اللہم العن قتلۃ امیر المومنین

اللّہمَّ العَن قَتلَۃَ اَميرِ المُومِنين (یعنی: خدا امام علی کے قاتلوں پر لعنت کرے) ایک جملہ ہے جو امام علی‌‌ؑ کی بعض زیارتی کتابوں میں استعمال ہوا ہے۔ شیخ عباس قمی نے اس جملے کو سو مرتبہ پڑھنا رمضان المبارک کی 19ویں رات کے اعمال میں ذکر کیا ہے۔

آیت اللہ خامنہ ای کے مطابق، لفظ قتلۃ کا لفظ قاتل کی جمع ہونا اس بات کی طرف اشارہ کرتی ہے کہ ابن‌ ملجم جنہوں نے حضرت علی پر تلوار سے وار کیا، اس کے علاوہ ان لوگوں کو بھی شامل ہے جو اس حادثہ کے رونما ہونے میں جن کا کردارتھا، جیسے وہ لوگ جنہوں نے امام علیؑ کو حکمیت قبول کرنے پر مجبور کیا یا جن کی کارکردگی اور تعاون سے امامؑ شہید ہوئے۔ شیعہ مفسر محسن قرائتی کا کہنا ہے کہ قتلۃ کا لفظ اس سوچ اور گروہ کی طرف اشارہ ہے جس کی نمائندگی ابن ملجم کر رہا تھا۔ ایک اور جگہ ان کا کہنا ہے کہ "قاتلۃ" کا لفظ اس لئے استعمال ہوا ہے تاکہ ان لوگوں کو بھی شامل کرے جو امام علیؑ کے قتل پر راضی تھے۔

مرزا جواد تبریزی نے ایک استفتاء کے جواب میں کہا ہے کہ اس دعا کو نماز کی قنوت اور سجدہ میں پڑھنے میں کوئی حرج نہیں ہے۔