"نیابت خاصہ" کے نسخوں کے درمیان فرق

'''نیابت خاصہ''' کے معنی [[امامت|امام]] کی طرف سے جہاں خود براه راست لوگوں سے رابطہ برقرار نہیں کر سکتے کسی خاص شخص کو اس کام کیلئے اپنا نائب مقرر کرنے کے ہیں۔ مذکورہ حالت میں یہ امام یا پہلے نائب کی ذمہ داری ہے کہ وہ لوگوں کو اس شخص کا تعارف کرائے۔ بعض علماء نیابت کو جانشینی مطلق کے معنی میں لیتے ہوئے اس بات کے قائل ہیں کہ صرف [[امام مہدی عجل اللہ تعالی فرجہ|مام زمانہ(عج)]] کی [[غیبت صغری]] کے زمانے کے نائبین یعنی [[نواب اربعہ]] نائب خاص اور جانشین مطلق شمار ہوتے ہیں۔ اس نظریے کی بنا پر خود [[ائمہ]] کی زندگی میں حتی ان کے با اختیار نمائندے بھی نائب خاص شمار نہیں ہوتے کیونکہ امام کا لوگوں سے مکمل رابطہ منقطع نہیں ہوا اس بنا پر انہیں سفیر یا وکیل کہا جاتا ہے۔

[[غیبت صغری]] کے شروع ہوتے ہی ائمہ علیہم السلام کے بعض اصحاب اور پیروکاروں نے امام مہدی(ع) کے نائب خاص ہونے کا جھوٹا دعوا کرنا شروع کیا جن میں سے بعض کا نام امام زمانہ(ع) کی ایک [[توقیعات امام زمانہ(عج)|توقیع]] میں ذکر ہوا ہے جو ان جھوٹے دعویداروں سے [[لعن]] اور نفرین کی خاطر صادر ہوئی تھی۔ اس طرح کا جھوٹا دعوا غیبت صغری تک محدود نہیں بلکہ [[غیبت کبری]] میں بھی بعض افراد کی طرف سے [[باب الامام]] (امام تک پہنچنے کا راستہ) یا نائب خاص ہونے کا دعوا ہوا ہے اور یہ سلسلہ اب بھی جاری ہے۔