مدرسہ ناظمیہ

مدرسہ ناظمیہ

حوزہ علمیہ
ابتدائی معلومات
بانی	سید ابو الحسن رضوی لکھنوی
تاسیس	1890ء
استعمال	حوزہ علمیہ
محل وقوع	لکھنؤ، اترپردیش ہندوستان
دیگر اسامی	مشارع الشرایع • جامعہ ناظمیہ • مشارع العلوم
مربوط واقعات	انگریزوں کی طرف سے مدرسے کی بندش
مشخصات
موجودہ حالت	فعال
معماری

مدرسہ ناظمیہ یا جامعہ ناظمیہ ہندوستان کے شہر لکھنؤ میں ایک شیعہ مذہبی درس گاہ اور ثقافتی ادارہ ہے جس کی بنیاد سنہ 1890ء میں لکھنؤ کے سید ابو الحسن رضوی نے رکھی۔ یہ مدرسہ ایک دینیات سنٹر تھا جسے انگریزوں نے بند کردیا اور بعد میں سید ناظم حسین کے تعاون سے دوبارہ کھل گیا جس کے بعد یہ ناظمیہ کے نام سے مشہور ہوا۔ ناظمیہ میں دینی تعلیم ابتدا سے ہی پڑھائی جاتی ہے نیز مدرسے میں طلاب اور اساتذہ کو سہولیات بھی دی جاتی ہیں۔ تدریس اور تبلیغ کے علاوہ فلاحی سرگرمیاں بھی مدرسہ ناظمیہ کی فعالیتوں میں شامل ہیں۔

تعارف

مدرسہ ناظمیہ ہندوستان میں واقع لکھنؤ کے سب سے قدیم اور اہم ترین شیعہ مدرسوں میں سے ایک ہے۔ اس مدرسے کا اپنا مستقل تعلیمی نصاب ہے۔ مدرسہ ہر سال متعدد علما کرام کو تبلیغ پر بھی بھیجتا ہے۔ اس مدرسے میں دینی تعلیم کو ابتدا سے کتاب رسائل و مکاسب تک پڑھائی جاتی ہے۔ مدرسہ ہاسٹل اور کلاس روم پر مشتمل ہے نیز طلاب کو درسی کتابیں، کھانا اور کپڑے بھی مہیا کئے جاتے ہیں۔ مدرسہ ناظمیہ کی سب سے اعلی تعلیمی سند کو "ممتاز الافاضل" کہا جاتا ہے۔

مدرسہ ناظمیہ نے بہت سارے طلاب اور علما کی تربیت کی ہے یہاں کے فارغ التحصیل علما میں مرزا محمد اطہر، سید علی نقی نقوی، عدیل اختر اور سید نجم الحسن رضوی کے نام سر فہرست ہیں۔ مدرسہ تعلیمی سرگرمیوں کے علاوہ فلاحی اور خیراتی کام بھی کرتا ہے جس میں شیعہ مذہبی شخصیات اور اداروں کی مالی معاونت اور مستحق بیماروں کا علاج معالجہ شامل ہیں۔ مدرسہ ناظمیہ میں فارسی زبان بھی سکھائی جاتی ہے۔

ناظمیہ مدرسے کا اندرونی منظر

مدرسہ ناظمیہ کے اخراجات کو ریاست اترپردیش کی حکومت ادا کرتی ہے۔

تاریخچہ

حوزہ علمیہ ناظمیہ لکھنؤ میں سنہ 1890ء میں قائم ہوا جس کے بانی لکھنؤ کے شیعہ عالم دین سید محمد ابو الحسن رضوی (وفات: 1313ھ) ہیں جو ابو صاحب کے نام سے مشہور ہیں۔

مدرسہ کے بند ہونا اور دوبارہ احیاء

مدرسہ ناظمیہ میں پتھر کا کتیبہ

مدرسہ ناظمیہ ایک طویل عرصے سے ہندوستان میں ایک دینیات سنٹر کے طور پر کام کر رہا تھا اور ہندوستان پر انگریزوں کے تسلط اور اودہ کی شیعہ حکومت کے کمزور ہونے کی وجہ سے یہ اپنی سرگرمیاں جاری نہ رکھ سکا اور کچھ عرصے بعد اسے بند کر دیا گیا۔ مدرسے کی بحالی کے لیے سید ابو الحسن رضوی نے اپنے شاگردوں کو جمع کر کے ان سے مدد طلب کی۔ سید ناظم حسین، جو صاحب علی خان کے نام سے جانا جاتا ہے، نے اپنا گھر عطیہ کیا اور اس کا نام "مَشارعُ الشَّرایع" رکھا گیا جو بعد میں "ناظمیہ" میں بدل گیا۔ مفتی محمد عباس کے صاحبزادے سید احمد علی (متوفی 1389ھ) بھی کچھ عرصے کے لیے مدرسہ ناظمیہ کے سرپرست رہے اور ان کی کوششوں اور اہل ہند اور ایران اور عراق میں مقیم مراجع تقلید کی مالی تعاون سے مدرسے کو دوبارہ رونق آگئی۔

مدرسے کی سرپرستی

مدرسے کے مدیر اور سرپرست سید حمید الحسن (امیرالعلماء) ہیں جنہوں نے سنہ 1969ء کو نجف سے واپسی کے بعد سے یہ ذمہ داری سنبھالی ہوئی ہے۔ ان کے بیٹے مولانا سید فریدالحسن ناظمیہ عربی کالج کے ڈائریکٹر ہیں۔