مندرجات کا رخ کریں

مسودہ:حدیث مرسل

روابط شامل کریں
ویکی شیعہ سے

حدیث مُرسَل یا خبر مُرسَل[1] حدیث مسند[2] کے مقابلے میں ایسی حدیث یا روایت کو کہا جاتا ہے جس کا سلسلۂ سند مکمل اور متصل نہ ہو۔[3] یہ اصطلاح علم درایہ[4] اور علم حدیث[5] میں استعمال ہوتی ہے اور اسے خبر واحد[6] اور ضعیف احادیث[7] کی اقسام میں شمار کیا جاتا ہے۔ عام طور پر حدیث مرسل ایسی روایت کو کہا گیا ہے جس کے سلسلہ سند میں ایک یا چند راویوں کا نام حذف کر دئے گئے ہوں[8] یا انہیں مبہم انداز میں بیان کیا گیا ہو اور یہ حذف، سند کے آغاز، درمیان یا آخر کہیں سے بھی ہو سکتا ہے۔[9] حدیث مرسل میں بعض اوقات راویوں کا نام لئے بغیر «عن رجل» (ایک شخص سے) اور «عن بعض اصحابنا» (ہمارے بعض اصحاب سے) جیسی تعبیرات استعمال کی جاتی ہیں۔[10] بعض علماء نے حدیث مرسل کو خاص معنی میں ایسی روایت قرار دیا ہے جسے کوئی تابعی بغیر واسطہ پیغمبر اکرمؐ سے نقل کرے، جبکہ اپنے اور پیغمبر اکرمؐ کے درمیان موجود واسطوں کو ذکر نہ کرے۔[11]

روایات مرسل کے وجود میں آنے کے کئی اسباب بنان کئے گئے ہیں؛ جن میں مؤلف کا مخصوص ظر فکر اور روایت کو مختصر کرنے کے لئے سند کا حذف کرنا،[12] کاتبین اور لکھنے والوں کی غلطی سے سلسلۂ سند کا کچھ حصہ حذف ہو جانا،[13] بعض اخلاقی اور داستانی روایات میں سند ذکر کرنے کی ضرورت محسوس نہ کرنا،[14] بعض محدثین کا تمام روایات اور راویوں کو معتبر سمجھنا،[15] قلمی نسخوں میں اسناد کا کچھ حصہ ضائع ہو جانا،[16] روایات اور کتابوں کی شہرت اور سند کو دہرانے کو ضروری نہ سمجھنا[17] اور راوی یا مؤلف کا واسطوں کو ذکر کرنا بھول جانا شامل ہیں۔[18]

روایات مرسل کی صحت، اعتبار اور حجیت کے بارے میں محدثین اور علمائے حدیث کے درمیان اختلاف پایا جاتا ہے اور اس حوالے سے مختلف آراء پیش کی گئی ہیں۔[19] ان میں سے اہم ترین آراء درج ذیل ہیں:

  1. عدم حجیت: شیعہ علماء کی اکثریت،[20] جن میں محقق حلی، علامہ حلی، شہید اول، شہید ثانی[21] اور سید ابو القاسم خوئی[22] شامل ہیں، سند کے ناقص ہونے کی وجہ سے روایاتِ مرسل کو معتبر نہیں سمجھتے۔ ان علما کی اہم دلیلوں میں حذف شدہ راوی کی وثاقت کا نامعلوم ہونا، راوی کے ضعیف یا مجہول ہونے کا احتمال اور راویوں کی وثاقت کی تشخیص میں غلطی کا امکان شامل ہیں۔[23]
  2. تفصیل کے ساتھ معتبر قرار دینا: بعض فقہاء نے بعض ثقہ مشایخ کی مراسیل، مثلاً محمد بن ابی عمیر کی مراسیل کو معتبر قرار دیا ہے اور ان کے حذف کردہ راوی کو حکم کے اعتبار سے ثقہ راوی شمار کیا ہے۔[24] اسی طرح بعض علما کے نزدیک اگر کسی روایت کے ساتھ اطمینان بخش قرائن موجود ہوں یا اسے ایسے الفاظ کے ساتھ نقل کیا گیا ہو جو متعدد راویوں کی موجودگی پر دلالت کرتے ہوں تو اس پر اعتماد کیا جاسکتا ہے۔ اس کے برعکس «عن رجل» اور «عن بعض اصحابنا» جیسی تعبیرات کے ساتھ نقل ہونے والی مراسیل کو نسبتاً ضعف سمجھا جاتا ہے۔[25]
  3. حجیت مطلق: بعض علماء، مثلاً محمد بن خالد برقی اور ان کے والد،[26] تمام مرسل روایات کو حذف شدہ راویوں کی تعداد یا ان کے مقام اور مرتبے کی طرف توجہ کئے بغیر، معتبر اور حجت مانتے ہیں۔[27]
  • حدیث مرسل کی حجیت اور اقسام کے بارے میں آراء:
اقسام عنوان وضاحت
بعض مراسیل کی حجیت حذف شدہ راوی کی شناخت حذف شدہ راوی معلوم اور ثقہ ہو؛ روایت مسند کے حکم میں ہے۔[28]
شہرت کے ذریعے جبران شہرت عملی یا روائی حدیث مرسل کی کمزوری کی تلافی کر سکتی ہے؛[29] اس کے معتبر ہونے میں اختلاف ہے۔[30]
اجماع کے ذریعے جبران ضعیف روایت پر عمل کرنے میں فقہاء کا اجماعِ اس کی حجیت کا موجب سمجھا گیا ہے۔[31]
عمومی احکام سے موافقت روایت کا قرآن، سنت اور عمومی احکام سے موافق ہونا مرسل کے معتبر ہونے کے اسباب میں شمار ہوتا ہے۔[32]
مشایخ ثلاثہ بعض علماء محمد بن ابی عمیر،[33] صفوان بن یحیی[34] اور احمد بن ابی نصر بزنطی[35] کی بعض مراسیل کو معتبر سمجھتے ہیں۔
اصحاب اجماع بہت سے فقہاء نے اصحاب اجماع کی مراسیل کو معتبر قرار دیا ہے۔[36]
شیخ صدوق کی مراسیل بعض علماء نے شیخ صدوق کی مراسیل کو معتبر،[37] بعض نے غیر معتبر[38] اور ایک گروہ نے تفصیل کے ساتھ قبول کیا ہے۔[39]
شیخ طوسی کی مراسیل بعض علماء جیسے فاضل مقداد وغیرہ نے شیخ طوسی کے ثقہ راویوں سے نقل کرنے کی بنا پر ان کی مراسیل کو معتبر قرار دیا ہے۔[حوالہ درکار]
محمد بن ادریس حلی کی مراسیل بعض علماء نے ان کی مراسیل کو حجت مانا ہے اور ان کے اصل حدیثی اصولوں تک رسائی کو ان کے معتبر ہونے کی دلیل قرار دیا ہے۔[40]
ثقہ راویوں کی مراسیل بعض علماء جن میں شیخ انصاری بھی شامل ہیں، ثقہ راوی کی مرسل کو معتبر سمجھتے ہیں۔[41]
کافی کی مراسیل بعض علماء جن میں میرزائے نائینی بھی شامل ہیں، الکافی کی مرسل روایات کو معتبر اور حجت قرار دیتے ہیں۔[42]
اقسام کی شناخت ارسال جلی اور خفی سند کے کسی حصے کا آشکار یا پوشیدہ طور پر حذف ہونا۔[43]
پوری سند کا حذف روایت کی پوری سند حذف کر دی گئی ہے۔[44]
مُعلّق سند کے آغاز سے ایک یا چند راوی حذف کر دئے گئے ہیں۔[45]
مُنقطع سند کے درمیان سے ایک راوی حذف کیا گیا ہو۔[46]
مُجمَل راوی مبہم تعبیر جیسے «عن بعض اصحابنا» کے ساتھ آیا ہے۔[47]
مَرفوع سند حذف کر دی گئی ہے اور «رفعہ» یا «یرفعہ» جیسے تعبیروں کے ساتھ اس کی طرف اشارہ کیا گیا ہے۔[48]
مُعضَل سند کے درمیان سے دو یا زیادہ راوی حذف کیے گئے ہوں۔[49]
امام کے نام کو مجمل ذکر کرنا امام کا نام ذکر نہیں کیا گیا اور «الرجل» جیسی تعبیر سے امام کی طرف اشارہ کیا گیا ہے۔[50]
راوی میں تردد راوی روایت نقل کرنے والے شخص کو نہیں پہچانتا۔[51]

حوالہ جات

  1. ↑ مجددی برکتی، التعریفات الفقہیۃ، ص85۔
  2. ↑ مرعی، منتہی المقال فی الدرایہ و الرجال، ص45۔
  3. ↑ سمیعی، ترجمہ متن و شرح کامل رسائل شیخ انصاری، ج2، ص166۔
  4. ↑ مؤسسہ دائرۃالمعارف فقہ اسلامی، فرہنگ فقہ، ج3، ص269۔
  5. ↑ سجادی، فرہنگ معارف اسلامی، ج3، ص1789۔
  6. ↑ مؤسسہ دائرۃالمعارف فقہ اسلامی، فرہنگ فقہ، ج3، ص269؛ مرکز اطلاعات و مدارک اسلامی، فرہنگ نامہ اصول فقہ، ص445۔
  7. ↑ مامقانی، مقباس الہدایہ، ج1، ص167؛ طباطبایی، مسند نویسی در تاریخ حدیث، ص36۔
  8. ↑ مامقانی، مقباس الہدایہ، ج1، ص254۔
  9. ↑ مرکز اطلاعات و مدارک اسلامی، فرہنگ نامہ اصول فقہ، ص445۔
  10. ↑ محمدی، شرح اصول فقہ، ج3، ص306۔
  11. ↑ مامقانی، مقباس الہدایہ، ج1، ص255۔
  12. ↑ ربانی، بررسی اعتبار احادیث مرسل، ص263۔
  13. ↑ ربانی، بررسی اعتبار احادیث مرسل، ص265۔
  14. ↑ ربانی، بررسی اعتبار احادیث مرسل، ص266۔
  15. ↑ ربانی، بررسی اعتبار احادیث مرسل، ص266–267۔
  16. ↑ ربانی، بررسی اعتبار احادیث مرسل، ص267۔
  17. ↑ ربانی، بررسی اعتبار احادیث مرسل، ص268–270۔
  18. ↑ مؤسسہ دائرۃالمعارف فقہ اسلامی، فرہنگ فقہ، ج3، ص270۔
  19. ↑ مؤسسہ دائرۃالمعارف فقہ اسلامی، فرہنگ فقہ، ج3، ص270۔
  20. ↑ مامقانی، مقباس الہدایہ، ج1، ص256۔
  21. ↑ مامقانی، مقباس الہدایہ، ج1، ص256۔
  22. ↑ ربانی، بررسی اعتبار احادیث مرسل، ص68۔
  23. ↑ مزید معلومات کے لئے ملاحظہ کیجئے: مامقانی، مقباس الہدایہ، ج1، ص258–260؛ غوری، معجم المصطلحات الحدیثیۃ، ص694۔
  24. ↑ مزید معلومات کے لئے ملاحظہ کیجئے مامقانی، مقباس الہدایہ، ج1، ص257–258۔
  25. ↑ عاملی، نہایہ المرام، ج1، ص424۔
  26. ↑ مامقانی، مقباس الہدایہ، ج1، ص256۔
  27. ↑ مامقانی، مقباس الہدایہ، ج1، ص256۔
  28. ↑ ربانی، بررسی اعتبار احادیث مرسل، ص90–92۔
  29. ↑ ربانی، بررسی اعتبار احادیث مرسل، ص212۔
  30. ↑ ربانی، بررسی اعتبار احادیث مرسل، ص212–217۔
  31. ↑ ربانی، بررسی اعتبار احادیث مرسل، ص217–221۔
  32. ↑ ربانی، بررسی اعتبار احادیث مرسل، ص221۔
  33. ↑ نجاشی، رجال نجاشی، ص326، ابن‌بابویہ، من لایحضرہ الفقیہ، ج6، ص450۔
  34. ↑ طوسی، الفہرست، ص242
  35. ↑ نجاشی، رجال نجاشی، ص75۔
  36. ↑ ربانی، بررسی اعتبار احادیث مرسل، ص132۔
  37. ↑ مزید معلومات کے لئے ملاحظہ کیجئے: مامقانی، مقباس الہدایہ، ج1، ص266؛ سرور، المعجم الشامل للمصطلحات العلمیۃ و الدینیۃ، ج1، ص522۔
  38. ↑ ربانی، بررسی اعتبار احادیث مرسل، ص172–174۔
  39. ↑ ربانی، بررسی اعتبار احادیث مرسل، ص172–174۔
  40. ↑ ربانی، بررسی اعتبار احادیث مرسل، ص189–190۔
  41. ↑ ربانی، بررسی اعتبار احادیث مرسل، ص195۔
  42. ↑ ربانی، بررسی اعتبار احادیث مرسل، ص199–209۔
  43. ↑ مزید معلومات کے لئے ملاحظہ کیجئے: مامقانی، مقباس الہدایہ، ج1، ص273–274۔
  44. ↑ ربانی، بررسی اعتبار احادیث مرسل، ص35۔
  45. ↑ عجم، موسوعۃ مصطلحات ابن خلدون و الشریف علی محمد الجرجانی، ج2، ص156؛ مؤسسہ دائرۃالمعارف فقہ اسلامی، فرہنگ فقہ، ج3، ص274۔
  46. ↑ غوری، موسوعۃ مصطلحات ابن خلدون و الشریف علی محمد الجرجانی، ج2، ص156؛ مؤسسہ دائرۃالمعارف فقہ اسلامی، فرہنگ فقہ، ج3، ص276۔
  47. ↑ ربانی، بررسی اعتبار احادیث مرسل، ص40۔
  48. ↑ مؤسسہ دائرۃالمعارف فقہ اسلامی، فرہنگ فقہ، ج3، ص270؛ مامقانی، مقباس الہدایہ، ج1، ص171۔
  49. ↑ مؤسسہ دائرۃالمعارف فقہ اسلامی، فرہنگ فقہ، ج3، ص273؛ جلالی زادہ، مبادی و اصطلاحات اصول فقہ، ص70۔
  50. ↑ ربانی، بررسی اعتبار احادیث مرسل، ص57–59۔
  51. ↑ ربانی، بررسی اعتبار احادیث مرسل، ص59۔

مآخذ

  • ابن‌بابویہ، محمد بن علی، من لا یحضرہ الفقیہ، ترجمہ علی‌اکبر غفاری، تہران، نشر صدوق، 1409ھ۔
  • جلالی‌زادہ، جلال، مبادی و اصطلاحات اصول فقہ، تہران، نشر احسان، 1387ہجری شمسی۔
  • خوارزمی، محمد بن احمد، مفاتیح العلوم، بیروت، دارالمناہل، 1428ھ۔
  • ربانی، محمدحسن، بررسی اعتبار احادیث مرسل، قم، بوستان کتاب، 1389ہجری شمسی۔
  • سجادی، جعفر، فرہنگ معارف اسلامی، تہران، کومش، تیسری اشاعت، 1373ہجری شمسی۔
  • سرور، ابراہیم حسین، المعجم الشامل للمصطلحات العلمیۃ و الدینیۃ، بیروت، دارالہادی، 1429ھ۔
  • سمیعی، جمشید، ترجمہ متن و شرح کامل رسائل شیخ انصاری، اصفہان، چوتھی اشاعت، 1387ہجری شمسی۔
  • طباطبایی، سیدکاظم، مسند نویسی در تاریخ حدیث، قم، دفتر تبلیغات اسلامی حوزہ علمیہ قم، 1377ہجری شمسی۔
  • طوسی، محمد بن حسن، الفہرست، (طبع جدید)، قم، کتابخانہ محقق طباطبائی، 1420ھ۔
  • عاملی، محمد بن علی، نہایہ المرام، قم، دفتر انتشارات اسلامی، 1411ھ۔
  • عجم، رفیق، موسوعۃ مصطلحات ابن خلدون و الشریف علی محمد الجرجانی، بیروت، ناشرون، 2004ء۔
  • عجم، رفیق، موسوعۃ مصطلحات أصول الفقہ عند المسلمین، بیروت، مکتبۃ لبنان ناشرون، 1998ء۔
  • عجم، رفیق، موسوعۃ مصطلحات الإمام الغزالی، بیروت، مکتبۃ لبنان ناشرون، 2000ء۔
  • غوری، عبدالماجد، معجم المصطلحات الحدیثیۃ، دمشق، دار ابن کثیر، 1428ھ۔
  • کشی، محمد بن عمر، اختیار معرفۃ الرجال، مشہد، مؤسسہ نشر مشہد یونیورسٹی، 1409ھ۔
  • مامقانی، عبداللہ، مقباس الہدایہ، 1385شمسی، قم، دلیل ما، 1385ہجری شمسی۔
  • مجددی برکتی، محمد عمیم الاحسان، التعریفات الفقہیۃ، بیروت، دارالکتب العلمیۃ، دوسری اشاعت، 2009ء۔
  • محمدی، علی، شرح اصول فقہ، قم، دارالفکر، دسویں اشاعت، 1387ہجری شمسی۔
  • مرعی، حسین عبداللہ، منتہی المقال فی الدرایۃ و الرجال، بیروت، مؤسسہ العروۃ الوثقی، 1417ھ۔
  • مرکز اطلاعات و مدارک اسلامی، فرہنگ نامہ اصول فقہ، قم، اسلامی علوم و ثقافتی مرکز، 1389ہجری شمسی۔
  • مؤسسہ دائرۃالمعارف فقہ اسلامی، فرہنگ فقہ مطابق مذہب اہل‌بیت(ع)، زیرنظر: سید محمود ہاشمی شاہرودی، قم، مؤسسہ دائرۃالمعارف فقہ اسلامی، 1426ھ۔
  • نجاشی، احمد بن علی، رجال نجاشی، قم، مؤسسۃ النشر الاسلامی، 1365ہجری شمسی۔
اخذ کردہ از «https://ur.wikishia.net/w/index.php?title=مسودہ:حدیث_مرسل&oldid=202540»