ام فروہ بنت امام صادق

یہ مقالہ امام صادق کی بیٹی ام فروہ کے بارے میں ہے۔ دوسرے استعمالات کے لئے مقالہ، ام فروہ دیکھئے۔

ام فروہ، امام جعفر صادقؑ کی بیٹی ہیں۔ ان کی والدہ کا نام فاطمہ بنت حسین بن علی بن حسینؑ ہے۔ اسماعیل اور عبد اللہ ام فروہ کے دو سگے بھائی ہیں۔ ابن شہر آشوب کے مطابق امام جعفر صادقؑ کی بیٹی کا نام اسماء اور کنیت امِّ فروہ تھی۔ تاہم انہوں نے ایک روایت کے تحت امام صادقؑ کی تین بیٹیوں کے نام بھی اسماء، ام فروہ اور فاطمہ ذکر کیے ہیں۔ ام فروہ کی شادی ان کے چچا زاد بھائی حسین بن زید بن علی سے ہوئی۔ لیکن اہل سنت عالم دین فخر رازی نے عبد العزیز بن سفیان مروانی کو ان کا شوہر مانا ہے۔

روضۃ الکافی میں منقول ایک روایت کے مطابق امام جعفر صادقؑ نے سفیان بن مصعب سے فرمایا کہ وہ امام حسینؑ کی مصیبت میں ایک مرثیہ پڑھیں اور ساتھ ہی حکم دیا کہ ام فروہ بھی اس مجلس میں حاضر ہوں۔ جب مرثیہ شروع ہوا تو ام فروہ گریہ کرنے لگیں۔ یہ مرثیہ ام فروہ کو مخاطب کرکے اس مصرعے سے آغاز ہوا تھا:

فَرْوُ جُودِي بِدَمْعِكِ اَلْمَسْكُوبِ:«اے ام فَروہ! اپنے بہتے ہوئے آنسو نثار کردو»۔