خطبہ خوانی (رسم)

خطبہ خوانی

صحن پیامبر اعظم حرم امام رضاؑ میں رسم خطبہ خوانی
زمان‌	شب شھادت امام حسین اور شب شہادت امام رضاؑ
مکان	حرم امام رضا(ع)، مشہد
منشاء تاریخی	بارہویں صدی ہجری
قومی حیثیت	ثبت شدہ
اہم مذہبی تہواریں
سینہ‌زنی، زنجیرزنی، اعتکاف، شب بیداری، تشییع جنازہ،
متفرق رسومات

خطبہ‌خوانی، ایک مذہبی رسم ہے جو ہر سال امام حسینؑ اور امام رضاؑ کی شبِ شہادت میں حرم امام رضاؑ میں منعقد کی جاتی ہے۔ اس تقریب میں آستان قدسِ رضوی کے خدام اور متولی، ہاتھوں میں روشن شمع لئے عزاداری کرتے ہیں اور اس شب سے مخصوص خطبہ پڑھتے ہوئے ایام عزا کی امام رضاؑ کی خدمت میں تعزیت و تسلیت پیش کرتے ہیں۔

بعض مآخذ کے مطابق اس رسم کی تاریخ بارہویں صدی ہجری تک پہنچتی ہے۔

رسم خطبہ خوانی

رسم خطبہ‌ خوانی ہر سال شب عاشورا اور شب شہادت امام رضاؑ میں حرم رضوی میں منعقد ہوتی ہے۔ اس موقع پر آستان قدس رضوی کے خدام اور متولی نماز مغرب و عشاء کے بعد روشن شمعیں لے کر دائرے کی شکل میں حرم کے صحن میں عزاداری اور سوگواری انجام دیتے ہیں۔ اس تقریب کے اہم اجزاء میں مرثیہ‌ خوانی، خطبہ‌ خوانی، اور امام رضاؑ اور امام زمانہ (عج) کی خدمت میں تعزیت پیش کرنا شامل ہیں۔

چونکہ یہ تقریب خدام اور حرم کے مسئولین کی مرکزیت میں منعقد ہوتی ہے، اس لئے یہ رسم خدام کے درمیان "امام رضا کے خادموں کی تقریب" کے نام سے مشہور ہے۔

حرم امام رضاؑ کے خدام شمعیں تقسیم کرتے ہوئے

خطبہ خوانی کے اس تقریب میں سب سے پہلے خدا کی وحدانیت کی گواہی دی جاتی ہے، پھر پروردگار کی حمد و ثنا، نبی مکرم اسلامؐ اور ائمہ معصومینؑ پر درود بھیجے جاتے ہیں، شہدائے اسلام اور امام خمینیؒ کو خراج عقیدت پیش کیا جاتا ہے، اور رہبر معظم انقلاب اسلامی ایران آیت اللہ خامنہ ای کی صحت و طولِ عمر کے لیے دعا کی جاتی ہے۔

یہ تقریب جو ابتدا میں صحن انقلاب اسلامی جو قدیم ایام میں صحن عتیق کے نام سے مشہور تھا، میں منعقد ہوتی تھی، لیکن سنہ 1401 ہجری شمسی سے آستان قدسِ رضوی کی انتظامیہ کے فیصلے کے مطابق صحن پیامبر اعظمؐ میں منتقل کر دی گئی ہے۔ اس تبدیلی سے اس رسم کا دائرہ وسیع ہوگیا اور خدام کے ساتھ ساتھ زائرین و مجاورین کی کثیر تعداد کو بھی اس رسم میں شرکت کا موقع ملنے لگا۔

تاریخی قدمت

صحن پیامبر اعظم حرم امام رضاؑ میں رسم خطبہ خوانی

خطبہ‌ خوانی کی رسم صفویہ دور سے تین مناسبتوں شب عاشورا شبِ شہادتِ امام رضاؑ اور خدام کی ڈیوٹی تبدیلی کے موقع پر منعقد ہوتی رہی ہے۔ اسی طرح، مراسم صفّہ میں بھی ایک حصہ خطبہ‌ خوانی کے لئے مخصوص ہوتا ہے۔

شب عاشورا اور شب شہادتِ امام رضاؑ کی خطبہ‌ خوانی کی بنیاد علی‌ شاہ (حاکم وقتِ خراسان) کے وقف‌نامہ کے مطابق سنہ 1160ھ میں رکھی گئی۔ یہ رسم سنہ 1402 ہجری شمسی کو ایران کی قومی ورثوں کی فہرست میں ایک غیرمادی قومی ورثہ کے طور پر درج کر دی گئی ہے۔

ایرن کے سپریم لیڈر آیت‌اللہ خامنہ‌ای نے 19 آذر 1357ہجری شمسی کو جو شبِ عاشورا کے ساتھ مصادف تھی، مشہد میں عظیم اجتماع سے خطاب کیا اور حرمِ امام رضاؑ میں شب عاشورا کی خطبہ خوانی رسم میں خطبہ امام خمینیؒ کے نام سے پڑھا۔ اس اقدام سے پہلوی حکومت کی اُس روایت کا خاتمہ ہوا جس میں اس سے قبل خطبہ‌ خوانی کی رسم میں ایران کے سابق بادشاہ محمد رضا پہلوی کے لیے دعا کی جاتی تھی۔