یزید بن معاویہ

خلافت بنوامیہ

سلاطین
عنوان	مدت سلطنت
معاویہ بن ابی سفیان	41-61ھ
یزید بن معاویہ	61-64ھ
معاویہ بن یزید	64-64ھ
مروان بن حکم	64-65ھ
عبدالملک بن مروان	65-86ھ
ولید بن عبدالملک	86-96ھ
سلیمان بن عبدالملک	96-99ھ
عمر بن عبدالعزیز	99-101ھ
یزید بن عبدالملک	101-105ھ
ہشام بن عبدالملک	105-125ھ
ولید بن یزید	125-126ھ
ولید بن عبدالملک	126-126ھ
ابراہیم بن الولید	126-127ھ
مروان بن محمد	127-132ھ
مشہور وزراء اور امراء
مغیرۃ بن شعبہ ثقفی • زیاد بن ابیہ • عمرو عاص • مسلم بن عقبہ مری • عبیداللہ بن زیاد • حجاج بن یوسف ثقفی
ہم عصر شخصیات
علی بن ابی طالبؑ • حسن بن علیؑ • حسین بن علیؑ • علی بن الحسینؑ • محمد بن علی الباقرؑ • جعفر بن محمد الصادقؑ • زید بن علی • مختار بن ابی عبید ثقفی • عبد اللہ بن زبیر • مصعب بن زبیر • عبدالرحمن بن اشعث • یزید بن مہلب • خالد بن عبداللہ قسری • عبداللہ بن عمر بن عبدالعزیز • عبداللہ بن معاویہ علوی • ضحاک بن قیس شیبانی • ابوحمزہ مختار بن عوف خارجی • ابومسلم خراسانی • قحطبہ بن شبیب طایی
اہم واقعات
صلح امام حسن • واقعہ عاشورا • واقعہ حرہ • قیام مختار • قیام زید بن علی

یزید بن معاویہ خاندان بنو امیہ کا دوسرا خلیفہ ہے۔ اس کے خلاف رسول اللہ کے نواسے حضرت امام حسین ؑ نے قیام کیا جس کے نتیجے میں کربلا کا دلخراش سانحۂ رونما ہوا۔اس نے معاویہ بن ابو سفیان کے بعد تقریبا چار سال حکومت کی اور اس کے دور میں دمشق اس کی حکومت کا دارالخلافہ تھا ۔معاویہ بن ابی سفیان نے اپنے بیٹے یزید بن معاویہ کو خلیفہ نامزد کر کے خلافت کے موروثی ہونے کا بیج بویا کیونکہ اس سے پہلے کسی بھی اسلامی خلیفہ نے اپنے بعد اپنے بیٹے کو خلیفہ نامزد نہین کیا۔اس کے بعد خلافت وراثتی شکل اختیار کر گئی ۔اس کی وفات شام میں ہوئی اور اسے دمشق میں دفنایا گیا۔

نسب اور خاندان

تاریخ و رجال نگاران یزید بن معاویہ کو بنو امیہ اور قریش میں سے شمار کرتے ہوئے اس کا نسب یوں تحریر کرتے ہیں :یزید بن معاویہ بن صخر بن حرب بن أمیہ بن عبد شمس بن عبد مناف‌ اس لحاظ سے انہوں نے یزید اور بنی ہاشم کا نسب عبد مناف تک پہنچایا ہے ۔عبد مناف کے دو بیٹے ہاشم اور عبد الشمس تھے ان میں سے ہاشم کی اولاد کو بنی ہاشم اور عبد الشمس کی نسل بنی امیہ کہلاتی ہے۔اس کی والدہ کے بارے میں تاریخ زیادہ تفصیل بیان نہیں کرتی ہے ۔تاریخ میں اس کا قبیلہ بنی حارثہ مذکور ہے اور اس کانام میسون بنت بحدل لکھا گیا ھے جو بادیہ نشین خاندان سے تعلق رکھتی تھی ۔معاویہ سے طلاق لینے کے بعد وہ شام سے واپس اپنے وطن لوٹ آئی ۔

یزید کا دادا ابو سفیان اور دادی ہند بنت عتبہ فتح مکہ سے پہلے تک پیغمبر اسلامؐ کے بہت سخت دشمن تھے ۔جنگ احد میں حضرت حمزہ کا جگر کھانے کی وجہ سے ہند بنت عتبہ "ہند جگر خور" مشہور ہو گئی۔فتح مکہ کے بعد رسول اللہ نے مکہ میں موجود اپنے دشمنوں کو "طلقاء" کا نام دیا اور انہیں معاف کرنے کے ساتھ ساتھ انہیں آزاد کر دیا ۔ لفظ طلیق طلقاء کا مفرد ہے اور ایسے قیدیوں کیلئے بولا جاتا ہے جو سزا کے مستحق ہوں لیکن انہیں آزاد کر دیا جائے ۔یہ لفظ کنایہ کے عنوان سے انکے لئے باقی رہ گیا ۔بعض روایات کے مطابق حضرت علی نے صراحت کی ہے کہ معاویہ اور اسکا والد کبھی بھی ایمان نہیں لے کر آئے اور انہوں نے مجبوری کی بنا پر اسلام کا اظہار کیا تھا ۔اسی طرح حضرت علی نے اپنے ایک خط میں معاویہ کو ان طلقاء میں سے شمار کیا ہے ہے جن کیلئے خلافت مناسب نہیں ہے ۔

زندگی

ماخذوں کے مطابق یزید کی ماں میسون بنت بحدل عرب کے بَدؤوں سے تھی اور جب معاویہ نے اس سے نکاح کیا اور اسے شام لے آیا تو وہ وطن سے دوری برداشت نہ کر سکی لہذا معاویہ نے اسے طلاق دے دی اور وہ اپنے وطن واپس آگئ ۔تاریخ نے احتمال دیتے ہوئے کہا ہے کہ وہ اسوقت وہ حاملہ تھی یا یزید اس وقت شیر خواری کی عمر میں تھا ۔یزید نے اپنا بچپنا حُوَّارین کے قبائل میں سے میسون نامی قبیلے میں گزارا جس کے افراد اسلام سے پہلے مسیحیت اور بت پرست تھے ،اہل فصاحت اور شاعر تھے۔ ان کی رہائش کا علاقہ شام میں حمص کا منطقہ تھا۔بعض محققین معتقد ہیں کہ عیسائیت کو چھوڑ کر نئے مسلمان ہونے والوں کے ہاں پرورش پانے کی وجہ سے یزید کی شخصیت مسیحیت کی تعلیمات سے متاثر تھی ۔خلافت پر برا جمان ہونے کے بعد عیسائیوں کی حمایت،انکے شعرا کا اسکے دربار میں وجود اور مغربی دنیا سے اسکے تعلقات ایسے شواہد ہیں جو اس کی شخصیت پر عیسائیت کے مؤثر ہونے کے مؤید ہیں.

یزید تین سال اور آٹھ ماہ حکومت کرنے کے بعد چودہ (14)ربیع الاول چھیالیس ویں ہجری قمری میں اس دنیا سے چلا گیااور اسے حُوَّارین میں دفنایا گیا ۔فوتگی کے وقت اس کی عمر 38 سال تھی۔ اس کی فوتگی کا سبب بیان کرتے ہوئے کہتے ہیں کہ ایک دن اس نے اپنے بندر کو وحشی گدھے پر سوار کیا تو وہ سرپٹ دوڑا ۔ یزید نشے کی حالت میں تھا اس نے بھی اپنی سواری کو دوڑانا شروع کیا تو اس دوران وہ گھوڑے سے نیچے گرا اور اسکی گردن ٹوٹ گئی.

کردار

اکثر تاریخی ماخذوں نے اسے ایک فاسق اور ہوس پرست شخص کے طور پر پیش کیا ہے ۔بلاذری اسے ایسا پہلا خلافت اسلامی کا حاکم کہتا ہے جو سر عام شراب خواری جیسے گناہ کرتا تھا ۔مسعودی نے ابو مخنف سے نقل کیا ہے کہ یزید کے دور حکومت میں مکے اور مدینے میں اس کے کارندوں کے ذریعے سر عام فسق و فجور اور شرابخوری رواج پا شکے تھے ۔ یزید کی لہو و لعب اور اخلاقیات اسلامی کے اصول کے پابند نہ ہونے کی شہرت اس قدر زبان زد عام تھی کہ حضرت امام حسین ؑ سمیت بعض مشہور اصحاب پیغمبر نے اس کے فسق اور سر عام گناہ کرنے کی تصریح کی ہے ۔یہی وجہ تھی کہ حضرت امام حسن کی شہادت کے بعد جب معاویہ نے یزید کیلئے بیعت پر اسرار کرنا شروع کیا تو اسے مشکلات کا سامنا کرنا پڑا اور حضرت امام حسین ،عبد اللہ بن عمر اور عبد اللہ بن زبیر جیسے اصحاب نے بیعت کرنے سے انکار کیا یزید کے متعلق عبد اللہ بن عمر سے منقول ہے :میں اسکی بیعت کروں جو بندروں اور کتوں سے کھیلتا ہے ، شراب پیتا ہے اور کھلم کھلا فسق کرتا ہے؟ خدا کے نزدیک ہمارا کیا عذر ہے؟

تاریخی مستندات کے مطابق 52 ہجری میں معاویہ اپنے سپاہیوں کے ہمراہ روم کی طرف گیا جن میں کچھ اصحاب نبی بھی شامل تھے ۔راستے میں اپنی بیوی "ام کلثوم" کے ہمراہ ایک جگہ قیام کے دوران وہ عیاشی اور شرابخوری میں مشغول ہو گیا ۔اس کے سپاہ اس سے پہلے آگے جا چکے تھے۔ وہ ایک وبا میں مبتلا ہوئے اور اس وجہ سے ان کا کافی نقصان ہوا ۔ اس بات کی خبر جب یزید کو پہنچی تو اس نے ایک شعر پڑھا جس کا مفہوم یہ تھا کہ مسلمانوں کے وبا سے مرنے کا مجھے کوئی خوف نہیں ہے ۔اس بات کی خبر جب معاویہ کو پہنچی تو وہ ناراحت ہوا اور اس نے یزید کو فوجی چھاونی بھیجنے کا حکم دیا ۔معاویہ کا لشکر کسی کامیابی کے بغیر شام واپس آگیا ۔

حکومت اور سیاست

یزید کا دور حکومت سیاسی لحاظ سے بہت ہی زیادہ پر آشوب دور رہا ہے ۔تین سال اور کچھ مہینوں کی حکومت کا زیادہ تر وقت داخلی حکومت مخالف قیاموں کی سرکوبی اور اسلامی ممالک میں حالات کو معمول پر لانے میں صرف ہوا۔ اس نے اپنی حکومت میں ہر مخالفت کو بڑی سختی سے دبایا۔حکومت میں اندرونی دگرگونی اور انتشاراس حد تک پہنچ گیا تھا کہ مسعودی اس کے متعلق لکھتا ہے :یزید کی سیرت وہی فرعون کی سیرت تھی بلکہ عام و خاص میں فرعون اپنی رعایا میں انصاف کرنے اور عدل کرنے کے لحاظ سے اس کی نسبت عادل تر اور منصف تر تھا۔ اس اپنی حکومت کے پہلے سال حضرت امام حسین ؑ اور پیغمبر کی اہل بیت کو قتل کیا. دوسرے سال میں رسول خدا کی حرمت (مدینے) کو پامال کیااور تین دن تک اپنے سپاہیوں کیلئے اسے حلال قرار دیا ۔اور تیسرے سال کعبہ کو مورد تاخت و تاز قرار دیا ۔اس معمولی سی مدت میں یزید کے اقدامات اور اعمال مستقبل میں خلفائے بنی امیہ کے خلاف مخالفتوں ،جنگوں اور قیاموں کا پیش خیمہ بنے اور انہوں نے اموی حکومت کے خاتمے کے اسباب فراہم کئے

واقعۂ کربلا

اصلی مقالہ: کربلا

یزید بن معاویہ کے بدترین اور سیاہ ترین واقعات میں سے واقعۂ کربلا ہے ۔کہتے ہیں کہ اسلام میں اس سے زیادہ غم انگزین واقعہ نہیں گزرا ہے ۔ ہجرت کے 60 ویں سال کوفے کے لوگوں کی دعوت پر حضرت امام حسین ؑ اپنے اہل بیت اور اصحاب کے ہمراہ عراق کی طرف روانہ پوئے لیکن کوفیوں نے یزیدی حکومت کے دباؤ کی وجہ سے اپنی کی ہوئی بیعت کو توڑدیا اور انہوں نے امام کو چند ساتھیوں کے ہمراہ تنہا چھوڑ دیا ۔ امام حسین ؑ حکومت یزید کے سپاہیوں اور اس کے مقرر کردہ والی عبید اللہ بن زیاد کے دستور سے امام اور ان کے اصحاب کو شہید کر دیا ۔شہدائے کربلا کے سروں کو کوفہ اور شام میں ان کی نمائش کی اور اہل بیت پیغمبر کو اسیر کیا ۔ اس واقعے کی تفصیلات قدیمی اور موجودہ تاریخی کتب میں مذکور ہے ۔

واقعۂ حرہ

یزید کے تخت نشین ہونے کے بعد حجاز کے لوگوں کی ناراضگی میں روز بروز اضافہ ہونے لگا۔ اس ناراضگی کے اسباب میں سے ایک سبب مکے اور مدینے کی توجہ نہ دینا تھا۔اس صورتحال نے آہستہ آہستہ بحرانی صورت اختیار کر لی ۔بالآخر والئے مدینہ عثمان بن محمد بن ابی سفیان نے مدینے کے بزرگوں کی جماعت مناسک حج ادا کرنے کے بعد شام روانہ کیا کہ ہو سکتا ہے یزید جب انہیں انعام و کرام سے نوازے گا تو ممکن ہے اس طرح مدینے کی فضا یزید کے حق میں بہتر ہو جائے ۔عبدالله بن حنظلہ غسیل الملائکه و اس کے بیٹے و نیز عبدالله بن عمرو و منذر بن زبیر بھی اس جماعت کے ہمراہ تھے ۔ اس جماعت کو دمشق پہنچنے پر بہت سے انعام وکرام سے نوازا گیا لیکن ملاقات کے وقت حسب عادت یزید شرابخوری کے عالم میں تھا اور اس نے ان کے سامنے لہو لعب افعال انجام دئے جس کی وجہ سے وہ لوگ بہت ناراض ہوئے اور جب وہ مدینے واپس پہنچے تو وہ مدینے کے لوگوں کے سامنے کھل کر یزید کے عیوب بیان کرتے اور اسے دشنام دیتے ۔ مدینے کی فضا مکدر ہوجانے کے بعد یزید نے مدینے کے لوگوں کو ایک بہت سخت لہجے میں نامہ لکھا ۔ اس نامے نے جلتی پر تیل کا کام کیا اور اہل مدینہ نے اس کے خلاف اعلان جنگ کر دیا۔ جسے روکنے کیلئے یزیدنے مسلم بن عقبہ کی سرکردگی میں 12000 ہزار افراد پر مشتمل لشکر مدینہ روانہ کیا ۔اس لشکر نے اہل مدینہ کو تین دن کی مہلت دی کہ وہ دوبارہ یزید کی بیعت کریں ۔ لیکن اہل مدینہ نے اسے قبول نہیں کیا ۔جنگ شروع ہوئی جس کے نتیجے میں ہزاروں افراد قتل ہوئے اورلشکر کیلئے اہل مدینہ کی عزت و ناموس تک کو تین دن کیلئے حلال قرار دیا گیا ۔ یہ واقعہ ہجرت کے 63 ویں سال میں رونما ہوا ۔

مکہ کا قیام

قیام مدینہ کے ساتھ ہی اہل مکہ نے بھی عبد اللہ بن زبیر کی سربراہی میں قیام کیا اور انہوں نے شہر مکہ کو اپنے کنٹرول میں لیا۔واقعۂ حرہ اور مدینے کو لوگوں کے کشت و کشتار کے بعدحصین بن نمیر سکونی کی سربراہی میں سپاہ شام نے اہل مکہ سے جنگ کا قصد کیا۔لشکر نے مکے کا محاصرہ کیا ۔طویل محاصرے کے بعد انہوں نے منجنیقوں سے مکہ پر پتھر برسائے جس کے نتیجے میں خانۂ خدا کو نقصان پہنچا اور کعبہ کو آگ لگائی گئی۔جب تک یزید کے مرگ کی خبر لشکر شام تک نہیں پہنچی جنگ جاری رہی۔

کفر ، فسق اور لعن میں اختلاف

ﺍﺑﻦ ﺣﺠﺮ ﮨﯿﺜﻤﯽ ﻣﮑﯽ ﺍﭘﻨﯽ ﮐﺘﺎﺏ« ﺍﻟﺼﻮﺍﻋﻖ ﺍﻟﻤﺤﺮﻗﺔ » ﻣﯿﮟ ﻟﮑﮭﺘﺎ ﮨﮯ :

1 ) ﺍﮨﻞ ﺳﻨﺖ ﻣﯿﮟ ﺳﮯ ﺍﯾﮏ ﮔﺮﻭﮦ ﺍﺱ ﻧﻈﺮﯾﮯ ﮐﺎﻗﺎﺋﻞ ﮬﮯ ﮐﮧ ﯾﺰﯾﺪ ﮐﺎﻓﺮ ﺗﮭﺎ ﺍﺱ ﮐﯽ ﺩﻟﯿﻞ ﻣﯿﮟ ﻭﮦ ﺍﺑﻦ ﺟﻮﺯﯼ ﮐﯽ ﺑﺎﺕ ﻧﻘﻞ ﮐﺮﺗﺎ ﮨﮯ ﮐﮧ ﺟﺐ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﺎ ﺳﺮ ﻣﺒﺎﺭﮎ ﺷﺎﻡ ﻣﯿﮟ ﻻﯾﺎ ﮔﯿﺎ ﺗﻮ ﯾﺰﯾﺪ ﻧﮯ ﻟﻮﮔﻮﮞ ﮐﻮ ﺟﻤﻊ ﮐﺮ ﮐﮯ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﮯ ﺳﺮ ﻭ ﺩﺍﻧﺘﻮﮞ ﭘﺮ ﺍﯾﮏ چھڑی ﮐﮯ ﺳﺎﺗﮫ ﺿﺮﺑﯿﮟ ﻟﮕﺎ ﺭﮬﺎ ﺗﮭﺎ ﺍﻭﺭ ﯾﮧ ﺷﻌﺮ ﭘﮍﮦ ﺭﮨﺎ ﺗﮭﺎ

ﻟﻴﺖ ﺍﺷﻴﺎﺧﻰ ﺑﺒﺪﺭ ﺷﻬﺪﻭﺍ *** ﺟﺰﻉ ﺍﻟﺨﺰﺭﺝ ﻣﻦ ﻭﻗﻊ ﺍﻷﺳﻞ ﻷﻫﻠﻮﺍ ﻭ ﺍﺳﺘﻬﻠﻮﺍ ﻓﺮﺣﺎً *** ﺛﻢ ﻗﺎﻟﻮﺍ ﻳﺎ ﻳﺰﻳﺪ ﻻ ﺗﺸﻞ ... ﻟﻌﺒﺖ ﻫﺎﺷﻢ ﺑﺎﻟﻤﻠﻚ ﻓﻼ *** ﺧﺒﺮ ﺟﺎﺀ ﻭﻻ ﻭﺣﻰ ﻧﺰﻝ

ﺍﺑﻦ ﺟﻮﺯﻯ ﺣﻨﺒﻠﯽ ﮐﮩﺘﺎ ﮨﮯ : «ﻟﻴﺲ ﺍﻟﻌﺠﺐ ﻣﻦ ﻗﺘﺎﻝ ﺍﺑﻦ ﺯﻳﺎﺩ ﻟﻠﺤﺴﻴﻦ ﻭ ﺍﻧﻤﺎ ﺍﻟﻌﺠﺐ ﻣﻦ ﺧﺬﻻﻥ ﻳﺰﻳﺪ ﻭ ﺿﺮﺑﻪ ﺑﺎﻟﻘﻀﻴﺐ ﺛﻨﺎﻳﺎ ﺍﻟﺤﺴﻴﻦ ﻭ ﺣﻤﻠﻪ ﺁﻝ ﺭﺳﻮﻝ ﺍﻟﻠﻪ ﺳﺒﺎﻳﺎ ﻋﻠﻰ ﺍﻗﺘﺎﺏ ﺍﻟﺠﻤﺎﻝ ﻭ ﻟﻮ ﻟﻢ ﻳﻜﻦ ﻓﻰ ﻗﻠﺒﻪ ﺍﺣﻘﺎﺩ ﺟﺎﻫﻠﻴﺔ ﺍﺿﻐﺎﻥ ﺑﺪﺭﻳﺔ ﻻﺣﺘﺮﻡ ﺍﻟﺮﺃﺱ ﻟﻤﺎ ﻭﺻﻞ ﺍﻟﻴﻪ ﻭ ﻛﻔﻨﻪ ﻭ ﺩﻓﻨﻪ ﻭﺃﺣﺴﻦ ﺍﻟﻰ ﺁﻝ ﺭﺳﻮﻝ ﺍﻟﻠﻪ ( ﺻﻠﻰ ﺍﻟﻠﻪ ﻋﻠﻴﻪ ﻭﺁﻟﻪ«( ؛ [ 1 ] ﺍﺑﻦ ﺯﯾﺎﺩ ﮐﯽ ﺍﻣﺎﻡ ﺣﺴﻴﻦ ﺑﻦ ﻋﻠﻰ (ﻋﻠﻴﻪ ﺍﻟﺴﻼﻡ ) ﮐﮯ ﺳﺎﺗﮫ ﺟﻨﮓ ﮐﺮﻧﺎ ﺍﺗﻨﯽ ﺗﻌﺠﺐ ﺁﻭﺭ ﻧﮩﯿﮟ ﺑﻠﻜﻪ ﺗﻌﺠﺐ ﯾﺰﯾﺪ ﮐﯽ ﺧﻮﺍﺭﯼ ﻭ ﺧﺬﻻﻥ ﭘﺮ ﮨﮯ ﮐﮧ ﻭﮦ ﺍﯾﮏ ﻟﮑﮍﯼ ﮐﮯ ﺳﺎﺗﮫ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﮯ ﺩﺍﻧﺘﻮﮞ ﮐﻮ ﻣﺎﺭ ﺭﮨﺎ ﺗﮭﺎ ﺍﻭﺭ ﺍﮨﻞ ﺑﯿﺖ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧ ﮐﻮ ﺍﻭﻧﭩﻮﮞ ﭘﺮ ﺳﻮﺍﺭ ﮐﺮﺍ ﮐﮯ ﻗﯿﺪﯼ ﺑﻨﺎﻧﮯ ﭘﺮ ﮨﮯ ۔ ﺍﮔﺮ ﯾﺰﯾﺪ ﮐﯽ ﺩﻝ ﻣﯿﮟ ﻭﮨﯽ ﺟﺎﮬﻠﯿﺖ ﺍﻭﺭ ﺟﻨﮓ ﺑﺪﺭ ﮐﺎ ﮐﯿﻨﮧ نہ ﮨﻮﺗﺎ ﺗﻮ ﻭﮦ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ کے ﺳﺮ ﻣﺒﺎﺭﮎ ﮐﯽ ﺗﻌﻈﯿﻢ ﮐﺮﺗﺎ ﺍﻭﺭ ﺍﺳﮑﻮ ﮐﻔﻦ ﻭ ﺩﻓﻦ ﮐﺮﺍﺗﺎ ﺍﻭﺭ ﺍٓﻝ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧ ﮐﮯ ﺳﺎﺗﮫ ﺍﭼﮭﮯ ﻃﺮﯾﻘﮯ ﺳﮯ ﭘﯿﺶ ﺍٓﺗﺎ۔ 2 ) ﺩﻭﺳﺮﺍ ﮔﺮﻭﮦ ﺍﺱ ﻧﻈﺮﯾﮯ ﮐﺎ ﻗﺎﺋﻞ ﮨﮯ ﮐﮧ ﯾﺰﯾﺪ ﮐﺎﻓﺮ ﻧﮩﯿﮟ ﮐﯿﻮﻧﮑﮧ ﺟﺐ ﯾﺰﯾﺪ ﮐﮯ ﺳﺎﻣﻨﮯ ﺷﺎﻡ ﻣﯿﮟ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﺎ ﺳﺮ ﻣﺒﺎﺭﮎ ﺍٓﯾﺎ ﺗﻮ ﻭﮦ ﺳﺮ ﺳﮯ ﺍﺳﻄﺮﺡ ﮔﻮﯾﺎ ﮨﻮﺍ : «ﺭﺣﻤﻚ ﺍﻟﻠﻪ ﻳﺎ ﺣﺴﻴﻦ ﻟﻘﺪ ﻗﺘﻠﻚ ﺭﺟﻞ ﻟﻢ ﻳﻌﺮﻑ ﺣﻖ ﺍﻻﺭﺣﺎﻡ ﻭ ﻗﺎﻝ ﻗﺪ ﺯﺭﻉ ﻟﻰ ﺍﻟﻌﺪﺍﻭﺓ ﻓﻰ ﻗﻠﺐ ﺍﻟﺒﺮ ﻭ ﺍﻟﻔﺎﺟﺮ » ؛ ﺍﻟﻠﮧ ﺗﻢ ﭘﺮ ﺭﺣﻤﺖ ﮐﺮﮮ ﺍﯼ ﺣﺴﯿﻦ ﺗﻢ ﮐﻮ ﺍﺱ ﺷﺨﺺ ﻧﮯ ﻣﺎﺭﺍ ﮬﮯ ﮐﮧ ﺟﺴﮑﻮ ﺍﺭﺣﺎﻡ ﻭ ( ﺍٓﭖ ) ﮐﯽ ﻗﻮﻡ ﮐﺎ ﭘﺘﺎ ﮨﯽ ﻧﮭﯿﮟ ﺗﮭﺎ ﺍﻭﺭ ﺗﻢ ﮐﻮ ﻗﺘﻞ ﮐﺮ ﮐﮯ ﺍﺱ ﻧﮯ ﻣﯿﺮﮮ ﺧﻼﻑ ﮨﺮ ﻣﻮﻣﻦ ﻭ ﻓﺎﺟﺮ ﺍٓﺩﻣﯽ ﮐﯽ ﺩﻝ ﻣﯿﮟ ﻋﺪﺍﻭﺕ ﮈﺍﻝ ﺩﯼ ۔ [ 2 ] ﺝ ) ﺗﯿﺴﺮﺍ ﮔﺮﻭﮦ ﺍﺳﮑﯽ ﺗﮑﻔﯿﺮ ﻭ ﻋﺪﻣﮧ ﻣﯿﮟ ﺗﻮﻗﻒ ﮐﺎ ﻗﺎﺋﻞ ﮨﮯ . ﺍﺑﻦ ﺟﻮﺯﻯ ﺣﻨﺒﻠﯽ ﺍﭘﻨﯽ ﮐﺘﺎﺏ «ﺍﻟﺮﺩ ﻋﻠﻰ ﺍﻟﻤﺘﻌﺼﺐ ﺍﻟﻌﻨﻴﺪ ﺍﻟﻤﺎﻧﻊ ﻣﻦ ﺫﻡ ﺍﻟﻴﺰﻳﺪ» ﻣﯿﮟ ﻟﮑﮭﺘﺎ ﮨﮯ ﮐﮧ : « ﺳﻮﺍﻝ ﮐﺮﻧﮯ ﻭﺍﻟﮯ ﻧﮯ ﻣﺠﮫ ﺳﮯ ﺳﻮﺍﻝ ﮐﯿﺎ ﮨﮯ ﮐﮧ ﮐﯿﺎ ﯾﺰﯾﺪ ﭘﺮ ﺍﺳﮑﯽ ﮐﺮﺑﻼﺀ ﮐﯽ ﺟﻨﺎﯾﺖ ﮐﯽ ﻭﺟﮧ ﺳﮯ ﻟﻌﻨﺖ ﮐﺮﻧﺎ ﺟﺎﺋﺰ ﮨﮯ ﯾﺎ ﻧﮩﯿﮟ ؟ ﺗﻮ ﻣﯿﮟ ﻧﮯ ﺍﺳﮯ ﮐﮭﺎ ﮐﮧ : ﻋﻠﻤﺎﺀ ﭘﺮﮨﯿﺰﮔﺎﺭ ﺟﯿﺴﮯ ﺍﻣﺎﻡ ﺍﺣﻤﺪ ﺑﻦ ﺣﻨﺒﻞ ﻧﮯ ﺍﺳﮑﮯ ﺍﻭﭘﺮ ﻟﻌﻨﺖ ﮐﺮﻧﮯ ﮐﻮ ﺟﺎﺋﺰ ﻗﺮﺍﺭ ﺩﯾﺎ ﮨﮯ » . ﺍﺳﯽ ﺑﺎﺕ ﮐﮯ ﺣﺎﺷﯿﮧ ﻣﯿﮟ ﺷﻴﺦ ﻣﺤﻤﺪ ﻣﺤﻤﻮﺩﻯ ﻓﺮﻣﺎﺗﮯ ﮨﯿﮟ : « ﺷﻴﺦ ﻋﺒﺪﺍﻟﻜﺮﻳﻢ ﺻﺎﺣﺐ ﮐﺘﺎﺏ « ﻣﺠﻤﻊ ﺍﻟﻔﻮﺍﺋﺪ ﻭ ﻣﻌﺪﻥ ﺍﻟﻔﺮﺍﺋﺪ» ﻣﯿﮟ ﻟﮑﮭﺘﮯ ﮨﯿﮟ ﮐﮧ ﻭﮦ ﻓﺮﻣﺎﺗﮯ ﺗﮭﮯ ﮐﮧ : ﻣﯿﮟ ﻧﮯ ﺍﺱ ﮐﺘﺎﺏ ( ﺍﺑﻦ ﺟﻮﺯﯼ ﻭﺍﻟﯽ ﮐﺘﺎﺏ ) ﮐﻮ ﺣﺮﻡ ﻧﺒﻮﯼ ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧ ﮐﮯ ﮐﺘﺎﺑﺨﺎﻧﮧ ﻣﯿﮟ 1384 ﮦ ۔ ﻕ ﻣﯿﮟ ﺩﯾﮑﮭﺎ . ﻭﮨﺎﮞ ﻟﮑﮭﺎ ﺗﮭﺎ ﮐﮧ ﻣﺴﻠﻤﺎﻧﻮﮞ ﮐﺎ ﺍﺟﻤﺎﻉ ﮨﮯ ﮐﮧ ﺟﻨﺎﺏ ﺯﮨﺮﺍﺀ ﺳﻼﻡ ﺍﻟﻠﮧ ﻋﻠﮩﺎ ﮐﯽ ﺍﻭﻻﺩ ﺭﺳﻮﻝ ﺧﺪﺍ ﺻﻠﯽ ﺍﻟﻠﮧ ﻋﻠﯿﮧ ﻭﺍٓﻟﮧ ﮐﯽ ﺫﺭﯾﺖ ﻣﯿﮟ ﺳﮯ ﮨﯿﮟ ﺍﻭﺭ ﺿﺮﻭﺭﯼ ﮨﮯ ﮐﮧ ﺍﻥ ﭘﺮ ﺩﺭﻭﺩ ﻭ ﺳﻼﻡ ﺑﮭﯿﺠﺎ ﺟﺎﺋﮯ ۔ﺍﺳﮑﮯ ﺑﻌﺪ ﻭﮦ ﻋﻠﻰ ﻭ ﻓﺎﻃﻤﻪ ﻭ ﺣﺴﻦ ﻭ ﺣﺴﻴﻦ ( ﻋﻠﻴﻬﻢ ﺍﻟﺴﻼﻡ ) ﮐﮯ ﻓﻀﺎﺋﻞ ﻣﯿﮟ ﺭﻭﺍﯾﺎﺕ ﻧﻘﻞ ﮐﺮﺗﺎ ﮨﮯ ﺍﻭﺭ ﺍﺳﮑﮯ ﺑﻌﺪ ﮐﮭﺘﺎ ﮨﮯ ﮐﮧ ﯾﺰﯾﺪ ﻟﻌﯿﻦ ﺍﻭﺭ ﺍﺳﮑﮯ ﻣﺎﻧﻨﮯ ﻭﺍﻟﻮﮞ ﻧﮯ ﺍﮨﻠﺒﯿﺖ ﻋﻠﯿﮩﻢ ﺍﻟﺴﻼﻡ ﮐﯽ ﺍﮨﺎﻧﺖ ﮐﯽ ﺍﺳﯽ ﻭﺟﮧ ﺳﮯ ﻭﮦ ﺩﺷﻤﻨﯽ ﺍﻭﺭ ﻟﻌﻨﺖ ﮐﮯ ﺣﻘﺪﺍﺭ ﮨﯿﮟ ﺍﻭﺭ ﺟﺴﮑﻮ ﺑﮭﯽ ﯾﺰﯾﺪ ﮐﮯ ﺍﻭﭘﺮ ﻟﻌﻨﺖ ﮐﺮﻧﮯ ﮐﮯ ﺟﻮﺍﺯ ﮐﮯ ﺍﻭﭘﺮ ﺩﻻﺋﻞ ﭼﺎﮨﺌﯿﮟ ﻭﮦ ﺍﺱ ﮐﺘﺎﺏ ﮐﯽ ﻃﺮﻑ ﺭﺟﻮﻉ ﮐﺮﮮ۔ » . ﺑﻌﺪ ﻣﯿﮟ ﻭﮦ ﻟﮑﮭﺘﺎ ﮨﮯ ﮐﮧ : «ﮐﭽﮫ ﺍﻓﺮﺍﺩ ﯾﺰﯾﺪ ﮐﮯ ﺍﻭﭘﺮ ﻟﻌﻨﺖ ﮐﺮﻧﮯ ﮐﻮ ﺍﺱ ﺧﻮﻑ ﮐﯽ ﻭﺟﮧ ﺳﮯ ﺟﺎﺋﺰ ﻗﺮﺍﺭ ﻧﮩﯿﮟ ﺩﯾﺘﮯ ﮐﮧ ﻛﻪ ﮐﮩﯿﮟ ﯾﮧ ﻟﻌﻨﺖ ﯾﺰﯾﺪ ﺳﮯ ﺍﺳﮑﮯ ﺑﺎﭖ ( ﻣﻌﺎﻭﯾﮧ ) ﮐﯽ ﻃﺮﻑ ﺳﺮﺍﯾﺖ ﻧﺎ ﮐﺮ ﺟﺎﺋﮯ » . [ 3 ] ﯾﮧ ﺑﺎﺕ ﺗﻔﺘﺎﺯﺍﻧﯽ ﮐﯽ ﮐﺘﺎﺏ « ﺷﺮﺡ ﺍﻟﻤﻘﺎﺻﺪ » ﻣﯿﮟ ﺑﮭﯽ ﺫﮐﺮ ﮨﻮﺋﯽ ﮨﮯ . [ 4 ] ﺍﺑﻦ ﺣﺠﺮ ﻟﮑﮭﺘﺎ ﮨﮯ ﮐﮧ : « ﻗﺎﺿﻰ ﺍﺑﻮﻳﻌﻠﻰ ﮐﯽ ﺍﯾﮏ ﮐﺘﺎﺏ ﮨﮯ ﮐﮧ ﺟﺲ ﻣﯿﮟ ﺍﺱ ﻧﮯ ﺍﻥ ﻟﻮﮔﻮﮞ ﮐﺎ ﻧﺎﻡ ﺫﮐﺮ ﮐﯿﺎ ﮨﮯ ﺟﻮ ﻟﻌﻨﺖ ﮐﮯ ﻣﺴﺘﺤﻖ ﮨﯿﮟ ﺍﺱ ﻣﯿﮟ ﺍﻧﮩﻮﮞ ﻧﮯ ﯾﺰﯾﺪ ﮐﺎ ﻧﺎﻡ ﺑﮭﯽ ﺩﺭﺝ ﮐﯿﺎ ﮨﮯ ﺍﻭﺭ ﺩﻟﯿﻞ ﻣﯿﮟ ﺭﺳﻮﻝ ﺧﺪﺍ ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧ ﺳﮯ ﺭﻭﺍﯾﺖ ﻧﻘﻞ ﮐﺮﺗﮯ ﮨﯿﮟ ﮐﮧ ﺭﺳﻮﻝ ﺧﺪﺍ ﻧﮯ ﻓﺮﻣﺎﯾﺎ :« ﻣﻦ ﺍﺧﺎﻑ ﺍﻫﻞ ﺍﻟﻤﺪﻳﻨﺔ ﻇﻠﻤﺎً ﺃﺧﺎﻓﻪ ﺍﻟﻠﻪ ﻭ ﻋﻠﻴﻪ ﻟﻌﻨﺔ ﺍﻟﻠﻪ ﻭ ﺍﻟﻤﻼﺋﻜﺔ ﻭﺍﻟﻨﺎﺱ ﺍﺟﻤﻌﻴﻦ؛ ﺟﺲ ﻧﮯ ﺑﮭﯽ ﻣﺪﯾﻨﮯ ﮐﮯ ﻟﻮﮔﻮﮞ ﮐﻮ ﮈﺭﺍﯾﺎ ﺍﺳﮑﻮ ﺧﺪﺍ ﺟﻠﺪ ﮨﯽ ( ﺍﭘﻨﮯ ﻋﺬﺍﺏ ﺳﮯ ) ﮈﺭﺍﯾﮯ ﮔﺎ ﺍﻭﺭ ﺍﺳﮑﮯ ﺍﻭﭘﺮ ﺍﻟﻠﮧ ﺍﻭﺭ ﻣﻼﺋﮑﮧ ﺍﻭﺭ ﺗﻤﺎﻡ ﺍﻧﺴﺎﻧﻮﮞ ﮐﯽ ﻟﻌﻨﺖ ﮨﻮ » . ﺍﺳﮑﮯ ﺑﻌﺪ ﻟﮑﮭﺘﮯ ﮨﯿﮟ : « ﺍﺱ ﺑﺎﺕ ﻣﯿﮟ ﺷﮏ ﻧﮩﯿﮟ ﮨﮯ ﮐﮧ ﯾﺰﯾﺪ ﻧﮯ ﺍﭘﻨﮯ ﻣﺴﻠﺢ ﻟﺸﮑﺮ ﮐﻮ ﻣﺪﯾﻨﮯ ﮐﮯ ﺭﮨﻮﺍﺳﯿﻮﮞ ﮐﮯ ﺧﻼﻑ ﺟﻨﮓ ﮐﺮﻧﮯ ﮐﮯ ﻟﺌﮯ ﺑﮭﯿﺠﺎ ﺍﻭﺭ ﺍﻧﮑﮯ ﺧﻼﻑ ﺟﻨﺎﯾﺎﺕ ﮐﮯ ﺫﺭﯾﻌﮯ ﺳﮯ ﺍﻧﮑﯽ ﺩﻝ ﻣﯿﮟ ﺧﻮﻑ ﮈﺍﻻ ﺍﻭﺭ ﻣﺪﯾﻨﮯ ﮐﻮ ۳ ﺩﻥ ﺗﮏ ﺍﭘﻨﮯ ﻟﺸﮑﺮ ﮐﮯ ﻟﺌﮯ ﻣﺒﺎﺡ ﻗﺮﺍﺭ ﺩﯾﺎ » . ﺗﺎﺭﯾﺦ ﻣﯿﮟ ﻧﻘﻞ ﮨﻮﺍ ﮨﮯ ﮐﮧ ﻣﺪﯾﻨﮯ ﻣﯿﮟ ﯾﺰﯾﺪﯼ ﻟﺸﮑﺮ ﻧﮯ ﺍﺻﺤﺎﺏ ﺭﺳﻮﻝ ﻭ ﻣﺪﯾﻨﮯ ﮐﮯ ﺭﮨﻨﮯ ﻭﺍﻟﻮﮞ ﮐﯽ ۳۰۰ ﺑﺎﮐﺮﮦ ﻟﮍﮐﯿﻮﮞ ﮐﮯ ﺳﺎﺗﮫ ﺯﻧﺎ ﮐﯽ ﺍﻭﺭ ﮐﺎﻓﯽ ﺍﺻﺤﺎﺏ ﮐﻮ ﻗﺘﻞ ﮐﯿﺎ ﺍﻭﺭ ﻣﺴﺠﺪ ﺍﻟﻨﺒﯽ ﻣﯿﮟ ﻧﻤﺎﺯ ﺟﻤﺎﻋﺖ ﮐﻮ ﺑﻨﺪ ﮐﺮﻭﺍ ﺩﯾﺎ ﺍﻭﺭ ﺍﺱ ﺟﻨﮓ ﮐﮯ ﺑﻌﺪ ﻋﺒﺪ ﺍﻟﻠﮧ ﺍﺑﻦ ﺯﺑﯿﺮ ﮐﮯ ﺳﺎﺗﮫ ﺟﻨﮓ ﮐﺮﻧﮯ ﻣﮑﮧ ﺭﻭﺍﻧﮧ ﮨﻮﺋﮯ ﺍﻭﺭ ﮐﻌﺒﮯ ﮐﻮ ﻣﻨﺠﻨﯿﻖ ﮐﮯ ﺳﺎﺗﮫ ﺍٓﮒ ﻣﯿﮟ ﺟﻼﯾﺎ . [ 5 ] ﺍﯾﮏ ﻣﮭﻢ ﻧﮑﺘﮧ : ﺍﮨﻞ ﺳﻨﺖ ﮐﮯ ﮐﭽﮫ ﻋﻠﻤﺎﺀ ﻗﺎﺗﻼﻥ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﭘﺮ ﮐﻠﯽ ﻃﻮﺭ ﭘﺮ ﯾﻌﻨﯽ ﮐﺴﯽ ﮐﺎ ﻧﺎﻡ ﻟﺌﮯ ﺑﻐﯿﺮ ﻟﻌﻨﺖ ﮐﺮﻧﮯ ﮐﻮ ﺟﺎﺋﺰ ﺍﻭﺭ ﻣﻮﺭﺩ ﺍﺗﻔﺎﻕ ﻗﺮﺍﺭ ﺩﯾﺘﮯ ﮨﯿﮟ ۔ ﻣﺜﻼ ﺍﺳﻄﺮﺡ ﮐﮭﺎ ﺟﺎﺋﮯ ﮐﮧ ﺍﺉ ﺍﻟﻠﮧ ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﮯ ﻗﺎﺗﻠﯿﻦ ﭘﺮ ﺍﻭﺭ ﺟﺲ ﻧﮯ ﺍﻧﮑﮯ ﻗﺘﻞ ﮐﺎ ﺣﮑﻢ ﺩﯾﺎ ﺍﺱ ﭘﺮ ﻟﻌﻨﺖ ﻓﺮﻣﺎ ﻣﻼﺣﻀﮧ ﻓﺮﻣﺎﺋﯿﮟ ﺳﻌﺪﺍﻟﺪﻳﻦ ﺗﻔﺘﺎﺯﺍﻧﻰ ﺭﻗﻤﻄﺮﺍﺯ ﮨﮯ : « ﻭﺍﻣّﺎ ﻣﺎ ﺟﺮﻯ ﺑﻌﺪﻫﻢ ﻣﻦ ﺍﻟﻈﻠﻢ ﻋﻠﻰ ﺍﻫﻞ ﺑﻴﺖ ﺍﻟﻨﺒﻰ ( ﺻﻠﻰ ﺍﻟﻠﻪ ﻋﻠﻴﻪ ﻭﺁﻟﻪ )ﻓﻤﻦ ﺍﻟﻈﻬﻮﺭ ﺑﺤﻴﺚ ﻻ ﻣﺠﺎﻝ ﻟﻼﺧﻔﺎﺀ ﻭ ﻣﻦ ﺍﻟﺸﻨﺎﻋﺔ ﺑﺤﻴﺚ ﻻ ﺍﺷﺘﺒﺎﻩ ﻋﻠﻰ ﺍﻵﺭﺍﺀ ﺍﺫ ﺗﻜﺎﺩُ ﺗﺸﻬﺪ ﺑﻪ ﺍﻟﺠﻤﺎﺩ ﻭ ﺍﻟﻌﺠﻤﺎﺀ ﻭ ﻳﺒﻜﻰ ﻟﻪ ﻣﻦ ﻓﻰ ﺍﻻﺭﺽ ﻭﺍﻟﺴﻤﺎﺀ ﻭﺗﻨﻬﺪ ﻣﻨﻪ ﺍﻟﺠﺒﺎﻝ ﻭ ﺗﻨﺸﻖ ﺍﻟﺼﺨﻮﺭ ﻭﻳﺒﻘﻰ ﺳﻮﺀ ﻋﻤﻠﻪ ﻋﻠﻰ ﻛﺮّ ﺍﻟﺸﻬﻮﺭ ﻭ ﻣﺮ ﺍﻟﺪﻫﻮﺭ ﻭ ﻟﻌﻨﺔ ﺍﻟﻠﻪ ﻋﻠﻰ ﻣﻦ ﺑﺎﺷﺮ ﺍﻭ ﺭﺿﻰ ﺍﻭ ﺳﻌﻰ ﻭ ﻟﻌﺬﺍﺏ ﺍﻵﺧﺮﺓ ﺃﺷﺪ ﻭ ﺃﺑﻘﻰ » ؛ [ 6 ] ﻭﮦ ﻇﻠﻢ ﻭ ﺳﺘﻢ ﺟﻮ ﺍﮨﻠﺒﯿﺖ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧ ﭘﺮ ﮐﯿﺎ ﮔﯿﺎ ﺍﺳﻘﺪﺭ ﺭﻭﺷﻦ ﮬﮯ ﮐﮧ ﺍﺳﻤﯿﮟ ﮐﻮﺋﯽ ﺍﺑﮭﺎﻡ ﻧﮩﯿﮟ ﺑﻠﮑﮧ ﺗﻤﺎﻡ ﺟﻤﺎﺩﺍﺕ ﻭ ﺣﯿﻮﺍﻧﺎﺕ ﺍﺱ ﻇﻠﻢ ﻭ ﺳﺘﻢ ﭘﺮ ﮔﻮﺍﮨﯽ ﺩﯾﺘﮯ ﮨﯿﮟ ﺍﻭﺭ ﺯﻣﯿﻦ ﻭ ﺍٓﺳﻤﺎﻥ ﻣﯿﮟ ﺭﮨﻨﮯ ﻭﺍﻟﻮﮞ ﻧﮯ ﺍﻧﮑﯽ ﻣﻈﻠﻮﻣﯿﺖ ﭘﺮ ﮔﺮﯾﮧ ﮐﯿﺎ ﭘﮩﺎﮌ ﺭﯾﺰﮦ ﺭﯾﺰﮦ ﮨﻮﮔﺌﮯ ﺍﻭﺭ ﺍﺱ ﻇﻠﻢ ﮐﮯ ﺍٓﺛﺎﺭ ﮨﻤﯿﺸﮧ ﮐﮯ ﻟﺌﮯ ﺗﺎﺭﯾﺦ ﮐﮯ ﺻﻔﺤﺎﺕ ﭘﺮ ﺛﺒﺖ ﮨﻮﮔﺌﮯ ﺍﻭﺭ ﺍﻟﻠﮧ ﮨﺮ ﺍﺱ ﺷﺨﺺ ﭘﺮ ﻟﻌﻨﺖ ﻓﺮﻣﺎﺋﮯ ﮐﮧ ﺟﻮ ﺍﺱ ﻇﻠﻢ ﻣﯿﮟ ﺷﺮﯾﮏ ﺗﮭﺎ ﯾﺎ ﺍﺳﭙﺮ ﺭﺍﺿﯽ ﺗﮭﺎ ﯾﺎ ﺍﺳﮑﮯ ﻣﻘﺪﻣﺎﺕ ﮐﻮ ﺍﻧﺠﺎﻡ ﺩﯾﻨﮯ ﻭﺍﻻ ﺗﮭﺎ ، ﺑﺘﺤﻘﯿﻖ ﺍٓﺧﺮﺕ ﮐﺎ ﻋﺬﺍﺏ ﺑﮩﮯ ﮨﯽ ﺷﺪﯾﺪ ﮨﮯ ﻣﺴﻌﻮﺩﻯ ﯾﺰﯾﺪ ﮐﮯ ﺑﺎﺭﮮ ﻣﯿﮟ ﻟﮑﮭﺘﺎ ﮨﮯ : «ﯾﺰﯾﺪ ﺍﯾﮏ ﺧﻮﺷﮕﺰﺭﺍﻥ ﻭ ﻋﯿﺎﺵ ﺷﺨﺺ ﺗﮭﺎ ﺍﻭﺭ ﺍﯾﮏ ﺍﯾﺴﺎ ﺷﺨﺺ ﺗﮭﺎ ﮐﮧ ﺟﻮ ﮐﺘﻮﮞ ﺍﻭﺭ ﺑﻨﺪﺭﻭﮞ ﺳﮯ ﻣﺤﺒﺖ ﮐﺮﺗﺎ ﺗﮭﺎ ﺍﻭﺭ ﮨﻤﯿﺸﮧ ﺷﺮﺍﺏ ﮐﯽ ﻣﺤﻔﻠﯿﮟ ﺳﺠﺎﺗﺎ ﺗﮭﺎ . ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﮯ ﻗﺘﻞ ﮐﮯ ﺑﻌﺪ ﺍﯾﮏ ﺩﻓﻌﮧ ﺍﯾﮏ ﺍﯾﺴﯽ ﮨﯽ ﺷﺮﺍﺏ ﮐﯽ ﻣﺤﻔﻞ ﻣﯿﮟ ﻭﮦ ﺍﯾﮏ ﻃﺮﻑ ﺑﯿﭩﮭﺎ ﺗﮭﺎ ﺍﻭﺭ ﺍﺑﻦ ﺯﯾﺎﺩ ﺩﻭﺳﺮﯼ ﻃﺮﻑ ﺑﯿﭩﮭﺎ ﺗﮭﺎ ﺗﻮ ﺍﺱ ﻧﮯ ﺷﺮﺍﺏ ﮐﮯ ﺳﺎﻗﯽ ﮐﯽ ﻃﺮﻑ ﺩﯾﮑﮫ ﮐﺮ ﯾﮧ ﺷﻌﺮ ﮐﮭﺎ : ﺍﺳﻘﻨﻰ ﺷﺮﺑﺔ ﺗﺮﻭﻯ ﻣﺸﺎﺷﻰ *** ﺛﻢّ ﺻﻞ ﻓﺎﺳﻖ ﻣﺜﻠﻬﺎ ﺍﺑﻦ ﺯﻳﺎﺩ ﺻﺎﺣﺐ ﺍﻟﺴﺮ ﻭ ﺍﻻﻣﺎﻧﺔ ﻋﻨﺪﻯ *** ﻭ ﻟﺘﺴﺪﻳﺪ ﻣﻐﻨﻤﻰ ﻭ ﺟﻬﺎﺩﻯ ﺍﯼ ﺳﺎﻗﯽ ﻣﺠﮭﮯ ﺷﺮﺍﺏ ﮐﺎ ﺍﯾﮏ ﺍﻭﺭ ﺟﺎﻡ ﭘﻼ ﺩﮮﺍﻭﺭ ﻣﯿﺮﯼ ﻧﺮﻡ ﮬﮉﯾﻮﮞ ﮐﻮ ﺳﯿﺮﺍﺏ ﮐﺮﺩﮮ ۔ ﺍﺳﮑﮯ ﺑﻌﺪ ﺍﺳﻄﺮﺡ ﮐﺎ ﮨﯽ ﺍﯾﮏ ﺟﺎﻡ ﺍﺑﻦ ﺯﯾﺎﺩ ﮐﻮ ﭘﻼ ﺩﮮ ۔ ( ﺍﺑﻦ ﺯﯾﺎﺩ ﻭﮦ ﮨﮯ ﮐﮧ ) ﺟﻮ ﻣﯿﺮﺍ ﺭﺍﺯﺩﺍﺭ ﺍﻭﺭ ﻣﯿﺮﮮ ﮐﺎﻣﻮﮞ ﻣﯿﮟ ﻣﯿﺮﺍ ﺍﻣﯿﻦ ﮨﮯ ﮐﮧ ﺟﺲ ﮐﮯ ﺟﮭﺎﺩ ( ﺍﻣﺎﻡ ﺣﺴﯿﻦ ﻋﻠﯿﮧ ﺍﻟﺴﻼﻡ ﮐﮯ ﻗﺘﻞ ) ﮐﮯ ﺫﺭﯾﻌﮯ ﺳﮯ ﻣﯿﺮﯼ ﺧﻼﻓﺖ ﮐﯽ ﺍﺳﺎﺱ ﻭ ﺑﻨﯿﺎﺩ ﻣﻈﺒﻮﻁ ﮨﻮﺋﯽ ﮨﮯ ۔ ﺍﺳﮑﮯ ﺑﻌﺪ ﻣﺴﻌﻮﺩﯼ ﯾﺰﯾﺪ ﮐﮯ ﺍﺱ ﺑﻨﺪﺭ ﮐﮧ ﺟﺴﮑﺎ ﻧﺎﻡ ﺍﺑﻮ ﻗﯿﺲ ﺭﮐﮭﺎ ﮔﯿﺎ ﺗﮭﺎ ﮐﮧ ﺣﺎﻻﺕ ﺫﮐﺮ ﮐﺮﺗﺎ ﮨﮯ ﮐﮧ ﮐﺴﻄﺮﺡ ﺧﻼﻓﺖ ﺭﺳﻮﻝ ﺻﻠﯽ ﺍﻟﻠﮧ ﻋﻠﯿﮧ ﻭ ﺍٓﻟﮧ ﭘﺮ ﺑﯿﭩﮫ ﮐﺮ ﺍﺳﻄﺮﺡ ﮐﯽ ﺣﺮﮐﺎﺕ ﮐﯽ ﺟﺎﺗﯽ ﺗﮭﯿﮟ . [ 7 ] ______________________________ _________________________ [ 1 ] . ﺍﻟﺼﻮﺍﻋﻖ ﺍﻟﻤﺤﺮﻗﺔ ﻓﯽ ﺍﻟﺮﺩ ﻋﻠﯽ ﺍﻫﻞ ﺍﻟﺒﺪﻉ ﻭ ﺍﻟﺰﻧﺪﻗﺔ، ﺍﺣﻤﺪ ﺑﻦ ﺣﺠﺮ ﺍﻟﻬﯿﺘﻤﯽ ﺍﻟﻤﮑﯽ ( ﻡ 899: ﻩ ) ، ﺹ 220 ، ﻣﮑﺘﺒﺔ ﺍﻟﻘﺎﻫﺮﺓ . [ 2 ] . ﻩ ﺍﻟﺼﻮﺍﻋﻖ ﺍﻟﻤﺤﺮﻗﺔ ﻓﯽ ﺍﻟﺮﺩ ﻋﻠﯽ ﺍﻫﻞ ﺍﻟﺒﺪﻉ ﻭ ﺍﻟﺰﻧﺪﻗﺔ، ﺍﺣﻤﺪ ﺑﻦ ﺣﺠﺮ ﺍﻟﻬﯿﺘﻤﯽ ﺍﻟﻤﮑﯽ ( ﻡ 899: ﻩ ) ، ﺹ 220 ، ﻣﮑﺘﺒﺔ ﺍﻟﻘﺎﻫﺮﺓ . [ 3 ] . ﺍﻟﺮﺩ ﻋﻠﯽ ﺍﻟﻤﺘﻌﺼﺐ ﺍﻟﻌﻨﯿﺪ ﺍﻟﻤﺎﻧﻊ ﻣﻦ ﺫﻡ ﺍﻟﯿﺰﯾﺪ، ﺍﺑﻦ ﺍﻟﺠﻮﺯﯼ، ﺹ .13 [ 4 ] . ﺷﺮﺡ ﺍﻟﻤﻘﺎﺻﺪ، ﺝ 5 ، 311 ، ﺍﻟﻤﺒﺤﺚ ﺍﻟﺴﺎﺩﺱ ﺍﻷﻓﻀﻠﻴﺔ ﺑﻴﻦ ﺍﻟﺨﻠﻔﺎﺀ ﺍﻟﺮﺍﺷﺪﻳﻦ .« ﻓﺈﻥ ﻗﻴﻞ : ﻓﻤﻦ ﻋﻠﻤﺎﺀ ﺍﻟﻤﺬﻫﺐ ﻣﻦ ﻟﻢ ﻳﺠﻮﺯ ﺍﻟﻠﻌﻦ ﻋﻠﻰ ﻳﺰﻳﺪ ﻣﻊ ﻋﻠﻤﻬﻢ ﺑﺄﻧﻪ ﻳﺴﺘﺤﻖ ﻣﺎ ﻳﺮﺑﻮ ﻋﻠﻰ ﺫﻟﻚ ﻭ ﻳﺰﻳﺪ . ﻗﻠﻨﺎ : ﺗﺤﺎﻣﻴﺎ ﻋﻦ ﺃﻥ ﻳﺮﺗﻘﻰ ﺇﻟﻰ ﺍﻷﻋﻠﻰ ﻓﺎﻷﻋﻠﻰ، ﻛﻤﺎ ﻫﻮ ﺷﻌﺎﺭ ﺍﻟﺮﻭﺍﻓﺾ ﻋﻠﻰ ﻣﺎ ﻳﺮﻭﻯ ﻓﻲ ﺃﺩﻋﻴﺘﻬﻢ ﻭ ﻳﺠﺮﻱ ﻓﻲ ﺃﻧﺪﻳﺘﻬﻢ » . [ 5 ] . ﺍﻟﺼﻮﺍﻋﻖ ﺍﻟﻤﺤﺮﻗﺔ ﻓﯽ ﺍﻟﺮﺩ ﻋﻠﯽ ﺍﻫﻞ ﺍﻟﺒﺪﻉ ﻭ ﺍﻟﺰﻧﺪﻗﺔ، ﺍﺣﻤﺪ ﺑﻦ ﺣﺠﺮ ﺍﻟﻬﯿﺘﻤﯽ ﺍﻟﻤﮑﯽ ( ﻡ 899: ﻩ ) ، ﺹ 222 ، ﻣﮑﺘﺒﺔ ﺍﻟﻘﺎﻫﺮﺓ . ﺷﺎﻩ ﻋﺒﺪﺍﻟﺤﻖ ﻣﺤﺪﺙ ﺩﻫﻠﻮﻯ ﺍﭘﻨﯽ ﮐﺘﺎﺏ ﻣﺎ ﺛﺒﺖ ﻣﻦ ﺍﻟﺴﻨﺔ، ﺹ 63 ﭘﺮ ﻟﮑﮭﺘﺎ ﮬﮯ : «ﺍﻣﺎﻡ ﺣﺴﻴﻦ (ﻋﻠﯿﻪ ﺍﻟﺴﻼﻡ ) ﮐﻮ ﺟﺐ ﺷﮭﯿﺪ ﮐﯿﺎ ﮔﯿﺎ ﺍﻭﺭ ﺍﻥ ﮐﺎ ﺳﺮ ﻣﺒﺎﺭﮎ ﺍﯾﮏ ﻃﺸﺖ ﻣﯿﮟ ﺭﮐﮫ ﮐﺮ ﺍﺑﻦ ﺯﯾﺎﺩ ﮐﮯ ﭘﺎﺱ ﻻﯾﺎ ﮔﯿﺎ ۔ ﺧﺪﺍ ﻟﻌﻨﺖ ﮐﺮﮮ ﺍﻧﮑﮯ ﻗﺎﺗﻠﯿﻦ ﻭ ﺍﺑﻦ ﺯﯾﺎﺩ ﻭﯾﺰﯾﺪ ﺍﺑﻦ ﻣﻌﺎﻭﯾﮧ ﭘﺮ » . ﻣﻮﻟﻮﻯ ﺭﺷﻴﺪ ﺍﺣﻤﺪ ﻛﻨﮕﻮﻫﻰ ﻣﺆﺳﺲ ﺩﺍﺭﺍﻟﻌﻠﻮﻡ ﺩﻳﻮﺑﻨﺪ ﯾﺰﯾﺪ ﮐﮯ ﺑﺎﺭﮮ ﻣﯿﮟ ﻟﮑﮭﺘﺎ ﮨﮯ ﮐﮧ : « ﭘﻴﻐﺒﺮ ﺍﮐﺮﻡ ( ﺻﻠﯽ ﺍﻟﻠﻪ ﻋﻠﯿﻪ ﻭ ﺁﻟﻪ ) ﻧﮯ ﻓﺮﻣﺎﯾﺎ : ﻣﻦ ﺍﺧﺎﻑ ﺍﻫﻞ ﺍﻟﻤﺪﻳﻨﺔ ﻇﻠﻤﺎً ﺃﺧﺎﻓﻪ ﺍﻟﻠﻪ ﻭ ﻋﻠﻴﻪ ﻟﻌﻨﺔ ﺍﻟﻠﻪ ﻭ ﺍﻟﻤﻼﺋﻜﺔ ﻭﺍﻟﻨﺎﺱ ﺍﺟﻤﻌﻴﻦ؛ ﺟﺲ ﻧﮯ ﺑﮭﯽ ﻣﺪﯾﻨﮯ ﮐﮯ ﻟﻮﮔﻮﮞ ﮐﻮ ﮈﺭﺍﯾﺎ ﺍﺳﮑﻮ ﺧﺪﺍ ﺟﻠﺪ ﮨﯽ ( ﺍﭘﻨﮯ ﻋﺬﺍﺏ ﺳﮯ ) ﮈﺭﺍﯾﮯ ﮔﺎ ﺍﻭﺭ ﺍﺳﮑﮯ ﺍﻭﭘﺮ ﺍﻟﻠﮧ ﺍﻭﺭ ﻣﻼﺋﮑﮧ ﺍﻭﺭ ﺗﻤﺎﻡ ﺍﻧﺴﺎﻧﻮﮞ ﮐﯽ ﻟﻌﻨﺖ ﮨﻮ . ﺻﺤﯿﺢ ﻣﺴﻠﻢ ﻣﯿﮟ ﺭﻭﺍﯾﺖ ﺩﺭﺝ ﮬﮯ ﮐﮧ ﯾﺰﯾﺪ ﻧﮯ ﺍﭘﻨﮯ ﻟﺸﮑﺮ ﮐﮯ ﺫﺭﯾﻌﮯ ﺳﮯ ﺍﻧﮑﯽ ﺩﻝ ﻣﯿﮟ ﺧﻮﻑ ﮈﺍﻻ . [ 6 ] . ﺷﺮﺡ ﺍﻟﻤﻘﺎﺻﺪ، ﺝ 5 ، .312 [ 7 ] . ﺑﺮﺭﺳﻰ ﺗﺎﺭﻳﺦ ﻋﺎﺷﻮﺭﺍ، ﻣﺮﺣﻮﻡ ﺁﻳﺘﻰ، ﺹ 77

فوجی کامیابیاں

یزید کے دور حکومت میں داخلی جنگوں اور اس کے خلاف قیاموں کی وجہ سے فتوحات اسلامی کا سلسلہ رک گیا ۔اس نے یورپ کے عیسائیوں سے مصالحت آمیز رویہ اپنایا بلکہ معاویہ کے دور کے وہ مقامات جہاں حکومت معاویہ کا بہت سارا مال خرچ ہوا اور بہت زیادہ جانی نقصان ہوا ،یزید ان نقات سے عقب نشینی اختیار کی نیز رشوت لے کر قبرص کے علاقے سے اپنی فوجوں کو قبرص سے واپس بلا لیا اسی طرح یزید نے " ارواد" نامی جزیرے میں یزید بن جنادہ بن ابی امیہ کو حکم دیا وہاں پر موجود قلعہ مسمار کرنے کے بعد شام واپس آجائے اسی طرح "رودس" نامی جگہ سے بھی اپنی فوجوں کو واپس بلا لیا جبکہ 61 ہجری میں مالک بن عبد اللہ خثعمی کو رومیوں سے جنگ کیلئے بھیجا تھا جو جنگِ شام کے نام سے معروف ہوئی۔یزید نے خوارزم کے شرق میں سمرقند تک پیش قدمی کی نیز اس نے سغد اور بخارا کو فتح کیا ۔۔ 62ویں ہجری میں اہل خوارزم کے ساتھ 400000 درہم کے بدلے میں صلح کی ۔سلم بن زیاد نے سغر میں موجودگی کے دوران لشکر کو "خجند" بھی بھیجا لیکن اس کی فوج شکست سے دو چار ہوئی۔پھر خود مرو گیا اور سغدیان سے جنگ کی ۔اسی دوران اسے یزید کے مرنے کی اطلاع ملی ۔افریقہ میں عقبہ بن نافع کی قیادت میں سوس ادنی میں فتوحات حاصل کیں۔

منابع

• ابن ­اثیر، علی بن ابی­ الکرم، الکامل فی التاریخ، بیروت، دارصادر دار بیروت، ۱۹۶۵م.
• ابن الطقطقا، محمد بن علی بن طباطبا، فخری فی الآداب السلطانیہ و الدول الاسلامیہ، تحقیق عبدالقادر محمد مایو، بیروت، دارالقلم العربی، چاپ اول، ۱۹۹۱م.
  
• ابن ہشام حمیری، السیرة النبویہ، مکتبہ محمدعلی صبیح و اولاده، بی‌جا، ۱۳۸۳ق.
  
• بلاذری، أحمد بن یحیی بن جابر، کتاب جمل من انساب الأشراف، تحقیق سہیل زکار و ریاض زرکلی، بیروت، دار الفکر، ط الأولی، ۱۴۱۷/۱۹۹۶.
• ذہبی، شمس الدین محمد بن احمد، تاریخ الاسلام و وفیات المشاہیر و الأعلام، تحقیق عمر عبد السلام تدمری، بیروت، دار الکتاب العربی، ط الثانیہ، ۱۴۱۳/۱۹۹۳.
• دینوری، أبو محمد عبد الله بن مسلم ابن قتیبہ، الإمامۃ و السیاسۃ المعروف بتاریخ الخلفاء، تحقیق علی شیری، بیروت، دارالأضواء، ط الأولی، ۱۴۱۰/۱۹۹۰.
• دینوری، ابوحنیفۃ احمد بن داوود، اخبار الطوال، تحقیق عبدالمنعم عامر مراجعہ جمال­ الدین شیال، قم، منشورات رضی، ۱۳۶۸ش.
• زرکلی، خیر الدین، الأعلام قاموس تراجم لأشہر الرجال و النساء من العرب و المستعربین و المستشرقین، بیروت، دار العلم للملایین، ط الثامنة، ۱۹۸۹.
• صاحبی نخجوانی، ہندوشاه، تجارب السلف، بہ اہتمام امیر سید حسن روضاتی، اصفہان، نشر نفائس مخطوطات، ۱۳۶۱ش.
• طبری، محمد بن جریر، تاریخ الأمم والملوک، بیروت، دارالتراث، چاپ دوم، ۱۳۸۷ق.
  
• مسعودی، أبو الحسن علی بن الحسین بن علی، مروج الذہب و معادن الجوہر، تحقیق اسعد داغر، قم، دار الہجرة، چ دوم، ۱۴۰۹.
• یعقوبی، احمد بن ابی یعقوب ابن واضح، تاریخ یعقوبی، ترجمۂ محمد ابراہیم آیتی، تہران، انتشارات علمی و فرہنگی، چ ششم، ۱۳۷۱ش.
• سایت پژوهه