حکم اولی

حکم یا احکام اولیہ احکام ثانویہ کے مقابلے میں ان فقہی احکام کو کہا جاتا ہے جو مصالح اور مفاسد کی بنیاد پر صادر ہوئے ہوں اور ان کے صادر ہونے میں ذاتی مصلحت اور مفسدہ کے علاوہ کسی استثنائی حالات جیسے مجبوری، عسر و حرج، ضرر اور تقیہ وغیره کا لحاظ نہ کیا گیا ہو؛ جبکہ احکام ثانویہ انہی مذکورہ استثنائی حالات کے پیش نظر صادر ہوتے ہیں۔ مثال کے طور پر نماز کے لئے وضو کا واجب ہونا ایک ابتدائی حکم ہے جبکہ جو شخص کسی بھی وجوہات مثلا مشقت، ضرر یا وقت کی کمی کے باعث وضو نہیں کر سکتا اس پر تیمم کا واجب ہونا ثانوی احکام میں سے ہے۔

حکم اولی اور حکم ثانوی میں مختلف حوالے سے فرق پایا جاتا ہے ان میں سے ایک یہ کہ حکم اولی ہمیشہ کے لئے ہے؛ حبکہ حکم ثانوی موقتی ہے یعنی کسی خاص حالت میں واجب ہے جیسے وہ حالت ختم ہو یہ حکم بھی ختم ہوگا۔ اسی طرح دینی احکام میں اصل اور مرکزیت حکم اولی کے لئے ہے اور ثانوی حکم اس کا متبادل اور ذیلی حکم ہوا کرتا ہے۔

قرآن میں احکام اولیہ کے نمونوں میں سے ایک ماہ رمضان میں روزے کا واجب ہونا ہے؛ سورہ بقرہ آیت نمبر 185 یا حکم نماز کے لئے وضو کا واجب ہونا سورہ مائدہ آیت نمبر 6، ان موارد میں حکم اولی مابہ رمضان میں روزہ اور نماز کے لئے وضو کا واجب ہونا ہے اگر یہ نہ ہو تو احکام ثانویہ کی باری آتی ہے۔