رکن

شیعہ عقائد

‌خداشناسی
توحید	توحید ذاتی • توحید صفاتی • توحید افعالی • توحید عبادی • صفات ذات و صفات فعل
فروع	توسل • شفاعت • تبرک
عدل (افعال الہی)
حُسن و قُبح • بداء • امر بین الامرین
نبوت
خاتمیت • پیامبر اسلام • اعجاز • عدم تحریف قرآن
امامت
اعتقادات	عصمت • ولایت تكوینی • علم غیب • خلیفۃ اللہ • غیبت • مہدویت • انتظار فرج • ظہور • رجعت
ائمہ معصومینؑ	1.امام علیؑ 2.امام حسنؑ 3.امام حسینؑ 4.امام سجادؑ 5.امام باقرؑ 6.امام صادقؑ 7.امام کاظمؑ 8.امام رضاؑ 9.امام محمد تقیؑ 10.امام ہادیؑ 11.امام عسکریؑ 12.امام مہدیؑ
معاد
برزخ • معاد جسمانی • حشر • صراط • تطایر کتب • میزان
اہم موضوعات
اہل بیت • چودہ معصومین • تقیہ • مرجعیت

رکن کسی بھی چیز کی اساس اور بنیاد کو کہتے ہیں۔ اسلامی تعلیمات میں عبادت کے ایسے جزء کو رکن کہا جاتا ہے جس کے عمدی یا سہوی چُھوٹ جانے کی وجہ سے وہ عبادت باطل ہو جاتی ہے اور اس عبادت کو دوبارہ انجام دینا ضروری ہوتا ہے۔ نماز، حج اور عمرے کے بعض اجزا ارکان شمار ہوتے ہیں۔

رکنِ نماز

نیت، تکبیرۃ الاحرام، قیام، رکوع او دو سجدے مشہور قول کی بناپر نماز کے ارکان میں سے ہیں۔

تکبیرۃ الاحرام کے وقت اور حالت ِقیام سے رکوع میں جانے کے کے وقت کا قیام رکن نماز میں سے ہے۔

• بعض نے اختیاری حالت میں قبلہ رخ ہونے کو بھی ارکان نماز سے گنا ہے۔ بعض قدیمی فقہا سے قرآت بھی رکن نماز کے طور پر نقل ہوئی ہے۔

زیادہ یا کم ہونا

نماز میں بھول کر یا عمدی طور پر رکن کی کمی ہو جانے کی وجہ سے نماز کا باطل ہونا اتفاقی مسئلہ ہے جبکہ بعض کے نزدیک بھول کر رکن کے زائد ہونا نماز کے باطل ہونے کا سبب نہیں ہے۔

• نیت کے زائد ہونے کا تصور نہیں ہے جبکہ قیام تکبیرۃ الاحرام یا رکوع کے ساتھ رکن ہوتا ہے۔

نماز جماعت میں رکوع یا سجدے کا زائد ہونا

امام جماعت سے پہلے بھول کر رکوع یا سجدے سے سر اٹھا لینے کی صورت میں واپس لوٹنا اور امام کی پیروی کرنے کا مشہور فقہا نے فتوا دیا ہے، اس کے مقابلے میں واپس لوٹنا مستحب کا فتوا ہے نیز یہ رکوع یا سجدے کی زیادتی شمار نہیں ہوتی ہے۔ مذکورہ حکم صرف سہو سے مخصوص ہے یا عمدی صورت بھی اس میں شامل ہے۔ اس کے متعلق اختلاف فتوا موجود ہے۔

رکن کا بھول جانا

نمازی اگر رکن کو بھول جائے تو اس کا محل گزرنے سے پہلے اگر یاد آجائے تو اس کو انجام دے۔ اس کی نماز صحیح ہے۔ محل گزرنے سے مراد دوسرے رکن میں داخل نہ ہونا ہے۔ تکبیرۃ الاحرام کا محل سورہ حمد کی قرأت شروع کرنے سے پہلے ہے۔

حج اور عمرہ

نیت، احرام، طواف، عرفات میں ٹھہرنا، مشعر الحرام میں ٹھہرنا، صفا و مروہ کے درمیان سعی ارکان حج میں سے ہیں۔ نیت احرام، طواف اور سعی عمرے کے ارکان ہیں۔ تلبیہ کے رکن ہونے میں اختلاف ہے۔

عمدی طور پر رکنِ حج چھوٹ جانے سے حج باطل ہو جاتا ہے عرفات اور مشعر الحرام میں ٹھہرنا سہوی ترک ہونے کی صورت میں بھی حج باطل ہو جاتا ہے۔ اسی طرح عمرے کے کسی رکن کا ترک ہونا بھی حج کے بطلان کا سبب ہے۔ البتہ حج اور عمرے میں نیت کے رکن ہونے میں اختلاف ہے۔

• کعبے کے چاروں کونوں کو بھی رکن کہا جاتا ہے۔

مآخذ

• مختلف الشیعہ فی احکام الشریعہ، حسن بن یوسف العلامہ الحلی (م ۷۲۶ ق)، بہ کوشش مرکز الابحاث والدراسات الاسلامیہ، اول، قم، دفتر تبلیغات اسلامی، ۱۴۱۲ ق
• العروة الوثقی، سید محمد کاظم یزدی (م ۱۳۳۷ ق)، پنجم، قم، ‌دار التفسیر، اسماعیلیان، ۱۴۱۹ ق
• الوسیلہ الی نیل الفضیلہ، محمد بن علی الطوسی ابن حمزه (م ۵۶۰ ق)، بہ کوشش محمد الحسون، اول، قم، مکتبہ المرعشی النجفی، ۱۴۰۸
• المبسوط فی فقہ الامامیہ، محمد بن الحسن الطوسی (م ۴۶۰ ق)، بہ کوشش محمد باقر بہبودی، تہران، مکتبہ المرتضویہ،[بی تا]
• الروضہ البہیہ فی شرح اللمعہ الدمشقیہ، زین الدین العاملی الشہید الثانی (م ۹۶۵ ق)، تہران، انتشارات علمیہ اسلامیہ، [بی تا]
• جواہر الکلام فی شرح شرایع الاسلام، محمد حسن نجفی (م ۱۲۶۶ ق)، ہفتم، بیروت، ‌دار احیاء التراث العربی
• مستند العروة الوثقی، تقریرات آیت الله خوئی (م ۱۴۱۳ ق)، مرتضی بروجردی، قم، مدرسہ دار العلم، [بی تا]
• مستمسک العروة الوثقی، سید محسن حکیم (م ۱۳۹۰ ق)، اول، قم، مؤسسہ دار التفسیر، ۱۴۱۶ ق
• مہذب الاحکام، سید عبد الاعلی سبزواری، مؤسسپ المنار، قم
• الحدائق الناضرة فی احکام العترة الطاہره، یوسف بحرانی (م ۱۱۸۶ ق)، بہ کوشش علی آخوندی، قم، نشر اسلامی، ۱۳۶۳ ش
• کشف اللثام عن قواعد الاحکام، بہاء الدین محمد بن الحسن الاصفہانی، الفاضل الہندی، مؤسسہ النشر الاسلامی، قم، چاپ اول، ۱۴۲۴ق
• الجامع للشرائع، یحیی بن سعید الحلّی الہذلی، مؤسسہ سید الشہداء (ع) العلمیہ، ۱۴۰۵ق

بیرونی رابط

• فرہنگ فقہ مطابق مذہب اہل بیت علیہم السلام، ج۴، ص۱۲۶-۱۲۸