خصائص الوحی المبین (کتاب)
 | |
| مشخصات | |
|---|---|
| مصنف | ابن بطریق (523-600ھ) |
| سنہ تصنیف | 1417ھ |
| موضوع | فضایل امام علی(ع) |
| مصحح | مالک محمودی |
| تعداد جلد | 1 |
خَصائِصُ الوَحیِ المُبین، شیعہ عالم دین ابن بطریق (523-600ھ) کی عربی زبان میں لکھی ہوئی کتاب ہے جس میں مصنف نے اہلِ سنّت کے معتبر ذرائع سے امام علی علیہ السلام کی فضیلت میں موجود قرآن کی آیات کو جمع کیا ہے۔ کہا جاتا ہے کہ اس کتاب کی تالیف نے امام علیؑ کی فضیلت پر کتابوں کی تالیف کا راستہ ہموار کیا۔
اس کتاب کو 25 ابواب میں مرتب کیا ہے۔ ہر باب کے آغاز میں ایک یا ایک سے زیادہ آیات کو ذکر کر کے ان کے حوالے سے امام علیؑ کی فضیلت میں نقل ہونے والی احادیث پیش کی ہیں۔ کتاب خصائص الوحی المبین کو محمد باقر محمودی کی تحقیق کے ساتھ ایران کی وزارتِ ثقافت و ارشاد نے 1364ھ میں شائع کیا ہے۔ اس کتاب کا ایک نسخہ جعفر سبحانی کے مقدمے کے ساتھ بھی شائع ہوا ہے۔
اہمیت اور مقام
کتاب خصائص الوحی المبین فی مناقب امیرالمؤمنین(ع) شیعہ عالم دین ابن بطریق کی مشہور کتابوں میں سے ایک ہے جو امام علی علیہ السلام کے فضائل پر مشتمل ہے۔ اس کتاب میں اہل سنت کے معتبر ذرائع سے امام علیؑ کی فضیلت میں موجود قرآنی آیات کو جمع کیا ہے۔[1] اس کتاب کی تالیف نے امام علیؑ کے فضائل پر اہلِ سنّت منابع سے کتابیں لکھنے کا ماحول تیار کیا۔[2] ابن بطریق نے اس سے پہلے امام علیؑ کی فضیلت میں دو کتابیں عمدة عیون صحاح الاخبار فی مناقب امام الابرار اور المستدرک المختار فی مناقب وصی المختار بھی تحریر کی ہے۔[3]
ابن بطریق نے اہلِ سنّت کے جن مآخذ کا استعمال کیا ہے ان میں مناقب احمد بن حنبل، صحیح بخاری، صحیح مسلم، الجمع بین الصحیحین، جمع بین الصحاح الستة، تفسیر ثعلبی (کشف والبیان)، الفردوس، مناقب ابن مغازلی، اور حلیة الاولیا شامل ہیں۔[4] کتاب میں ابن بطریق نے اپنی بعض اشعار بھی شامل کی ہے۔[5]
مضامین
خصائص الوحی المبین ایک مقدمہ، 25 ابواب اور تقریباً دو سو احادیث پر مشتمل ہے۔[6] مصنف نے کتاب کی ابتداء میں احادیث نقل کرنے میں اپنی روش اور اسناد کو ذکر کرتے ہیں،[7] اسی طرح ہر روایت کے متن کو ذکر کرنے سے پہلے اس کے سلسلہ اسناد کو بھی پیش کرتے ہیں۔[8]
ابن بطریق صرف روایات نقل کرنے پر اکتفاء نہیں کرتے بلکہ ہر باب کے آخر میں آیات کی توضیح اور تفسیر بھی بیان کرتے ہیں۔[9] مثال کے طور پر کتاب کے پہلے باب میں آیہ ولایت سے مربوط احادیث کو جمع کیا ہے۔ اس باب میں 20 احادیث ذکر کیا ہے، جن میں زیادہ تر احادیث پیغمبر اسلام صلی اللہ علیہ وآلہ وسلم کی ہیں۔ اس کے علاوہ امام علی علیہ السلام کی فضیلت میں حسان بن ثابت اور دیگر شعراء کی اشعار بھی نقل کی ہے۔ مصنف نے احادیث کو ذکر کرنے کے بعد متعلقہ آیت کی تفسیر کی ہے اور متعلقہ فصل کو امام علی علیہ السلام کی مدح میں موجود اشعار کے ساتھ ختم کیا ہے۔[10]
اشاعت اور ترجمہ
کتاب خصائص الوحی المبین پہلی بار 1311ھ میں تہران میں سنگی طبع ہوئی،[11] اس کے بعد ایران کی وزارتِ ثقافت و ارشاد اسلامی نے 1364ھ میں محمد باقر محمودی کی تحقیق کے ساتھ ایک جلد میں شائع کیا۔[12] اس کے علاوہ جعفر سبحانی کے مقدمے کے ساتھ ایک نسخہ اور مالک محمودی کی تحقیق کے ساتھ نشر دارالقرآن الکریم نے شائع کیا۔[13]
سیف اللہ حبیبی نے اس کتاب کا فارسی میں "ترجمہ خصائص الوحی المبین فی مناقب امیرالمؤمنین(ع)" کے عنوان سے ترجمہ کر کے اسوہ پبلی کیشنز سے شائع کیا۔[14]
حوالہ جات
- ↑ بخشی، «خصائص الوحی المبین...»، ص7.
- ↑ بخشی، «خصائص الوحی المبین...»، ص7.
- ↑ بخشی، «خصائص الوحی المبین...»، ص7.
- ↑ مردی، «خصائص الوحی المبین»، سایت حدیث نت.
- ↑ مردی، «خصائص الوحی المبین»، سایت حدیث نت.
- ↑ بخشی، «خصائص الوحی المبین...»، ص7.
- ↑ بخشی، «خصائص الوحی المبین...»، ص7.
- ↑ به عنوان نمونه نگاه کنید به: ابنبطریق، خصائص الوحی المبین، 1417ق، ص93 و 95 و 99.
- ↑ مردی، «خصائص الوحی المبین»، سایت حدیث نت.
- ↑ ابنبطریق، خصائص الوحی المبین، 1417ق، ص71-85.
- ↑ بخشی، «خصائص الوحی المبین...»، ص7.
- ↑ بخشی، «خصائص الوحی المبین...»، ص7.
- ↑ نگاه کنید به: «خصائص الوحی المبین»، کتابخانه ملی ایران؛ «تقديم جعفر السبحاني»، کتابخانه مدرسه فقاهت.
- ↑ «ترجمه خصایص الوحی المبین فی مناقب امیرالمومنین علی بن ابی طالب»، سایت خانه کتاب.
مآخذ
- ابنبطریق، یحیی بن حسن، خصائص الوحی المبین، تحقیق مالک محمودی، تہران، دارالقرآن الکریم، 1417ھ۔
- بخشی، علیاکبر، «خصائص الوحی المبین فی مناقب امیرالمؤمنین(ع) اثری از ابنبطریق محدث» در نشریہ افق حوزہ، س16، ش558، تاریخ درج مطلب: 28 خرداد 1397ہجری شمسی، تاریخ مشاہدہ: 18 تیر 1403ہجری شمسی۔
- مردی، عباسعلی، «خصائص الوحی المبین»، سایت حدیث نت، تاریخ مشاہدہ: 18 تیر 1403ہجری شمسی۔
- «ترجمہ خصایص الوحی المبین فی مناقب امیرالمومنین علی بن ابی طالب(ع)»، سایت خانہ کتاب، تاریخ مشاہدہ: 18 تیر 1402ہجری شمسی۔
| آیات | آیہ ولایت • آیہ اولی الامر • آیہ تطہیر • آیہ مباہلہ • آیہ صادقین • آیہ خیر البریہ • آیہ اکمال • آیہ تبلیغ • آیہ انذار • آیہ اخوت • آیہ اطعام • آیہ ود • آیہ صالح المؤمنین • آیہ شراء • آیہ انفاق • آیہ نجوا • آیت شاہد • آیت سقایۃ الحاج |  | |||
|---|---|---|---|---|---|
| روایات | |||||
| واقعات | مولود کعبہ • لیلۃ المبیت • حضرت فاطمہ سے شادی • رد الشمس • واقعہ غدیر • عید غدیر • مباہلہ • پنجتن آل عبا • اصحاب کساء • خاتم بخشی • سد الابواب • ابلاغ آیات برائت • واقعہ تہنیت • بت شکنی کا واقعہ | ||||
| القاب | |||||
| کتب |
| ||||
| وابستہ | |||||