سمانہ

سمانہ مغربیہ

کوائف
لقب / کنیت:	ام‌ الفضل
مشہور اقارب:	امام جوادؑ(شوہر) امام ہادیؑ(فرزند)
وجہ شہرت:	سیدہ کے نام سے مشہور تھیں
مدفن:	سامرا، حرم عسکریین

امام علی نقی اپنی والدہ کے بارے میں فرماتے ہیں

أُمِّي عَارِفَةٌ بِحَقِّي، وَ هِيَ مِنْ أَهْلِ الْجَنَّةِ، لَا يَقْرَبُهَا شَيْطَانٌ مَارِدٌ، وَ لَا يَنَالُهَا كَيْدُ جَبَّارٍ عَنِيدٍ، وَ هِيَ مَكْلُوءَةٌ بِعَيْنِ اللَّهِ الَّتِي لَا تَنَامُ، وَ لَا تَتَخَلَّفُ عَنْ أُمَّهَاتِ الصِّدِّيقِينَ وَ الصَّالِحِينَ
ترجمہ: میری والدہ میرے حق (حق امامت) کی عارفہ اور اہل بہشت ہیں۔ شیطان سرکش ان کے قریب نہیں جا سکتا اور کسی جبار سرکش کا مکر و حیلہ ان تک نہیں ہہچ سکتا۔ اللہ کی اس نظر کے ماتحت ہیں جو ہزگز غفلت کا شکار نہیں ہوتی۔ ان میں اور مادر صدیق و صالح میں کوئی فرق نہیں ہے۔

طبری، تاریخ طبری، صفحہ 16

سمانہ مغربیہ امام محمد تقی علیہ السلام کی زوجہ اور امام علی نقی علیہ السلام کی والدہ ہیں۔ امام علی نقیؑ کے تمام فرزند انہی زوجہ سے ہیں۔ ان کا مدفن سامرا میں حرم عسکریین میں ہے۔

زندگی نامہ

سمانہ مغربیہ، سیدہ کے نام اور ام الفضل کی کنیت سے معروف ہیں۔ آپ امام محمد تقی ؑ کی زوجہ اور امام علی نقی ؑ کی والدہ ہیں۔ البتہ امام علی نقی ؑ کی والدہ کا نام اسماء بھی ذکر ہوا ہے۔ سمانہ ایک کنیز تھیں جنہیں امام محمد تقی ؑ کے حکم سے ستّر دینار میں خریدا گیا۔ آپ بہت زیادہ نماز گزار تھیں اور اکثر روزہ سے رہتی تھیں۔ ایک حدیث میں امام علی نقی ؑ نے آپ کو اپنے حق کی عارفہ اور اہل بہشت میں سے کہا ہے۔ آپ کی قبر سامرا میں حرم عسکریین میں امام علی نقی، امام حسن عسکری، نرجس خاتون (مادر امام زمانہ)، حکیمہ (دختر امام محمد تقی) اور حدیث (مادر امام حسن عسکری) کے ساتھ میں ہے۔ روایت نقل کرنے والی خواتین کے زمرہ میں سمانہ کا نام شامل ہے۔

اولاد

سمانہ ہی امام محمد تقی ؑ کے تمام فرزندان کی والدہ ہیں۔ امام علی نقی، موسی مبرقع، ابو احمد حسین، ابو موسی عمران ان کے بیٹے اور فاطمہ، خدیجہ، ام کلثوم اور حکیمہ ان کی بیٹیاں ہیں۔