ریا

ریاریا کا معنی ظاہر سازی اور نیک عمل کو ظاہر کرنا ہے، بغیر اس کے کہ وہ شخص واقعی طور پر اس عمل کے انجام دینے کی نیت رکھتا ہو. عبادت میں ریا کا معنی یہ ہے کہ عبادت کو غیر خدا اور رونمائی کے لئے انجام دیا جائے. ریا ایک حرام عمل اور عمل کے باطل ہونے کا باعث بنتا ہے.

اِنَّ الْمُنَافِقِيْنَ يُخَادِعُوْنَ اللّـٰهَ وَهُوَ خَادِعُهُـمْۚ وَاِذَا قَامُـوٓا اِلَى الصَّلَاةِ قَامُوْا كُسَالٰىۙ يُرَآءُوْنَ النَّاسَ وَلَا يَذْكُرُوْنَ اللّـٰهَ اِلَّا قَلِيْلًا (ترجمہ: منافق اللہ کو فریب دیتے ہیں اور وہ ان کو فریب دے گا، اور جب وہ نماز میں کھڑے ہوتے ہیں تو سست بن کر کھڑے ہوتے ہیں، لوگوں کو دکھاتے ہیں اور اللہ کو بہت کم یاد کرتے ہیں۔)

لفظ کی شناخت

ریا کی اصل رای ہے جس کا معنی یہ ہے کہ شخص ایک کام کو لوگوں کی توجہ مرکوز کرنے کی خاطر انجام دے. یہ لفظ ظاہر اور دوسروں کو دکھانے کے معنی میں بھی استعمال ہوتا ہے. اس کا اصطلاحی معنی یہ ہے کہ انسان ایک اچھے کام کو ظاہر اور دوسروں کو دکھانے کی نیت سے انجام دے، نہ کہ خدا کے لئے، ریا عبادی اعمال میں بھی جیسے نماز اور دوسرے غیر عبادی امور جیسے انفاق وغیرہ میں بھی محقق ہو سکتا ہے.

ریا کا حکم

عبادت کے صحیح ہونے کی شرط اخلاص ہے اور اس میں ریا حرام ہے، اور ریا عمل کے باطل ہونے کا باعث بنتا ہے.

• قرآن میں

ریا کا لفظ قرآن میں ٥ مرتبہ آیا ہے، تین بار مصدر کی صورت میں اور دو بار فعلی صورت میں. اور ہر ٥ بار اصطلاحی صورت میں استعمال ہوا ہے.

• ریا انفاق میں: يَا أَيُّهَا الَّذِينَ آمَنُوا لَا تُبْطِلُوا صَدَقَاتِكُم بِالْمَنِّ وَالْأَذَىٰ كَالَّذِي يُنفِقُ مَالَهُ رِئَاءَ النَّاسِ وَلَا يُؤْمِنُ بِاللَّهِ وَالْيَوْمِ الْآخِر [بقرہ٢٦٤]

ترجمہ: مومنو! اپنے صدقات (وخیرات)احسان رکھنے اور ایذا دینے سے اس شخص کی طرح برباد نہ کردینا۔ جو لوگوں کو دکھاوے کے لئے مال خرچ کرتا ہے اور خدا اور روز آخرت پر ایمان نہیں رکھتا۔

• جنگ میں دشمنوں سے ریا: وَلَا تَكُـوْنُـوْا كَالَّـذِيْنَ خَرَجُوْا مِنْ دِيَارِهِـمْ بَطَرًا وَّرِئَـآءَ النَّاسِ وَيَصُدُّوْنَ عَنْ سَبِيْلِ اللّـٰهِ [انفال.٤٧]

ترجمہ: اور ان لوگوں جیسا نہ ہونا جو اتراتے ہوئے اور لوگوں کو دکھانے کے لیے گھروں سے نکل آئے اور اللہ کی راہ سے روکتے تھے. اللہ تعالیٰ نے اس ایت میں، جنگ کے میدان میں ریا کرنے کو قدرت کی آفات قرار دیا ہے.

• ریا مطلق طور پر: اَلَّـذِيْنَ هُـمْ يُرَآءُوْنَ [ماعون. ٦]

ترجمہ: جو دکھلاوا کرتے ہیں۔

قرآن، نے ریا کار کے لئے مختلف مصادیق بیان کئے ہیں

• جو خدا اور قیامت کے دن پر ایمان نہیں رکھتے. اس آیت کے بارے میں جو تفسیر بیان ہوئی ہے اس کو مدنظر رکھتے ہوئے، جو افراد صدقہ دیتے ہیں اور اس کے ساتھ منت لگاتے ہیں اور اذیت کرتے ہیں انکی تشبیہ ریا کار اور بی ایمان افراد سے کی ہے اور کہا ہے کہ انکے صدقے کا کوئی اجر نہیں ہے اور باطل ہے. یعنی ریاکار شخص کا عمل شروع سے ہی باطل ہے کیونکہ ایسا شخص خدا اور قیامت کے دن پر ایمان نہیں رکھتا اس لئے اس کا کوئی عمل قبول نہیں ہے.

• منافقین قرآن کی آیات کے مطابق، نماز میں ریا کرنا نفاق کی نشانی، اور منافقین کی صفت ہے.

• آخرت کے دن کا انکار کرنے والے:

• شیطان کے ہمنشین

عبادت میں ریا کی اقسام

قال الصادق علیہ السلام: رسول خدا(ص) نے فرمایا کہ: عنقریب لوگوں پر ایسا زمانہ آئے گا کہ ان کے دل خبیث اور بد ہوں گے، اور ان کے ظاہر نیک ہوں گے، اور دنیا کے لالچ کی خاطر اپنے پروردگار کے نزدیک ہونا پسند نہیں کریں گے. ان کا دین دکھاوے کا ہو گا، اور ان کے اندر کوئی ڈر نہیں ہو گا، اور خداوند ان کو ایسی سخت مصیبتوں میں گرفتار کرے گا جو انکو ہر طرف سے گھیر لیں گی. پھر وہ خدا کو اس طرح پکاریں گے جیسے کوئی پانی میں غرق ہو رہا ہو تو پکارتا ہے، لیکن ان کی دعا مستجاب نہیں ہو گی. تحفۃ الاولیاء (اصول کافی کا ترجمہ) ج ٣، ص٧٠٩

عبادت کے ایک حصے میں

ریا عبادت کے باطل ہونے کا باعث بنتا ہے اور فرق نہیں کہ ریا عبادت کے تمام اجزاء میں ہو، یا اس کے کسی ایک حصے میں. اسی طرح عبادت کے واجب اور مستحب ہونے میں بھی کوئی فرق نہیں ہے. البتہ بعض فقہاء کی نگاہ میں اگر عبادت مستحب اجزاء جیسے قنوت میں ریا ہو تو یہ عبادت کے باطل ہونے کا باعث نہیں بنتا.

عبادت کے مقدمات میں

اگر عبادات کے مقدمات میں ریا ہو لیکن خود عبادت میں نہ ہو، تو یہ عبادت کے باطل ہونے کا سبب نہیں بنتا. مثال کے طور پر اگر کوئی دکھاوے کے لئے مسجد جائے، لیکن جو نماز وہاں ادا کرے وہ اخلاص کی نیت سے ہو، تو اس کی نماز باطل نہیں ہو گی.

عمل کی خصوصیت میں

اگر کوئی شخص اصلی عبادت کو اخلاص کی نیت سے ادا کرے لیکن اس کی بعض خصوصیات کو بجا لاتے وقت خود نمائی اور ریا کرے، تو بعض کی نظر میں اس کی عبادت باطل ہے اور بعض کی نظر میں ایسی عبادت باطل نہیں ہے، مثال کے طور پر کوئی شخص اپنی نماز کو ریا کی خاطر جماعت کے ساتھ یا اول وقت ادا کرے.

ریا کی چند اقسام ہیں

• اصل ایمان میں: یعنی ظاہری طور پر شھادتین پڑھے لیکن دل میں اس کا انکار کرے. ریا کی یہ قسم کفر اور نفاق ہے.

• عبادات میں اصل دین کی تصدیق کے ساتھ: اگر کوئی اصل دین کو قبول کرتا ہو اور لوگوں کے سامنے اپنی عبادات کو بجا بھی لاتا ہو، لیکن اکیلے میں اپنے واجبات کو ترک کرتا ہو.

• مستحبات میں ریا:

واجب اور مستحب عبادت میں کس طرح سے: جیسے کہ نماز جماعت میں دوسرے لوگوں سے پہلے پہنچنا اس نیت سے کہ پہلی صف میں جگہ لے سکے، اور اس طرح کی دوسری مثالیں.

آثار اور نتائج

آیات اور روایات کے مطابق ریا کاری کی بعض نشانیاں یوں ہیں

• انفاق کا باطل ہونا
• خدا کی محبت سے محروم ہونا.
• شیطان سے ہمدمی [
• خفی شرک: امام صادق(ع) سے روایت ہے:

کُلُّ رئاءٍ شِرْکٌ إنَّه مَنْ عَمِلَ لِلنّاسِ کان ثَوابُهُ عَلَی النّاسِ و من عَمِلَ للهِ کان ثوابُهُ عَلَی اللهِ. ترجمہ: ہر طرح کا ریا شرک ہے، جو کوئی لوگوں کی خاطر کام کرے گا اس کا صلہ بھی لوگوں کے ذمے ہے اور جو کوئی خدا کی خاطر کام کرے گا اس کا ثواب بھی خدا پر ہے.

ریا دور کرنے کے بعض طریقے درج ذیل ہیں

• عمل میں ریا کرتے وقت غضب الہیٰ کی طرف توجہ کریں.
• خداوند متعال کے عطا کردہ انعام کے مقابلے میں لوگوں کے فضول انعام کی طرف توجہ نہ کرنا.
• لوگوں کے جھوٹے وعدوں، ناشکری، قدر دانی کے مقابلے میں لوگوں کی ناتوانی، اور انکے بھول جانے کی طرف توجہ کرنا.
• دلوں کی تسخیر پر خداوند کی قدرت کی طرف توجہ کرنا.
• ریاکاری کرنا اور لوگوں کے سامنے رسوا ہونا اور اس کے مقابلے میں خداوند کی قدرت کی طرف توجہ کرنا.
• اور اس کی طرف توجہ کرنا کہ ریا انسان کے اعمال اور اس کے اخروی انعام کو ختم کر دیتا ہے.
• خود کو اس چیز کا عادی بنائے کہ اپنے اچھے اور نیک کاموں کو چھپ کر انجام دے.

وہ اعمال جو دوسروں کو دکھانا جائز ہے

بہت سی جگہ پر کوئی کام دکھا کر انجام دینا، ریا حساب نہیں ہوتا، بلکہ اس کی تاکید کی گئی ہے.

مثال کے طور پر یہ نیک و صالح اعمال دوسروں کو جذب کرنے کی خاطر ہوں، یا دین کی تبلیغ کی خاطر، یا شیطان کے وسوسے اور برے خیالات سے مقابلہ کرنے کی خاطرہوں.