مسودہ:محمد صنقور
 | |
| کوائف | |
|---|---|
| مکمل نام | محمد صنقور علی بحرانی |
| تاریخ پیدائش | 1 مئی سنہ 1968ء |
| آبائی شہر | دراز |
| سکونت | دراز، بحرین |
| ملک | بحرین |
| دین | اسلام |
| مذہب | شیعہ |
| سیاسی کوائف | |
| مناصب | بحرین کے دراز نامی علاقے میں امام جمعہ |
| فعالیتیں | تدریس و امامت نماز جمعہ |
| علمی و دینی معلومات | |
| اساتذہ | ميرزا جواد تبريزی، سيد كاظم حائری |
| تالیفات | المعجم الأصولی، مقالات حول حقوق المرأة، توضيح القواعد الفقهيۃ |
محمد صَنْقور شیعہ مجتہد اور بحرین کے دارالحکومت منامہ کے قریب واقع علاقے ’’دراز‘‘ کی جامع مسجد امام صادقؑ میں نماز جمعہ کے خطیب ہیں۔[1]
محمد صنقور علی بحرانی سنہ 1968ء کو بحرین میں پیدا ہوئے۔[2] انہوں نے دس سال کی عمر میں بحرین میں دینی تعلیم کا آغاز کیا۔[3] پھر 25 سال کی عمر میں سنہ 1993ء میں قم کی طرف ہجرت کی۔[4] انہوں نے حوزہ علمیہ قم میں فقہ و اصول کی اعلیٰ تعلیم حاصل کی اور میرزا جواد تبریزی، محمد فاضل لنکرانی، حسین وحید خراسانی اور سید کاظم حائری جیسے مراجع تقلید سے کسب فیض کیا۔[5] تقریباً ایک دہائی قم میں حصول تعلیم میں مشغول رہنے کے بعد بحرین واپس گئے اور مرکز اسلامی ہُدیٰ بحرین میں فقہ و اصول کی تدریس اور علاقۂ دراز میں نماز جمعہ کی امامت کا آغاز کیا۔[6]
محمد صنقور کی بعض تصانیف میں «المعجم الاصولی»، «اساسیات المنطق»،[7] «قراءۃ في مقتل الحسينؑ»، «تساؤلات حول النہضۃ الحسينيۃ»، «مقالات حول حقوق المرأۃ»،[8] «شبہات مسیحيۃ حول القرآن»، «شؤون قرآنيۃ» اور «شرح آيات الأحكام»[9] شامل ہیں۔ اسی طرح «مشروعيۃ الشہادۃ بالولايۃ في الأذان» اور «مشروعيۃ السجود على التربۃ الحسينيۃ» بھی ان کی تصانیف میں شمار ہوتی ہیں۔[10]
صنقور نے سنہ 2023ء میں نماز جمعہ کے خطبوں میں بحرین کی وزارت تعلیم پر طلباء کے نصاب کو تبدیل کرنے اور ان کے مواد کو اسرائیل کے ساتھ ملک کے تعلقات کو معمول پر لانے کے لیے تنقید کا نشانہ بنایا۔[11] بحرین کی حکومت نے انہیں ’’اشتعال انگیز بیانات‘‘ جاری کرنے کے الزام میں گرفتار کرلیا۔[12] صنقور کی گرفتاری کے ردِعمل میں بحرین کے مختلف علاقوں میں عوامی سطح پر احتجاجی مظاہرے ہوئے۔[13] بحرین کی حکومت نے گرفتاری کے چند روز بعد انہیں رہا کر دیا۔[14]
اسی طرح امریکا اور اسرائیل کی ایران کے خلاف جنگ رمضان اور بحرین میں امریکی اڈوں پر ایران کے حملے کے بعد، آل خلیفہ کی سکیورٹی فورسز نے مئی 2026ء میں ایران کی حمایت یا اس سے روابط کے الزام میں متعدد شیعہ علما سمیت محمد صنقور کو بھی گرفتار کیا۔[15]
حوالہ جات
- ↑ «خشم عمومی بحرینیہا پس از دستگیری «شیخ محمد صنقور»»، دانشجو خبر رساں ایجنسی۔
- ↑ «سماحۃ الشيخ محمَّد صنقور»، کتابات۔
- ↑ «سماحۃ الشيخ محمّد صنقور حفظہ اللہ»، مرکز الإشعاع الإسلامي۔
- ↑ «سماحۃ الشيخ محمَّد صنقور»، کتابات۔
- ↑ «سماحۃ الشيخ محمَّد صنقور»، کتابات۔
- ↑ «سماحۃ الشيخ محمَّد صنقور»، کتابات۔
- ↑ «كتب سماحۃ الشيخ محمد صنقور»، مرکز الہدی للدراسات الاسلامیۃ؛ «آثار شیخ محمد صنقور»، نشر زین۔
- ↑ «سماحۃ الشيخ محمّد صنقور حفظہ اللہ»، مرکز الإشعاع الإسلامي۔
- ↑ «كتب سماحۃ الشيخ محمد صنقور»، مرکز الہدی للدراسات الاسلامیۃ؛ «آثار شیخ محمد صنقور»، زین پبلیشرز۔
- ↑ «الشيخ محمد صنقور علي البحراني»، شبكۃ الفكر للكتب الإلكترونيۃ۔
- ↑ «محمد صنقور آزاد شد»، مہر خبر رساں ایجنسی۔
- ↑ «خشم عمومی بحرینیہا پس از دستگیری «شیخ محمد صنقور»»، دانشجو خبر رساں ایجنسی۔
- ↑ «خشم عمومی بحرینیہا پس از دستگیری «شیخ محمد صنقور»»، دانشجو خبر رساں ایجنسی۔
- ↑ «محمد صنقور آزاد شد»، مہر خبر رساں ایجنسی؛ «آیت اللہ غریفی: از آزادی شیخ محمد صنقور خوشحال شدیم و امیدواریم ہمہ زندانیان در بحرین آزاد شوند»، حوزہ خبر رساں ایجنسی۔
- ↑ «مقامات بحرینی 30 روحانی شیعہ را بازداشت کردند»، شفقنا خبر رساں ایجنسی۔
مآخذ
- «آثار شیخ محمد صنقور» (شیخ محمد صنقور کے آثار)، نشر زین، تاریخ مشاہدہ: 8 اگست 2026ء۔
- «آیتاللہ غریفی: از آزادی شیخ محمد صنقور خوشحال شدیم و امیدواریم ہمہ زندانیان در بحرین آزاد شوند» (آیت اللہ غریفی: شیخ محمد صنقور کی رہائی پر ہمیں خوشی ہوئی اور امید ہے کہ بحرین میں تمام قیدی رہا کر دیے جائیں گے)، حوزہ نیوز ایجنسی، تاریخ درج مطلب: 28 مئی 2024ء، تاریخ مشاہدہ: 8 اگست 2026ء۔
- «الشيخ محمد صنقور علي البحراني» (شیخ محمد صنقور علی بحرانی)، شبكۃ الفكر للكتب الإلكترونيۃ، تاریخ مشاہدہ: 8 اگست 2026ء۔
- «خشم عمومی بحرینیہا پس از دستگیری «شیخ محمد صنقور»» (شیخ محمد صنقور کی گرفتاری کے بعد بحرینی عوام میں شدید غم و غصہ)، دانشجو نیوز ایجنسی، تاریخ درج مطلب: 23 مئی 2023ء، تاریخ مشاہدہ: 8 اگست 2026ء۔
- «سماحۃ الشيخ محمَّد صنقور» (حضرت شیخ محمد صنقور)، کتابات، تاریخ مشاہدہ: 8 اگست 2026ء۔
- «سماحۃ الشيخ محمّد صنقور حفظہ اللہ» (حضرت شیخ محمد صنقور، اللہ ان کی حفاظت کرے)، مرکز الإشعاع الإسلامي، تاریخ مشاہدہ: 8 اگست 2026ء۔
- «كتب سماحۃ الشيخ محمد صنقور» (حضرت شیخ محمد صنقور کی کتابیں)، مرکز الہدی للدراسات الاسلامیۃ، تاریخ مشاہدہ: 8 اگست 2026ء۔
- «محمد صنقور آزاد شد» (محمد صنقور کو آزاد کر دیا گیا)، مہر نیوز ایجنسی، تاریخ درج مطلب: 27 مئی 2023ء، تاریخ مشاہدہ: 8 اگست 2026ء۔
- «مقامات بحرینی 30 روحانی شیعہ را بازداشت کردند» (بحرینی حکام نے 30 شیعہ علماء کو گرفتار کیا)، شفقنا خبر رساں ایجنسی، تاریخ درج مطلب: 9 مئی 2026ء، تاریخ مشاہدہ: 8 اگست 2026ء۔