ابدی عذاب

معاد

معاد
احتضار(جان کنی) . قبض روح . سکرات موت . عزرائیل . غسل میت . کفن . نماز میت . دفن
برزخ
قبر کی پہلی رات . نکیر و منکر . حیات برزخی . نفخہ صور . بدن برزخی
قیامت
اسرافیل . معاد جسمانی . نفخ صور . نامہ اعمال . صراط . میدان حشر . اصحاب یمین . اصحاب شمال
بہشت
بہشت کے دروازے. حور العین. غلمان. رضوان. بہشتی نعمتیں
جہنم
جہنم کے دروازے . جہنم کے طبقے . زقوم . اسفل سافلین . ہاویہ . جحیم
مرتبط مضامین
شفاعت . تجسم اعمال . تناسخ . رجعت . روح . باقیات صالحات

ابدی عذاب یا جہنم میں ہمیشہ رہنا اسلامی اور دیگر بہت سے الہی ادیان کا عقیدہ ہے۔ قرآن کی متعدد آیات میں «خالدین فیہا ابدا» (ہمیشہ کے لئے جہنم میں رہے گا) جیسی تعابیر کے ساتھ ابدی عذاب کی طرف اشارہ کیا گیا ہے؛ چنانچہ شیعہ حدیثی منابع میں متعدد احادیث بھی وارد ہوئی ہیں جن میں جہنم میں ہمیشہ کے لئے باقی رہنے پر تأکید کی گئی ہے۔

جہنم میں ہمیشہ کے لئے باقی رہنے کے بارے میں دانشورں کے درمیان اختلاف پایا جاتا ہے: ایک گروہ اسے خدا کی عدالت، حکمت اور رحمت بلکہ قرآن کی بعض آیات کے خلاف قرار دیتے ہوئے ابدی عذاب کے تصور کو باطل قرار دیتے ہیں اور کہتے ہیں کہ جہنمی افراد آخر کار سب کے سب وہاں سے نکل جائیں گے یا آخر میں ان کے لئے وہاں کوئی عذاب یا تکلیف نہیں ہوگی۔

ان کے مقابلے میں بعض حضرات من جملہ شیعہ ابدی عذاب کے قائل ہیں لیکن اسے صرف ان کافروں کے ساتھ مختص قرار دیتے ہیں جو خدا کے سر سخت دشمن ہیں اور جن پر ہر حوالے سے حجت تمام ہو گئی ہو۔ ان کے مطابق باقی عام گناہ گار اور کمزور عقیدہ لوگ جہنم میں ہمیشہ کے لئے باقی نہیں رہیں گے۔

شیعہ علماء اس بات کے معتقد ہیں کہ قیامت کے دن اعمال کے مجسم ہونے اور اعمال کی حقیقت ظاہر ہونے کے نظریہ کی روشنی میں ابدی عذاب کی توجیہ کی جا سکتی ہے۔ اس کے علاوہ قرآن میں تصریح کی گئی ہے کہ بعض افراد ہمیشہ کے لئے جہنم میں رہیں گے اور وہاں سے وہ کبھی بھی خارج نہیں ہو سکیں گے۔

اہمیت

موت کے بعد انسانی روح کی جاودانگی دین اسلام اور دیگر بہت سارے الہی ادیان من جملہ یہودیت اور عیسائیت کا عقید ہے۔ قرآن کریم میں کلی طور پر ان افراد کے لئے جہنم کی آگ میں ہمیشہ کے لئے رہنے کا وعدہ دیا گیا ہے: کفار، مشرکین، اور منافقین۔

ابدی عذاب کے مسئلہ میں اس اختلاف پایا جاتا ہے کہ بعض اسے ایک متفقہ مسئلہ اور دین کی ضروریات میں سے قرار دیتے ہیں جبکہ بعض اسے اس قدر غیر معقول قرار دیتے ہیں کہ کسی بھی صورت میں اسے دین کی طرف نسبت نہیں دی جا سکتی ہے۔ ابدی عذاب کے قائلین اپنے مدعا پر قرآن و حدیث سے دلائل پیش کرتے ہیں۔ کہا گیا ہے کہ قرآن میں 85 آیتوں میں خلود کے مسئلے کی طرف اشارہ کیا گیا ہے جن میں سے 34 آیتوں میں جہنم میں ابدی طور پر رہنے سے مربوط ہیں۔ سورہ نساء آیت نمبر 169، سورہ احزاب آیت نمبر 65 اور سورہ جن آیت نمبر 23 کفار، ظالموں اور خدا کے مقابلے میں گناہ اور عصیان کے مرتکب ہونے والوں کے بارے میں ہے جن میں «خالدین فیہا» کے بعد «ابداً» کی تعبیر بھی آئی ہے۔

جہنم میں ابدی عذاب میں باقی رہنے کے بارے میں بہت زیادہ احادیث نقل ہوئی ہیں۔ علامہ طباطبائی کے تعبیر میں جہنم میں ابدی عذاب کے بارے میں اہل‌ بیت سے نقل ہونے والی احادیث متفیض کی حد تک پہنچی ہوئی ہے۔ بعض احادیث میں جہنم کی آگ میں ہمیشہ باقی رہنے کو کافروں، منکروں اور مشرکوں کے ساتھ متخص جانا گیا ہے۔

ابدی عذاب کے بارے میں تین نظریے

ابدی عذاب کافروں اور اہل کبائر کے لئے ہے

مختلف اسلامی مذاہب کے اکثر متکلمین اس بات کے معتقد ہیں کہ کافر جہنم میں ہمیشہ کے لئے رہیں گے۔ فاسق اور دوسرے الفاظ میں گناہ کبیرہ کے مرتکب مؤمنین جو توبہ کے بغیر اس دنیا سے چلے گئے ہوں کے بارے میں بہت زیادہ اختلاف پایا جاتا ہے۔

خوارج اس بات کے معتقد تھے کہ گناہ کبیرہ کا مرتکب شخص کافر ہے اور ہمیشہ کے لئے جہنم میں رہے گا۔ ان کے مقابلے میں معتزلہ کا عقیدہ تھا کہ فاسق مسلمان نہ کافر ہے اور نہ مؤمن، بلکہ ان کی جگہ منزلۃٌ بینَ الْمنزلتَین یعنی بہشت اور جہنم کے درمیان میں کوئی خاص جگہ ہے؛ اگرچہ ان کی اکثریت بھی خوارج کی طرح اس بات کے معتقد تھے کہ ایسا شخص ہمیشہ کے لئے جہنم میں رہے گا۔

فقط کافروں سے مختص ہونا

جاحظ (متوفی: 255ھ) اور عبد اللہ بن حسن عنبری (دوسری صدی ہجری) اس بات کے معتقد تھے کہ ابدی عذاب کافرِ معاند کے ساتھ مختص ہے؛ لیکن وہ شخص جس نے دین حق کو پہچاننے کی کوشش کی ہو لیکن حقیقت واضح نہ ہونے کی بنا پر اسلام قبول نہ کیا ہو وہ معذور ہے اور جہنم میں اس کا عذاب آخر کار ختم ہو جاتا ہے۔

ابدی عذاب کے منکرین

ابدی عذاب کے منکرین مختلف مذاہب کے علماء کے درمیان موجود ہیں، لیکن اس سلسلے میں مخالفین ایک نظریے پر متفق نہیں ہیں۔ انجام شدہ تحقیقات کے مطابق ابدی عذاب کے منکرین کو 6 گروہوں میں تقسیم کئے جا سکتے ہیں:

1. دوزخی آخر کار جہنم سے نکل کر بہشت میں داخل ہونگے،
2. آخر میں جہنم اور اہل جہنم فنا ہونگے،
3. آخر میں جہنمیوں کو اتنی طاقت اور صبر دی جائے گی کیہ وہ جہنم کے عذاب کو فراموش کریں گے،
4. آخر میں جہنمیوں کو عذاب کے ساتھ ساتھ نعمت بھی دی جائے گی،
5. عذاب شرینی میں تبدیل ہوگا،
6. خلودِ نوعی۔

کہا گیا ہے کہ جہم بن صفوان اور ان کے بعض پیروکار جو بہشت اور جہنم کے فنا کے قائل تھے اس بنا پر خلود پر اعتقاد نہیں رکھتے تھے، کے علاوہ محیی‌ الدین ابن‌ عربی دوزخیوں کے خلود کے عمدہ ترین مخالفین میں سے تھا اور انہوں نے لکھا ہے کہ اہل جہنم اپنے برے اعمال کے مطابق عذاب تحمل کرنے کے بعد اسی جہنم میں خدا کے فضل و کرم اور رحمت سے مستفید ہونگے اور اس کے بعد جہنم کی آگ کو محسوس نہیں کریں گے۔ ملا صدرائے شیرازی بھی اپنی بعض کتابوں میں ابن‌ عربی کی طرح اس بات کے معتقد ہیں کہ آخر کار جہنم کا عذاب ختم ہو گا اور اہل جہنم اس کے بعد عذاب اور تکلیف کو محسوس نہیں کریں گے۔

امام خمینی کو بھی علماء کے اس گروہ میں شامل کیا گیا ہے جو اس بات پر اعتقاد رکھتے تھے کہ جہنمی آخر کار عذاب سے نجات پائیں گے اور شفاعت سے بہرہ مند ہونگے اور کہا جاتا ہے کہ انہوں نے اپنے اس مدعا پر خدا کی رحمت عامہ اور انسان کی الہی فطرت کے زوال‌ ناپذیر ہونے سے تمسک کیا ہے۔

شیعہ علماء کا عقیدہ

قدردان قراملکی کے مطابق شیعہ علماء خلود کے اصل مسئلے کو بالاتفاق سب قبول کرتے ہیں اور شیعہ متکلمین کے مطابق جہنم میں ابدی عذاب صرف کافروں کے ساتھ مختص ہے۔

ابدی عذاب کا کافروں کے ساتھ مختص ہونا

شیخ مفید کے مطابق شیعہ اس بات کے معتقد ہیں کہ ابدی عذاب کافروں کے ساتھ مختص ہے اور گناہ گار اگر جہنم جائے تو بھی اس میں ہمیشہ کے لئے نہیں رہے گا۔ ملا صدرا اس بات کے معتقد ہیں کہ کافروں کا جہنم میں ہمیشہ رہنے کا سبب ان کے عقیدے کا فاسد ہونا ہے؛ اس بنا پر عمل اور کردار کے حوالے سے فاسد شخص سے ابدی عذاب ختم ہونے کا احتمال پایا جاتا ہے۔

علامہ طباطبائی کے مطابق قرآن میں عذاب کے خلود اور جاودانگی پر تصریح کی گئی ہے، چنانچہ سورہ بقرہ کی آیت نمبر 76 میں تصریح کی گئی ہے جہنمی جہنم کی آگ سے کبھی بھی خارج نہیں ہونگے۔ اہل‌ بیت سے منقول بہت ساری احادیث میں بھی اس بات کو واضح طور پر بیان کیا گیا ہے؛ اس بنا پر بعض غیر شیعہ احادیث جن میں جہنم کے عذاب کے ختم ہونے کی بات کی گئی ہے قرآن کے مخالف ہونے کی بنا پر چھوڑ دئے جائیں گے۔

شیعہ علماء کا استدلال

شیعہ علماء ابدی عذاب کے عمومی نہ ہونے اور صرف معاند کافروں کے ساتھ مختص ہونے کو ثابت کرنے کے لئے قرآن کی مختلف آیات اور متعدد احادیث سے استدلال کرتے ہیں؛ من جملہ کہا گیا ہے کہ سورہ انعام آیت نمبر 28 میں «إِلَّا مَا شَاءَ اللَّہُ» کی تعبیر کے ساتھ ابدی عذاب سے کچھ لوگوں کو مستنی قرار دئے گئے ہیں لیکن چونکہ کافروں کا جنہم کی آگ سے خارج نہ ہونے پر اجماع اور اتفاق ہے اس آیت میں مورد استثنی افراد سے مراد وہ فاسقِ لوگ ہیں جو گناہ کبیرہ کے مرتکب ہوئے ہوں اگر خدا کی مشیت شامل حال رہی تو یہ لوگ ابدی عذاب سے خارج ہونگے۔ علامہ مجلسی خلود کے بارے میں نقل ہونے والی احادیث کے مجموعے سے اس نتیجے پر پہنچے ہیں کہ جن لوگوں کی عقل میں کوئی خلل موجود ہو یا جن پر حجت تمام نہ ہوئی ہو وہ جہنم کی آگ میں ہیشہ کے لئے باقی نہیں رہیں گے۔

شیعہ متکلمین کے مطابق گناہ کبیرہ کا مرتکب مؤمن اس کے ایمان کی وجہ سے دائمی ثواب کا مستحق ہے ؛ کیونکہ سورہ زلزال کی آیت نمبر 7 کے مطابق چھوٹے سے چھوٹا عمل خیر پر بھی اجر و ثواب عطا کی جائے گی جبکہ ایمان تو سب سے بڑا عمل خیر ہے، اور چونکہ ایمان کا ثواب دائمی ہے پس ایسا شخص پہلے برے اعمال اور گناہ کبیرہ کی وجہ سے عذاب میں مبتلا ہوگا اس کے بعد بہشت میں دائمی ثواب سے مستفید ہوگا۔

ابدی عذاب اور خدا کی رحمت

مسلمان علماء کا ایک گروہ جو زیادہ تر فلسفیانہ اور عرفانی تمیلات کے حامل ہیں ابدی عذاب اور جہنم میں ہمیشہ رہنے کے مخالف ہیں، اور ابدی عذاب کو خدا کی رحمت کے ساتھ ناسازگار قرار دیتے ہیں۔

ان کے مقابلے میں شیعہ مفسر اور فلسفی علامہ طباطبائی کا کہنا ہے کہ خدا کی رحمت کا مطلب رقّت قلب اور دلسوزی نہیں ہے؛ کیونکہ یہ حالات انسان کی مادی خصوصیات میں سے ہے؛ بلکہ خدا کی رحمت سے مراد کسی اضافی چیز کے عطا کرنے اور افاضہ کرنے کے ہیں جو انسان کی استعداد سے بالاتر ہو۔

ابن‌ عربی کے مطابق بعض انسانوں کی ذات اور فطرت رحمت اور شفقت سے متخلق ہے۔ اگر خدا ان کو بندگان خدا کے امور پر نگرانی اور حکومت کرنے کی اجازت دے دے تو یہ لوگ دنیا سے ہر قسم کی مصیبت اور مشکلات کو خدا کے بدوں سے دور کرنے کی کوشش کرتا۔ ایسی صورت میں وہ خدا جس نے بعض انسانوں کو ایسے کمال سے متصف کیا ہے قطعا خود اس چیز کے زیادہ سزاوار ہیں اور بندوں سے مکمل طور پر عذاب کو دور بھی کر سکتا ہے۔ خدا اپنے بندوں پر ارحم‌ الراحمین یعنی سب سے زیادہ رحم کرنے والا ہے۔

ابدی عذاب اور عدل و حکمت الہی

بعض مسلمان علماء ابدی عذاب کو عدل الہی کے ساتھ ناسازگار قرار دیتے ہوئے یہ سوال کرتے ہیں کہ یہ کیسے ہو سکتا ہے کہ ایک شخص جس نے دنیا کی مختصر زندگی میں گناہ اور نافرمانی انجام دی ہے اسے جہنم کی آگ میں ہمیشہ کے لئے جلایا جائے؟۔

بعض دیگر دانشوروں نے بھی ابدی عذاب کو حکمت خداوندی کے ساتھ منافات قرار دیتے ہوئے یہ ادعا کرتے ہیں کہ ابدی عذاب کے مستحق مخلوق کی خلقت کسی طور حکیمانہ اور معقول نہیں ہے۔

تجسم اعمال کے نظریے کے سایے میں ابدی عذاب کا بیان

بعض علماء ابدی عذاب اور عدل الہی میں سازگاری اور عدم تضاد کو صرف اور صرف تجسم اعمال کے نظریے کی رو سے امکان پذیر قرار دیتے ہیں۔ ان کے مطابق ابدی عذاب کے ساتھ عدل الہی کی ناسازگاری عذاب خداوندی کو قراردادی اور اعتباری سمجھنے کی وجہ سے وجود میں آتی ہے؛ کیونکہ قیامت اور آخرت کے عذاب کو قراردادی‌ دینا ابدی عذاب کے بارے میں بعض سوالات کے جنم لینے کا سبب بنتا ہے جن کے جواب میں ابدی عذاب کے لئے کوئی معقول ہدف اور علت بیان کرنے سے قاصر ہوتے ہیں۔ اسی بنا پر ان کے ایک گروہ نے ابدی عذاب کو بیان کرنے کے لئے تجسم اعمال کے نظریے کے ساتھ تمسک کیا ہے۔ دوسری جانب یہ اعتراض کیا گیا ہے کہ تجسم اعمال کا نظریہ بھی زیادہ سے زیادہ جہنم کی آگ میں ہمیشہ رہنے کے لئے جواز بن سکتا ہے اس کی تحقق کے لئے کوئی قطعی دلیل۔

اسی سلسلے میں علامہ طباطبائی ابدی عذاب کو حکمت متعالیہ کے فلسفیانہ اصولوں من جملہ حرکت جوہری کی روشنی میں بیان کرتے ہیں۔ آپ معتقد ہیں کہ اگر بد صورت‌ چہرے انسانی روح اور نفس کے ساتھ ایک نہ ہوئے ہوں تو انسان کا نفس ایک مدت بعد عذاب سے چھٹکارا حاصل کر سکتی ہے؛ لیکن اگر گناہ انسان کی نفس کا حصہ بن گیا ہو اور نفس انسان بغیر کسی دباؤ کے آسانی کے ساتھ گناہ انجام دے اور گناہ کے ساتھ سنخیت پیدا کر چکی ہو تو اس صورت میں وہ ابدی عذاب میں ہمیشہ کے لئے باقی رہے گی۔