امام رضاؑ کی مخصوص صلوات

صلوات خاصۂ امام رضا(ع)، حرم امام رضاؑ کے رواق دار الذکر اور دار الزہد کے درمیانی راستے پر منقوش

امام رضاؑ کی مخصوص صلوات ایک دعا ہے جو شیعہ ائمہ میں سے کسی ایک سے منقول ہے جسے امام رضاؑ کی زیارت کے وقت پڑھی جاتی ہے۔ اس دعا کو ابن قُولِوَیہ (وفات: 368ھ) نے کتاب کامل‌الزیارات میں لکھا ہے۔ ان کے بعد کَفْعَمی (وفات: 905ھ) نے بَلَدُ الامین، اور مِصْباح میں اسے ذکر کیا ہے، اسی طرح بحارالانوار اور مُستدرک الوسائل میں بھی اس دعا کا ذکر ملتا ہے۔

خوشنویسی صلوات خاصہ امام رضا(ع) اثر نیما الیکایی.

اللَّہُمَّ صَلِّ عَلَی عَلِی بْنِ مُوسَی الرِّضَا الْمُرْتَضَی الْإِمَامِ التَّقِی النَّقِی وَ حُجَّتِک عَلَی مَنْ فَوْقَ الْأَرْضِ وَ مَنْ تَحْتَ الثَّرَی الصِّدِّیقِ الشَّہِیدِ صَلَاۃً کثِیرَۃً نَامِیۃً زَاکیۃً مُتَوَاصِلَۃً مُتَوَاتِرَۃً مُتَرَادِفَۃً کأَفْضَلِ مَا صَلَّیتَ عَلَی أَحَدٍ مِنْ أَوْلِیائِک. ترجمہ: اے معبود علی بن موسیٰ(ع) پر رحمت نازل کر جو صاحب رضا، پسندیدہ، امام، پارسا، پاکیزہ ہیں اور تیری حجت ہیں اس پر جو زمین پر اور زیر زمین ہے وہ صاحب صدق اور شہید ہیں ان پر رحمت کر بہت زیادہ کامل پاکیزہ پے در پے لگا تار مسلسل جیسے تو نے بہترین رحمت کی ہو اپنے دوستوں میں سے کسی ایک پر۔

اس دعا کا پڑھنا ایران میں زیادہ رائج ہے۔ بہت سارے شیعہ جب امام رضاؑ کی زیارت کرنا چاہتے ہیں تو حرم کے نزدیک یا دور سے یہ دعا پڑھتے ہیں۔ اس دعا کو مختلف آرٹسٹ نے اپنی فنی اور خوشنویسی میں بھی قلم بند کیا ہے۔