"قیام امام حسینؑ" کے نسخوں کے درمیان فرق

مکتب تشیع میں امام ایک ایسی شخصیت  ہے جو عصمت کے درجے پر فائز ہوتی ہے ۔ لہذا اس بنا پر ایسی شخصیت کے بارے میں یہ سوچنا ممکن نہیں ہے کہ وہ اپنے افعال کو کسی حکمت و عقلی سبب کی رعایت کئے بغیر انجام دے۔ اس وجہ سے مکتب تشیع سے تعلق رکھنے والے دانشوران واقعہ [[کربلا]] کے بعد سے لے کر آج تک اس بات پر متفق ہیں کہ [[امام حسین]] علیہ السلام کا یہ اقدام ایک مثبت اقدام تھاالبتہ اس اقدام کے بیان میں اختلاف نظر پایا جاتا ہے ۔لیکن اس کے برعکس کچھ کا یہ کہنا ہے کہ [[امام حسین]] علیہ السلام کا یہ اقدام نا درست تھا جیسا کہ بعض [[اصحاب]] رسول یا تابعین اسی نظر کے قائل نظر آتے ہیں ۔اس رائے کا مستند ان اصحاب کے اقوال کو قرار دیا جاتا ہے کہ جس کا اظہار انہوں نے [[امام حسین]] ؑ سے اس موضوع کے متعلق گفتگو کرتے ہوئے کیا ۔ ان میں سے چند ایک  کی گفتگو میں واقع ہونے والے نکات کی طرف اشارہ کرتے ہیں۔