تشییع جنازہ

ويکی شيعه سے
:چھلانگ بطرف رہنمائی, تلاش
موت سے قیامت تک
احتضار (جان کنی)
قبض روح
موت سے قبر تک
تشییع جنازہ
غسل اور نماز میت
کفن اور دفن میت
تلقین میت
قبر کی پہلی رات
نماز وحشت
عذاب قبر
زیارت قبور
برزخ
نفخہ صور
قیامت
مواقف قیامت
میزان
شفاعت
صراط
بہشت یا جہنم
مرتبط مفاہیم
معاد
عزرائیل
بدن برزخی
تجسم اعمال
خلود


تشیع جنازہ کا مطلب جنازے کے پیچھے حرکت کرنا، دین اسلام میں ایک ایسا مستحب عمل ہے جس کی بہت زیادہ تاکید کی گئی ہے اور اس کا بہت زیادہ اجروثواب ہے.

تشیع لغت اور اصطلاح میں

تشیع کا لفظی معنی خداحافظ کرنا، کسی کو الوداع کرنے کی نیت سے اس کے پیچھے جانا، اور میت کی تدفین میں شرکت کرنے کو کہتے ہیں.[1]اور فقہی اصطلاح میں جنازے کے پیچھے جانا اس وقت تک کہ جب تک میت کو قبر میں رکھ لیں.[2]

تشیع جنازے کی فضیلت اور ثواب

روایات میں تشیع کی بہت فضیلت اور ثواب بیان ہوا ہے. رسول خدا(ص) نے فرمایا: جب کوئی جنازے کو تشیع کرتا ہے ہر قدم جو اٹھاتا ہے اور جب تک کہ واپس لوٹ کر آتا ہے. سو ہزار حسنات اس کے لئے لکھے جاتے ہیں. اور سو ہزار اس کے گناہ مٹا دئیے جاتے ہیں. اور سو ہزار درجے خدا کے نزدیک حاصل کرتا ہے اور اگر میت پر نماز بھی پڑھتا ہے تو اس کی موت کے وقت سو ہزار ہزار فرشتے اس کو تشیع کرتے ہیں. اور وہ سب فرشتے اس کے لئے استغفار کرتے ہیں. اور اگر میت کو دفن کرتے وقت حاضر ہو تو خداوند سو ہزار فرشتوں کو حکم دیتا ہے کہ قیامت کے دن تک اس کے لئے طلب مغفرت کریں.

دیگر روایات

  • پیغمبر اکرم(ص) نے ابوذر سے فرمایا: اے ابوذر! ہر وقت کسی جنازے کے پیچھے چلو، تو اپنی عقل، فکر اور خشوع کو مشغول رکھو اور یاد رکھو کہ تم نے بھی اس کے ساتھ ملحق ہونا ہے.
  • امام صادق(ع): ہر وقت جنازے کو کندھوں پر اٹھاؤ، یہ تصور کرو کہ تم خود ہو اور تمہیں کندھوں پر اٹھایا گیا ہے اور تم اپنے پروردگار سے چاہتے ہو کہ وہ تمہیں دنیا میں واپس بھیج دے تا کہ تم نیک عمل انجام دو تو اس حالت میں کس طرح اپنی زندگی کو دوبارہ سے آغاز کرو گے؟
قال الصادق(ع)

ینبَغی لأولیاءِ المَیتِ أن یؤْذِنوا إخوانَ المَیتِ بمَوتهِ، فیشهَدونَ جَنازَتَهُ و یصَلُّونَ علَیهِ، فیکسِبُ لَهُمُ الأجرَ و یکسِبُ لِمَیتهِ الاستِغفارَ
بہتر ہے کہ میت کے رشتہ دار دوسرے دینی بھائیوں کو اس کی موت کی خبر دیں تا کہ وہ اس کی تشیع جنازہ میں شرکت کر سکیں اور اس پر نماز پڑھیں، اس سے انکا بھی فائدہ ہے اور میت کے لئے بھی باعث آمرزش ہے.

علل الشرایع، ج١، ص ٣٠١
  • پیغمبر خدا(ص) نے فرمایا: جنازے کو تشیع کرنے والوں میں سے بہترین لوگ وہ ہیں کہ جو (خدا، موت اور موت کے بعد ) کو زیادہ یاد کریں اور وہ جو کہ جب تک جنازہ قبر میں نہ رکھا جائے نہ بیٹھیں اور ثواب کا پورا حصہ اسے ملے گا جو تین مٹھی خاک قبر پر ڈالے.
  • امام علی(ع) نے تشیع جنازہ کے وقت کسی شخص کے ہنسنے کی آواز سنی: جیسا کہ اس جہان میں موت صرف دوسروں کے لئے ہے اور گویا کہ حق اس دنیا میں صرف دوسروں پر واجب ہوا ہے اور ایسا لگتا ہے کہ مردوں کو دیکھ رہا ہوں، جو مسافر ہیں اور جلد ہی ہماری طرف واپس لوٹ آئیں گے! انکو قبروں میں ڈال دیں گے اور انکی میراث پر قبضہ کر لیں گے، جیسا کہ اس کے بعد ہمیں ہمیشہ اس جہان میں رہنا ہو.[3]

تشیع جنازے کا حکم

مومن کا تشیع جنازہ مستحب موکد ہے اور اس کا بہت زیادہ اجروثواب ہے. بعض فقہاء نے کہا ہے: تشیع جنازہ ایسے موارد میں مستحب ہے جہاں پر جنازے کو ایک جگہ سے دوسری جگہ پر منتقل کرنے کی ضرورت ہو.[4]مومن کی تشیع جنازے کے لئے جائز ہے کہ جو مسجد میں معتکف ہے وہ مسجد سے نکل کر جنازے میں شرکت کرے اور یہ عمل، اعتکاف کو باطل نہیں کرتا.[5]

مراتب

آیت اللہ مرعشی نجفی کے تشیع جنازے میں لوگوں کی شرکت

بعض فقہاء نے تشیع جنازے کے لئے فضل و کمال کے تین مراتب بیان کئے ہیں:

اس کا پہلا اور کمترین مرتبہ، نماز جنازہ والی جگہ تک تشیع اور میت پر نماز پڑھنا ہے. درمیان والا مرتبہ، قبر کے کنارے تک تشیع اور دفن کے بعد تک اسی جگہ پر رکںا، اور اس کا آخری اور کامل مرتبہ یہ ہے کہ دفن کرنے کے بعد وہاں ٹھہرنا، اور میت کے لئے طلب مغفرت اور استغفار کرنا، تا کہ منکرونکیر کے سوالوں کے وقت میت کی مدد ہو سکے.[6]

بعض نے پہلے مرتبے، پر کہ وہ تشیع کی کمترین حد ہے اور یہ کہ اس سے کمتر پر تشیع محقق نہیں ہوتی اس پر سوال اٹھایا ہے.[7]

تشیع جنازہ کی مستحبات

  1. جب جنازے کو دیکھیں اور اٹھائیں تو جو دعا بیان ہوئی ہے اسے پڑھیں
  2. موت اور آخرت کے بارے میں سبق، عبرت اور فکر کرنا
  3. پیدل چل کر تشیع کرنا
  4. جنازے کے پیچھے یا اس کے دائیں بائیں حرکت کرنا
  5. جنازے کو چار افراد چاروں طرف سے اٹھائیں اور ہر کوئی اپنے کندھے پر رکھے، اور چاروں طرف سے جنازے کو خاص کیفیت سے اٹھائیں
  6. میت کو کندھوں پر رکھنا، نہ کہ کسی سواری پر مگر یہ کہ کسی خاص مجبوری کی صورت میں مثلاً اگر راستہ دور ہو.
  7. صاحب عزا کی ظاہری شکل و صورت کی تبدیلی اپنی عباء کو اتارنے یا ننگے پاؤں ہونے ہونے سے معلوم ہوتی ہے.[8]

مکروہات

  1. سواری پر بیٹھنا[9]
  2. ہنسنا
  3. لہوولہب اور فضول کاموں میں مشغول ہونا
  4. جنازے کو جلدی لے جانا
  5. جنازے کے پیچھے آگ لے جانا مگر یہ کہ رات کا وقت ہو
  6. صاحب عزا کے علاوہ کسی دوسرے کے لئے چادر کو بدن سے اٹھانا
  7. ذکر خدا کے علاوہ دوسری باتیں کرنا اور میت کو قبر میں رکھنے سے پہلے بیٹھ جانا.[10]
  8. عورتوں کی شرکت بالخصوص جوان عورتوں کا جنازے میں شرکت کرنا مکرہ ہے، بوڑھی عورت کو اس حکم سے استثنا کیا گیا ہے.[11]

حوالہ جات

  1. فرهنگ عمید، ص۳۲۱، مولف: حسن عمید
  2. مصطلحات الفقه، ص۱۴۶، مولف: آیت الله علی مشکینی,اور جواهر، ج۴، ص۲۶۳
  3. میزان الحکمه، ج۱۲
  4. جواهر الکلام، ج۴، ص۲۶۳ـ۲۶۴
  5. جواهر الکلام، ج۱۷، ص۱۸۱
  6. منتهی المطلب (ق)، ج۱، ص۴۴۵
  7. جواهر الکلام، ج۴، ص۲۶۴
  8. جواهر الکلام، ج۴، ص۲۶۵ـ۲۷۴؛ العروة الوثقی، ج۱، ص۴۱۸ـ۴۱۹
  9. تذکرة الفقهاء، ج۲، ص۵۳
  10. جواهر الکلام، ج۴، ص۲۷۰ـ۲۷۲؛ العروة الوثقی، ج۱، ص۴۱۹
  11. الحدائق الناضرة، ج۴، ص۸۴ـ۸۵؛ جواهر الکلام، ج۴، ص۲۷۶

مآخذ

  • منبع: فرهنگ فقه مطابق مذهب اهل بیت علیهم السلام ج۲، ص۴۹۷-۴۹۶.
  • نجفی، محمد حسن، جواهر الکلام فی شرح شرایع الاسلام، دارالکتب الاسلامیه و المکتبه الاسلامیه، تهران، ۱۳۶۲- ۱۳۶۹ش.
  • طباطبائی یزدی، محمد کاظم، العروة الوثقی، مؤسسة النشر الاسلامی التابعه لجماعه المدرسین، قم، ۱۴۱۷ -۱۴۲۰ق.
  • علامه حلی، حسن بن یوسف، تذکره الفقهاء، مؤسسة آل البیت (علیهم السلام) لإحیاء التراث، قم، ۱۴۱۴ ۱۴۲۰-ق.
  • بحرانی، یوسف بن احمد، الحدایق الناضره فی احکام العتره الطاهره، مؤسسة النشر الاسلامی التابعة لجماعة المدرسین بقم المشرفه، ۱۴۰۵ -۱۴۱۶ق.
  • علامه حلی، حسن بن یوسف، منتهی المطلب فی تحقیق المذهب (طبع قدیم)، نشر حاج احمد، تبریز، ۱۳۳۳ش.