مسودہ:باپ کا قصاص

باپ کا قصاص ایک اسلامی حکم ہے جس کی بنیاد پر اگر باپ اپنی اولاد کو قتل کر دے تو اس پر قصاص کا حکم نافذ نہیں ہوتا اور اس کی سزا دیت، کفارہ اور تعزیر تک محدود رہتی ہے۔ تاہم شرعی لحاظ سے اولاد کو قتل کرنا حرام ہے اور قتلِ نفس کے زمرے میں آتا ہے۔

یہ موضوع غیرت کے نام پر قتل، خصوصاً بیٹیوں کے قتل سے وابستہ ہونے کی وجہ سے عوامی اور قانونی حلقوں کی توجہ کا مرکز بنا ہوا ہے۔ اس حکم کی فقہی بنیاد احادیث اور اجماع ہیں، اگرچہ اس اجماع کو مدرکی اور غیر معتبر قرار دیا جاتا ہے۔ شیعہ فقہا کی اکثریت نے اس حکم کے دائرے کو دادا تک بھی بڑھا دیا ہے، تاہم اگر کوئی اپنی زوجہ کو قتل کرے اور مقتولہ کی اولاد اس کا وارث ہو، اس صورت میں باپ کے قصاص کے امکان پر علما کے درمیان اختلاف نظر پایا جاتا ہے۔

یہ حکم ایران کے اسلامی تعزیراتی قانون میں بھی موجود ہے۔ بعض محققین نے اس حکم پر نظرِ ثانی کی ضرورت یا اولاد کشی کے رجحان سے نمٹنے کے لیے ثانوی عناوین جیسے "افساد فی الارض" وغیرہ سے استفادے پر زور دیا ہے۔

مفہوم شناسی اور پس منظر

اسلامی فقہ کے مطابق باپ کو اپنی اولاد کے قتل پر قصاص نہیں کیا جاتا ہے، اگرچہ وہ گناہ گار ہوتا ہے اور اس پر دیت، کفارہ اور تعزیر جیسی سزائیں عائد ہوتی ہیں۔ یہ حکم بیٹے اور بیٹی کے درمیان مساوی طور پر جاری ہوتا ہے۔ اکیسویں صدی تک شیعہ فقہ میں اس حکم کی مخالفت نہیں ملتی اور بیشتر اہل سنت فقہا نے بھی اسی نظریے کو قبول کیا ہے،؛ البتہ بعض مالکی فقہا باپ کے قصاص کے قائل ہیں۔

یہ موضوع اولاد کشی، خصوصاً بیٹیوں کے قتل کے واقعات میں اضافے اور اکیسویں صدی کے اوائل میں ان کے سماجی ذرائع ابلاغ پر آنے کے سبب حقوق دانوں، عدالتی حکام اور عوامی رائے کی توجہ کا مرکز بنا۔

شیعہ فقہا کی اکثریت نے باپ کے عدم قصاص کے حکم کو دادا تک بھی عمومیت دی ہے، لیکن بعض نے اس سلسلے میں تردید کا اظہار کیا ہے۔ نیز شیعہ فقہ میں عدم قصاص کا حکم ماں کو شامل نہیں ہوتا۔

اولاد کے قتل میں باپ کو سزا

اسلام میں باپ کا اپنی اولاد کو قتل کی حرمت قرآن کی آیات اور احادیث کی رو سے دین کی ضروریات میں سے شمار ہوتی ہے۔ کوئی ایسی روایت یا فتویٰ موجود نہیں جو اس عمل کو مستثنیٰ قرار دے، اور قصاص معاف ہونے کے باوجود باپ کا اپنی اولاد کو قتل کرنا آدم کشی کی ایک قسم ہے۔ قرآن کی بعض آیات میں خصوصاً اولاد کشی کی قباحت بیان ہوئی ہے، کیونکہ بعض اوقات والدین اپنی اولاد کے ساتھ گہرے جذباتی تعلق کے باوجود انہیں قتل کر دیتے ہیں جو سنگ دلی اور جہالت کی علامت ہے۔

اگرچہ اس معاملے میں باپ سے قصاص نہیں لیا جائے گا لیکن اس کے مجرمانہ عمل کے لیے دیت، کفارہ اور تعزیر جیسی سزائیں مقرر کی گئی ہیں۔ شیعہ محدث شیخ صدوق نے امام محمد باقرؑ سے روایت نقل کی ہے کہ باپ سے قصاص نہیں لیا جائے گا لیکن اسے سخت سزا دی جائے گی اور اس کے آبائی شہر سے جلاوطن کر دیا جائے گا۔ شیعہ فقیہ محمد حسن نجفی نے اس روایت کو ان موارد سے مربوط قرار دیا ہے جہاں حاکم شرع مناسب سمجھے۔

حکم کو مخصوص موارد تک محدود کرنا

اولاد کو قتل کیے جانے کی صورت میں باپ سے قصاص نہ لینے کے حکم پر بعض علما اور محققین نے تشکیک کا اظہار کیا ہے۔ اکیسویں صدی عیسوی کے شیعہ عالم یوسف صانعی اس حکم کی عمومیت کے مخالف ہیں۔ وہ متعلقہ روایات کو معتبر ماننے کے باوجود یہ عقیدہ رکھتے ہیں کہ باپ کے قصاص کا استثنا صرف ان موارد تک محدود ہے جہاں قتل جذبات کے زیر اثر یا اولاد کی خیرخواہانہ نصیحتوں سے سرکشی کی بنا پر ہوا ہو۔

باپ سے قصاص نہ لینے کے دلائل اور حکمتیں

باپ کے اپنی اولاد کے قتل میں عدم قصاص پر متعدد روایات نقل ہوئی ہیں۔ ان روایات کی تعداد اتنی زیادہ ہے کہ اگرچہ وہ تواتر تک نہ پہنچی ہوں، تاہم عدم قصاص کے حکم کو قطعی طور پر ثابت کیا جاسکتا ہے۔ انہی روایات میں سے ایک وہ روایت ہے جو حضرت علیؑ سے منقول ہے کہ اگر باپ اپنی اولاد کو قتل کرے تو اس کا قصاص نہیں لیا جائے گا، لیکن اولاد کا باپ کے قتل میں قصاص لیا جاسکتا ہے۔ فقہا نے انہی روایات کی بنیاد پر باپ کے قصاص کو آیات قصاص کے عموم سے مستثنیٰ قرار دیا ہے۔

شیعہ فقہا نے اجماع کو بھی باپ سے قصاص نہ لینے کی ایک دلیل قرار دیا ہے، اگرچہ بعض اسے اجماع مدرکی (یعنی روایات پر مبنی اجماع) قرار دیتے ہوئے اسے شرعی حکم صادر کرنے کے لیے معتبر نہیں مانتے۔

اس حکم کے لیے بعض حکمتیں بھی بیان کی گئی ہیں، جن میں سے ایک یہ ہے کہ باپ اولاد کے وجود کا سبب ہے اور اولاد باپ کے خاتمے کا سبب نہیں بن سکتی۔ اولاد کے لیے باپ سے قصاص لینے کا حق باپ کی قدرتی سرپرستی اور ولایت سے متضاد ہے؛ نیز پیغمبر خداؐ کی روایات اولاد اور اس کے اموال کو باپ سے متعلق قرار دیتی ہیں۔ بعض محققین نے ان حکمتوں پر نقد بھی کیا ہے۔

جمہوری اسلامی ایران کے قانون میں

ایران کے اسلامی تعزیراتی قانون نے روایات اور اکثر مسلمان فقہا کی رائے کی بنیاد پر اولاد یا پوتوں کے قتل میں باپ اور دادا سے قصاص لینے کو حکم کو نافذ نہیں سمجھا گیا ہے۔ اس قانون کا تنقیدی جائزہ لینے کے بعد سنہ 2021ء میں اس حکم کی اصلاح کے لیے ایک بل منظور ہوا جس کے تحت ملاقات، حضانت، حق ولایت، قیمومت اور سرپرستی کے حوالے سے بعض حدبندیاں کی گئیں۔ اس اصلاح کا مقصد ان قتل عمدی میں تعزیری سزاؤں کے روک تھام میں اضافہ بتایا گیا ہے جن میں قصاص نافذ نہیں ہوتا۔

ثانوی عناوین کے تحت باپ کی سزا کا امکان

بعض محققین نے تنقید کی ہے کہ ایران کا عدالتی نظام اولاد بالخصوص بیٹی کے قتل سے نمٹنے میں عمومی طور پر نرمی کا رویہ رکھتا ہے اور اس کے روک تھام کا انتظام نہیں۔ اسی لیے وہ باپ سے قصاص نہ لینے کے حکم پر نظرثانی اور زمان و مکان سے ہم آہنگ فقہ کے ذریعے تعزیراتی قانون میں اصلاح کو ضروری قرار دیتے ہیں۔ اس اصلاح کے نتیجے میں یہ تجویز دی گئی ہے کہ اگر باپ کے عمل کی ظلم اور عدوانی نوعیت ثابت ہوجائے تو ثانوی عناوین جیسے محاربہ اور افساد فی الارض کے تحت اس پر سخت سزا کا اطلاق کیا جا سکتا ہے۔

کیا باپ ماں کے قتل کے بدلے میں سزا پائے گا؟

باپ سے قصاص کے موارد میں سے ایک وہ ہے جب باپ اپنی زوجہ (اپنی اولاد کی ماں) کو قتل کرے اور اولاد مقتولہ کی وارث ہو۔ شیعہ فقہا اس سلسلے میں باپ سے قصاص لینے کے بارے میں اختلاف رائے رکھتے ہیں اور شیعہ تاریخ کے مختلف ادوار میں قصاص اور عدم قصاص کے دو نظریات رائج اور مشہور رہے ہیں۔ ناصر مکارم شیرازی کا خیال ہے کہ ایسی صورت میں اولاد اپنے باپ کا قصاص نہیں لے سکتی اور صرف دیت وصول کرنے کا حق رکھتی ہے۔ اس کے برعکس محمد تقی بہجت باپ کے قصاص کے امکان پر زور دیتے ہیں، اگرچہ احتیاطاً دیت پر صلح کرنے کی سفارش کی گئی ہے۔ قصاص کے حامیوں کا ماننا ہے کہ باپ سے قصاص نہ لینے سے متعلق روایات صرف اولاد کے قتل تک محدود ہیں اور ان میں ماں کا قتل شامل نہیں۔