یہ مقالہ امام حسنؑ کے ایک لقب کے بارے میں ہے۔ آنحضرتؑ کی سوانح حیات سے آشنائی ، امام حسنؑدیکھئے۔
مُجتبیٰحضرت امام حسنؑ کے القابات میں سے ہے جس کے معنی ہیں "منتخب" اور "چنا ہوا"۔[1] یہ لقب پیغمبر خداؐ[2] اور دیگر اماموں[3] کے لیے بھی استعمال ہوا ہے۔ حضرت امام جعفر صادقؑ سے منقول ایک خطبے میں اماموں کی خصوصیات بیان کی گئی ہیں ان میں سے ایک مجتبیٰ ہے[4] لیکن یہ لقب امام حسنؑ کے لیے مشہور ہوا ہے۔[5] ائمہؑ سے منقول احادیث میں امام حسنؑ کو لقب مجتبیٰ سے یاد کیا گیا ہے۔[6]دعائے توسل میں بھی "المُجتبیٰ" کا لفظ استعمال ہوا ہے[7] اور حرز امام زین العابدینؑ میں بھی "اَلْحَسَنُ المُجتبیٰ"[8] کی تعبیر آئی ہے۔
مجتبی کے معنی ہیں چنا ہوا اور منتخب۔[9]علامہ طباطبائی نے سورہ نحل کی آیت121 کے ذیل میں لفظ "اِجتَباء" کے معنی یوں بیان کیے ہیں کہ اللہ تعالیٰ نے امام معصوم کو اپنے لیے ایسے خالص قرار دیا ہے کہ وہ پراکندگی اور تشتت سے دور اور صراط مستقیم کی ہدایت سے معمور ہیں۔[10]
کہا جاتا ہے کہ اگرچہ اس لقب کا ایک خاص مفہوم ہے لیکن شیعوں کے تمام اماموں میں اس کا مفہوم بدرجہ اتم موجود ہے البتہ یہ صرف شیعوں کے دوسرے امام کے ساتھ اختصاص پایا ہے۔ امام حسنؑ کو مجتبیٰ کا لقب اسی وقت ملا جبکہ آپؑ بقید حیات تھے۔[11]
