مسودہ:ادا

ادا اسلامی فقہ کی ایک اصطلاح ہے، جس کے معنی یہ ہیں کہ عبادی عمل کو شارع کی طرف سے مقرر کردہ وقت پر انجام دیا جائے؛ جیسے نماز کو اس کے مقررہ اور خاص وقت میں پڑھنا۔ اس کے مقابلے میں ’’قضا‘‘ ہے جس کے معنی ہیں کسی عبادی عمل کو اس کے مقررہ وقت کے ختم ہونے کے بعد انجام دینا۔ کبھی کبھار ’’ادا‘‘ کا اطلاق شرعی حکم کے بجا لانے پر ہوتا ہے، خواہ اسے مقررہ وقت پر بجالایا جائے یا اس کے بعد، مثلا کہا جاتا ہے؛ نمازِ قضا کا ادا کرنا وغیرہ۔

اسلامی شریعت میں عبادی اعمال ان کے زمانِ انجام کے لحاظ سے دو قسم کے ہیں:

• وہ اعمال جن کے لیے شریعت میں کوئی خاص وقت مقرر کیا گیا ہو؛ جیسے روزانہ کی واجب نمازیں اور ماہ رمضان کے روزے۔ اگر یہ اعمال اپنے مقررہ وقت پر ادا کیے جائیں تو ’’ادا‘‘ کہلاتے ہیں اور اگر وقت ختم ہونے کے بعد انجام دیے جائیں تو ’’قضا‘‘ کہلاتے ہیں۔ مثال کے طور پر، نمازِ فجر کا وقت طلوعِ فجر سے طلوعِ آفتاب تک ہے اور روزے کا وقت طلوعِ فجر سے شرعی مغرب تک ہے۔
• وہ اعمال جن کے لیے شریعت میں کوئی خاص وقت مقرر نہیں کیا گیا ہے؛ جیسے مسجد سے نجاست دور کرنا اور امر بالمعروف اور نہی عن المنکر کرنا وغیرہ۔