مولود کعبہ (فن پارہ)

یہ مقالہ مولود کعبہ (فن پارہ) کے بارے میں ہے۔ اس عنوان کے ایک لقب کے بارے میں جاننے کے لیے،، مولود کعبہ دیکھئے۔

خانہ کعبہ میں حضرت علیؑ کی ولادت کی تصویر کشی، استاد محمود فرشچیان کے قلم سے

تابلو مولود کعبہ، ایران کے مشہور شیعہ مصور اور آرٹسٹ محمود فرشچیان کا ایک فنی شاہکار ہے، جو خانہ کعبہ میں امام علیؑ کی پیدائش کی منظر کشی کرتا ہے۔ اس فن پارے میں حضرت علیؑ کی والدہ ماجدہ فاطمہ بنت اسد پوری قامت کے ساتھ اپنے نومولود فرزند یعنی حضرت علیؑ کو آغوش میں لئے خانہ کعبہ سے باہر نکلتی دکھائی گئی ہے، جبکہ ان کے اردگرد فرشتے موجود ہیں۔

اس فن پارے کو سنہ 1995ء میں اکریلیک رنگوں کے ساتھ مِنی ایچر پر تخلیق کیا گیا ہےجس کی لمبائی 81 اور چوڑائی 56 سینٹی میٹر ہے

اس فن پارے میں انسان کامل اور اس کی ولایت کے رشتے کو توحید کے ساتھ ملانے کا پیغام دیا گیا ہے اسی طرح فرشتوں کی موجودگی کے اس ولادت کی تقدس اور حور و غلمان کے ذریعے فاطمہ بنت اسد کی مدد پر زور دیتی ہے۔

یہ فن پارہ ایک روایت کی بنیاد پر تخلیق کی گئی ہے جس کے مطابق جب فاطمہ بنت اسد کو درد زہ لگی تو خدا کے حکم سے خانہ کعبہ کی دیوار شق ہوئی، اور وہ اللہ کے گھر کے اندر چلی گئیں۔ تین دن بعد وہ اپنے بچے کو آغوش میں لیے ہوئے کعبہ سے باہر آگئیں۔