"اصول دین" کے نسخوں کے درمیان فرق

'''اصول دین''' [[علم کلام]] کی ایک اصطلاح ہے جو [[فروع دین]] کے مقابلے میں استعمال ہوتی ہے اور یہ اصطلاح اسلام کے ان بنیادی اعتقادات کے مجموعے کیلئے استعمال ہوتی ہے جو دین اسلام کی اساس کو تشکیل دیتے ہین اور ہر مسلمان کا ان پر عقیدہ اور یقین رکھنا ضروری ہوتا ہے ورنہ وہ مسلمان نہیں ہوتا ہے؛ یعنی اصول دین میں سے کسی ایک کا انکار موجب کفر اور  عذاب خداوندی کا باعث ہے۔

[[شیعہ]] عقیدے کے مطابق [[توحید]]، [[نبوت]]، [[عدل]]، [[امامت]] اور [[معاد]] وہ اصول ہیں کہ سعادت کاملہ اور صحیح دین تک پہنچنے کے لئے ان پر اعتقاد رکھنا پڑتا ہے البتہ دو اصولوں یعنی [[عدل]] اور [[امامت]] کو دیگر اصولوں سے الگ بھی قرار دیا جاسکتا ہے کیونکہ جو شخص [[توحید]]، [[نبوت]] اور [[معاد]] (قیامت) کا انکار کرے تو وہ بنیادی طور پر مسلمان قرار نہیں دیا جاسکتا لیکن اگر کوئی [[عدل]] اور [[امامت]] کا انکار کرے تو وہ دائرہ اسلام سے خارج نہیں ہوتا تاہم وہ [[تشیع]] سے خارج اور [[خالص اسلام]] سے دور ہوگیا ہے۔ اسی بنا پر ان دو اصولوں (یعنی [[عدل]] اور [[امامت]]) کو [[اصول مذہب]] کا نام دیا گیا ہے۔

علماء کی رائے کے مطابق اصول دین میں تقلید جائز نہیں ہے جبکہ [[فروع دین]] میں مجتہد یا احتیاط پر عمل نہ کرنے کی صورت میں تقلید واجب ہے اور ہر مسلمان کیلئے اصول دین میں سوچ و بچار کرنا ، ان کی یقینی معرفت حاصل کرنا ضروری ہے اور ظنی معرفت پر اکتفا نہیں کرتا ہے۔