئیلی، سیر تطور کلام شیعہ، ۱۳۹۶ش، ص۴۱.
- ↑ علامہ حلی، نهایة المرام، مؤسسہ امام صادق(ع)، ج۱، ص۱۲؛ لاهیجی، شوارق الالهام، ۱۴۲۵ق، ج۱، ص۳.
- ↑ دیکھیں: تفتازانی، شرح المقاصد، ۱۴۱۲ق، ج۱، ص۱۷۳.
- ↑ دیکھیں: به تفتازانی، شرح المقاصد، ۱۴۱۲ق، ج۱، ص۱۸۰.
- ↑ ربانی گلپایگانی، درآمدی بر علم کلام، ۱۳۸۷ش، ص۳۱و۳۲.
- ↑ طبقات المتکلمین، مؤسسہ امام صادق (ع)، ج۱، ص۱۷.
- ↑ لاهیجی، شوارق الالهام، ۱۴۲۵ق، ج۱، ص؟.
- ↑ ایجی، المواقف، عالم الکتب، ص۸.
- ↑ کاشفی، کلام شیعہ، ۱۳۸۷ش، ص۳۷.
- ↑ شوارق الالهام، ۱۴۲۵ق، ج۱، ص۷۳ـ۷۴.
- ↑ لاهیجی، شوارق الالهام، ۱۴۲۵ق، ج۱، ص۷۳و۷۴. فارابی، احصاء العلوم، ص۷۶و۷۷.
- ↑ نگاه کریں: کاشفی، کلام شیعہ، ۱۳۸۷ش، ص۴۱و۴۲؛ ربانی گلپایگانی، درآمدی بر علم کلام، ۱۳۸۷ش، ص۵۵.
- ↑ جبرئیلی، سیر تطور کلام شیعہ، ۱۳۹۶ش، ص۴۳و۴۴.
- ↑ ربانی گلپایگانی، درآمدی بر علم کلام، ۱۳۸۷ش، ص۱۰۹.
- ↑ شبلی، تاریخ علم کلام، ۱۳۸۶ش، ص۸.
- ↑ ربانی گلپایگانی، درآمدی بر علم کلام، ۱۳۸۷ش، ص۱۰۹.
- ↑ ربانی گلپایگانی، درآمدی بر علم کلام، ۱۳۸۷ش، ص۱۰۹؛ همچنین نگاه کریں: مطہری، مجموعہ آثار، ج۳، ص۵۹.
- ↑ ربانی گلپایگانی، درآمدی بر علم کلام، ۱۳۸۷ش، ص۱۰۹ـ۱۱۰.
- ↑ ربانی گلپایگانی، درآمدی بر علم کلام، ۱۳۸۷ش، ص۱۱۰.
- ↑ نگاه کریں: کاشفی، کلام شیعہ، ۱۳۸۷ش، ص۴۸.
- ↑ مثل آیہ ۱۳۶ و ۱۶۲ سوره نساء، آیہ ۱۵ سوره حجرات، آیہ ۱۷۷ سوره بقره، آیہ ۱۱۱ سوره مائده، آیہ ۱۵۸ سوره اعراف
- ↑ کاشفی، کلام شیعہ، ۱۳۸۷ش، ص۴۸.
- ↑ کاشفی، کلام شیعہ، ۱۳۸۷ش، ص۴۹.
- ↑ شبلی، تاریخ علم کلام، ۱۳۲۸ش، ص۸.
- ↑ کاشفی، کلام شیعہ، ۱۳۸۷ش، ص۴۹و۵۰.
- ↑ کاشفی، کلام شیعہ، ۱۳۸۷ش، ص۴۹و۵۰.
- ↑ سبحانی، «کلام امامیہ ریشہ ها و رویش ها»، ص۱۰.
- ↑ سبحانی، «کلام امامیہ ریشہ ها و رویش ها»، ص۱۰.
- ↑ سبحانی، «کلام امامیہ ریشہ ها و رویش ها»، ص۱۲ـ۱۸.
- ↑ سبحانی، «کلام امامیہ ریشہ ها و رویشها»، ص۱۸ـ۲۰.
- ↑ سبحانی، «کلام امامیہ ریشہ ها و رویش ها»، ص۲۰ـ۲۱.
- ↑ سبحانی، «کلام امامیہ ریشهہ ها و رویش ها»، ص۲۱ـ۲۲.
- ↑ ربانی گلپایگانی، درآمدی بر علم کلام، ص۱۰۲؛ کاشفی، کلام شیعہ، ۱۳۸۷ش، ص۴۰.
- ↑ ربانی گلپایگانی، درآمدی بر علم کلام، ص۱۰۲.
- ↑ مطهری، مجموعہ آثار، ۱۳۸۹ش، ج۳، ص۶۰.
- ↑ نگاه کریں: فهرست کتاب های کلامی. مزید: ربانی گلپایگانی، کلام تطبیقی، ۱۳۸۳ش، پیشگفتار؛ کاشفی، کلام شیعہ، ۱۳۸۷ش، ص۵۷و۶۱.
- ↑ نگاه کریں: فهرست کتاب های کلامی مثل علامہ حلی، کشف المراد، ۱۴۱۳ق؛ شیخ صدوق، الاعتقادات، کنگره شیخ مفید؛ بحرانی، قواعد المرام، ۱۴۰۶ق.
- ↑ برنجکار، آشنایی با فرق و مذاهب اسلامی، ۱۳۸۹ش، ص۹.
- ↑ اشعری، مقالات الاسلامیین، بیروت، ص۲.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۶و۱۷.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۶ـ۱۷.
- ↑ صابری، تاریخ فرق اسلامی، ۱۳۸۸ش، ج۲، ص۳۲؛ برنجکار، آشنایی با فرق و مذاهب اسلامی، ۱۳۸۹ش، ص۶۲.
- ↑ برنجکار، آشنایی با فرق و مذاهب اسلامی، ۱۳۸۹ش، ص۶۲.
- ↑ طباطبایی، شیعہ در اسلام، ۱۳۸۳ش، ص۱۹۷و۱۹۸؛ برنجکار، آشنایی با فرق و مذاهب اسلامی، ۱۳۸۹ش، ص۶۵و۶۶.
- ↑ برنجکار، آشنایی با فرق و مذاهب اسلامی، ۱۳۸۹ش، ص۶۵و۶۶.
- ↑ برنجکار، آشنایی با فرق و مذاهب اسلامی، ۱۳۸۹ش، ص۸۱و۸۲.
- ↑ سلطانی، تاریخ و عقاید زیدیہ، نشر ادیان، ص۱۷و۱۸.
- ↑ برنجکار، آشنایی با فرق و مذاهب اسلامی، ۱۳۸۹ش، ص۸۹.
- ↑ صابری، تاریخ فرق اسلامی، ۱۳۸۸ش، ج۲، ص۸۱تا۸۵.
- ↑ شهرستانی، الملل و النحل، ۱۳۷۵ش، ج۱، ص۱۷۰و۱۷۱.
- ↑ برنجکار، آشنایی با فرق و مذاهب اسلامی، ۱۳۸۹ش، ص۹۵.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۰۷ـ۱۵۰.
- ↑ شهرستانی، الملل و النحل، ۱۳۷۵ش، ج۱، ص۱۰۶.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۷تا۲۰.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۷ـ۲۰.
- ↑ تاریخ فلسفہ در اسلام، مرکز نشر دانشگاهی، ج۱، ص۲۸۴.
- ↑ شهرستانی، الملل و النحل، ۱۳۷۵ش، ج۱، ص۴۹-۵۰.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۲۰تا۱۲۳.
- ↑ سبحانی، بحوثٌ فی الملل و النحل، ج۱، ص۲۲۶.
- ↑ سبحانی، بحوثٌ فی الملل و النحل، ج۱، ص۲۲۰-۲۲۱.
- ↑ شہرستانی، الملل و النحل، ۱۳۷۵ش، ج۱، ص۸۶.
- ↑ شهرستانی، الملل و النحل، ۱۳۷۵ش، ج۱، ص۹۱-۹۲.
- ↑ شہرستانی، الملل و النحل، ۱۳۷۵ش، ج۱، ص۸۸-۸۹.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۳۶تا۱۴۱.
- ↑ ربانی گلپایگانی، فرق و مذاهب کلامی، ۱۳۷۷ش، ص۱۷۵و۱۷۶.
- ↑ برنجکار، آشنایی با فرق و مذاهب اسلامی، ۱۳۸۹ش، ص۱۴۶تا۱۴۷.
- ↑ کاشفی، کلام شیعہ، ۱۳۸۷ش، ص۵۲.
- ↑ کاشفی، کلام شیعہ، ۱۳۸۷ش، ص۵۲
- ↑ ضمیری، کتاب شناسی تفصیلی مذاهب اسلامی، ۱۳۸۲ش، ص۲۸۴-۲۸۵
- ↑ ضمیری، کتاب شناسی تفصیلی مذاہب اسلامی، ۱۳۸۲ش، ص۲۸۴
- ↑ حسینیان، فہرستی از مہم ترین منابع دست اول کلامی
- ↑ نگاه کریں: خسرو پناه، مسائل جدید کلامی و فلسفہ دین، ۱۳۸۸ش، ص۲۳تا۳۰؛ ربانی گلپایگانی، درآمدی بر علم کلام، ۱۳۸۷ش، ص۱۴۳
- ↑ یوسفیان، کلام جدید، ۱۳۹۰ش، ص۱۵و۱۶.
- ↑ یوسفیان، کلام جدید، ۱۳۹۰ش، ص۱۸.
- ↑ ربانی گلپایگانی، درآمدی بر کلام جدید، ۱۳۸۹ش، فهرست کتاب.
مآخذ
- اشعری، علی بن اسماعیل، مقالات الاسلامیین و اختلاف المصلین، تصحیح: هلموت ریتر، بیروت، دار النشر و فرانز شتاینر، [بی تا]
- ایجی، عضد الدین عبد الرحمان بن احمد، المواقف فی علم الکلام، بیروت، عالم الکتب، [بی تا].
- بحرانی، ابن میثم، قواعد المرام فی علم الکلام، تحقیق: علی حسینی اشکوری، قم، مکتبة آیت الله العظمی المرعشی النجفی، ۱۴۰۶ھ.
- برنجکار، رضا، آشنایی با فرق و مذاهب اسلامی، قم، کتاب طه، چ۴، ۱۳۸۹ش.
- تاریخ فلسفہ در اسلام، بہ کوشش: میر محمد شریف، ترجمہ فارسی: زیر نظر نصر الله پور جوادی، تهران، مرکز نشر دانشگاهی، ۱۳۶۲ش.
- تفتازانی، مسعود بن عمر، شرح المقاصد، تحقیق: عبد الرحمن عمیره، قم، الشریف الرضی، ۱۴۱۲ھ.
- جبرئیلی، محمد صفر، سیر تطور کلام شیعہ، دفتر دوم: از عصر غیبت تا خواجہ نصیر طوسی، تهران، انتشارات پژوهشگاه فرهنگ و اندیشہ اسلامی، ۱۳۹۶ش.
- حسینیان، فهرستی از مہم ترین منابع دستاول کلامی، وبگاه ثقلین، تاریخ درج مطلب: ۲ بهمن ۱۳۹۵، تاریخ بازدید: ۱۳ دی ۱۳۹۹.
- خسرو پناه، عبد الحسین، مسائل جدید کلامی و فلسفہ دین، قم، انتشارات بین المللی المصطفی، چ۱، ۱۳۸۸ش.
- ربانی گلپایگانی، علی، درآمدی بر علم کلام، قم، دار الفکر، چ۱، ۱۳۸۷ش.
- ربانی گلپایگانی، علی، فرق و مذاهب کلامی، قم، مرکز جهانی علوم اسلامی، چ۱، ۱۳۷۷ش.
- ربانی گلپایگانی، علی، کلام تطبیقی (توحید، صفات و عدل الهی، قم، انتشارات مرکز جهانی علوم اسلامی، چ۱، ۱۳۸۳ش.
- ربانی گلپایگانی، علی، درآمدی بر کلام جدید، قم، مرکز نشر هاجر، چ۵، ۱۳۸۹ش.
- سبحانی، جعفر، بحوثٌ فی الملل و النحل، قم، مؤسسہ امام صادق، چاپ اول، ۱۴۲۷ھ.
- شبلی نعمانی، تاریخ علم کلام، ترجمہ سید محمد تقی فخر داعی، تهران، اساطیر، چ۱، ۱۳۸۶ش.
- شهرستانی، محمد بن عبد الکریم، الملل و النحل، تحقیق محمد بن فتح الله بدران، قم، الشریف الرضی، ۱۳۷۵ش.
- شیخ صدوق، علی بن محمد، الاعتقادات، تحقیق: علی میر شریفی و عصام عبد السید، قم، کنگره شیخ مفید، [بی تا].
- ضمیری، محمد رضا، کتاب شناسی تفصیلی مذاهب اسلامی، قم، مؤسسہ آموزشی پژوهشی مذاهب اسلامی، چاپ اول، ۱۳۸۲ش.
- صابری، حسین، تاریخ فرق اسلامی، تهران، انتشارات سمت، چ۵، ۱۳۸۸ش.
- طباطبایی، سید محمد حسین، شیعہ در اسلام، قم، دفتر انتشارات اسلامی، ۱۳۸۳ش.
- علامہ حلی، حسن بن یوسف، کشف المراد فی شرح تجرید الاعتقاد، تحقیق: حسن حسن زاده آملی، قم، مؤسسة النشر الاسلامی، ۱۴۱۳ھ.
- علامہ حلی، حسن بن یوسف، نهایة المرام، تحقیق: فاضل عرفان، اشراف: جعفر سبحانی تبریزی، قم، مؤسسہ امام صادق (ع)، [بیتا].
- فارابی، ابو نصر محمد بن محمد، احصاء العلوم، تحقیق: علی بو ملحم، بیروت، دار و مکتبة الهلال، ۱۹۹۶ء.
- کاشفی، محمد رضا، کلام شیعہ، ماهیت، مختصات و منابع، قم، انتشارات پژوهشگاه فرهنگ و اندیشہ، چ۳، ۱۳۸۷ش.
- لاهیجی، عبد الرزاق، شوارق الالهام فی شرح تجرید الاعتقاد، اکبر اسد علی زاده، قم، مؤسسہ امام صادق(ع)، ۱۴۲۵ ھ (کتاب خانہ دیجیتال نور).
- مطهری، مرتضی، مجموعہ آثار، تهران ـ قم، انتشارات صدرا، چ۱۵، ۱۳۸۹ش.
- معجم طبقات المتکلمین، اشراف: جعفر سبحانی، قم، اللجنة العلمیہ فی مؤسسة الامام الصادق (ع)، [بیتا].
- یوسفیان، حسن، کلام جدید، تهران، انتشارات سمت، چ۳، ۱۳۹۰ش.
خطا در حوالہ: "یادداشت" نام کے حوالے کے لیے ٹیگ <ref> ہیں، لیکن مماثل ٹیگ <references group="یادداشت"/> نہیں ملا یا پھر بند- ٹیگ </ref> ناموجود ہے