صیانۃ ماشطۃ

صیانۃ ماشطۃ
حزقیل (مؤمن آل فرعون) کی زوجہ
کوائف
مشہور اقارب	مؤمن آل فرعون(شوہر)
سکونت	مصر
علمی معلومات
دیگر معلومات
پیشہ	فرعون کی بیٹی کی آرائش دہندہ
مرتبط	ظہور امام زمان(عج) کے وقت رجعت کرنے والی خواتین میں سے ہیں

صِیانَۃ ماشِطَۃ، حزقیل(مؤمن آل فرعون) کی زوجہ تھی، جو اللہ پر ایمان لانے کی وجہ سےبچوں سمیت فرعون کے ہاتھوں قتل ہوئی۔ اسلامی روایات کے مطابق، وہ امام زمانہؑ کے ظہور کے بعد رجعت کرنے والی خواتین میں شامل ہیں۔

بعض روایات کے مطابق صیانۃ ماشطۃ فرعون کی بیٹی کی آرائش دہندہ تھی۔ ایک دن فرعون کی بیٹی کے بال سنوارنے کے دوران اس کی زبان پر اللہ کا نام جاری ہوا۔ فرعون کی بیٹی نے اپنے والد کو بتایا کہ صیانۃ، اللہ پر ایمان رکھتی ہے اور فرعون کو خدا نہیں مانتی۔ یہ سن کر فرعون نے صیانۃ کو خدا پر ایمان سے انکار کرنے کا حکم دیا۔ جب اس نے نہیں مانا، تو فرعون نے اس کے بچوں کو اس کی آنکھوں کے سامنے ایک تانبے کی بھٹی میں ڈال کر جلا دیااور آخرمیں اس نے صیانۃ کو بھی زندہ جلا دیا۔^[1]

روایات میں صیانۃ ماشطۃ اور ان کے بچوں کا یوں تذکرہ کیا گیا ہے:

رسول اکرمؐ نے معراج کے دوران ایک خوشبو محسوس کی۔ جبرئیلؑ نے بتایا کہ یہ خوشبو صیانۃ ماشطۃ اور ان کے بچوں کی راکھ سے آ رہی ہے۔^[2]
صیانۃ امام مہدیؑ کے ظہور کے بعد دوبارہ دنیا میں آئیں گی۔ روایات کے مطابق وہ امام کے ظہور کے بعد زخمیوں کے علاج معالجے میں مدد کرے گی۔^[3]
ابن عباس نے صیانۃ کے آخری فرزند کو گہوارے میں گفتگو کرنے والے چار بچوں میں سے ایک قرار دیا ہے؛ جب فرعون کے حکم پر صیانۃ کے آخری بچے کو تنور میں ڈالنے کی تیاری کی جا رہی تھی، تو اس بچے نے اپنی ماں سے کہا: "ماں! صبر کرو، آپ حق پر ہیں۔"^[4]

حوالہ جات

↑ جزائری، النور المبين، 1404ق، ص260؛ مجلسی، بحارالانوار، 1362ش، ج13، ص163؛ مجلسی، حیاۃ القلوب، 1384ش، ج1، ص243۔
↑ مجلسی، بحارالانوار، 1362ش، ج13، ص163۔
↑ طبری، دلائل الامامۃ، 1383ق، ص260؛ محلاتی، ریاحین الشریعۃ، دارالکتب الاسلامیہ، ج5، ص41۔
↑ ثعلبی، قصص الانبیاء، 1414ق، ص188۔

مآخذ

ثعلبی، قصص الانبیاء، بیروت، 1414ھ۔
جزائری، نعمت اللہ، النور المبين في قصص الأنبياء و المرسلين، مکتبۃ آیت اللہ مرعشی نجفی، 1404ھ۔
طبری، محمد بن جریر، دلائل الامامۃ، دارالذخائر المطبوعات، قم، 1383ق/1963ء۔
مجلسی، محمدباقر، بحار الانوار، دارالکتب اسلامیۃ، تہران، 1362ہجری شمسی۔
مجلسی، محمدباقر، حیاۃ القلوب، قم، سرور، 1384ہجری شمسی۔
محلاتی، ذبیح اللہ، ریاحین الشریعہ در ترجمہ بانوان دانشمند شیعہ، دارالکتب الاسلامیہ، تہران۔

[1] جزائری، النور المبين، 1404ق، ص260؛ مجلسی، بحارالانوار، 1362ش، ج13، ص163؛ مجلسی، حیاۃ القلوب، 1384ش، ج1، ص243۔

[2] مجلسی، بحارالانوار، 1362ش، ج13، ص163۔

[3] طبری، دلائل الامامۃ، 1383ق، ص260؛ محلاتی، ریاحین الشریعۃ، دارالکتب الاسلامیہ، ج5، ص41۔

[4] ثعلبی، قصص الانبیاء، 1414ق، ص188۔

[1]

[2]

[3]

[4]

ن ب و موثر خواتین شیعہ نقطہ نگاہ سے
قبل از اسلام	حوا • بلقیس • سارہ • ہاجرہ • ریبکا • راحل • آسیہ زوجہ فرعون • صیانۃ ماشطۃ • مریم بنت عمران • آمنہ بنت وہب
عصرِ پیغمبرؐ	خدیجہ • فاطمہ بنت اسد • سمیہ • سبیعہ • صفیہ بنت عبدالمطلب • صفیہ بنت حیی • نسیبہ بنت کعب • ام ایمن • زینب بنت جہش • ام عامر • رمیصاء بنت ملحان • سمیرا بنت قیس • کبشہ • ام سلمہ • ام حبیبہ • ام ورقہ • زینب بنت رسول اللہ • ام شریک • ام سنان اسلمی • خَنساء • کبیشہ سعد بن معاذ کی ماں • ام کلثوم بنت عبدود • شیما پیغمبر کی رضاعی بہن • ماریہ قبطیہ • لبابہ بنت حارث بن حزن • ام ہانی
عصر ائمہؑ	حضرت فاطمہؑ • ام‌البنین • حبی کمیت کی زوجہ • زرقاء ہمدانی•دارمیہ حجونی • فسسیبہ • ام الخیر • عکرشہ بنت اطرش • آمنہ بنت شرید • اروی بنت حارث بن عبدالمطلب • زینب بنت ابوسلمہ • فضہ نوبیہ • اسماء بنت عمیس • ام‌کلثوم بنت امام علی • زینب کبری • سکینہ • فاطمہ بنت امام حسینؑ • شہربانو • رباب • رقیہ بنت امام علیؑ • طوعہ • فاطمہ بنت امام علیؑ • فاطمہ بنت حسنؑ • دومہ بنت وہب • ام فروہ • حمیدہ خاتون • نجمہ خاتون • فاطمہ معصومہ • سبیکہ • حکیمہ خاتون • سمانہ مغربیہ • حدیث • نرجس خاتون • ام‌سنان بنت خیثمہ • زرقاء بنت عدی • سودہ ہمدانی
عصر غیبت	آمنہ بیگم مجلسی • بانو امین • پروین اعتصامی • بنت الہدی صدر • طاہرہ صفار زادہ • فاطمہ جناح
مستورات اہل بیت