قناعت

اخلاق

اخلاقی آیات
آیات افک • آیہ اخوت • آیہ اطعام • آیہ نبأ • آیہ نجوا • آیہ مشیت • آیہ بر • آیہ اصلاح ذات بین • آیہ ایثار
اخلاقی احادیث
حدیث قرب نوافل • حدیث مکارم اخلاق • حدیث معراج • حدیث جنود عقل و جہل
اخلاقی فضائل
تواضع • قناعت • سخاوت • کظم غیظ • اخلاص • خشیت • حلم • زہد • شجاعت • عفت • انصاف • اصلاح ذات البین • عیب‌پوشی
اخلاقی رذائل
تکبر • حرص • حسد • دروغ • غیبت • سخن‌چینی • تہمت • بخل • عاق والدین • حدیث نفس • عجب • عیب‌جویی • سمعہ • قطع رحم • اشاعہ فحشاء • کفران نعمت
اخلاقی اصطلاحات
جہاد نفس • نفس لوامہ • نفس امارہ • نفس مطمئنہ • محاسبہ • مراقبہ • مشارطہ • گناہ • درس اخلاق • استدراج
علمائے اخلاق
ملامہدی نراقی • ملا احمد نراقی • میرزا جواد ملکی تبریزی • سید علی قاضی • سید رضا بہاءالدینی • سید عبدالحسین دستغیب • عبدالکریم حق‌شناس • عزیزاللہ خوشوقت • محمدتقی بہجت • علی‌اکبر مشکینی • حسین مظاہری • محمدرضا مہدوی کنی
اخلاقی مآخذ
قرآن • نہج البلاغہ • مصباح الشریعۃ • مکارم الاخلاق • المحجۃ البیضاء • رسالہ لقاءاللہ (کتاب) • مجموعہ وَرّام • جامع السعادات • معراج السعادۃ • المراقبات

قناعت، اخلاقی فضائل میں سے ہے اور اس کا مطلب یہ ہے کہ تھوڑے کو کافی سمجھنا اور اس کے مقابلے میں زیادہ خواہی آتی ہے۔ اسلامی ادبیات اور اسلامی ثقافت میں یہ لفظ " فضول خرچی کے مقابلے میں صحیح استعمال کرنے" کے معنی میں بھی آیا ہے۔

قناعت کا مفہوم

قناعت کا مطلب یہ بیان کیا گیا ہے کہ انسان کسی چیز کے بارے میں اپنی ضرورت بھر مقدار کے اوپر رک جائے۔ اسی طرح قناعت کے معنی یہ بھی بیان کئے گئے ہیں کہ کوئی اپنی قسمت پر راضی رہے۔۔

حضرت علی علیہ السلام نے فرمایا ہے کہ قناعت کا مطلب یہ ہے کہ دنیا سے اپنی ضرورت بھر استعمال کرے ۔ نہ یہ کہ دنیا سے بالکل کوئی فائدہ نہ اٹھائے۔ دینی کتابوں میں قناعت کو ایسی صفت بتایا گیا ہے جو مشق اور محنت کے ذریعے سے انسان کے اندر ملکہ اور عادت کی صورت میں پیدا ہوجاتی ہے، جس کے بعد انسان کم چیز پر خوش اور راضی ہو جاتا ہے اور زیادہ خواہی سے اپنے نفس کو روک لیتا ہے۔

اہمیت

حضرت علی علیہ السلام

مِن شَرَفِ الهمَّة لُزومُ القَناعَة ترجمہ: قناعت کی پابندی، عظیم ہمت و حوصلے کا کام ہے۔

حدیث، (تصنیف غررالحکم و درر الکلم، ح ۸۹۹۹)

حضرت علی نے اپنے ماتحتوں اور گورنروں کو اسراف اور تبذیر سے پرہیز کرنے کی بہت سفارش کی ہے اور ان کے اوپر لازمی کیا ہے کہ بیت المال کی بچت اور کم استعمال کرنے کی کوشش کریں۔ آپ فرماتے ہیں کہ قلم کی نوک کو باریک اور سطروں کے فاصلوں کو کم کر لو اور بیت المال کو زیادہ استعمال کرنے سے پرہیز کرو اس لیے کہ مسلمانوں کے مال کو کوئی خسارہ نہیں ہونا چاہیے۔ اسی طرح حضرت علی علیہ السلام سے منقول ایک روایت کی بنیاد پر قناعت وہ خزانہ ہے جو کبھی ختم نہیں ہوتا۔

علم اخلاق میں قناعت کو حرص اور لالچ کے مقابلے میں قرار دیا جاتا ہے اور قناعت کی وجہ سے انسان اپنی ضرورت بھر کی مقدار کے اوپر اکتفا کرتا ہے اور اس سے زیادہ کا خواہش مند نہیں ہوتا۔ اسی وجہ سے حضرت علی علیہ السلام نے قناعت تک پہنچنے کے لئے لالچ کو جڑ سے اکھاڑ پھینکنے کو پہلا قدم شمار کیا ہے۔ اور سیاسی اور معاشی اعتبار سے بھی سیاسی اور معاشی عزت ایک قوم کی قناعت پسندی اور ضرورت بھر استعمال کرنے میں ہی پائی جاتی ہے۔

اثرات، مقام اور نشانیاں

روایت میں قناعت کے بہت سے اثرات ذکر ہوئے ہیں: جیسے رضایت الہی عزت انسان، قیامت میں حساب کا ہلکا ہونا، لوگوں سے بے نیازیاور حیات طیبہ کا عطا ہونا۔ منجملہ یہ کہ حضرت علی سے سورہ نحل کی آیت نمبر 97 (مَنْ عَمِلَ صَالِحًا مِّن ذَكَرٍ أَوْ أُنثىَ‏ وَ ہوَ مُؤْمِنٌ فَلَنُحْيِيَنَّہ حَيَوة طَيِّبَة^[؟–؟]) کے بارے میں سوال کیا گیا کہ حیات طیبہ سے اللہ کی مراد کیا ہے کہ آپ نے فرمایا: هی القناعہ یعنی اس سے مراد قناعت ہے۔

قناعت کے دو مرتبہ ہیں ایک عالی اور ایک اعلی۔پہلا مرتبہ یہ ہے کہ اپنی ضرورت کے مطابق مقدار پر راضی ہو جانا اور دوسرا رتبہ یہ ہے کہ اپنی ضرورت سے کم تر پر راضی رہنا ۔

احادیث میں قناعت پسند لوگوں کی کچھ نشانیاں بیان کی گئی ہیں۔ مثلا ان کی ہمت بلند ہوتی ہے اور وہ شکر گزار ہوتے ہیں۔ نمونہ کے طور پر حضرت علی علیہ السلام سے منقول ایک روایت میں آیا ہے کہ لوگوں میں سب سے زیادہ قناعت پسند بنو تاکہ سب سے زیادہ شکر گزار بن سکو یا ایک اور حدیث میں آیا ہے کہ قناعت پسند زندگی بلند ہمتی کی نشانی ہے۔

معترّ اور قانع کا فرق

سورہ حج کی 36 ویں آیت کی تفسیر میں قانع اور معتر کے فرق کے سلسلہ میں آیا ہے کہ قانع اسے کہتے ہیں کہ اگر کوئی چیز اسے دے دو تو اسی پر قناعت کرتا ہے اور راضی اور خوش رہتا ہے اور کوئی اعتراض یا غصہ نہیں کرتا ہے۔ اور معتر اسے کہتے ہیں جو خود آپ کے پاس آتا ہے اور آپ سے تقاضا کرتا ہے اور مانگتا ہے اور ممکن ہے کہ اگر آپ اسے کچھ دیں تو اس پر راضی نہ ہو اور اعتراض کرے۔ کچھ لوگوں نے کہا ہے کہ قانع وہ شخص ہے جو مانگتا ہے اور معتر وہ شخص ہے جو اپنے آپ کو اطعام کی جگہ قرار دیتا ہے اور مانگتا نہیں ہے۔ روایت کے اعتبار سے پہلی تفسیر صحیح لگتی ہے۔ اہم بات یہ ہے کہ معتر کے اوپر قانع کا مقدم ہونا اس بات کی علامت ہے کہ جو محروم لوگ، پاک نفس اور خود دار ہیں ان کو دوسروں کے مقابلے میں زیادہ توجہ ملنا چاہئے۔