ویکی شیعہ

ویکی شیعہ
یو آر ایل	Wikishia.net
صارفین	عالمی اہل بیت اسمبلی کے محققین
نعرہ	مکتب اہل بیت کا مجازی انسائیکلو پیڈیا
دستیاب زبانیں	22 زبانیں (اردو • فارسی • عربی • انگریزی • ترکی • فرانسیسی • ہسپانوی • انڈونیشیائی • جرمن • روسی • ہندی • سواحلی • چائینا • بنگالی • تاجیکی • پشتو • آذری • برمی • پرتگالی • اطالوی • ہاوسا و تھائی)
ملکیت	عالمی اہل بیت اسمبلی
آغاز	15 جون 2013ء
موجودہ صورت حال	فعال

ویکی شیعہ سائبر سپیس پر موجود ایک آنلائن دائرۃ المعارف ہے جس کا مقصد شیعہ اثناعشریہ اور مکتب اہل بیتؑ سے منسوب دوسرے مذاہب کی شناخت میں دخیل مسائل اور مفاہیم کی وضاحت کرنا ہے۔ ان مفاہیم میں اعتقادات، شخصیات، علوم و معارف(فقہ، اصول فقہ، کلام)، کتب، اماکن، واقعات، آداب و رسوم، مناسک، تاریخ تشیع اور شیعیت سے منسوب دیگر فقہ جات سمیت ایسے تمام مفاہیم شامل ہیں جو کسی نہ کسی طرح اہل بیتؑ اور ان کے پیروکاروں سے مربوط ہوں۔ اسی طرح مذکورہ مقصد کے حصول کیلئے جو الفاظ اور اسامی کلیدی کردار ادا کر سکتے ہیں اس دائرۃ المعارف میں ان کی وضاحت کی جائے گی۔

ویکی شیعہ میں لکھاری کا ذاتی تجزیہ و تحلیل نیز ایسے غیر ثابت شدہ جدید نظریات پیش کرنے سے گریز کرے گا۔ علمی نظریات اور تاریخی مستندات میں موجود اختلافات کی درستگی یا نادرستگی کا فیصلہ کرنا قارئین کی ذمہ داری ہے لہذا اس سلسلے میں ویکی شیعہ غیر جانبدار رہےگا۔ مذہبی اختلافات کو مد نظر رکھتے ہوئے ویکی شیعہ کے مولفین کی یہ کوشش رہے گی کہ جہاں تک ممکن ہو ایسے قدیمی منابع اور مآخذ استعمال کریں جو دونوں بڑے مذاہب (شیعہ اور سنی) کے یہاں مورد تائید ہوں۔

ویکی‌ شیعہ اہل بیت عالمی اسمبلی سے وابستہ ہے۔ یہ دائرۃ المعارف اب تک دنیا کی 22 زبانوں میں نشر ہو رہا ہے اور اس وقت اردو زبان میں 3,776 مقالے موجود ہیں۔

ویکی شیعہ دائرۃ المعارف کے اہداف اور محرکات

مختلف نوعیت کے دائرۃ المعارف وغیرہ میں دین و مذہب خاص کر اسلام اور تشیع کے بارے میں بکثرت موضوعات ملتے ہیں؛ تاہم چونکہ ان دائرۃ المعارف کے مصنفین یا تواسلامی تعلیمات سے اچھی طرح واقف نہیں ہیں یا غالباً اسلام یا شیعہ مذہب پر سرے سے عقیدہ ہی نہیں رکھتے ہیں، اس لیے اسلامی اور شیعہ مفاہیم اور عقائد سے متعلق مضامین میں غلط معلومات پائی جاتی ہیں۔ شیعہ عقائد سے متعلق مختلف ویب سائٹس میں موجود مسائل نیز دنیا بھر کے شیعوں اور دیگر تلاش کرنے والوں کواسلامی درست اور ناب عقائد تک آسان رسائی کے لیے اہل بیتؑ عالمی اسمبلی کے شعبہ ثقافتی امور نے سائبر اسپیس پر ویکی شیعہ نامی دائرۃ المعارف کا قیام عمل میں لایا اور اس میں مکتب اہل بیتؑ کو متعارف کرانے اور اس کے دفاع کے سلسلے میں اپنے کام کا آغاز کیا۔

ویکی شیعہ ایک ایسا دائرۃ المعارف ہے جو فی الحال محدود سطح کے ساتھ کام کررہا ہے؛ لیکن مستقبل میں اسے ایک آزاد دائرۃ المعارف کی حیثیت دینے پر غور کیا جارہا ہے تاکہ تمام دلچسپی اور علمی توانائی رکھنے والے شیعیان اس کی تکمیل میں اپنا کردار ادا کرتے ہوئے مکتب اہل بیتؑ کی تعلیمات کو فروغ دے سکیں۔ فی الحال اس دائرۃ المعارف میں شراکت، منتظمین کی طرف سے منظوری کے بعد ہی ممکن ہے۔ اس امکان کے بعد صارفین کو مختلف مضامین کی تدوین اور ان کے علمی معیار کو بلند کرنے میں تعاون کرنے کی اجازت دیتا ہے۔

تاریخچہ

مورخہ 22 جون سنہ 2014ء کو اسلامی جمہوری ایران کے اس وقت کے صدر مملکت حسن روحانی کے ہاتھوں ویکی شیعہ سائٹ کی باضابطہ نقاب کشائی

22 مئی سنہ 2013ء کو ویکی شیعہ کے مؤلفین کی پہلی نشست منعقد ہوئی جس کے بعد کئی ایک ورکشاپ رکھے گئے جن میں ویکی پر کام کرنے کے بارے میں ان مؤلفین کو آگاہ کیا گیا؛ یوں 17 جون سنہ2013ء کو ویکی شیعہ کا پہلا مقالہ ویب سائٹ پر نشر کیا گیا۔ کچھ ہی دنوں بعد یہ سائٹ تمام قارئین کی دسترس میں رکھ دی گئی۔

22 جون سنہ 2013ء کو تہران میں "سبط النبی(ع)" کے نام سے منعقد ہونے والے اجلاس میں، اسلامی جمہوریہ ایران کے اس وقت کے صدر مملکت حسن روحانی کے ہاتھوں سے ویکی شیعہ ویب سائٹ کا باقاعدہ افتتاح کیا گیا۔

خصوصیات

ویکی شیعہ کی بعض خصوصیات درج ذیل ہیں:

بکثرت مطالب اور متنوع موضوعات

مطالب کے لہذا سے ویکی شیعہ کی خصوصیات یہ ہیں:

عقائد، شخصیات، معارف (کلامی فقہی اور اصول فقہی) کتابیں، مقامات، سرگذشت و واقعات، تہوار و رسومات اور مناسک، اہل بیتؑ پر عقیدہ رکھنے والے فرقہ جات، تاریخ تشیع اور ہر وہ عنوان جو کسی نہ کسی طریقے سے اہل بیتؑ اور ان کے پیروکاروں سے متعلق ہو۔

عام اسلامی مفاہیم جن پر سب مسلمان اتفاق رائے رکھتے ہوں یا وہ جو اسلامی تاریخ سے مرتبط ہوں وہ بھی ویکی شیعہ ویب سائٹ پر پائے جائیں گے۔

دوسرے اسلامی فرقوں سے متعلق مفاہیم بھی اگر اہل بیت (ع) سے مرتبط پائے جائیں یا ان کا استعمال ویکی شیعہ میں زیادہ ہو تو ان کو بھی ویکی شیعہ میں متعارف کرایا جائے گا۔

مضامین پر نگرانی

ویکی شیعہ ویب سائٹ پر منتشر کیے جانے والے مطالب پر نگرانی کی جاتی ہے اور ان کو زیر نظر رکھا جاتا ہے۔ اس کام کو منظم انداز میں انجام دینے کے لیے ایک معیار متعین کیا گیا جس کے مطابق مضامین کی جانچ پڑتال کی جاتی ہے۔

ترجیحات کا معیار

ویکی شیعہ کی ویب سائٹ پر مضامین ترجیحی بنیاد پر لکھے جاتے ہیں اور بعض تحریر شدہ مضامین میں حسبِ ضرورت ترمیم کی جاتی ہے۔ مضامین کی تدوین و تحریر کی ترجیحات مکتب اہل بیتؑ کی شناخت کروانے میں موثر عنوانات کے ذریعے متعین ہوتی ہیں۔ شیعہ کی شناخت کے حامل عناوین کا اثر جتنا زیادہ ہوگا، اس کی تصنیف و تدوین کو اتنی ہی زیادہ ترجیح دی جاتی ہے۔

تقریب مذاہب پر توجہ

ویکی شیعہ ویب سائٹ میں تقریب مذاہب کا خیال رکھتے ہوئے مضامین کی تدوین کی جاتی ہے۔

غیر جانبداری

ویکی شیعہ میں شیعہ مذہب کے اندرونی مسائل میں غیر جانبداری کا خیال رکھا جاتا ہے؛ البتہ یہ بات واضح ہے کہ ویکی شیعہ تعلیمات اہل بیتؑ کی تبلیغ و ترویج کے لئے ہی بنایا گیا ہے اور اسی ہدف کو مد نظر رکھتے ہوئے مقالات لکھے جاتے ہیں۔

ویکی شیعہ کے مقالے تحقیقی اور علمی نہیں ہیں بالفاظ دیگر اس میں موجود مقالات اور مضامین درجہ اول اور غیر شائع شدہ نہیں ہیں نیز ان مقالات میں کسی علمی مسئلے کا حل بھی بیان نہیں کیا جاتا ہے۔ ویکی شیعہ کی بنیاد اس بات پر ہے کہ قارئین کو کسی بھی موضوع کے بارے میں مآخذ سے اطلاعات فراہم کرتا ہے اس لئے مؤلفین اپنا نظریہ بیان کرنے سے گریز کریں۔

کسی بھی علمی اختلاف کا فیصلہ قارئین پر چھوڑا جاتا ہے اور ویکی اس سلسلے میں غیرجانبدار رہے گا۔

مذہبی اختلافات کی روک تھام کو ملحوظخاطر رکھتے ہوئے مؤلفین کو چاہیے کہ وہ قدیمی اور حتی الامکان اسلام کے دو بڑے مذاہب؛ شیعہ اور سنی دونوں کے لئے قابل قبول مآخذ سے مطالب اخذ کریں۔

ویکی شیعہ کے مضامین میں ایسے الفاظ جو قدر و احترام یا کسی کی شخصیت کشی اور بے احترامی کی نشاندہی کرتے ہیں، استعمال نہیں کیے جاتے ہیں۔

مکتب اہل بیتؑ سے تعلق

ویکی شیعہ کی سب سے اہم حکمت عملی یہ ہے کہ مضامین کی تدوین میں مکتب اہل بیتؑ سے ان کے تعلق کا لحاظ کیا جاتا ہے۔ اس لیے مختلف جہتوں کے حامل موضوعات کی تدوین میں ان کے شیعہ مکتب کے حامل پہلوؤں پر تاکید اور توجہ دی جاتی ہے۔ مثال کے طور پر، اگر کسی ملک کے بارے میں کوئی مضمون لکھنا ہو تو ان کے زاویے مختلف ہوتے ہیں جیسے اس ملک کے اقتصادیات، جغرافیہ، اور سیاست وغیرہ، پس ویکی شیعہ اس سلسلے میں مکتب اہل بیتؑ سے متعلق موضوعات پر توجہ مرکوز کی جاتی ہے، جیسے یہاں شیعیت کی آمد کی تاریخ، شیعہ مقامات اور شخصیات اور شیعہ رسم و رواج وغیرہ۔ نیز جدید فقہی مسائل اور غیر شیعہ شخصیات کے بارے میں تدوین شدہ مضامین میں شیعہ اور اہل بیتؑ سے متعلق پہلوؤں پر زور دیا جاتا ہے۔

اداراجاتی وابستگی

ویکی شیعہ اہل بیتؑ عالمی اسمبلی سے وابستہ ہے اور اس بین الاقوامی ادارے کے تعلیمی اور ثقافتی امور کا ایک ذیلی ادارہ ہے۔ مختلف زبانوں کے منتظمین، تعلیمی منتظمین اور ویکی شیعہ سائٹ کے ماہرین پر مشتمل ایک کونسل ویکی شیعہ ویب سائٹ کے مختلف امور میں پالیسی سازی اور منصوبہ بندی کے لیے کام کرتی ہے۔

ویکی کی خصوصیات

سائٹ پر اپلوڈ شدہ مضامین میں مسلسل ترمیم کی قابلیت۔

مضامین کو اپ ڈیٹ کرنے اور ان میں حسب ضرورت مزید مطالب شامل کرنے کی صلاحیت۔

ہر مضمون کی تاریخ کا اندراج۔ مضمون میں ہونے والی کوئی بھی تبدیلی اندراج تاریخ کے صفحے پر دیکھی جا سکتی ہے۔ قارئین مضمون میں انجام شدہ تبدیلیوں اور مطالب کے مصنفین کے بارے میں جان سکتے ہیں۔

حالیہ تبدیلیوں کا صفحہ۔ یہ صفحہ تمام ویکی صفحات میں کی گئی تازہ ترین تبدیلیوں کو دکھاتا ہے۔

ماضی میں اپلوڈ شدہ مضامین اور انجام دی گئی تبدیلیوں کو دریافت کرنے کی صلاحیت۔

بین المضامین تعلق؛ اس کا مطلب یہ ہے کہ مضمون کا قاری بغیر تلاش کیے اور ایک ہی وقت میں متن میں استعمال ہونے والی ہر اصطلاح کو سمجھنے کے لیے اس مضمون سے متعلق صفحہ کو کھول کر پڑھ سکتا ہے۔ یہ خصوصیت قاری کو مطالعہ کے دوران ہر مضمون میں استعمال ہونے والے تمام مفاہیم تک آسانی سے رسائی حاصل کرنے اور زیر مطالعہ موضوع کے بارے میں مکمل معلومات حاصل کرنے کی سبب بنتی ہے۔

مضمون کا دوسری ویکی زبانوں سے تعلق۔

مضمون کے آخر میں زمرہ جات کا استعمال۔ زمرہ ایک عمومی عنوان ہے مضمون کا عنوان اس زمرے کا ایک ذیلی عنوان کی حیثیت رکھتا ہے۔ زمرہ جات ویکی کے مضامین کی فہرستیں ہیں۔

نیویگیشن ٹیمپلیٹس(Navigation templates)۔ نیویگیشن پیٹرن وہ نمونے ہیں جو مضمون کے نیچے افقی خانے میں مضمون سے متعلق مفاہیم کو جمع کرتے ہیں۔ نیویگیشنز کو بعض اوقات مضامین کے عمودی حصے میں قرار دیا جاتا ہے۔ ان جدولوں میں درج شدہ عنوانات کے درمیان تعلق عرض میں ہے؛ تمام عنوانات کو ایک جامع عنوان کے تحت رکھا گیا ہے۔

خانہ معلومات (Infobox)۔ وہ خانے جو مضمون کے اوپر رکھے جاتے ہیں اور مضمون کے بارے میں اہم معلومات بطور اختصار یہاں جمع ہوتے ہیں۔ معلوماتی خانے کے مطالعہ سے قاری مضمون کے متن میں موجود اہم معلومات کو بغیر پڑھے جان سکتا ہے۔

تبادلہ خیال کا صفحہ۔ ویکی پر موجود ہر صفحہ اور مضمون کے لیے ایک تبادلۂ خیال صفحہ موجود ہے۔ صارفین تبادلۂ خیال صفحہ والے صفحہ سے مضمون کے بارے میں اپنی رائے مضمون کے مصنف (یا مصنفین) اور منتظمین تک پہنچا سکتے ہیں۔ تبادلہ خیال کا صفحہ درحقیقت، ماہرین اور مضمون کے موضوع میں دلچسپی رکھنے والوں کے درمیان اظہار رائے کی جگہ ہے اور یہ خصوصیت مضمون کے مطالب کو میز بہتر بنانے میں ممد و معاون ثابت ہوتی ہے۔

لوگو

ویکی شیعہ نے جون 2024ء میں اپنے لیے ایک مخصوص لوگو بنایا اور اسے استعمال کیا جانے لگا۔ یہ لوگو "و" اور "w" پر مشتمل ہے، جو فارسی اور لاطینی زبان میں ویکی شیعہ کے آغاز کی طرف اشارہ کرتے ہیں۔ اس لوگو میں گنبد اور محراب کی شکلیں بنی ہوئی ہیں جسے شیعہ اور اسلام کی علامتوں کے طور پر استعمال کیا گیا ہے۔

اس سے پہلے اہل بیت عالمی اسمبلی کے لوگو کو معمولی تبدیلیوں کے ساتھ استعمال کیا جاتا تھا۔

اردو ویکی شیعہ

سنہ 2014ء کے اواخر میں ویکی شیعہ میں اردو زبان کا بھی اضافہ کیا گیا۔ اس وقت ویکی شیعہ اردو میں کل 3734 مضامین صارفین کے کے دستیاب ہیں اور ہر روز مضامین کی تعداد میں اضافہ ہوتا ہے۔

مختلف زبانوں میں ویکی شیعہ کے آغاز کی تاریخ

اس وقت ویکی شیعہ 22 زبانوں میں کام کر رہا ہے:

ردیف	زبان	افتتاح کی تاریخ	پہلا مقالہ	پہلا مقالہ آپلوڈ کی تاریخ	توضیحات
1	فارسی	18 جون 2013ء	صریا	مئی 2013ء	افتتاح 22 جون 2014 کو سبط النبی سمینار میں
2	عربی	25 نومبر 2013ء	تهذيب الأحكام (كتاب)	25 نومبر 2013ء	افتتاح 22 جون 2014 کو سبط النبیؐ کانفرنس میں
3	انگریزی	30 نومبر 2013ء	Al-Hannana Mosque	30 نومبر 2013ء	افتتاح 22 جون 2014 کو سبط النبیؐ کانفرنس میں
4	اردو	18 مارچ 2014ء	‎امام علی علیہ السلام	14 مارچ 2014ء	افتتاح 22 جون 2014 کو سبط النبیؐ کانفرنس میں
5	ترکی	10 اپریل 2014ء	‎Hz. Fatıma Zehra (s.a)	21 اپریل 2014ء	افتتاح 22 جون 2014 کو سبط النبیؐ کانفرنس میں
6	ہسپانوی	22 مئی 2014ء	Profeta Muhammad (PBD)	22 مئی 2014ء	افتتاح 22 جون 2014 کو سبط النبیؐ کانفرنس میں
7	انڈونیشیائی	25 اگست 2014ء	Imam Ali bin Abi Thalib as	25 اگست 2014ء
8	فرانسیسی	26 اگست 2014ء	Verset d'al-Mubâhala	25 اگست 2014ء
9	جرمن	21 ستمبر 2014ء	Die Vier Stellvertreter	21 ستمبر 2014ء
10	روسی	28 فروری 2018ء	Хадис Сакалайн	28 فروری 2018ء
11	چائنیا	15 جولائی 2022ء	后世	...	اہلبیتؑ عالمی اسمبلی کے مجمع عمومی کے ساتویں اجلاس میں افتتاح
12	سواحلی	18 جولائی 2022ء	Eid al-ghadir	...	اہلبیتؑ عالمی اسمبلی کے مجمع عمومی کے ساتویں اجلاس میں افتتاح
13	ہندی	29 جولائی 2022ء	आय ए इकमाल	...	اہلبیتؑ عالمی اسمبلی کے مجمع عمومی کے ساتویں اجلاس میں افتتاح
14	بنگالی	22 اگست 2022ء	প্রথম মুসলিম	...	اہلبیتؑ عالمی اسمبلی کے مجمع عمومی کے ساتویں اجلاس میں افتتاح
15	تاجکی	22 اگست 2022ء	Аввалин мусулмон	...	اہلبیتؑ عالمی اسمبلی کے مجمع عمومی کے ساتویں اجلاس میں افتتاح
16	پشتو	16 جنوری 2023ء	د شیعه امامانو	...	انقلاب اسلامی ایران کی 44ویں سالگرہ پر افتتاح
17	آذری	17 جنوری 2023ء	Məvəddət ayəsi	...	انقلاب اسلامی ایران کی 44ویں سالگرہ پر افتتاح
18	برمی	26 جنوری 2023ء	آیه صلوات	...	انقلاب اسلامی ایران کی 44ویں سالگرہ پر افتتاح
19	پرتگالی	1 فروری 2023ء	Imames xiitas	...	انقلاب اسلامی ایران کی 44ویں سالگرہ پر افتتاح
20	اطالوی	8 فروری 2023ء	WikiShia	...	انقلاب اسلامی ایران کی 44ویں سالگرہ پر افتتاح
21	ہاوسا	9 فروری 2023ء	Kyautar zobe	...	انقلاب اسلامی ایران کی 44ویں سالگرہ پر افتتاح
22	تھائی	12 فروری 2023ء	อะบาอับดิลลาฮ์ (ฉายานาม)	...	انقلاب اسلامی ایران کی 44ویں سالگرہ پر افتتاح