"سورہ طہ" کے نسخوں کے درمیان فرق

==سورہ طہ==

یہ سورہ [[حروف مقطعہ]] [= طہ: ط ہاء] سے شروع ہوتی ہے، اس بنا پر اس کو '''سورہ طہ''' کہا جاتا ہے۔ اس کا دوسرا نام کلیم ہے؛ کیونکہ [[حضرت موسی]](ع) کے القاب میں سے ایک "کلیم اللہ" (اللہ کے ساتھ ہم کلام ہونے والا) ہے اور اس پیغمبر اور اللہ کے ساتھ ان براہ راست تکلم کی داستان اور ان کے اس لقب سے ملقب ہونے کی کیفیت کا بیان اسی سورت میں آیا ہے۔ [[مصحف شریف|مصحف]] کی ترتیب کے لحاظ سے [[قرآن کریم|قرآن]] کی بیسویں اور نزول کے لحاظ سے پینتالیسویں سورت ہے، [[مکی اور مدنی|مکی]] ہے، اس کی آیات کی تعداد [[کوفہ|کوفی]] قراء کے مطابق 135، [[حجاز|حجازی]] قراء کے مطابق 134، [[بصرہ|بصری]] قاریوں کے مطابق 130 اور [[شام|شامی]] قراء کے مطابق 140 ہے تاہم اول الذکر قول معمول اور مشہور ہے۔ سورہ طہ کے الفاظ کی تعداد 1353 اور حروف کی تعداد 5399 ہے۔ حجم و کمیت کے لحاظ سے اوسط درجے کی سورتوں میں سے ہے اور [[سور مئین|مئون]] کے زمرے میں آتی ہے اور پورے نصف پارے کا احاطہ کئے ہوئے ہے۔ یہ سورت [[حروف مقطعہ]] سے شروع ہونے والی سورتوں میں گیارہویں نمبر پر ہے۔