مسودہ:عید مبعث

عید مبعث

زمان‌	27 رجب
مکان	عمومی اور مذہبی مقامات
جغرافیائی حدود	دنیا کے مختلف ممالک
منشاء تاریخی	بعثت پیغمبر خداؐ
ادعیہ	روزہ، نماز، صلوات، خاص اذکار
اشعار	نعتیہ اشعار، منقبت رسولؐ
قومی حیثیت	ایران، عراق، پاکستان سمیت دنیا کے مختلف مملاک میں سرکاری طور پر چھٹی
اہم مذہبی تہواریں
سینہ‌زنی، زنجیرزنی، اعتکاف، شب بیداری، تشییع جنازہ،
متفرق رسومات

عید مبعث اسلامی عظیم ترین عیدوں میں سے ایک ہے اور یہ حضرت محمد مصطفیؐ کی بعثت اور آنحضرت کے منصب نبوت پر مبعوث ہونے کا دن ہے۔ شیعہ اور اہل سنت کے بعض طبقات 27 رجب کو یوم مبعث قرار دے کر اس کی تعظیم کرتے ہیں، جبکہ اہلِ سنت کی اکثریت، بعثت کی تاریخ میں اختلافِ رائے کی وجہ سے اس مناسبت پر کوئی خصوصی تقریب منعقد نہیں کرتی۔

شیعہ روایات میں یومِ مبعث کے لیے متعدد مستحب اعمال، جیسے غسل، روزہ، نماز اور کثرت سے صلوات بھیجنا وغیرہ بیان کیے گئے ہیں۔

تاریخی پس منظر اور اہمیت

تفصیلی مضمون: بعثت پیغمبر اکرمؐ

عید مبعث اسلام کے عظیم ترین اعیاد میں سے ایک ہے اور حضرت محمد مصطفیؐ کے منصبِ نبوت پر سرفراز ہونے کا دن ہے۔ بعثت پیغمبر خداؐ تاریخ اسلام کے مہم ترین واقعات میں شمار ہوتی ہے۔ بعثت کی دقیق تاریخ کے بارے میں اختلاف پایا جاتا ہے۔ شیعہ اور بعض اہل سنت کے مشہور قول کے مطابق بعثت 27 رجب کو ہوئی، جبکہ اہل سنت کی اکثریت کے نزدیک یہ واقعہ ماہ رمضان میں پیش آیا۔ البتہ رمضان کے کس دن بعثت ہوئی، اس بارے میں بھی اختلافِ رائے پایا جاتا ہے۔ اسی وجہ سے شیعہ اور بعض اہل سنت 27 رجب کو یومِ مبعث کے طور پر مناتے ہیں اور اس دن کی تعظیم اور احترام کرتے ہیں۔

جشن کی تقریبات

عیدِ مبعث بہت سے شیعہ معاشروں میں مذہبی جشن کے طور پر منائی جاتی ہے۔ ان تقریبات میں عموماً مساجد، امام بارگاہوں اور دیگر مذہبی مقامات میں اجتماعات منعقد کیے جاتے ہیں، جہاں خطابات، تلاوت قرآن، نعتیہ محافل، دعائیں، مؤمنین کی ضیافت اور عبادت گاہوں کی سجاوٹ کرتے ہیں۔ ایران اور عراق کے بعض علاقوں میں 27 رجب سرکاری تعطیل کا دن ہے۔ پاکستان میں بھی 27 رجب کو عام تعطیل ہوتی ہے۔

ایشیا، یورپ اور افریقہ کے مختلف ممالک، جہاں شیعہ آبادی یا اسلامی مراکز موجود ہیں، وہاں بھی عیدِ مبعث کی تقریبات منعقد کی جاتی ہیں۔ اسی طرح اہل سنت کے بعض طبقات بھی اس دن کا خاص احترام اور تعظیم کرتے ہیں۔

ایران میں سنہ 1995ء میں عید مبعث کی یاد میں یادگاری ڈاک ٹکٹ جاری کیا گیا

مبعث کے شب و روز کے مستحب اعمال

کتب ادعیہ میں شبِ مبعث اور یومِ مبعث کے متعدد مستحب اعمال ذکر کیے گئے ہیں۔ کتاب زاد المعاد میں امام محمد تقیؑ سے روایت نقل ہوئی ہے کہ 27 رجب کی شب اور دن میں انجام دی جانے والی عبادات کی فضیلت دنیا کی تمام نعمتوں سے بڑھ کر ہے اور شیعوں کو ان اعمال کی انجام دہی کی ترغیب دی گئی ہے۔ روایات میں 27 رجب کی رات کو «لیلۃُ المَحیا» بھی کہا گیا ہے، جس کے معنی ہیں شبِ اِحیا یا شبِ عبادت و شب بیداری۔ 27 رجب کی شب اور روزِ کے مستحب اعمال مندرجہ ذیل ہیں:

27 ویں کی شب	غسل اس دعا کی قرائت: اللّٰهمَّ إِنِّى أَسْأَلُك بِالتَّجَلِّى الْأَعْظَمِ فِى هذِہِ اللَّيْلَةِ مِنَ الشَّهرِ الْمُعَظَّمِ، وَالْمُرْسَلِ الْمُكَرَّمِ... زیارت امیرالمؤمنینؑ 12 رکعت نمازیں پڑھنا جس کی ہر رکعت میں حمد، فلق اور ناس ایک ایک بار اور سورہ اخلاص 4 مرتبہ پڑھا جائے۔ نماز سے فراغت کے بعد یہ ذکر پڑھا جائے: «لا إله إلا اللہ و اللہ أکبر، الحمد للہ و سبحان اللہ و لا حول و لا قوة إلا باللہ العلی العظیم۔
27 ویں کا دن	غسل کرنا روزہ رکھنا صلوات پڑھنا زیارت امیرالمؤمنینؑ زیارت رسول خداؐ بارہ رکعت نمازیں پڑھنا جس کی ہر رکعت میں سورہ حمد اور یس پڑھا جائے۔ نماز کے بعد 4 بار سورہ حمد پڑھا جائے؛ پھر یہ ذکر 4 بار: «لا إله إلا اللہ و اللہ أکبر و الحمد للہ و سبحان اللہ و لا حول و لا قوة إلا باللہ العلی العظیم» اور اس کے بعد 4 بار یہ ذکر پڑھے: «اللہ ربی لا أشرک به شیئاً»۔